إخواني وأخواتي في منتدى العرب الأول / منتدى العرب المسافرون ، سلام من الله عليكم ورحمته وبركاته ، سلاااااااااام أزجيه من صبا نجد ، مفعماً بالورد والرياحين والياسمين ، ممزوجا برائحة الشيح والخزامى ....
أحبائي : أعضاء منتدى العرب المسافرون ومشرفيه ، إليكم رحلتي مع أحبتي إلى بلاد السريلانك ، أو سرنديب ، أو سيلان كما يحلو للبعض :109: ، ، ، فلكل واحد مايشاء أن يختار من هذه الأسامي ، وسوف أقوم بتفصيل هذه الرحلة ، وفصفصتها حبة حبة كما وعدتكم في موضوعي : مقتطفات سريلانكية ،،،، لعل من يقرأها أن يجد فيها الفائدة ، وقد كنت عازم النية على أن أبدأ بالتقرير يوم الجمعة القادم ولكن لدواعي السفر رأيت أن أقوم بإعداده هذا اليوم حتى لا تأتي الجمعة إلا والموضوع موجود للأحبة :24:
كما أتمنى من أحبتي زوار هذا التقرير ألا يبخلوا علي بالتقييم ، حتى أستفيد منكم في التقارير القادمة ، شاكرا لكم مقدما مروركم الكريم ...
فعلى بركة الله نبدأ ، وعلى بركة الله نكتب ، وعلى بركة الله اقرأووووا :
# لماذا سميت الرحلة بهذا الاسم ؟
ج : السبب هو أن أحد الأخوة السعوديين ـ جزاه الله خيرا ـ :109: ، رآنا أثناء الاصطفاف عند الجوازات نتلفت ذات اليمين وذات الشمال :108: ، فقال بكل لقااااااااااافة : وراكم تلفتون : الأخوان منبهرين ؟
قلنا وش ننبهر منه ياقووووووي ؟:113: قال : مدري ؟ يمكن أول مرة تطلعون براااا ههههههههه ؟
واااااااااو بمووووووووت من الضحك :109: ، قلنا طيب وأنت ؟ قال أنا : ( قبل ) أسافر ؟
طبعا أكيد أنتم : كمان انبهرتوا معانا ، بسبب كلمة : قبل ،،، هل فهمتموها : يعني كثير ،،،:109:
شكل الأخ قروووووووووووي ، ولا غيبة لمجهوووووووووول .
المهم : تمت رحلتنا على خير ، وخلال 12 يوم من التنقل في بلاد السريلانك أصابنا الانبهار الحقيقي من الجمال والشلالات والأنهار فسميت الرحلة : رحلة الانبهار .....
# سيكون هذا التقرير بحول الله وقوته خمسة أجزاء :
ـ الجزء الأول : هذه المقدمة مع اليوم الأول في كولمبو .
ـ الجزء الثاني : ويتضمن اليوم الثاني والثالث من الرحلة في مدينة : Polonnaruwa ـــ مرورا بمدينة : Dambulla .
ـ الجزء الثالث : ويتضمن اليوم الرابع والخامس من الرحلة الانبهارية ، وكانت الإقامة في مدينة : كاندي .
ـ الجزء الرابع : الأيام : السادس والسابع والثامن ، والإقامة في نوراليا .
الجزء الخامس من التقرير : ويتضمن اليوم التاسع والعاشر والحادي عشر : وكانت الإقامة في : Beruwala ، طبعا مع زرقات خفيفة لبنتوته ، وما جاور غصنها ، وكذلك سيشمل هذا الجزء اليوم الأخير وهو اليوم الثاني عشر من الرحلة ، وذلك في : نوقمبو .
