الموضوع: رحله الى اوروبأ بسياره

بسم الله الرحمن الرحيم.. اما بعد.....
اخوكم المسااااافر قرر يروح الى اوروبا لاكن!!!!
بسياره
انا سمعت عن ناس واجد راحو لاكن ما لقيت احد يعطيني المعلومات الوافيه
وصدفه طلع واحد من الربع الي معي في العمل(الدوام)
رايح لها اربع مرات تقريبن بسياره
وما قصر ابن الجلال عطاني معلومات وافيه
انا مابي اطول عليكم راح اختصر الموضووع
مشينا من الكويت يوم كان التاريخ 5.8.2006
الساعه اربع الفجر تقريبن
موترنا فورد موستنغ موديل 2001
وتوكلنا على الله
وصلنا الشام المغرب
وريحنا عند واحد من اصدقائنا السوريين
ومشينا من عنده الساعه 11 في الليل ووصلنا باب الهوى الساعه ثلاث ونص تقريبن والله جاب لنا اثنين الله يجزاهم خير موترهم مكسيما سعوديه واللي عليها اثنين وساعدونا اعيال الحلال مساعده لا ابعد الحدوود
وترا على فكره اطلعو الشباب اتراك يشتغلون في جده في محل حلاقه ويوم دشينا الجوازات التركيه انصدمنا صراحه ماتدري وين ترووح وكل مكان فيه كشك ماتدري وين ترووح ومشينا ورا الشباب الاتراك قالولنا لازم تسوون تامين قيمه على ما اعتقد 70 مليون تركي وسوينا مثلهم بظبط
ويوم خلصنا التمين قال يالله اختم الجوازات وختمنا يوم خلصنا من الجوازات جولي الشباب وقالولي انت تبي تتاخر في الجوازات ولا لا
قلت انا مثلكم وش ماسويتو سويت
قالو خلاص ادفع 20 مليون ودفعت
وبدون مايشوفوون الاغراض الي في السياره طلعنا ودخلنا اسكندرون ويوم مشينا اشوي وقفو اهل المكسيما وقالو هاذا بيتنا تفضلو شاهي وقهوه وعلم غانم وهبت ريح
قلت انا لهم ابدن الله يستر عليكم وروني بس طريق انقره ووداعناهم اعيال الحلال
ومسكنا طريق اظنه ومن اظنه مسكنا طريق انقره ومن انقره اسطنبول ومنها الي منطقه نسيت اسمها بس موجووده معنا في الخريطه ومنها الي بلغاريا ودخلنا المنفذ التركي ولطعونا لطعه محترمه تقريبن ثلاث ساعات وخلصنا منهم ودخلنا المركز البلغاري(وما ادراك ما البلغاري)
اول ماجيناهم قالو طف السياره وطفينا وقالو انطرو ونطرنا وبعد نص ساعه جانا واحد قال يالله ادخلو ودخلنا..وجانا المفتش ونكت قشنا نكت محترم ماخلا شي وركز على شئيين فقط
اكرمكم الله الجواتي(الكنادر) والزقاير قالي تعال ودخلني مكتبه وقال لازم تدفع ظريبه
قلتله اوكي كم قالي 20 دولار او تعطيني كرزيين مالبورو احمر قلتله لا بعطيك كرز قال اوكي خذا كرز وختم اوراقنا وختمنا جوازاتنا وسوينا تامين بمبلغ ميه ليفا تقريبن
ودخلنا بلغاريا وكان الطريق يخووووف جدأأأ
ومسكنا طريق برقارس ومنها الي فارنا
دخلنا فارنا ووقفنا تكسي قلناله ويدنا فله لوسي ورحنا الي فله لوسي ولقيناها فل قلناله ودنا فله فيجي ورحنا عند فيجي ونا كنت تعبان جدا ونا الي اسووق وخووي نايم ولينا فيجي وقالت فل
قام واحد من الشباب الي اهناك وحلف علينا بغرفته قال انتو تعابا حيل وماقصر عطانا غرفته وقلنا من اصبح افلح
وقعدنا في بلغاريا 14 يوم وطلعنا ورحنا رومانيا
الجوازات الرومانيه مافيها تعقيد الوضع سهالات بس نطرنا الموضف البطه ونا اعتقد ان فيه كثير من الناس يعرفونه الا وهو موظف التامين
ومشينا ورحنا براشووف
ونا حاليأ في براشوف عند مطعم ابو نواس
صارلي اربع ايام ايام وبجلس كمان خمس ايام وبطلع الي هنقاريا
ومنها الي النمسا سويسرا فرنسا لندن وللحديث بقيه
انا منزل صور كثير بس معا الاسف ماعرف شلون احطها في الموضووع ياليت احد من الشباب يساعدني ويعلمني شلون وشكرا

مواضيع عشوائيه ممكن تكون تعجبك اخترناها لك:

