الموضوع: تفاصيل رحلة راكان الى بلاد الاسبان

رحلتي 15 يوم في اسبانيا و3 ايام في باريس
السلام عليكم ورحمة الله
اخواني اول شي انا آسف جداًجداً جداً ووالله اني محرج كثييير منكم
وخاصة الاخوان اللي يسألون عني واللي ردو على موضوعي
القديم اللي نزلته قبل لااروح لاسبانيا عام 2004
وعنوانه
http://www.travel4arab.com/vb/showthread.php?t=11573
وارجو انكم تعذروني على الانقطاع حيث انني مشغول جداً الله لا يشغلنا الا بطاعته:101:
وبالنسبة لموضوعي اللي كنت واعدكم اني انزله عن سفرتي لاسبانيا فهذا هو وانا عارف
ومتأكد ان ماله طعم وبايت وقديم وماله لزوم بس ماباليد حيلة:108: لازم انزلة لعلة يشفع لي عندكم
وبرضو يمكن احد يستفيد منه مع العلم ان اخونا الشاب الله يعافيه ما خلا حاجة ما تكلم عنها
وخاصة عن جنوب اسبانيا اللي هو الاندلس وفي موضوعة (الشاب وزيارة 48مدينة اسبانية )
هذا الموضوع لوحده يعتبر موسوعة لايستغني عنها أي واحد يزور اسبانيا :101: وحتى الي يعتبرون
من رواد اسبانيا ويترددون عليها بأستمرار فلا بد انهم يستفيدون من هذا الموضوع والعدد الهائل
من المعلومات والصور المعروضة فيه:24: .
المهم ان شاء الله بكتب عن رحلتي هذي بالتفصيل قدر المستطاع وببدا من اول خطوة
في هذي الرحلة الجميلة من بداية الفكرة والتخطيط والحجوزات والبحث على النت وماذا استفدت من النت ومن
المنتدى وكيف كانت الاستعدادات وان كان فيه تفصيل ممل جداً في بعض الاشياء فهو عشان تعم الفائدة
ويمكن يجي واحد ملقوف طبعاً ويقول (الله واكبر وش هالفايدة اللي تبغاها تعم ) اقول له اول شي ياملحك :105:
ثاني شي ان اللي يبغا يروح من اخواننا اذا حصل على مثل هالمعلومات فأكيد انه بيستمتع اكثر وبيقتصد
اكثر في المصاريف اللي كانت تضيع بسبب الكثير من الاخطاء كأختيار الاماكن والفنادق والبحث عن
ارخص الاسعار بحيث يحصل الشخص على اسعار خيالية ماكان يتوقعها ولا يسمع عنها مع اختلاف بسيط
في جودة الخدمات واحياناً يكون الفرق بس السعر يعني مستوى الخدمة مثل بعض بس السعر اقل من النصف
وهذا واقع ومجرب لكن المشكلة ان الحصول على مثل هذي الخدمات والاسعار الرخيصة يحتاج الى
بحث ومصادر معلومات ما تتوفر لكل احد والواحد منا اذا كان ينقل تجاربه والمعلومات اللي عنده للاخرين
فهو يكون مصدر من مصادر المعلومات وبكذا تعم الفائدة :113: . ا هـ
طبعاً انا جيت كذا ورميت الموضوع بعد انقطاع طويل
عن المنتدى ومدري وش الناس فيه ولا ادري عن شي
فكان حنا وافقنا وقت مناسب لطرح الموضوع الحمد لله
ون كان الوقت غير مناسب فالعذر والسموحة
ادري فيه بعض الاخوان بيقولون من وين طلع ذا بس معذورين
المهم هذا مقدمة والموضوع بعدها على طول ان شاء الله
يوووه ياخي والله من جد قديييم:110:

مواضيع عشوائيه ممكن تكون تعجبك اخترناها لك:

