الموضوع: متعب ومجموعه من الأستفسارات

السلام عليكم

انا مسافر بعد اسبوعين وراح احجز فنادق

ياليت تعلموني على افضل الفنادق في بانكوك يعني يكون قريب من المطاعم والسوق

وودي احجز فيلا بمسبح خاص وين احسن بوكيت والاشنغماي ؟

اوقات اقول اخذ فندق حلو على البحر في بوكيت واذا رحت شنغماي يومين احجز لي فيلا بمسبح خاص


بس ابي تعلموني لاني اول مره اسافر

مواضيع عشوائيه ممكن تكون تعجبك اخترناها لك:

• أريد برنامج سياحى مدته أيام
• محمية و حياة الليل ؟
• جدا مهم
• اثار من عفرين
• اخواني اسئلة عن فنادق واتمنى الرد السريع منكم
• قـطـار مـطـار ســونــابــومــي الــدولــي
• شباب ابي رئيكم بالموضوع
• افيدوني والراي رايكم
• استفساريين؟؟
• مطعم علاء الدين وعربة طريق الحرير في السوق الليلي باتبونغ ، سيلوم ، بانكوك ، تايلند
• أمي حبيبتي أول مرة خارج حدود الوطن إلى بانكوك مباشرة محتاجة فندق فخم وقريب من كل شي
• استفسار بمجموعة من الفنادق وسفرتي قربت الحقو علي
• استفسار بخصوص كوساموي
• استفساار خدمة البلاك بيري في تايلند
• ممكن مساعدة في عمل برنامج
• طلب مساعده من الأخوان وخاصه الأخ
• اسبوع استجمام بسوريا
• استفسار أماكن سياحية ينصح بزيارتها في بانكوك مدة الرحلة أيام
• مهرجانات تايلندا لهذا شهر
• استفسارات بخصوص السفر لتايلاند و بوكيت

بانكوك فنادق مناسبة لك بالقرب او في منطقة العرب :

1-ماجستيك جراند
2-جيه دبليو ماريوت
3-زينيث
4-اماري بوليفارد
5-قوليفر تافرن
6-سولو 2

بوكيت فيلا بمسبح متوفر بشواطئ غير شاطئ الباتونق بحيث الباتونق هي المنطقة الحيوية وفيها الخدمات والمطاعم وكل شي هناك منتجع فيه فلل ببركة سباحة خاصة في الباتونق اسمه لافلورا واخر في شاطء كاتا اسمه ماليسا فيلا

اما الفنادق في الباتونق :
-بوراساري
-الهوليدي ان ريسورت
-بانثاي
-تارا باتونق
-بان لاماي
-كورتيارد ماريوت
-ميركيور
-بامبوري
-ميلينيوم

اما شانقماي فيلا بمسبح ما اقدر افيدك بها الشباب ان شاء الله يساعدونك ،،
اما فنادق شانقماي:
-دوسيت دي تو
-المريديان
-الهوليدي ان
-امبريال ماي بينق
-رويال برنسيس

السلام عليكم

اخواااااااااااني انا توررررررررررررطت

حجزت تايلند رحله مدتها 17 يوم بس في ناس قالو لي اني لما اوصل المطار واسوي الفيزا

تكون مدة الفيزااا 14 يوم واكثر من كذاا مافي يرجعوني للخطوط اللي حجزت منها واغير موعد الرحله تكون ذهاب واياب 14 يوم بس والا مايمشوني يعني اتبهذل

والمشاكله كلمت الخطوط اعدل موعد الرحله قالوا لي مافي مجال خلالالالالالالالالالالاص فل


مين عنده فكره عن هالشي وشلون اعالج هالمشكله ؟ واقدر افيز من هنا ؟

بليززززززززززز ابي الرد بسرعه الفزعه الفزعه

اقرب سفارة لك وطلع فيزة وارتح ومدتها اذا ماني واهم ثلاثة اشهر

طيب ليه ماتطلعها قبل لاتسافر !!

