الموضوع: ضروري ابي مساعداتكم الكل يدخل الخبراء وحتى الاعضاء للاستفاده

السلام عليكم جميعاً ...

انا بسافر لتايلند ... بس ابي مساعداتكم .. انا زرتها من قبل لكن فقط بانكوك وتقريباً المدة كانت 20 يوم .. يعني بانكوك تقريباً اعرف فيها ...

المهم .. انا بسافر تقريباً 12 يوم .. ابي اوزعها على كوسوماي وبوكيت وبانكوك .. (( ولا برأيكم اروح بس بوكيت وبانكوك ))

ابي اعرف اي افضل شقق فندقيه ولا فنادق .. وللعلم المره الي طافت كنت في شقق فندقيه وهذا اهيا
http://www.bangkok.com/mayfair/

فـ ابي مثلا في بانكوك بحيث ما تكون جريب كثير من شارع العرب ولا بعيد
وفي بوكيت اي افضل فندق ولا شقق فندقيه ؟؟
وياريت تذكرون لي كم فندق او كم شقة فندقيه .؟
واتمنى في بوكيت الفنادق او الشقق في افضل شاطىء

وللعلم تقريباً المبلغ اللي عندي بيكون 700 الى 800 دينار بحريني ..
فـ التذكره 280
يعني الباقي للسكن والمصروفات الاكل والتسوق والمواصلات ...

فـ هل من مساعده ؟؟؟

شكراً مقدماً

مواضيع عشوائيه ممكن تكون تعجبك اخترناها لك:

• شقة المفرشة في بوكيت علي البحر البتونج
• رحلتي في شهر الصيام
• تكفى
• هل مسموح دخول الاجهزه لتايلند
• سؤال على الطاير
• مشكلة ختم منع السفر بعد تايلند سنوات
• الفنادق في كل من بانكوك وشنجماي وبوكيت
• ممكن إستفسار بخصوص حجز الطيران
• ولدالبحرين مساعدة عاجلة
• مهم جداًجداً جداً
• افضل مكان في بوكيت لشهل العسل
• استفسار اتمنى الافادة ؟
• ارجوا افادتي في بتايا ضروري اخواني
• هل تعيق الأمطار السياحة في سبتمبر
• الاخوان اللي يسافرون بالمجموعات او العوائل الى تايلند مطلوبين
• نصابين تايلاند
• طلب خدمه أنتم نور لنا؟؟؟؟
• اول مره اسألكم
• صباح الخير سؤال بخصوص استخراج تاشيرة تايلاند من الرياض
• عاااااااجل شقق فندقيه فخمه وجديده

نسيت اذكر لكم ... احتمال اسافر بروحي ( لوحدي ) لان مافي احد بيسافر معاي ..

والفتره بتكون من 1-6 الى 12-6 ..

مشكوووور اخوي حسن الحمادي ... راح ادرس برنامجك ...

وننتظر بعد باقي الاعضاء في مساعداتهم ...

السلام عليكم اخي الرفاع
مشكور اخوي حسن علي الرد وراح اكتب الا عندي

مدة الرحلة 12 يوم

5 ايام بوكت فندق بان لاماي بيتش او توني ريسورت او تارا بيتش
5 ايام بتايا فندق مارينا ينسباي منشن او في سي او بوتيك
يومين بانكوك فندق قريس

انا اقول بوكت تغنيك عن كوه سوماي والامر يرجع لك واذا انت مصمم علي كوسوماي ألغي بتايا وحطها بدالها




اخوك عبدالله الكويتي

وينك .. يا ولد البحرين .... وباقي الخبراء ...

^_^

لاحظت انكم في بانكوك تختارون الفنادق الي بالضبط في الحي العربي انا ابي حول الحي العربي مو داخلها يعني اعطيكم مثال المنطقة الي تكون بين نانا وبين سيام براقون

والشي الثاني ماذكرتوا ولا شقق فندقية نفس ماريوت ماي فاير


اما لـ بتايا

مارحت لها من قبل فـ يفضل يكون الفندق على الولك ستريت او قريب منه لكن بعد مع اخذ الاعتبار مابي الفنادق الي تكثر فيها العرب

وتقريباً استقريت على مخطط
5 ايام بوكيت
2 يومين بتايا
4 ايام بانكوك

وشكرا لكم ...

انت رايح لوحدك شتبي بالشقق الفندقيه

المشاركة الأصلية كتبت بواسطة الرفاع الشرقي
http://www.arabtravelersforum.com/tr...0/#post5404460

مادري بس اخذ راحتي اكثر .. بوجود الغرفه والصاله والمطبخ والحمام (( الله يعزكم ))

انا اقولك ما له داعي حرام هالتكلفة وانت وكيفك

خلاص يا جماعه ...

بعض المشاكل انقضت ...

الرحله بتكون من 30-5-2011 الى 8-6-2011

4 ايام كوسوموي ( مع اصحابي )
4 ايام بوكيت ( لوحدي )
2 ايام بانكوك ( لوحدي )

السبب ان ليش بكون لوحدي لان اصحابي بيظلون في كوسوموي طول الرحله وهذا ما بيستغربه البعض وحاولت معاهم مش راضيين

المهم حبيت اخذ رأيكم هل اكنسل بوكيت واظل معاهم وبعدين اتوجه الى بانكوك يومين
ولا برنامجي حلو حتى لو كنت لوحدي ..