• ابي احظر مباراة برشلونه وابي اجلس في اول الصفوف كيف الطريقه؟
• برشلونه مدريد
• استفسار عن رحلتى فى نوفمبر لمدريد
• يوم في اسبانيا
• اسبانيا و ساعدوني
• برشلونة او مدريد ايهما افضل
• استفسار عاجل
• مخطط رحلة شباب
• برشلونة في ابريل
• تـقريـر رحـــــــــلة الـى أســـبانيا الشـمال والــشرق
• استفسار بسيط
• مساعدة بخصوص اسبانيا
• اليكم التحدي ايها الخبراء الاعزاء على قلبي
• استفسارات لخبراء إسبانيا
• ملاك في ورطة ساااااعدوني بليـــــــــــــــــز
• محتاج مساعده لشهر العسـل
• استفسار فيزا إسبانيا من المغرب
• أرجو المساعده ضرووووووووووووووري
• سؤال السفارة الاسبانية بجدة
• كيف الجو بشهر ؟؟؟؟

احلا انا اول واحد يرد :109:
المهم يا اخوان ترى المواضيع في هذا المنتدى تعتبر مراجع يحتاج اليها كل مسافر
يعني ما يهم التاريخ كان قديم او جديد :108:

حياك الله اخوي راكان
وفي انتظار تقريرك

الله يحييك اخوي نمرو وتشرفنا بهالطلة وابشر بالتقرير

ما شاء عليك اخوي راكان اسلوب ولا اروع
واصل في انتظارك

متابع بشغـف ..
أسلوب أكثر من رائع ما شاء الله عليك :24: ..
تكفى كمل ..:110:

السلام عليكم
يا هلا وغلا اخوي الاشبيلي ابشر بسعدك بكمل اليوم انشاء الله
شرفني مرورك

اليوم بتكلم عن ايجار السيارة
وكيف حجزتها ومن وين وليه ومتى (خلاص عاد) :105:
فكرة ايجار السيارة بدت عندي يوم عرفت ان سياراتهم
يسار مثلنا وان شوارعهم ما هنا فرق عن شوارعنا واهم
نقطة هي اني عرفت ان ايجار السيارة اوفر واريح واحسن
وازين واحلا وكل شي وهذا حسب كلام [mark=FFCC33]اخونا الشاب الله يحفظة[/mark]
المهم انا بحثت في النت ولقيت اسعارها في حدود 2000 ريال
اويزيد ورحت ولفيت المكاتب الي يقول ما فيه والي يقول
مرني بكره ورحت للصرح عشان اشوف الاسعار وقلت
ابغا اصغر سيارة بدون مكيف وقعد يحسب شوي وقال
لمدة قال مدة 15 يوم بتكلفك 1800 ريال مع التامين
والكيلو مفتوح يعني يطلع لي اليوم الواحد بــ120 ريال
قلت لاغاليه الاسعار هذي وخاصة ان السيارة بدون مكيف
وانا ابغا مكيف يعني بيزود السعر زيادة ولازم تكون السيارة
مكيف لإن اهل الخبرة يقولون ان الموسم هذا حار شوي
ورجعت ابحث في النت ووبعد بحث مظني طحت على موقع
(((((هذا الرابط))))))
[mark=FFCC66]http://www.spain-car-rentals.com/frames_uk.htm [/mark]
ولقيت فيه بنرات ودعايات عن تخفيضات في عدد من المدن
الاوربية ومعاهم ملقا دخلت وطلبت ملقا وحددت طلباتي طلعت
بتكلفني 225يورو يعني 1060 ريال تقريباً سيارة صغيرة
هذي صورتها (نيسان ميكرا 2004 العداد 400كلم فقط:24:

مكيفة اربعة ابواب لقيتها رخييييصة مره بالسعر هذا شامل
التامين والكيلو مفتوح يعني لايردك الا رجلك اول شي كنت
خايف من الموقع بس كان العرض هذا من شركة ريكورد
العالمية ولكن عن طريق موقع متخصص بالايجار المخفض
من عدة شركات ومن ضمنهم شركة ريكورد قلت ياولد مهوب
مالهم هم الا انت عشان يلعبون عليك وتوكلت على الله وطلبت
حجز وردو على الايميل بعد 12 ساعة بالموافقة وكملت الاجراءات
ويوم وصلت آخر خطوة اللي هي رقم بطاقة الائتمان قالو تبغا تحاسب
الحين دخل رقم البطاقة وكانك تبغا تحاسب عند استلام السيارةالله يحييك
قلت الابعدين قالو اطبع الصفحة هذي وجبها معك وتلقا مكتبنا تحت صالة العفش
في مطار ملقا وهكذا طبعتها وحطيتها مع التذاكر بكذا انتهينا من جميع الحجوزات
وكل شي تمام . :113: :101: :24:
.
.
.
لنا لقاء في باقي التفاصيل ان شاء الله
.
.
.
وشكلها بتطول شوي عشان انا ما بعد كتبها :101:

ماشاء الله ..

متابع بشغف ..:101:

ومتى الجزء الثالث يابو الليد ؟؟ :109:

يا هلا بيك
الجزء الثالث جايك بالطريق يا بعد حيي جايك بس يبيلو شوي وقت

وين الناس كلهم مسافرين :114: :110:

شكل توقيت الموضوع ما له داعي :105:

:101:

المشاركة الأصلية كتبت بواسطة راكان


وين الناس كلهم مسافرين :114: :110:
شكل توقيت الموضوع ما له داعي :105:
:101:



لا تونا ماسافرنا سفرتنا الجمعه الجايه بس سفره كايفه (على قولة أهل المغرب) لأنها راح تكون شهر وماخذين إحتيطاتنا بأغنية طال السفر ؛ المهم موضوعك متابعه بصمت من يوم كتبته والحين أبي أقولك
كلامك سهل وأسلوبك حلو وجميل وممتع بس عيبك مو صاحب مسافات طويله تعطينا جزء نوعا ما
ليس بالطويل وتشوقنا ثم تغيب وكل مره خايفين ان غيابك يكون مثل غيابك لما سألت عن أقرب فندق
عن قصر الحمراء العظيم.
خلنا مماسبق كله بس ودنا نسمع جزيئة قصر الحمراء قبل موعد السفر اللي بعد اربعة ايام وانت طيب
وإحنا نستاهل ان شاءلله ؛ على العموم ودنا نسمع باقي الحكايه ومبين القادم أحلى
وتسلم يمينك على الروعه ولاتنسى الصور .


وواصل هناك من ينتظر.

أنا متأكد أن هذا الموضوع إن شاء الله راح يصير من أفضل مواضيع هذه الساحة لأن فيها تفاصيل لم يتم التطرق إليها من قبل الذين سافروا من قبل


تحياتي

السلام عليكم ورحمة الله
هلا والله اخوي الاندلسي شرفني مرورك يا الغالي
ابشر بسعدك وبالنسبة لقصر الحمراء ما عندي عنه الا معلومات تافهة قياساً
بالمعلومات اللي قدمها اخوي اشاب وباقي الاخوان
لكن انا بعطيك اللي عندي ومادمت مستعجل اجل ابجيب قصر الحمراء اول شي وبعدين اواصل
وبالنسبة للصور شكلي ابسرق من صور بعض الناس :109:

المهم ارجو اني اقدم شي جديد ومفيد ودمت بخير اخي العزيز

المشاركة الأصلية كتبت بواسطة الشاب


أنا متأكد أن هذا الموضوع إن شاء الله راح يصير من أفضل مواضيع هذه الساحة لأن فيها تفاصيل لم يتم التطرق إليها من قبل الذين سافروا من قبل
تحياتي




هلا والله اخوي الشاب

اله يجبر بخاطرك يا شيخ :101: والله كذا بتحملني مسئولية اني ما اترك ولا ذرة من التفاصيل
لكن انا بحاول قدر المستطاع اني ارد لك انت والاخوان بعض الجميل :101:

دمت بخير اخي العزيز

[frame="7 80"]
بصراحه وبدون مجامله كان جزء روعه ؛ والحدائق جنرا لايف هاذي إسمها بتاريخنا ( جنات العريف)

لأن نحن نحن أصحابها مهما طال الزمان ؛ الجزء هذا بعد تميز بالصور الحلوه والغريبه اللي هي فيها

الرسم والقديمه بصراحه عجبتني حيل بس ياليت تقولي من وين أخذتها لأن سفرتي بكره !! ياليت ترد

علي اليوم بأسرع وقت.

أبدعت وتسلم يمينك ياركان ,[/frame]

والله روعة وخيال ..
ماشاء الله عليك أسلوب في العرض أكثر من رائع ..
وأعجب شيء من الصور هو : الصور القديمة و جنات العريف ..
واصل حفظك الباري وزوجك الحواري

عفواً يا اخوان اضن هذا رابط الفندق وبعض المعلومات عنه :101:
http://granada.gtahotels.com/hotels/...life_hotel.htm
Alixares Del Generalife Hotel
Address: Paseo De La Sabika 27 18009 Granada
Location: Suburbs
وهذي بعض الصور للفندق بس اضن فيها شوي مبالغة مدري :108:
.

.

.

اخي راكان .

تقرير رائع.

أعجبتني حلقة قصر الحمراء جدا ، صورك ولقطاتك غاية في الروعة.

ننتظر باقي الأجزاء فلا تتأخر علينا.

تقرير حلوووو وموضوع راااايق ومشوق


شكرااا لك

صراحة تقرير رايق
اعجبني الاسلوب في الطرح خاصة التنوين:109:
على قولت المصريين دمك شرباات:24:

نبي معك نواصل .. فلا تبطي في الفاصل:115: :106:

السلام عليكم ورحمة الله
اختي :السيدة درجة اولى
انتي اروع ومشكورة على الاطراء وشرفني مرورك
ساقوم ان شاء الله بتنزيل الاجزاء الاخرى في اقرب فرصة
دمتي بود اختي العزيزة

المشاركة الأصلية كتبت بواسطة عاشقة الاندلس


تقرير حلوووو وموضوع راااايق ومشوق
شكرااا لك

الاخت: عاشقة الاندلس
الله يجعل ايامك كلها حلوة ورايقة
العفو يا اختي

حتى الان رائع اخي راكان واصل على هذا النهج

كبيان

الله يعطيك الف عافية أخوي راكان وبانتظار المزيد

الأخ العزيز ركان :

أثرك مبطي عن المنتدى!! .. ترى الدنيا تغيرت .. هشام تزوج .. واللندني جاته بنت وبعدين جاله ولد .. والشاب فتح له مكتب سياحي .. والأندلس سافر لأسبانيا .. وفيه ناس خلصت دراستها بالخارج .. ومحمود دخل الجيش .. أما جمالات وعيالها فقد انتقلوا للعيش في إحدى دول الخليج!! .. وصارت بعض التغييرات الادارية في المنتدى .. وتمت ترقية ناس .. وناس ينتظرون الاشراف على بوابات جديدة .. صارت علوم وعلوم في غيابك!! ..






مروراً بالجزيرة الخضراء وطريف وجبل طارق ..



ما كأن طريف وسكاكا وحفر الباطن بعيدة شوي عن جبل طارق؟! ..

متابعينك يا راكان .. والله وكبرت يا ابني!! .. الله .. يا سرع الأيام!! ..

اخي راكان احيك على اسلوبك بالكتابه لأنك جعلتنا نتتبع كل ماكتبته بشغف واتمنى ان لاتطيل علينا

بتكملة ماتبقى ...

ودمت..

