الموضوع: موريشيوس رحلتي الرائعه لها بالتفصيل

مرحبا يا جماعه ... شو الاخبار ...
انا رجعت من موريشيوس ... والله انها سفرة حلووووووووووووة ..
استانسنا وغيرنا جو ...
الصراحة ما كنت ادري ان المساء الجو بارد عندهم ... وانا ماخذه لبنتي ملابس كلها خفيفه ... وكنت البسها قميصين فوق بعض عشان ما يصير لها برد ..
الشعب وحليلهم مساكين طيبين جدا ... ومتعاونين ... وشعب مرحاب ..
جلسة الفندق ابدا ما تملل ... كل شي متوفر ... وبنتي استانست وايد في نادي الاطفال وصارت اجتماعية وصار لها ربع من كل مكان مع انها ما تعرف تتكلم ههههههه  ..

اول شي بقولكم عن الرحلة كل يوم شو سوينا ..
طلعنا من دبي 4 اكتوبر ....
الطيارة طبعا وقتها الفجر وهي طيران الامارات ...


ووصلنا هناك الصبح ... تقريبا الساع 9 ...
خلصنا اجراءات المطار وكان في سواق ينتظرنا ..
وشرح لنا الخريطة والطريق :36_7_14:
وفي الطريق عينك ماتشوف إلا الخضرة مني ومناك ... ومزارع قصب السكر




وصلنا الفندق تقريبا بعد ساعه وكان فندق شوقار بيتش الرائع ... وكنا فعلا هلكانين بس بنغي سرير وننام ..:thumb_ico
والمشكلة وصلنا قبل موعد استلام الغرفه ..
ضيفونا

من التعب كان يم يم لذيــــــــــذ
وهاي وحدة بغت تشاركني الشاي المثلج بس انا ابدا ... ولا قطرة اعطيها


وانتظرنا تقريبا ساعه ونصف لين سلمونا الغرفة :110:
رحنا الغرفه وارتحنا ونمنا اشوي لين العصر ...
وقضينا باقي اليوم نتمشى في الفندق ..


ومرينا مكتب سياحي في اللوبي نشوف الانشطة والاشياء وخذنا بروشور وصور للاماكن والرحلات السياحية ..
وصار وقت العشا ورحنا ننام ...

مواضيع عشوائيه ممكن تكون تعجبك اخترناها لك:

• سؤال يا أبو عزيز ؟؟؟
• الأكل في موريشوس
• المكالمات في موريشوس
• سؤال ورد غطا
• استفسارااات مهمه بليز
• هل يوجد ؟؟
• الى خبراء وش رايكم بسعر الباكج لموريشيوس دبي ؟؟
• أربعة أيام في موريشيوس
• استفسار عن الاتصالات في المالديف
• استفسار عاجل وضروري بخصوص الحجاب في موريشيوس
• استفسار عن فيتنام
• دعوة لإمتلاك منزلاً في سيشيلس
• موريشيوس أيام ؟؟
• هل يوجد سرير منفوخ بمسابح المالديف ؟؟
• لابو عزيز ضروري
• ابي مساعده تكفووووووون
• فضلاً ابوعزيز وبقية الأعزاء محتاج شوركم
• شلون احجز ضروري
• يا أخواااني حجزت طيران باقي السكن ممكن تساعدوني
• أرجو المساعده شهر عسل

اليوم الثالث
رحلتنا اليوم اول شي للسب مارين ... وهي الغواصه الي تنزل تحت الماي 35 متر .. وبعدين رحنا الاكواريوم .. وبعدين مصنع السكر .. وكان في الخطة انه نروح حيقة بامبيلوس بس انا استبدلتها بالعاصمة ومركز التسوق لاني بغيت اشوف وما حبيت اني اتمشى بالحديقة لاني كنت تعبانة من المشي ...
رحلة الغواصه جدا روعه ..



والحياة تحت الماي شي ثاني




وبعدين لما رحنا الاكواريوم حسينا انه سخيف جدا .. 5 احواض بها اسماك .. والمكان جدا صغير ما يستاهل الزيارة خاصة انه انا رايحة في تايلاند وفي ماليزيا اندر واتر لايف وكان اكبر بمليون مرة واحلى ..
وبعدين مصنع السكر ..


حلو وشرينا منه سكر هدايا للاهل ...
وبعدين رحنا للعاصمة وشفنا السوق جدا بسيط ومافي شي يستاهل الشراء بس حب استطلاع ..
وهذا تمثال على ناصية الشارع


ورجعنا الفندق بعد رحلة طويلة ..