• سؤال صريح وواضحعن الميزانية
• بلغاريا من فضلكم مساعدة عاجل جدا
• من يعرف عن التشيك
• الا عندة معلومات عن فلندا لا يبخل علينا
• كازاخستان
• احتاج معلومات عن هولندا
• ارجو المساعده في وارسو بولندا
• خط من الكويت لفارنا
• المخطط المبدئي للبوسنه رايكم فيه ؟؟
• ممكن برنامج لبلجيكا
• للخبراء
• هنقاري
• الله لاهانكم بغيت مقارنه بين النمسا وبولندا
• استفسار اتمنى من الاخوه الرد وخصوصا الاخت حتشبسوت
• أختنـــا راجية الفرج فى بلجيــــكــــا الدعاء لها
• ووين اروح بلجيكا يوم السبت والاحد بليززز ردوواا
• كرواتيا وسلوفينيا
• اريد المساعدة الضروريه
• تأشيرة المانية والنية لامستردام
• معرس جديد

تجون بالسلامة ورحله موفقة انشالله

الله يسلمك يا كارلتون

:114:

:114:


حمدالله علي السلامه

واصل سرد السفره المشوقه ونزل لنا صور اذا امكن

اخي حياك الله علي مروررك
لاكن ماعرف شلون احط الصور في الموضووع
اتمني من احد الاخوان الافاضل يتكرم ويساعدنا
ودمتم سالمين

هاذي كانت البدايه من البيت


وهاذي قبل باب الهوى


وهاذي سياره الشباب الي قلتلكم


عندها المكسيما السعوديه(الله يجزاهم خير)الصوره هاذي في المركز التركي
وهاذا صوره الطريق الهاي وي وحنا رايحيين الي اظنه


وهاذي صوره الكشك الي تدفع عنده فلوس الهاي وي


وهاذي صوره قريبه من المنفذ البلغاري كما تلاحضوون يسمونها بلغاريا ستان


وهاذي صوره اخي لنا مع شباب لقيناهم اهناك وتعرفنا عليهم في بلغاريا


وهاذي صوره الشلال الكبير الي يبعد عن راشووف 200 كيلو تقريبأ


وهاذي صوره التلفرريك الي يودي فووق للشلال


هذا ونا اعبي بانزين وشوفو المحطه صدق من قال الله يخلف علي محطاتنا بس البانزين غالي بس ماهو اغلي من تركيا


وهاذي لوحه براشووف


وهاذي صوره لنا معا شبااب تعرفنا عليهم اهناك في بلغاريا ولقيناهم في رومانيا


(كاكا شرايك في الزد الحمره)ياليت الشباب يعوود يومأ
وهاذي لبراشووف




وهاذي صوره في مزرعه


والقادم اجمل واحلي باذن الله

يعطيك العافية اخي المسافر على الموضوع والصور وننتظر القادم الأفضل بكل تأكيد والحمدالله على السلامة .

حياك اله اخي الكريم والله يسلمك من كل شر انشالله
وانتظرونا

غريبه

مافيه ردوود؟؟؟
على الاقل ردو لو بحرف واجد
مجامله على الاقل
عطونا دافع انكمل الرحله وننقلها للكم بلموضووع والصوره
شارك ولو ببتسامه

ماقصرت علي النقل المسافر وتقرير جميل وعشانا الاحداث معك
ولاتنسي تذك لنا اسعار البنزين مع السكن


وماتشوف شر

البانزين غالي حدث ولا حرج اعبي الفورد موستنغ فل بمبلغ اربعين دينار يعني خمس ميه ريال سعودي
ما السكن تركيا مروور فقط اما بلغاريا سكنا عند فيلا فيجي ومن ثم الجولدن ساند ورجعنا الي فيجي والحين بنسبه في رومانيا سكنت في فله والحين نا ساكن في شقه تقريبن خمسين دولار اليوم في رومانيا وبلغاريا على الشخصص الواحد 14 دولار في اليوم

المسافر حسب مافهمت من الاعلام ان اخر نقطه لكم هي بريطانيا هل سوف تشحنون السياره في الرجعه ام ترجعون علي نفس خط السير

وبالتوفيق

[color="DeepSkyBlue"]السلام عليكم ورحمة الله وبركاته

حمدلله على سلامتكم اخوي

وصدق شغل عدل خط السير ومركب صور الاعلام بعد

ابو القحط بندر الخالد
شرفتو ولا كلفتو بها الاستفسارات
وهاذا مايثلج صدري
بنسبه لنا اخر نقطه كما هو واضح لندن في بريطانيا
انا بنسبه على سؤالك ابو القحط راح تشحن السياره عبر الشركه العربيه لشحن وتكلف تقريبن اربع ميه دينار اي خمس لاف ريال سعودي
بندر الخالد حياك الله
ونت منت خوي معانا برحله انت امير الرحله
وعين لك وساده وعين لك فراش
حنا انشالله بكره طالعين هنقاريا بنمرها مروور وراح نقعد في النمسا
انتظروتقريري في النمسا
على فكره درجه الحراره في براشووف الحيين 20
والجو:24: مغيييم ومطررر
(الله المستعان)
ودمتم سالمين:110:

وااااو صراحة رحلة مشوقة
احب السفر في السيارة اكثر من الطائرة لان السفر في السيارة لا يخلي من المغامرة والمتعة على عكس الطائرة
خاطري اجي معاكم خخخخخ
يالله عليكم بالعافية وتروحون وجون بالسلامة

ذا كنج شكرا علي مروورك الكريم
وبشرو بلقادم الجميل انشالله

المشاركة الأصلية كتبت بواسطة المسااااافر



بندر الخالد حياك الله
ونت منت خوي معانا برحله انت امير الرحله
وعين لك وساده وعين لك فراش



السلام عليكم

الله يبقيك اخوي

ويعطيك العافيه ع الرد الحلو :109:

وننتظر تكملة الرحله

تحياتي

الخـــــــ بندر ــــــالد

تسجيل متابعة و حضور بقوة

بالنسبة للصور لو تحملها عن طريق المنتدى اسهل لك و تضعها وما تاخذ منك وقت و مجهود و تصغر لك الصور ايضا

تحياتي بس لا تتأخر و ياليت تذكر قيمة المصاريف في السكن و الاماكن اللي تروح لها حتى نستفيد

و لا تتأخر علينا

كبيان

يامرحبا وسهلاء بلجميع
وعلى قولتنا مرحبأ الف
بنسبه على الصور انها كبيره سامحوني ترا اخوكم اعليمي بها السوالف
ونا الحين في منطقه زلمسي في النمسا(بغيت اقول سويسرأ)
حنا مشينا من رومانيا ودخلنا هنغاريا لاكن حدث ولا حرج اول شي الجوازات زحمه تقول جوازات الخفجي في العيد ههههه
ثاني شي اي دوريه تشوفك توقفك بس حنا عرفنا لهم اول مايوقفنا الشرطي نعطيه عشرين دولار ونكمل
ثاني شي ترا ماطولنا في هنغاريا بس لقينا هوتيل صغير ونمنا فيه
حنا بس نبي فراش ووساده وهاذي كم صوره من تصوير اليوم(يعني فرش) من هنغاريا وزلمسي والوعد باذن الله الايام القابله
وتــــــــــــابــــــــــــــعــــــــونـــــــــ ــا
هاذي صوره الهوتيل الي نمنا فيه
http://00op.com/up/uploads06-08-17/e0bb560ec4.jpg
وهاذي صوره لموترنا عند الهوتيل
http://00op.com/up/uploads06-08-17/0330e84da4.jpg
وهاذي صوره بس من زاويه اخرى
http://00op.com/up/uploads06-08-17/04d0495b3f.jpg
وهاذي صوره بس تبين الصوب الثاني من الهوتيل
http://00op.com/up/uploads06-08-17/cde848e904.jpg

انا بنسبه لموقع الهوتيل فهو بعد بدابست بعشرين كيلو تقريبن وسعره 60 يورو
والحين اوريكم صور زلمسي
هاذي صورت الموتر في محطه بانزين قبل زلمسي ب 100 كيلو تقريبن
http://00op.com/up/uploads06-08-17/913f543e5a.jpg
وهاذي صوره للوحه زلمسي
http://00op.com/up/uploads06-08-17/82e958debb.jpg
وهاذي صوره اخري لزلمسي
http://00op.com/up/uploads06-08-17/59ffd5cdb6.jpg
وهاذي صوره اخري
http://00op.com/up/uploads06-08-17/bec4213400.jpg

بنسبه للسكن حنا ساكنين في فندق والله مادري شسمه ههههه
بس على شكل غزال وهو قريب من ماكدنالدز
وذا احد يعرف عنه شي ياليت يبلغنا وسلامتكم ونتظروناااا

الحمدالله علي السلامه المسافر ويليت وتوضح لنا عن الخط من بلغاريا مرورا برومانيا الي هنغاريا هل هو نظيف هل توجد محطات بنزين ومطاعم وفنادق متوفره هل وهل توجد مضايقات من المراكز وهل الخط سريع ام خط واحد
شكرا علي الصور والتقرير الاكثر من رائع

حياك الله ابو القحط
بنسبه لطريق بلغاريا اول مادخلناه صراحه يخووف لا ابعد ما تصور
ويصادفك خط سريع يعني اثنين رايح وثنين جاي
ويصافك خط واحد رايح وواحد جاي
بس خط بلغاريا زين ماعليه
بنسبه لرومانيا
اول ماتدخل الدوله يكون طريقك بين مناطق يعني السرعه محدووده
بس الخط الروماني زين كويس
ومن كوستانسا الى براشووف خط وسيع اثنين رايح وثنين جاي والخط زين والمحطات متوفره
انا هنغاريا فطريقا(يلوع الكبد)_(ويرفع الظغط)
بس المحطات متوفره
وعيب الطريق انه كله تحويلات تقول خط النعيريه هههه
واي استفسار نا حاضر

حلو مطعم ابو نواس
في برسوف ؟؟؟؟؟؟؟؟
[mark=cc0033]حمدالله علي السلامه [/mark]