وعن موضوعك اخب bigbin609
حبيت اقولك في بانكوك استقريت على فندق نوفتيل سيام سكوير

الي اريده الحين هل اقعد مع اصحابي طول الفتره واخر يومين اتجه لوحدي بانكوك قبل العوده للديار
او
امشي على حسب تخطيطي انا .. لان ابي اروح فانتاسيا وبي بي ايلاند وجمس بوند .. بوكيت اقرب لهذه المناطق

والشي الثاني ابي كم فندق في كوسوموي مثل ما في بوكيت الباتونق بيج ..؟؟

وشكرا

ادري ازعجتكم ..

هلااااااااا اخووووووووي ولد ديرتي
بالنسبة لتخطيط سفرتك 12 يوم لو تزيد تخليها 14 او 18 يوم بالكثير افضل
اما عن الميزانية فاتوقعها قليلة
بعني 800 دينار بدون ال 260 زينة حق المصارف والسكن .. احتياط

توزيع رحلتك (رايي المتواضع)
يعتمد انت من هواااة شنهو
12 يوم .. جدول اقتصادي..
6 ايام بوكت ( السكن في فندق الوها 3 نجوم 8 دينار تقريبا او توني روزرت 3 نجوم 11 دينار تقريبا)
3 أيام كوساموي .. مازرتها من قبل ان شاء الله هالسنة بزورها .
يومين بتايا (السكن في فندق مون لايت 7 دينار ) وهناك في بتايا سوق وما يحتاي تروح سوق بانكوك.

ولا تنسى الرحلات الداخلية تقريبا 35 دينار لبوكت و 80 دينار لكوساموي .

واي استفسار انة حاضر يا ولد ديرتي

فـ ابي مثلا في بانكوك بحيث ما تكون جريب كثير من شارع العرب ولا بعيد
-والله يا اخوي في فندق زين ويقع على شارع سوي 3 يعني شارع العرب اسمه grand inn مشكلتك ما تبي قري وايد بس الفندق زين والليلة تقريبا 20 دينار او اقل وفي فندق ثاني اسمه solo 2 هذي في سوي 2 يعني مكانه قريب وبعيد نفس الوقت يعني يبعد عن شارع العرب 10 دقايق مشي والسعر بعد في حدود الـ 22 دينار او اقل .

وفي بوكيت اي افضل فندق ولا شقق فندقيه ؟؟
-في بوكيت يفضل الفنادق الشقق غالية وخاصة في الباتونق واساسا نادر وجودها الا في باقي الشواطئ.
وياريت تذكرون لي كم فندق او كم شقة فندقيه .؟

و
-امن ما حددت لنا ميزانية الليلة للفندق لكن دامك بروح ليش تخسر وفي فنادق رخيصة وحلوة وامثلة :
1-بامبوري
2-اماتا ريسورت
3-توني ريسورت
4-بوبا بالاس

اتمنى في بوكيت الفنادق او الشقق في افضل شاطىء
-كل اللي ذكرتهم لك في منطقة شاطئ الباتونق وهي افضل منطقة فيها حركة وفعاليات وسوق ومجمع ومطاعم وما تعرف شنو الهدوء فيها .


اما بالنسبة جدول رحلتك انا اشوف ما له داعي تروح كوسموي هي تصلح للعرسان لشهر العسل منطقة هادئة شواطئها جميلة لكن الفعاليات قليلة فيها يعني تصلح للي يحب الطبيعة اما اللي يبي الوناسة والرحلات المتعددة والمختلفة عليه في بوكيت ،،

نصيحة خل ايام كوسوموي في بوكيت ولا تروح وونس روحك هناك وما بتندم حتى لو بروحك ،، لاني متأكد انك راح تندم اذا قعدت في بوكيت اقل من اسبوع راح تفوت رحلات ووناسة ومتعة ما راح تلقاها في كوسوموي.

شكرا لكم اخواني بحريني محرقي , ولد البحرين ...

والله تلبون الصج انا مو متقبلها كوسوموي كلش .. بس مادري متردد ان اروح بروحي واتملل .. لكن بعد عندي عادي يعني يا ما عشت بروحي ..

يعني بنظركم اخليها بوكيت وبانكوك

طيب انا رحلتي من 30 -5 الى 7-6 .. ماقدر اطول لان عندي ظروف ولازم ارجع الديره ...

فـ شلون اخليها

اخليها
5 ايام بوكيت
3 ايام بانكوك

شنو رايكم في فندق

The Kee Resort & Spa

في بوكيت

يا خوك رحلتك وايد قصيرة
خلها 6 أيام بوكت
ويومين بانكوك
اما عن الفندق فهذا الفندق واي يمدحون فيه وفندق محترم بس قرقش فلوسك

المشاركة الأصلية كتبت بواسطة بحريني محرقاوي
http://www.arabtravelersforum.com/tr...2/#post5411072

يا خوك رحلتك وايد قصيرة
خلها 6 أيام بوكت
ويومين بانكوك
اما عن الفندق فهذا الفندق واي يمدحون فيه وفندق محترم بس قرقش فلوسك




مرحبا اخوي انا ادري انها قصيره .. بس بسبب الظروف جذي تحكمني ولا لو علي جان 10 ايام بقعد ..