اليوم الرابع
طلعنا رحلة بحرية بالكاتامارين ... لمشاهدة الدلافين وممارسة الغوص .. والرحلة من الصبح لين العصر باليخت

شوفوا بالنص بس رؤوس الدلافين تبين ... ما الحق اصور إلا وغطسوا

الغداء شوي على اليخت
وانا شفت ناس جايين في طراد صغير بس يشوفوا الدلافين ويروحون وياليتنا سوينا نفسهم .. لان تعبت مع بنتي الخوافة ..
ورجعنا الفندق وانا ما كان فيني شي ... لا دوار بحر ولا شي .. بس بعد المغرب كنت احس لما اكون جالسة بمكان ثابت اني دايخة وكأني في نص البحر والموج يحركني ...
دوار بحر بس متأخر ههههههههههههه

اليوم الخامس
رحنا رحلة الجنوب ..
البركان الخامد ومصنع الزجاج ومصنع الشاي واكبر تمثال هندوسي والارض الملونة

هاي صور البركان



ورحنا مصنع الزجاج وسوينا ايدنا بالزجاج طلع حلو .. وسوينا لبنتي رجولها لأنها ما وافقت تغط يدها بالرمل ... ههههه خسارة .. كنت ابي اسوي يدها ورجولها .. وقالوا لنا هم بيوصلونه الفندق بعد 3 ايام .. وفعلا وصلوه لنا على الفندق الثاني الكوكو بيتش بعد انتقالنا ..

وهني مزارع الشاي والبحيرة الحلوة اللي تطل عليها الكوفي شوب




وبعدين شفنا هالتمثال الكبير تقووولون بناية 10 طوابق

وفي الطريق شفنا مزارع الاناناس



وبعدها رحنا لشلال كبير وحلو ..
وبعدين الارض الملونة





وكان هذا آخر شي لليوم هذا

اليوم السادس ..
قررنا نرتاح بالفندق ونلملم اغراضنا استعداد للانتقال للجهة الشرقية من الجزيرة وفندق كوكو بيتش
وما طوفنا منظر الغروب اليوم لانه اخر مرة نشوفه




اليوم السابع
الانتقال للفندق الثاني كوكو بيتش
وصل السائق الساعه 12 وركبنا السيارة وتقريبا اشوي اكثر من ساعه لين وصلنا الفندق .. وطول الطريق كان يصب مطر .. وناسة الجو تغير وصار مغيم وبارد
وقررنا في الفندق هذا وهي 6 ايام انا نرتاح ومانطلع إلا رحلة وحدة إلى الشلال وجزيرة أيل سيرفس
وصلنا الفندق وكان جلو بالالوان والبهرجة وبنتي استانست عليه .. بس فعلا مثل ما قال اخوي ابوعزيز مستوى الفندق اقل عن الشوقار بيتش من كافة النواحي .. بس اهم شي كان بالنسبة لي غرفه ارتاح فيها ونادي الاطفال لبنتي ومسبح لها ... هههههه .. وفعلا هالاشياء كانت متوفره وحلوة ...
اول شي عطونا غرفة بالطابق الثالث مطله عالبحر .



. وبما اني حامل وكرشتي باع جدامي ما قدرت اركب السلم وطلبنا منهم تغيير الغرفة للطابق الارضي مساكين على طول بدلوا لنا .. وكان اريح لنا مع عربانة البنت .. مع انه المنظر ما كان على البحر بس كان على حديقة حلوة ...

اليوم الثامن والتاسع والعاشر
كله بالفندق
لعب وسباحة ..
بحر وحوض
وناسة للبيت وانا جالسة استرخي ..
وزرنا السلاحف اللي بالفندق 





بتشوفون وايد من هالاشياء لا تخافون عادي متروس .. ,حتى في الغرف بتشوفون .. يقولون انها تاكل البعوض

هذا كان ملخص بسيط لرحلتي الجميلة لجزيرة موريشيوس .. مع الشكر لجميع من قدم لي النصح والمساعدة ..
وخاصة اخي العزيز بو عزيز ما قصر معاي ابد ..
والحمدلله الرحلة كانت موفقة .. والاختيار جميل ...