من فوق فرت يوم يرخي المتوني ....... جول القطا إلي وارد عقب مرواس

×××

راكب ألي يوم طب من النفــــــــودي ..... كن صلفات الهبايب عج ويله

صوت سيره يوم غنى بالعمودي ...... صوت ذيب وارد راس الطويله

×××

الله على إلي يهيض القلب منهاجه ....... من مصنع البيت الأبيض ورَده زيني

إليا عوت قرته عقب أرتفع تــاجه ....... ما عاد أبى ألي من طرقته يسليــــني

×××

يا منير دورك الفرت واخذ الفواتير ....... افحص عليه وادخله بالكراجي

اللي يبا بنزين ركب مواســـــــــير ....... واللي تبيه النار ركب بواجـــي

×××

والجيب شاحنه الك كيك وشابـــور ....... والمامعبيه الك ميرانت شاوي

عرفت عشقك حين عشقت له فـــور ....... دريت بك في شويهن الشواوي

واااااااااااااااو
ما شاء الله عليك
الصور روعه
بس نبيك تقولنا بكل دوله شنو زرت؟
وتكاليف السفر بالسياره واجد؟
ولا الطياره اوفر واحسن؟

حياك الله يا المرام
طبعا خط السير هو كا الاتي
كويت السعوديه الاردن سوريا
ماوقفنا الا في سوريا انريح ونسير على واحد من الشباب اهناك
ريحنا عنده ست ساعات فقط
بعديت تركيا ماوقفنا فيها
بعد تركيا بلغاريا
قعدنا فيها 14 يووم
طبعا رحلات سفاري وحداق هههههه
ومن فارنا الي القولدن سانس
بعدها رحنا رومانيا وقعدنا فيها ثمان ايام
رحنا الشلال الكبير على قولتهم
ورحنا لقصر دراكولا بس لقيناه مسكر
يعني ماتعدينا براشووف وضواحيها
بعد رومانيا هنغاريا مروور طبعا بس نمنا رحنا فيها وكملنا
ونا حاليا في النمسا في فندق ماعرف اسمه هههههههه
وكل اشوي يقولوون ترا نفصل الوايرلس ههه
يعني نغزه رح لغرفتك
بنسبه لسفره في السياره فيها مغامره بنسبه كثيره
يعني ادنات الدون لو يخرب تروووح فيها
حنا ماخذينها تجربه معا العلم ان المصاريف الي معنا وااجد الي ابعد ما تتصوروون
والي لقاء جدييد ان شالله

السلام عليكم ورحمة الله وبركاته

يعطيك العافيه اخوي ع الصور الروعه

اتمنى لكم التوفيق بالرحله دون ادنى مشكلة

تحياتي لكم

اخوكم

الخــــــــ بندر ـــــــــالد

يعطيك العافية اخوي المسافر
في بعض البلدان تكون قوانين السير تختلف عن قوانين دول الخليج
يعني مثلا تركيا يكون المقود موجود في الجهة اليمنى
شلون عرفتون الى شوارعهم؟؟؟خخخخخ
متى انشاء الله راح ترجعون الى الكويت؟؟

:24: ما شاء الله تبارك الله :24:
:113: الله يعطيكم الف عافية وعساكم على القوة :113:
:113: هذي من الرحلات اللي ماتنسى مو لكم حتى اللي يقراها ما ينساها :113:
:113: بسبب طول الرحلة والمناطق الجديدة والأحداث اللي تنقلونها لنا اول باول:113:
صراحة هذي الرحلات من العمر يعني تجربه ما تنسى
كنت ناوي مع بعض الزملأ نسوي رحله من الرياض الى اوربا بس محاسب الرحلة تزوج ووهقنى:109:
الله يوفقه انشاء الله والعددكان 4 يعني اقل من العدد هذا لمثل هذي الرحلات صعب بسبب واحد يسوق واحد يسولف معه واثنين نايمين وكانت السيارة صالون يعني البنزين ما اقل من الف ريال :110: بس انشاء الله تتعوض مرات غيرها وعريسنا ان سمحت له العروس في المرة الجاية بناخذه معنا بس لازم اذن خطي من المدام :109:
واحب انك تتطلع على مكان الأقامة علشان تعرف ولعي في الخطوط البرية ومتعتها
موفقين انشاء الله ترجعون بالسلامه

بسم اله الرحمن الرحيم
مراسلكم المسافر يحييكم وينقل اليكم ارق واجمل وانعم تحياته
اخوكم المسافر في حنييف حاليأ
في فندق اسمه novotel
بس صراحه صدمنا في السعر قالنا الغرفه ب 200 يورو
theking
من قال لك ان تركيا عكس الخليـج
لا اخوي طالع الصور المرفقه وتلاحظ ان تركيا مثل طرقنا مافيها فرق
ونرجع الي الكويت انشالله قبل ارمضان بيوميين او ثلاثه
وراح تكون الرجعه من لندن باذن الله
بندر الخالد ياهلا ومرحبا فيك يا الخوي
تراك انت معانا برحله لاتنسى
المكتشف المغامر
لاهنت على مرورك الكريم
بس صراحه اذا انت راعي بال طويل لاتطوفك مثل ها الرحلات
وذا الله راد وكان لك نصيب بترووح لاتخاف
وحنا انشالله
بكره طالعين الي باريس
ونتظرو تقريرنا عن باريس
ودمتم سالمين