وعن الفندق حق 5 ليالي بـ bhd 147.616

المشاركة الأصلية كتبت بواسطة الرفاع الشرقي
http://www.arabtravelersforum.com/tr...0/#post5411280

مرحبا اخوي انا ادري انها قصيره .. بس بسبب الظروف جذي تحكمني ولا لو علي جان 10 ايام بقعد ..

وعن الفندق حق 5 ليالي بـ bhd 147.616



مادري يا خوك اللي يريحك بس في فنادق 60 دينار حق 5 ايام 3 نجوم

المشاركة الأصلية كتبت بواسطة بحريني محرقاوي
http://www.arabtravelersforum.com/tr...8/#post5411358

مادري يا خوك اللي يريحك بس في فنادق 60 دينار حق 5 ايام 3 نجوم




اي ادري

استقريت على هالثلاثه

اماتا ريسورت
بانا لامي بيج ريسورت
توني ريسورت

مادري اي واحد محتار فيهم .. انا عندي اهم شي النظافه الامن من ناحية البوق والخ ..

اما في بانكوك

phachara suites
hotel solo 2
novotel siam square

اخر سؤال ... الافضل اروح مكتب سفريات ولا لما اوصل هناك احجز .. لان ماعندي فيزا ولا كردت كارد
واذا كان مكتب سفريات وين تنصحوني .. وبس ...

بان لاماي ما يبيله كلام ممتاز ورائع وعلى البحر
وتوني بعد مشهور ومميز وموقعه حلو

ذا كي قبل اسبوع نسيبي كان ساكن فيه ومدحه وايد حتى ممد اقامته بعد ما كان يبي يجربه ليله ،،

شكرا لك ولد البحرين ...

المخطط الجديد والنهائي

3 ايام كوسوموي
5 ايام بوكيت
2 بانكوك

بس محتار في بوكيت اي افضل
توني ريسورت ولا اماتا ريسورت ؟؟

المشاركة الأصلية كتبت بواسطة الرفاع الشرقي
http://www.arabtravelersforum.com/tr...0/#post5409730

خلاص يا جماعه ...

بعض المشاكل انقضت ...

الرحله بتكون من 30-5-2011 الى 8-6-2011

4 ايام كوسوموي ( مع اصحابي )
4 ايام بوكيت ( لوحدي )
2 ايام بانكوك ( لوحدي )

السبب ان ليش بكون لوحدي لان اصحابي بيظلون في كوسوموي طول الرحله وهذا ما بيستغربه البعض وحاولت معاهم مش راضيين

المهم حبيت اخذ رأيكم هل اكنسل بوكيت واظل معاهم وبعدين اتوجه الى بانكوك يومين
ولا برنامجي حلو حتى لو كنت لوحدي ..

وعن موضوعك اخب bigbin609
حبيت اقولك في بانكوك استقريت على فندق نوفتيل سيام سكوير

الي اريده الحين هل اقعد مع اصحابي طول الفتره واخر يومين اتجه لوحدي بانكوك قبل العوده للديار
او
امشي على حسب تخطيطي انا .. لان ابي اروح فانتاسيا وبي بي ايلاند وجمس بوند .. بوكيت اقرب لهذه المناطق

والشي الثاني ابي كم فندق في كوسوموي مثل ما في بوكيت الباتونق بيج ..؟؟

وشكرا

ادري ازعجتكم ..

تخطيطك ميه ميه وفندق نوفيتيل سيام حيل ممتاز

كوه سوماي


واكبر شاطئ بالجزيره هو Chaweng Beach

و هو الى يتركزون فيه المطاعم والكافيهات ويعتبر هو المركز
شاطئ جوانج Chaweng Beach يعتبر من اكبر شواطئ الجزيرة و اجملها وتتركز الخدمات في هذا الشاطئ من مطاعم و فنادق و يعتبر الانشط في الجزيرة وانا افضلك تشوف لك فندق بالشاطئ هذا




بامكانكم متابعة الرابط للحصول على معلومات اكثر عن الفندق:


http://www.agoda.com/asia/thailand/s...tel_hotel.html

مشكوووور اخوي bigbin609

بالنسبخ لـ كوسوموي بحثت عنها والفندق الي قلت لي عنه حلو بس بعد قاعد ابحث عن اكثر ..

وشكرا ..

بس ابي اعرف وللحين محد رد علي .. اي افضل

اماتا ولا توني ؟؟

المشاركة الأصلية كتبت بواسطة بحريني محرقاوي
http://www.arabtravelersforum.com/tr...6/#post5422566

يااااااااااااااااخوي توكل على توني وايد يمدحونه




خلاص تم اخوي ... شورتك وهداية الله ...