:113::113:

[center]ماشاء الله رحله جميلةوصور روعة ,,

والحمدلله انه جاكي دوار البحر متأخر الحامل مو ناقصة دوار

يعطيك العافيه على الموضوع الجميل

انا رايح بعد اسبوع انشالله
ابي نصايح على السريع واشياء لازم تكون معك من هنا
شكرا

المشاركة الأصلية كتبت بواسطة ام رزونه
http://www.arabtravelersforum.com/tr...4/#post2438984

:113::113:

[center]ماشاء الله رحله جميلةوصور روعة ,,

والحمدلله انه جاكي دوار البحر متأخر الحامل مو ناقصة دوار



هلا اختي ام رزونه ... مشكوورة على المرور ... والصراحة الحمد لله استانسنا بالرحلة ..
وعن دوار البحر .. انا نفسي مستغربة ليه جاني متأخر !!...
بالنسبة للمقارنةبين ماليزيا وموريشيوس ... انا رحلت ماليزيا مرتين .. وناوية اكررها بعد وبعد ... ماليزيا فيها حدائق وملاهي كبيرة واسواق .. والحياة ما تموت مع غروب الشمس ... وتمشين كل مكان .. والسوق الليلي والقرية الصينية ... بس موريشيوس .. غير ... غيــــــــــــر ... مكان رومانسي .. هادئ بحر نظيف .. وكله رياضات بحرية .. خضرة من كل صوب .. وجو حلو .. وبارد بالليل بس مع غروب الشمس الحياةو الخارجية كلها تموت ..... بس مافي ملاهي ولا العاب ولا اسواق ... يعني لازم الواحد يغير من فترة لفترة ويشوف شي جديد ... موريشيوس انا تحمست لها لأني حامل وبغيت مكان هادي ورومانسي استجم فيه ... والحمدلله انا بصراحه استانست .. بس اللي يحبون السفر للتسوق اقول انها ما تنفع لهم ...
وعلى فكرة .. الواحد يحتاج تغيير وانصحك تجربي تروحي لها ...

المشاركة الأصلية كتبت بواسطة aboaziz
http://www.arabtravelersforum.com/tr...0/#post2439150

حمدا لله على سلامتكم

في البداية حبيت اشكرك على هذا التقرير الجميل

المختصر و المفيد

كنت بالفعل منتظر عودتكم لمشاهدة انطباعكم عن فندقي المفضل الشوقر بيتش

والأهم لمعرفة انطباعكم عن الكوكو بيتش

الحمد لله انها مرت بسلام وخاصة الفندق الثاني

جميل التنويع بين فندقين مقارنة بمدة اقامتكم

واكيد لاحظتي الفرق في كل شيء بما فيه الجو والرياح الأكثر في جهة الشرق

الغرب جميل جدا يكفي منظر الغروب كما تفضلتي

الله يسهل لك امور الحمل ويقومك بالسلامة

و تعيدونها مرات ومرات

مساهمتك هذي و مساهمة باقي الأعضاء تزيديني حبا وتعلقاً بهذه البوابة

وهذا الصرح الكبير والجميل

وتحقق لي حلمي بمشاهدة شكل جديد وجميل للسائح الخليجي

شكل نفتخر ونعتز به

رسالة أتمنى ان تعم الكل بدون استثناء

تقبلي خالص تحياتي وتقديري







هلا اخوي ابوعزيز ... الصراحة اشكرك جدا لنصايحك لي .. والحمدلله الرحلة كانت حلوة وانا فعلا هيأت نفسي نفسيا بأني بروح لفندق كوكو بيتش اقل مستوى من الشوقار والحمدلله عدت .. مع اني فعلا لاحظت الفرق الشاسع جدا جدا جدا بس ما حطيت في بالي وقلت في خاطري ترانا طول اليوم برع الغرفه ..
الحمدلله على كل حال ..

صحيح والله لاحظنا بأن الشرق الجو ابرد والرياح اقوى من الغرب والبحر بارد جدا في الشرق
والجزيرة فعلا اعجبتنا جدا .. ونفكر بالعودة لها مرة اخرى حين نريد الهرب من ضغوط الحياة والتفكير المستمر ...

مرحبا أختي...

يعطيك العافية على التقرير الممتع

ماشاء الله الصور حلوة جداً

الله يهنيكم .. وربي يقومك بالسلامة انت والبيبي

بالنسبة للدوار المتأخر تصير معاي أنا بعد ...

وخصوصاً في سفرتنا الأخيرة ... جلست معايا الدوخة حتى بعد رجعتي للسعودية بكم يوم ...

تحية طيبة لك ...

المشاركة الأصلية كتبت بواسطة 【ツ】أنا【ツ】
http://www.arabtravelersforum.com/tr...7/#post2445097

مرحبا أختي...

يعطيك العافية على التقرير الممتع

ماشاء الله الصور حلوة جداً

الله يهنيكم .. وربي يقومك بالسلامة انت والبيبي

بالنسبة للدوار المتأخر تصير معاي أنا بعد ...

وخصوصاً في سفرتنا الأخيرة ... جلست معايا الدوخة حتى بعد رجعتي للسعودية بكم يوم ...

تحية طيبة لك ...



ثااااااااااااانكس على المرور ... الله يسلمك يا رب
..