هذي المسكات الي عليها الكلام
كفو و الله



سباسيبا

Kaka Im Not Wld 36a :=) And I Cam Again

معروف عن شباب الكويت
أهل مغامره ما شاء الله عليهم ..
أوربا أكثر من يورح لها بالسياره هم الشباب الكويتي ...
الله يقويك وكفو والله ...

هذي المغامرات ولا بلااش ..

ياهلا ومرحباء بلجميع
اخوكم المسافر يهديكم السلام وارق التحيه
انا حاليا في لندن في الاجوور رود
ونشالله راجع الكويت بعد كم يووم باذن الله
وبشركم الامورر زينه وسهالات
بس خلونا نرجع الكويت ونا اوريكم الصور والسوالف الزيينه
وسامحونا على الاتاخير
اخوكم المسااااافر:24:

بالتوفيق اخوي وننتطر التقرير المتبقي

وترجعوا بالسلامه

بس صدق رحله من اجمل الرحلات اللي قريت تقاريرها

عشنا لحظات الحرررررر وانتوا بالكويت ومررنا ع الفصول الاربعه واياكم من خلال التقرير

الله يوفقكم ان شاء لله

اخوكم

بندر الخالد

ول شي بس الله الرحمن الرحيم
ثاني شي اسف على التاخير
ثالث شي امبارك عليكم الشهر
راح اكمل معلكم من باريس وبعده الي بريطانيا


وصلنا باريس ارض الجمال والحريه
وسكنا في الشنزليزيه
مع الاسف كل الفنادق فل ما ادري ليه
راح اوريكم بعض الصور



وهاذي صوره السياره وهب داخل الباخره الي تعبرنا القنال الانجليزي


والحقيقه الصور كثيره بس انا عندي مشكله في الصور نفسها
الحين راح انتقل بكم الي لندن
حيث الحريه
حيث الوناسه
حيث كل شي
الي لندن


وهاذي عند ساعه بيغ بن


وسامحوني مره ثانيه على التاخير والاطاله
لاكن صدقووني غصب عني
واتمنا اني قدمن لكم شرح وافي وكافي عن رحلتنا
واذا تبون اس استفسار انا حاضرررر

حمدالله على السلامه
خطاكم السوء سلامات اشلون صار الحادث؟؟

اي حادث؟؟؟؟
هههه
اذا قصدك الصوره هاذا واحد من الربع رايح لندن علاج تواجهنا وياهم اهناك

وبشرك ماصار علينا اي خلاف انشالله

المسافر .... ما اضن احدن سبقك بهذا .... :109: :108:
.... واضح ماشالله روح الشباب والمغامرة .....بس مشكلتك
سويت اكبر اختصار لاكبر رحلة في التاريخ.... :105: :109: :105:
صراحة سفرتك هذي يبي لها مجلد... مو تقرير :114: ....
بنعذرك عشانك مشغول ... بس صراحة محتاجين الصور والتفصيل عن جميع الدول..
بالعربي نبي نستفيد منك يا رحالة العرب:24:
ولا تنسى تعلمنا السفرة كم احتاج لها ميزانية ....
وتقبل حياتي:24:

أخوي ....يعطيك العافية

أنا متابع لكنك أختصرت بشكل فضيع ....تذكرني بأستاذ شحته اللي أختصر منهج الكيمياء بصفحتين.....
أخوي ولا علوك أمر ....أنا ودي تعطيني التفاصيل وخصوصا خط الرجعة ....لأني بحول الله ناويها

اخي سمير حياك الله يا الغالي
اخي الكريم ماسمعت عن احد وصل الي اخر اوربا ورجع بسيارته
الي يرجعون بسياراتهم هم الشباب الي يوصلون الي رومانيا
ومن ثم خط الرجعه يكون رومانيا بلغاريا تركيا سوريا الاردن السعوديه الكويت
هاذا الي يوصلوون الي رومانيا او هنغاريا
اما الي يوصلون الي فرنسا او بريطانيا
ماسمعت ان احد منهم رجع في سيارته
لانها راح تكون رحله طويله ووممله في نفس الوقت
ولا يحتاج اذكرك ان البانزين في تركيا يوصل اسعار ليست خياله بل جهنميه الي ابعد الحدوود
اكثر الشباب الي يوصلون بريطانيا او فرنسا وليس اكثرهم بل جميعهم
يشحنون سياراتهم عن طريق شركات الشحن
ةاى استفسار اخر انا في الخدمه