اذا انت من السعودية راجع سفارة تايلند بالرياض واعمل لك فيزا شهر ،، وخلاص انتهى الموضوع حاول تسرع لانها تاخذ وقت احتمال يومين او ثلاثة

او تاخذ فيزا من المطار في بانكوك وتشتري شهر،،

السفاره يابعدي يوم من الصباح بدري الساعه 9 وانت مخلص بنهاية الدوام تستلم الفيزا اوبالكثير من صباح اليوم الثاني وبالتوفيق

انا بالخبر مو بالرياض وسالت لازم تعريف من جهة العمل اخاف مايمدي باقي لي اسبوعين

المشاركة الأصلية كتبت بواسطة ولد_البحرين
http://www.arabtravelersforum.com/tr...8/#post5524428

اذا انت من السعودية راجع سفارة تايلند بالرياض واعمل لك فيزا شهر ،، وخلاص انتهى الموضوع حاول تسرع لانها تاخذ وقت احتمال يومين او ثلاثة

او تاخذ فيزا من المطار في بانكوك وتشتري شهر،،




اقدر اشتري فيزا شهر ؟ توني ادري

وبكم تقريبا اشتريها

ياخووووووووووووي فجعتنا الله يرج ابليسك خخخخخخ

المهم اقرب سفارة قدم اليوم وبكره تاخذها

وبعدها لا اشوف وجهك الا في بوكت خخخخخ

رحلة سعيدة

يعني اسافر من الخبر للرياض لانه السفاره هناك

رد لنا خبر وطمنا عليك...

الاخ متعب الجماعه تعبوا علشانك هههه

انا صار لي الموضوع هذا مرتين (ايه نعم مرتين)
الاولى ما كان عندي فكره عن الموضوع ودرعمت لبانكوك وبالمطار قال الموضف وين رايح ي الحبيب تعال عندي وقال عن الموضوع قلت ما عندي فكره قال رح وعدل التذكره وتعال
رحت وما حصلت احد ورجعت له قلت له مافيه احد بالمكاتب ومافيه حل..طالع يمين ويسار وقال هات 500 بات قلت بسيطه جانا الفرج عطيته الفلوس وراح ورجع بعد 15 دقيقه وقال خلاص رح بس لا تعودها

والثانيه صرت حريص وكلمت المكتب قبل ماحجز وقلت لهم عطوني التذكره الاصليه بالموعد المظبوط حق رحلتي والثانيه قدمو الموعد يعني احجز بتاريخ 22 الموعد المزيف واطبع التذكره وبعدين يكنسلها ويحجز الموعد الحقيقي وخذ التذكرتين معك
بس لا تتوهق وتعطي الجوازات التايلنديه التذكره الحقيقيه هههههه

وسلامتك

ابو يارا خخخخخخخخخخخخ الله يرج ابليسك .

ان شاء الله افادوك الشباب .

اذا موجود ابو متعب ان شالله راح اقدر اساعدك في الموظوع

انتظر ردك


تحياتي

انا اليوم بروح اطبع التذاكر وحجز الفنادق وصور الجوازات وتعريف العمل وبرسلهم السفاره الرياض باذن الله ..

اخوي faisal_515 واخوي متعب 80 انا عندي نفس المشكلة وابغى افيز لتايلند . علما اني من الدمام ممكن تساعدوني ... انا رحت لمكتب سفريات وقالوا يفيزوا للجواز الواحد ب 450 ريال وانا عندي جوازين يعني المجموع 900 ريال .. صحيح السفرة ان شاء الله بتكون في شهر 10 ميلادي

انتظر منكم الرد وتقبلوا مني الف تحية

راح تكون باذن الله رحلتي مدتها 17 يوم

وحطيت جدول مبدئي للرحله وابي اراء الخبراء

7ا يام في بوكيت

يومين على شاطئ الكاتا و5 ايام على شاطئ الباتونج

3 ايام شنغماي

7 ايام بانكوك


عندكم اقتراحات ثانيه او مناطق ثانيه تسوى اسكن فيها ؟

بعد بحث عن الفنادثق عجبني فندقين

1- ماجستيك جراند
لكن هل هو قريب من السوق ومنطقة العرب يعني اقدر امشي مشي ؟

2- فندق رويال اوركيد شيراتون

يطل على النهر



شرايكم ؟

ياإخوان السفاره بالرياض شغلهم جداً سهل

طلباتهم بسيطه و مايشددو على الاوراق المطلوبه
و تقدم جوازك للفيزا اليوم وتستلمها بكره
اوقاتهم من الساعه 9 الى 12

وخذو الفيزا من السفاره احسن لكم لانه اسرع في انهاء اجراءاتكم في المطار !!