المشاركة الأصلية كتبت بواسطة abo awad


صراحة تقرير رايق
اعجبني الاسلوب في الطرح خاصة التنوين:109:
على قولت المصريين دمك شرباات:24:
نبي معك نواصل .. فلا تبطي في الفاصل:115: :106:



السلام عليكم ورحمة الله
هلا والله اخوي ابو عواد انت اروق يا غالي وهذا من ذوقك :101:
وما عليك زود يشرفني اني معكم اواصل ولا ابطي في الفصل :101:
دمت بخير اخي العزيز

المشاركة الأصلية كتبت بواسطة KABAYAN


حتى الان رائع اخي راكان واصل على هذا النهج
كبيان



السلام عليكم ورحمة الله
هلا والله بالغالي كبيان نورت الموضوع يا غالي :101:
واتمنى اني اكون رائع لى حين وابقى ردحاً من الزمان وانا رائع :109:
ابشر بالخير وان شاء الله نكون عند حسن الضن
دمت بخير اخي العزيز

المشاركة الأصلية كتبت بواسطة سلوم


الله يعطيك الف عافية أخوي راكان وبانتظار المزيد




السلام عليكم ورحمة الله

هلا بيك اخوي سلوم وانت الله يعطيك ألف عافية اخرى :101:

وابشر يا غالي ان شاء الله ما يطول انتظارك :101:

دمت بخير اخي العزيز

المشاركة الأصلية كتبت بواسطة Abu sultan


الأخ العزيز ركان :
أثرك مبطي عن المنتدى!! .. ترى الدنيا تغيرت .. هشام تزوج .. واللندني جاته بنت وبعدين جاله ولد .. والشاب فتح له مكتب سياحي .. والأندلس سافر لأسبانيا .. وفيه ناس خلصت دراستها بالخارج .. ومحمود دخل الجيش .. أما جمالات وعيالها فقد انتقلوا للعيش في إحدى دول الخليج!! .. وصارت بعض التغييرات الادارية في المنتدى .. وتمت ترقية ناس .. وناس ينتظرون الاشراف على بوابات جديدة .. صارت علوم وعلوم في غيابك!! ..
ما كأن طريف وسكاكا وحفر الباطن بعيدة شوي عن جبل طارق؟! ..
متابعينك يا راكان .. والله وكبرت يا ابني!! .. الله .. يا سرع الأيام!! ..



السلام عليكم ورحمة الله
عزيزي ابو سلطان : ايوالله اني مبطي عن المنتدى عشان انا انشغلت في الفترة الاخير وصرت مصلحجي
ما ادخل المنتدى الا اذا كنت محتاج شي :109: غير كذا مافيه
اهم شي محمود دخل الديش وجمالات وعيالها:11ight: والله انك مهستر من جد الله يوسع صدرك
تصدق جلست شوي افكر في (الاندلس سافر لأسبانيا)مافهمت الا بعدين :108:
لكن طريف هههههههه طريفا او طريف بفتح الطا وكسر الرا والياء وفاء ساكنة:113: :109:
بس لاتستهبل علي لانك الظاهر انك تعرف الكفت (مدري وش الكفت:105: ) :101:
شرفني مرورك ياغالي ومن جد عطيتني معلومات جديدة ومفيدة
دمت بود اخي العزيز

المشاركة الأصلية كتبت بواسطة دانةنجد


اخي راكان احيك على اسلوبك بالكتابه لأنك جعلتنا نتتبع كل ماكتبته بشغف واتمنى ان لاتطيل علينا
بتكملة ماتبقى ...
ودمت..