الحمدالله علي السلامه

كم كلفة الرحله ؟

المسافر ... اول شي حمد الله على سلامتك ...
وترا الكثر ما عقب على موضوعك لانهم شافوك..ّ. تحب تختصر:m9:
.
ثاني شي ..
كيف بدات معاك الفكرة هذي ؟؟ عبور الشرق الاوسط حتى اقصى اوربا الغربية !!:106:
..
الفيز بالنسبة للدول اللي مريتها ؟؟؟ خاصة دول اوربا الشرقية ؟؟ كل دولة لها فيزا؟:114:
وبالنسبة للسيارة ... هل عندك استمارة باللغة الانكليزية او مترجة للجمارك ؟؟:114:
اكثر دولة ارتحت فيها وتمنيت لتك تقضي اكثر وقت :101: ؟؟؟
حاول تتكلم عن شعب كل بلد مريت فية .... نظرتة للعرب .. ودود او عنصري ؟؟
كم استغرقت الرحلة من الوقت ؟ ومن الفلوس ؟
وتندمت على الرحلة ولا لا ؟ يعني لو رايح بالطيارة موو ارحم
اخوي المسافر .... الضاهر انك من النوع اللي مايحب يكثر سوالف ... لاني فية اعضاء
راحو فقط لتركيا بالسيارة .... كانت تقاريرهم تستقطب المنتدى باكملة...:24:
فما بالك باللي سوى سواتك:115: ... عيني عليك باردة ..:suprise:

الحمد لله على السلامة

اخوي المسافر بس لو ممكن تقولنا كم التكلفه التقريبية للرحله تقريبا يعني مو بالضبط تقريبا هععع

دمتم لنا ,,

الو القحط حياك الله طال عمرك
بنسبه الى سؤالك كلفتنا الرحله تقريبن 64000 الف ريال سعودي طبعا اي مايعادل خمس الاف دينار
طبعا كل شي نبيه انسويه احسن سكن وحسن اكل وش شي بخاطرنا انسويه
ابو عواد يامرحبا الف طال عمرك
الفكره بدت من قبل سنه تقريبن لاني سمعت ان فيه شباب كثير راحو لها بسياره وكبرت اشوي الفكره في بالي
بنسبه الى الفيز نعم كل دوله فيزا
بشنا في التركيه بعدين البلغاريه بعدين الرومانيه بعدين الهنغاريه بعدين عاد تحتاج الى فيزه الشنجن ومن ثم الفيزه البريطانيه
بنسبه الى الفيز لا يوجد اي عقبات فقط بهذلونا اشوي في السفاره الهنغاريه والبريطانيه
بنسبه الى دفتر السياره معانا دفتر التربتيك وله عده اسما منها التربتيك والكيتي وبطاقه مروور
ميزته الوحيده هي فقط ان معلومات السياره مترجمه الي اللغه الانجليزيه
مما يساعد في اتمام عمليه دخولك الي البلد الي تبي تدخله
الدوله الي حازتلي هممممم
رومانيا ومن ثم النمسا ولا تسالني ليه
جميع البلدان الي مريناها كانت جيده ولا فيه اى عراقيل ولا اي مضايقات بس بيني وبينكم الشعب التركي يخوف اشوي
ما نظرتهم للعربي والله ماصوبك احد ولا يدروون عن هوا دارك ولا يدرون انت عربي ولا غير عربي
لاكن من باب الحرص يا غريب كن اديب
عدد ايام الرحله 46 ويوم وكلفت تقريبن خمس الاف دينالر اى يعني 64000 الف ريال سعودي
الحمد لا الله مافيه ندم وراح انعيدها الصيف الجاي باذن الله تعالى
اموت بعيونك تقريبان كلفت خمس الاف دينار
طبعأ شامله كل ي من مجاميعه على قولتهم
واى استفسار فقط اطبع ودق انتر ونا اجاوبك انشالله

هلا بالمسافر ......... من كاكا العود لك التحيه والسلام ......... ومبارك عليك الشهر وحمدلله على السلامة

اولا ........ حرام ان تنسف رحلتك الجميلة من غير تقرير مرتب ومنسق ومبين فيه كل صغيره وكبيرة .. واظن انك كسبت خبره ولو انها لم تبين من خلال ما كتبته ولكن ... ارجوك ان ترتب افكارك وان تبداء بكل دوله على حده من اول دخولك الى خروجك من حدودها ... مثل دخول بلغاريا .. كم دفعت ضريبه ولو ان كان قيمتها 3 يورو لكن اذكرها .. وكذلك هل طلب منك عمل غرين كرت ( الكرت الاخضر ) وكم قيمته ولاهم طريق الرحلة ومن اي منفذ دخلت ( تجد اسمه بالجواز ) وهكذا .... فعلا حرام تضيع هذه الرحله دون ان تدون ما جراء فيها من البداية الى النهاية .