المشاركة الأصلية كتبت بواسطة ام رزونه
http://www.arabtravelersforum.com/tr...2/#post2447172

تسلمي عزيزتي ,,والف شكر على ردك واهتمامك ,,انشاء الله ربي يكتب لنا ونزورها,,,



مشكوووورة أختي على المرور ... وتسلمين ..
وانشالله تزورينها قريب

حمدلله على سلامتكم عزيزتي ..

بالرغم من بساطة موضوعك .. إلا أنه أعجبني.. وماشدني إليه هو يومكم الحادي عشر .. أعجبت بالرحلة البحرية والشلال..

دمتي بود ..

المشاركة الأصلية كتبت بواسطة redjoory
http://www.arabtravelersforum.com/tr...5/#post2451105

حمدلله على سلامتكم عزيزتي ..

بالرغم من بساطة موضوعك .. إلا أنه أعجبني.. وماشدني إليه هو يومكم الحادي عشر .. أعجبت بالرحلة البحرية والشلال..

دمتي بود ..

مشكوورة حبيبتي ..
والبساطة اهم شي علشان القارئ ما يمل ويحصل المعلومة المفيدة بسرعه ..
انا تعمدت اكتب كل شي ببساطة عشان ابين كم الرحلة كانت ممتعه ومريحة ^_^

والله لو مايجيني الا منظر هالغروب الرااااااااااااااااااااائع


ربي يقدرني وازورها قريب


سراحة شوقتونا لها


ربي يسعدكم

مشكوره الغاليه على تقريرك السريع والمفيد والصور الحلوه
وإن شاء الله يارب يسهل ولادتج وتقومين بالسلامه
موفقه حبوبه

المشاركة الأصلية كتبت بواسطة carawan
http://www.arabtravelersforum.com/tr...8/#post2467208



والله لو مايجيني الا منظر هالغروب الرااااااااااااااااااااائع


ربي يقدرني وازورها قريب


سراحة شوقتونا لها


ربي يسعدكم



مو بس الغروب .. إلا الخضرة والجو الحلو بعد ...
يالله انشالله تزورونها قريب وتستمتعون
شكرا على المرور

المشاركة الأصلية كتبت بواسطة الأسطوره s
http://www.arabtravelersforum.com/tr...5/#post2467765

مشكوره الغاليه على تقريرك السريع والمفيد والصور الحلوه
وإن شاء الله يارب يسهل ولادتج وتقومين بالسلامه
موفقه حبوبه



الله يسلمك ويعافيكي يا رب مشكوووووووووووووووووووورة
خلاص قرب الموعد ... بدأ العد التنازلي .. باقي 5 أسابيع على الولادة ويوصل ولي العهد انشالله...

منطقة جميلة جدا لكن هذي اين تقع ؟ في آسيا ولا اوروبا ولا وين بالضبط يعني ايش اسم الدولة ؟

شكرا لك

المشاركة الأصلية كتبت بواسطة نايف السعودي
http://www.arabtravelersforum.com/tr...4/#post2476374

منطقة جميلة جدا لكن هذي اين تقع ؟ في آسيا ولا اوروبا ولا وين بالضبط يعني ايش اسم الدولة ؟

شكرا لك



هلا اخوي نايف ...
هذه الدولة اسمها موريشيوس .... وهي تقع جنوب افريقيا ... قريب من مدغشقر تقريبا ...
وتسلم على المرور ^__^

الحمدالله على السلامه ..

ويا زييييييييييين دوار البحر المتأخر ههههههههههه


يعطيج الف عافيه

تقرير لا يوصف الله يعطج الصحه والعافيه ويتمم عليج حمالج يارب ويرزقنا سفرة موريشوس صج ديره تبرد القلب

الحمدلله عالسلامه

يعطيك العافيه

المشاركة الأصلية كتبت بواسطة y3gop2005
http://www.arabtravelersforum.com/tr...2/#post2507792

تقرير لا يوصف الله يعطج الصحه والعافيه ويتمم عليج حمالج يارب ويرزقنا سفرة موريشوس صج ديره تبرد القلب



انشالله .... وبتستانسون فيها وايد ^_^

المشاركة الأصلية كتبت بواسطة ساره2007
http://www.arabtravelersforum.com/tr...6/#post2507846



الحمدلله عالسلامه



الله يسلمج ويعافيج يا رب ...

مشكوووووورة على المرور

المشاركة الأصلية كتبت بواسطة بروكاي
http://www.arabtravelersforum.com/tr...8/#post2518218

يعطيك العافيه



الله يعافيك
شكرا على المرور

يعطيك العافية على الصور بس ياليت تقولين لنا اسعار الفنادق والتنقلات والاكل
وسؤال اخير هل يحتاج المواطن السعودي فيزا لها

ولكم الف شكر