السلام عليكم ورحمة الله
هلا والله اختي دانة نجد: منورة يا غالية وهذا من ذوقك :101:
ان شاء الله باسرع وقت اكمل الباقي
دمتي بود اختي العزيزة

ألأخ راكان

اسلوب فكاهي فريد في السرد والرد!!:24:
قرات الصفحات الثلاث بسردها وردودها وكم كنت اتمنى لو أجد الموضوع منتهياً حتى لا اعاني ملل الانتظار.
ولكن المكتوب ما منه مهروب يعني بنتظر مثلي مثل الباقيين:109:

السلام عليكم ورحمة الله وبركاته
تسلم يمناك يا راكان
اتصدق عاد000 عمري ما مريت على هذي البوابة ،وما ادري شاللي خلاني امر عليها ولقيت روحي اقرا تقريرك الاكثر من رائع(مع شكري واحترامي لكل مساهم في هذا المنتدى القدير بكل بواباته)
ومنه قررت باذن الله ان السفرة الجاية تكون على بلد الاجداد-سابقا-
اكرر كثير شكري وتقديري لتقريرك المتميز

[frame="7 80"][glint]الله يعطيك العافية أخويه على اسلوبك الرائع في كتابة التقرير والصور الاكثر من رائعة . [/glint][/frame]

اول تقرير اقراه في هالقسم.....وكاااان شي عجيب....الله يوفقك اخي الكريم راكان و يقدرك انك تكمل لنا تقريرك الرائع و باسلوبك السلس الممتع,,,,
لاتطول الغيبات ترانا نتريا

والله تقريرك روعة وخيال اخي راكان
ماشاء الله عليك أسلوب في العرض أكثر من رائع

السلام عليكم
اخواني انا اسف على التأخير عشان انا كنت مسافر لسياحة في ربوع بلادي:101:
حيث زرت ابها البهية وكانت بالفعل ابها والحمد لله اني هونت عن صلالة
لقيت في ابها جو ازين من صلالة من 6اغسطس الى 16 اغسطس
اجواء ولا بالخيال براد وضباب ومطر ورذاذ وكل شي
حتى اني مرة طلعت اشوف فيه غيوم والا لا وما قدرت اشوف من المطر:101:
وصبرت لين وقف المطر عشان اقدر اعرف فيه غيوم والا لا:109:
المهم رحت استمتعت وخلصت مستمتع ورجعت الحمد لله :24:
وبكمل التقرير حق اسبانيا قريباً ان شاء الله

المشاركة الأصلية كتبت بواسطة الإشبيلي


ماشاء الله عليك ..
قرت الموضوع مرتين ومع ذلك ما مليت من أسلوبك ..
بس وين الباقي ؟؟؟؟ لأني متحمس أقرا لك ؟؟؟؟؟!



السلام عليكم
هلاو الله بالغالي ياخي والله من ذوقك بس وابشر بالباقي قريب ان شاء الله
شرفني مرورك

الظاهر المنتدى فيه عطل من 20يوم وهو يخربط :108:

المشاركة الأصلية كتبت بواسطة نصراويه


ألأخ راكان
اسلوب فكاهي فريد في السرد والرد!!:24:
قرات الصفحات الثلاث بسردها وردودها وكم كنت اتمنى لو أجد الموضوع منتهياً حتى لا اعاني ملل الانتظار.
ولكن المكتوب ما منه مهروب يعني بنتظر مثلي مثل الباقيين:109:



السلام عليكم
اختي نصراوية ياهلا وغلا هذا من ذوقك وتشرفت بمرورك اختي الغالية:101:
وبالنسبة لانتها الموضوع شكله بيطول شوي كل مرة بنزل جزء صغير
من الموضوع لاني وللاسف الشديد كسول ومشغول :108:
:101:
دمتي بخير

المشاركة الأصلية كتبت بواسطة سلمان وبس


السلام عليكم ورحمة الله وبركاته
تسلم يمناك يا راكان
اتصدق عاد000 عمري ما مريت على هذي البوابة ،وما ادري شاللي خلاني امر عليها ولقيت روحي اقرا تقريرك الاكثر من رائع(مع شكري واحترامي لكل مساهم في هذا المنتدى القدير بكل بواباته)
ومنه قررت باذن الله ان السفرة الجاية تكون على بلد الاجداد-سابقا-
اكرر كثير شكري وتقديري لتقريرك المتميز