ثانيا ....... الصور وهى الاهم اذا لم تجد من يعلمك كيفية تصغيرها و ترتيبها بالتقرير مع التعليق عليها .. فأنا حاضر وراسلني على بريد المنتدي ... وارسل رقمك وسوف اساعدك قد المستطاع بان يكون تقريرك قد قيمة رحلتك المميزة فعلا والتى تستاهل ان يكون هناك تقرير ينزل بالبوابه ليستفيد كل متابع ويتمتع معك بالرحلة والتى لاحد ان ينكرها بانها من الرحلات القليل من الاشخاص يقوم بها ...... كاكا.

واخيرا الحمدلله على السلامة لك ولمرافقك .......... كاكا............. بوراشد

عساك تروح وترد سالم ..
رحلة مميزة وتحتاج الى همم عالية ..
ولكن أخوي لا أوصيك وانتم في الطريق أذكروا الله وسبحوه علشان يرضى عليكم وينجيكم من كل مكروه ومن كل أذى ..
وثاني شي لاهنت اخوي إذا بغيت تنزل صور أرجو منك أن تصغرها لكي توضح أكثر ويتم تصفحها بسهولة ..
ومشكور أخوي وفي حفظ الله ورعايته .
:113: :113: :113: :113:

سفر من غير سفاره حياك الله ولاهنت على مروورك
حنا في الكويت من قبل ارمضان بثالث ايام تابع التقرير من اول ونت راح اتعرف كل شي
كاكا يامرحبا والف هلا
يشرفني خضوورك يا الغالي
حنا وقفنا عند فله فيجي
هممممممممم
وقنا عند الفله وحاسبت راعي التكسي
دخلت الموتر في الفله لان فيها باركنج
خليت الموتر شغال وخويي نايم فيه
اول مادخلتت الفله ولا عشر شباب مجتمعين ويتقهون شاهي وقهوه
طبعا من السهر المتواصل ومن التعب بغيت اطيح قدامهم بس اشوه محد انتبه
سلمت عليهم وردو السلام وتحمدو لنا بسلامه
قلت لهم يا الربع وين فيجي\قالو داخل قام واحد منهم جزاه الله خير يناديها
وجاتنا فيجي صاحبه الوجهه البشووش الامينه العاقله صاحبه ابتسامه طول اليوم
قلت لها فيجي نبي غرفه او غرفتين
قالت والله فل
هي يوم قالت فل انا من الصدمه بغيت انام على الكرسي
قامت وساعدتنا ودقق على اهل الفلل كلهم وكلهم قالوها فل
ونا بيني وبينك تعوسمت وتضايقت
وقام واحد من اهل الفله الموجوودين
وحلف علينا بغرفته
قلناله يبن الحلال بنرووح فندق حلف وطلق وحرم ان اتنامون في الغرفه اليوم ومن اصبح افلح
قلناله وهدا
ونمنا في الغرفه
والرجال رراعي الغرفه راح ناموو معا احد من اخوياه في غرفته
هم اطلعو قرووب 11 رجال ماشالله عليهم ههه
ويوم قمنا نتغدا ونعين من الله خير قالت فيجي لقيت لكم سكن عند بلامن
وسكنا عند بلامن بس صراحه فله نظيفه ومرتبه
سكننا بمبلغ 32 دولا في اليوم
ووحنا ماخذين شقه غرفتين نوم وصاله ومطبخ ودوره مياه اكرمكم الله
طبعا ما اظن يحتاج اتكلم عن بلامن لان اكثر الشباب يعرفونه
المهم جلسنا عند بلامن اربع ايام
بعدين رحنا سكنا في فندق شيبكا اسبوع والفندق في الجولدن سانس ويعتبر من الفنادق الجيده
معا العلم ان صاحب الفندق لبناني الجنسيه ونفسه صاحب الفندق هو صاحب مطعم السندباد المشهور
وطبعا روحاتنا وجياتنا يا انرووح الى سنتر حق فارنا او الى منتجع القولدن ساندس
وبعد ماجلسنا في الفندق ست ايام طلعنا منه ورحنا الي فيلا فيجي
وجلسنا عندها خمس ايام
طبعا سكنا عند فيجي لشخص الواحد في الغرفه الواحده 22 دولار
اما بنسبه لشخصين في الغرفه الواحده 12 دولار لشخص الواحد
طبعا الغرف تكون ذات سريرين
ومجهزه بتكييف وتلفزيوون ودوره مياه خاصه
اما بنسبه لسيرفس اي وقت واي شي تبيه يكون موجوود عندك
طبعا فيجي تقدر عادات العرب وتقاليدهم
طبعا شرينا خرووف وقمت وكلمت فيجي قلت لها يافيجي حنا نبي نذبح الخرووف وين قالت لي لحضه
وتوديني لمكان عند حديقتها طبعا مجهز بشنكار علشان تعلق الخروف هههه
وقلت بسم الله وذبحه وصلخه وطبخه
تراني طبيخ درجه اولى هههه
وبعد ماجلسنا في بلغاريا 15 يوم قلنا بسم الله وعلى مشيئته توكلنا الي رومانيا
طبعا الحوود الرومانيه ماتبعد اكثر من 120 كيلو
والطريق كان زين وكويس ولى الله الحمد
بس الربع الي اهناك خوفووني من شي واحد
الا وهو القرين كارد الكرت الاخضر
قالولي الى مامعه قرين كارد مايدخل رومانيا
وتضايقناا صراحه من ها الكلام
بس قلنا على الله سبحانه
وللحديث بقيه انضرونا في كوستانتا
في الحلقه القادمه

رحله فريده من نوعها ماشاء الله عليك .