بانكوك 7 ايام كثيره

بانكوك متعبه و زحمه ماتحسو فيها بالراحه والإستجمام مثل فوكيت او شانق ماي

ولو كان غرضكم التسوق في بانكوك ممكن يومين او ثلاثه تعتبر كافيه


ورحله موووووفقه

انا اقول خلك علي فندق ماجستيك

لو تنقص ايام بانكوك وتزيدها على شنغماي احسن .. واذا انتم شباب زوروا بتايا .

بوكت ...... 6 ليال
شنجماي..... 4 ليال
بتايا......5 ليال
بانكوك....... ليلتان
هذا الجدول اذا كنتم شبابا
تحياتي لكم

متعب ... يسعد مساكـ

نصيحة اذا الرحلة شبابية ركز على بوكت 7 ايام و8 ايام بتايا

والباقي بانكوك وصدقني ماتندم
لان شنغماي عائلية وكلها رومنصصصصيه
رحلتي 18 يوم ... 8 ايام بوكت و7 بتايا والباقي بانكوك تقريبا
أما شنغماي تركد للعوائل وللعرسان

رحلة سعيدة

المشاركة الأصلية كتبت بواسطة ابواسيل..
http://www.arabtravelersforum.com/tr...4/#post5529774

اخوي faisal_515 واخوي متعب 80 انا عندي نفس المشكلة وابغى افيز لتايلند . علما اني من الدمام ممكن تساعدوني ... انا رحت لمكتب سفريات وقالوا يفيزوا للجواز الواحد ب 450 ريال وانا عندي جوازين يعني المجموع 900 ريال .. صحيح السفرة ان شاء الله بتكون في شهر 10 ميلادي

انتظر منكم الرد وتقبلوا مني الف تحية

ان شالله وصلك ردي واضح وانا راح اتصل عليهم و اسالهم عن موضوع المرافقين واعطيك الخبر اليومين هاذي

تحياتي

افضل تكون شنق ماي اول الرحله


وتاخذ بكج كامل على التايلنديه


يكون

بانكوك شنق ماي - شنق ماي بوكت - بوكت بانكوك


راح يطلع لك سعر مناسب و يكون جدولك مرتب

والايام

من وجهة نظري


شنق ماي 4
بوكت 6
بتايا 4
بانكوك 3

مع إحترامي للأخوان ولجميع الأراااااء

اذا رحلتك شبابية خل شنغماي على جنب

بوكت وبتايا وبانكوك

اسمع كلامي وجرب وراح تدعيلي وأنا اخوك

كل الود

المشاركة الأصلية كتبت بواسطة faisal_515
http://www.arabtravelersforum.com/tr...2/#post5533192

ان شالله وصلك ردي واضح وانا راح اتصل عليهم و اسالهم عن موضوع المرافقين واعطيك الخبر اليومين هاذي

تحياتي

ايه نعم اخوي وصل الرد بيض الله وجهك ما قصرت وجعله الله في ميزان حسناتك

الف شكر الك ويعطيك الف عافية

بنتظارك

ياخي لا تروح السفارة ولا شي

بالمطار يعطونك اسبوعين والي فوق الاسبعوين غرامة 500 بات باليوم يعني راح ياخون منك 1500 لانك بتتاخر 3 ايام

وتدفع بالمطار وسلامتك

في مطار تايلند يعطونك 14 يوم ...وتقدر تمدد 10 ايام فقط من ادارة الجوازات في بانكوك ...