السلام عليكم

ويمناك يا غالي وانت اروع ويا مرحبا وهلا اخوي سلمان انت غالي وبس طال عمرك :101:
وما جابك لهالبوابة الا حظنا الزين شرفني مرورك وزاد من قيمة موضوعي:24:
وتسلم يا غالي :101:
دمت بود اخي العزيز

المشاركة الأصلية كتبت بواسطة عاشق الطبيعة


[frame="7 80"][glint]الله يعطيك العافية أخويه على اسلوبك الرائع في كتابة التقرير والصور الاكثر من رائعة . [/glint][/frame]



السلام عليكم
وياك يا عزيزي الروعة هي تشريفك لموضوعي :101:

تسلم على هالاطراء ودمت عزيزاً

المشاركة الأصلية كتبت بواسطة عاشقة الرفاهيه


اول تقرير اقراه في هالقسم.....وكاااان شي عجيب....الله يوفقك اخي الكريم راكان و يقدرك انك تكمل لنا تقريرك الرائع و باسلوبك السلس الممتع,,,,
لاتطول الغيبات ترانا نتريا



السلام عليكم

مرورك على هالقسم وقراءة موضوعي شرف للقسم وللموضوع :101:

ويوفقك انتي بعد اختي عاشقة الرفاهية ويجعل رفاهيتك في الدنيا والاخرة:101:

ان شاء الله ما اطول :108:

دمتي بود اختي العزيزة

المشاركة الأصلية كتبت بواسطة alhebsi


والله تقريرك روعة وخيال اخي راكان
ماشاء الله عليك أسلوب في العرض أكثر من رائع



السلام عليكم
اخي العزيز alhebsi الخيال والروعة هي اخلاقك وذوقك
تسلم على هالاطراء اخي العزيز :101:
دمت بخير يا عزيزي

ياسلام عليك اخوي راكان
:x1:
والله زمان عن اسبانيا
:110:
اخر مره زرتها سنة 1984م
بس مأنسا أيامة الحلوه مع العائلة
مشكور اخوي راكان
تحياتي

اخي الشاب :
اكتشفت ان من يسافر إلى اسبانيا يصاب بداء خطير وشر مستطير ومستطيل ومربع وكل الاشكال !
ألا وهو داء التسويف وابشروا بتقرير ما يجيك إلا بعد سنتين هذا النشيط الشقردي ..
بس لا تحتار ولا تهتم عندي علاج ما يخر المية منه :
[ حبتين مره .. وثلاث ملاعق رشاد .. تخلطهن .. ثم تذر عليها خوى جوى .. وشوية من صرار حايل .. وتنقعهن بمرقة حلب.. وتخلطها بفكس وفازلين وجلسولين .. وتدهن فيها ثلاث مرات لمدة اسبوع ونصف وثلاث ساعات وربع ]
وعلى اقرب مستشفى ..

لا يا راكان .. يا استاذ راكان .. يا باشا راكان .. يا ابو حثلين .. ما يصير .. افا بس .. اف بس .. ابد ما يصير .. ياخي يكفي شركات التقسيط ماصين دمنا وشافطينه .. جاي بالأخير حضرتك وتقسط علينا حروف .. ولا كلامات متقاطعة .. يا خوفي تقول بالأخير طلعوا الكلمة الضايعة !!

اخوي راكان من جميل تقريرك وصلت درجة الإمتاع حد السكرة .. وشف وش سويت فينا بأعلاه .. صار الواحد يهذي من الشوق والحنين لاكما هذا الكمال ونستزيد من هذا التمام .. بوركت على سردك الجميل .. وطرحك الأجمل .. ولمزيد باشتياق .. وتقب تحياتي وتقديري يا محب !

المغامر

سلمت أناملك يا راكان ...... :24:

الله يسامحك يا راكان

يعني لي متى ننطر ؟؟؟؟؟؟؟؟؟