لاهنت على مروورك يا بدر

ماشالله عليكم اخوي المسافر

شرح مفصل

وبانتظار البقية

اخوك

بندر الخالد

ياهلا والف هلا يا بندر الخالد
ابشر بلخير انشالله
هاذا ونت امير الرحله
انت تامر امر ونا اخوك
ابشر بلبقيه

المسافر .................. تحيه وتقدير من كاكا بوراشد

جيد هكذا ولكن كنت اريد مزيد من الترتيب و امل ان ترسل رقمك برساله خاصة لاتحدث معك فى بعض الامور التى تهمك ......... كاكا.

بالمناسبه الم تقراء قبل السفر مواضيع عن الرحلات البريه الى اوربا ... ولماذا لم تستخرج غرين كرت من الحدود البلغارية مع انه اجباري وانا عملت واحد هذه السنه وفى شهر 7 2006 ولم يسمح لى بالدخول الا بعد استخراجه بقيمة 160 يورو وهو يشمل جميع الدول تقريبا الاوربية بالاضافه الى تركيا .... كاكا.

ثانيا بمناسبة حوض الماء قبل الدخول الى رومانيا هو ليس للتعقيم ولكن لتخريب اى مواد مخدرة تخبئ اسفل السيارة ......... كاكا.
وبعدين تحسفت بانك لم تمر على ممايا المدينه الصييفية والتى تبعد عن كوستانتا حوالى 10 ك ... ومستغرب فعلا من وصف لك الطريق بان تذهب الى رومانيا عن طريق الحدود هذه اذا لم ترغب فى الجلوس فى ممايا وكان الطريق خلفك من سنتر فارنا الى راس قرد ـ روس ومنها 20 ك الى بخارست ومنها الى براشوف .... انشالله برحلاتك القادمة سوف تستفيد من هذا وتكون انت دليل نفسك واحس انك كذلك .. دام لديك حب المغامره و الاكتشاف ... وتقراء الخرائط بالشكل الافضل .... كاكا .

واخيرا وليس اخيرا بمتابعة رحلتك الشيقة .............. انت تذكرني باول سفرة لى قديما ... وانت حطيت صورة الزد ... بسرعه بسرعه ... وهذا حال الدنيا ان الله عطاك العمر راح تستوعبها .... ولكن ان فعلا احيك واحب فيك روح المغامرة ..... كفؤ ............... كاكا.

يمرحبا يابو راشد
مرحبا يا القرم من راس القروووم....مرحبابك عد وبال المطر
ياعميلي ابشر ابكل العلوووم....من مشينا لين عدينا البحر
ياعريب الجد تفداك الرخووم...النصيب ايصيب مامنه مفر
يامرحباء الف يابو راشد هاذي بيتين قلتها فيك ونت طيب وتستاهل
بنسبه لمخطط الرحله كان محسووم وخالص مرتبينه من الكويت
بنسبه لرسائل الخاصه انا حاولت بس يقولي الموقع اني ما املك هاذي الصلاحيه!!!
ياليت تتكرم وتراسلني انت يابو راشد
واسفين على الاطاله

هههههههههههههههههههههههههه
والله صعبه المسائله هههههههههه
على العموم انا طلع معاى رقم وراح ادزله مسج مادري هل هو رقمك او لا
ثاني اذا انت ماخذ الرقم عن طريق اللوحه فهو رقم بيت خويي ماهو رقمي
ثالثا انت اخر رقمين من تلفونك 96؟؟؟؟
اذا صح هجل هو رقمك وشكرن على كل حال يابو راشد

الاخ المسافر ........... اهداء من الكاكاوات

ترقبو الصور الجديده في القريب العاجل
باذن الله

مع الاسف انزل الصور بس تطلع كبيره!!!!
انتظرونا

!!!!!!!!!!!!!!!!!!!!!
الله المستعان

السلام عليكم
حياك الله بو راشد
والله يسلمك ويسلم الكاكاوات من كل شر
سويت الطريقه الي علمتني اياها بس مع الاسف ما مشى الحال
الصوره هاذي من بلكونه شقتنا في براشوف وراح تشووفون الجو ماشالله كيف ما احلاه


وهاذي الصوره في رومانيا متوجهين الي هنغاريا


والقادم اجمل باذن الله

رائع يالمسافر ............. من كاكا السلام ....... المهم ان الصور الاخيرة جاءت كما نريد ..... والله يعينك انك تنزل جميع الصور مع صورة خريطة الطريق والمنافذ التى عبرتم منها ...... و تابع وحنا نبي نتبع المسافر ......... اتبع المسافر ... بوراشد .