طيب شباب اش الاوراق الي يطلبوها بالمطار

تحياتي

اخي الفاضل ان كنت مستعجل وماعندك وقت تفيز من السفارة وتريد تزيد عن التاشيرة الاصلية يومين او ثلاث ماله داعي كل هذه العجله وانت طالع من المطار يخذوا عليك على كل يوم 500 بات وبس انا السنه الماضية اخذوا على ولدي 1400 بات غرامة ودفعتها وعادي سافرت مافي اي شي بس كان عذر مقبول المدة هذيكي كلها قصه طويله وقرأت كثير من الشباب اذا حب يزيد كم يوم يدفع بعدين في المطار بدون مشاكل اما اذا كنت نظامي جدا فيز من السفارة وريح نفسك من هذا كله ورحلة موفقة

كنت بقولك بسالفة 500 بات لكل جواز عن كل يوم مدت تأخير
لكن سبقوني فيها الشباب

اما بخصوص اللي من الدمام انصحك تتعامل مع الفيفا للسياحة وخلال ثلاثة ايام مخلص موضوعك

السلام عليكم

ياريت موقع قنصلية تايلند ف جده بالتفصيل..

واحنا عندنا جوازين .. وجوازي مضاف فيه الاطفال ..لازم صور شخصيه للكل ؟؟؟

وياريت الاوراق المطلووبه بالززززبط لاني بعيد عن جده ولو مااخدت اوراقي شغلانه ..مااقدر اروح الا ويك اند..

واذا تعرفوا اوقات وايام العمل اكون لكم من الشاااكرين

هلا والله وغلا باحلى اعضاء

السموحه تاخرت عليكم كمبيوتر ضرب علي الظاهر من كثر مافرفر على فنادق تايلاند كل يوم

[font="Comic Sans MS"][size="6"][color="red"][b]هههههههههههههههههههههه تصدقون انا كبرت السالفه

المشاركة الأصلية كتبت بواسطة @ الحنوووون @
http://www.arabtravelersforum.com/tr...2/#post5533102

متعب ... يسعد مساكـ

نصيحة اذا الرحلة شبابية ركز على بوكت 7 ايام و8 ايام بتايا

والباقي بانكوك وصدقني ماتندم
لان شنغماي عائلية وكلها رومنصصصصيه
رحلتي 18 يوم ... 8 ايام بوكت و7 بتايا والباقي بانكوك تقريبا
أما شنغماي تركد للعوائل وللعرسان

رحلة سعيدة



الرحله عائليه ورومنصصصيه

شكرا لكل الاعضاء اللي تفاعلوا معاي ماقصرتوا ..

انا ضبطت هالبرنامج مع هالفنادق كالتالي :

1-بوكيت 7 ايام

يومين منتجع ميليسا على شاطئ الكاتا (فيلا ومسبح خاص)

5 ايام فندق ملينيوم

2-شنغماي 5 ايام

يومين فندق panviman chiangmai spa resort

بعيد شوي عن المدينه ويقع فوق جبل

3 ايام فندق centara dungtowan

في وسط المدينه وقريب من السوق

4 - بانكوك 7ايام

فندق the land mark

مشكورين ماقصرتوا كفيتووووووا ووفيتووا ...

شكرا لكل الاعضاء اللي تفاعلوا معاي ماقصرتوا ..

انا ضبطت هالبرنامج مع هالفنادق كالتالي :

1-بوكيت 7 ايام

يومين منتجع ميليسا على شاطئ الكاتا (فيلا ومسبح خاص)

5 ايام فندق ملينيوم

2-شنغماي 5 ايام

يومين فندق panviman chiangmai spa resort

بعيد شوي عن المدينه ويقع فوق جبل

3 ايام فندق centara dungtowan

في وسط المدينه وقريب من السوق

4 - بانكوك 7ايام

فندق the land mark

المشاركة الأصلية كتبت بواسطة متعب 80
http://www.arabtravelersforum.com/tr...2/#post5540682

هلا والله وغلا باحلى اعضاء

السموحه تاخرت عليكم كمبيوتر ضرب علي الظاهر من كثر مافرفر على فنادق تايلاند كل يوم

[font="comic sans ms"][size="6"][color="red"][b]هههههههههههههههههههههه تصدقون انا كبرت السالفه



ممكن تقول النا كم المبلغ اللي راح ياخده المكتب ...

تحياتي