# الرحلة كما قلنا 12 يوم ، من يوم 30 / 7 / 2006 م ـ وحتى 10 / 8 / 2006 م .
# الإقلاع من مطار الملك خالد الدولي الساعة 2 صباحا ، طبعا ولله الحمد لم نتأخر إلا نصف ساعة :x1:
# الرحلة خمس ساعات تقريبا تزيد في الذهاب قليلا ، وتنقص في العودة قليلا .:114:
# التذكرة 1550 ريال ( بصراحة جححح ) يعني : بلاااااااااااااش . علما أن بعض المكاتب أغلى بقليل ، حصلناها بــ 1650 ريال .
# فارق التوقيت بين البلدين تقريبا : 2:40 دقيقة ( ساعتين وأربعين دقيقة ) . هم سابقينا :11ight:
# العملة : ا دولار = 102.55 روبية ،،، اريال = 25.5 روبية سريلانيكة .
طبعا خذ قريشاتك من بنكك ، وحولهن لدولار بالمطار الدولار : 3.76 ريال سعودي . ثم بالمطار حولك 200 دولار تقريبا إلى روبيات حتى تمشي نفسك أول يوم ،،، ثم الباقي يكون الصرف من البنووووووووووك ، نفس المطار تقريبا ، وانتبه تصرف من الفنادق يأكلونك أكل البرشووووووووووومي :109:
# فكرة السفر في البداية : كانت فكرة صديقي الدكتور حيث كان يتندح ومحتاج لسفرة يتونس فيها ويرفه عن نفسه من عناء العمل ، فعرض الفكرة علي فرفضت هههههههههه :109: ، ألح الرجل علي : وقد كنت ضعيفا أمامه ، فوافقت ما أستطيع المقاومة على السفر ، عرضت الفكرة على أحد الزملاء فقال معكم وين تذهبون ؟ ترى ياجماعة ماحددنا الوجهة ... قلت للرابع قال هه ؟ وين ؟ قلت مدري بس نبي كلمة : قال يعني وين قلت صلالة ؟ قال : أشوووف ؟ طبعا هو كويس بس دايم يعلقنا ؟ يآخذ من سعة ويعطينا من ضيق ؟
ومار والله أحده قلت مافيه نبي كلمة ولا ترى العيال كنهم يقولون سريلانكا ؟ قال تدري ، وين ماتروحون معاكم ::: الله أكبر يحي العدل .
قلنا هه وين نرووووووووووووووح ، بعض الربع جايين العام الماضي من سريلانكا ويصيحون من زينها قلنا يالله نروووح يم سريلانكا .
طوااااعية قمت بالبحث عن سريلانكا والرحلات إليها ، وبصراحة قلت بشوف منتدى العرب المسافرون خابره يتكلم عن الرحلات ، وفعلا ماشاء الله تبارك الله وينك ياصااابر ، وش تشوف رحلات بالكوم ومعلومات بالهبل : يعني كثيرة ـ فأعددت مذكرة كاملة عن سريلانكا من رحلات الأخوان السابقين خصوصا الرحالة الكبير أبو عمر ، والرحالة أغنية المطر ، والرحالة سدير ، وعاشقة ,,,, وغيرهم كثير وعرضتها على الزملاء فأعجبوا أيما إعجاب ، طبعا وضعت البرنامج لمدة 12 يوم واخترت المدن ، وأحببت أن نكثر التنقل حتى نعرف كل شئ هناك ، وإن كان متعبا بعض الشئ لكن شباب عزاب يتحملووووووووون :109:
وافقوا على المخطط ، وتوكلنا على الله وحجزنا على كولمبو في الموعد السابق ذكره وبيانه ...
# طبعا أجرينا الاتصالات على مكتب : الحاج عبد العزيز والجميع يعرفه من خلال هذا المنتدى ، وأعطانا سعرا خياليا وقوامه 12000 ريال ، وكلمنا زهراني وكان الوقت ضيق وقلنا إذا وصلنا لكولمبو نمر عليك .
# أصلا احنا عزوووووووووبية وما تفرق معانا نحجز هنا هناك أهم شئ مو عواااايل ، واللي بصراحة لازم تدبر عمرك قبل ما ترووووووح :110:
# على بركة الله قربت السفرة ، جمعنا الأغراض ، وخصوصا عدة الطبخ :110: + التمر + المعلبات ( من العثيم ) دعاااية مجااااااانية :24: ، اجتمعنا بالرياض ، وتعشينا مشوووووووووووووي ، ثم ذهبنا إلى مكان الاجتماع في بيت أحدنا ، وقررررررررررررشنا السيارة في منرله ، وطقينا ملابس الرياضة آخر كشخة :109: ، وعلى بركة الله للمطار بقيادة أخيه مجاااااااااااااااااانا ، بس على سيارتنا ، المهم وصلنا المطار الساعة 12 ، عطيناهم العفش ، وعطونا البوردنق ، وصرفنا ، وعينا من الله خير .
# طررررررررررفة يا أصحابي :
لحظة التفتيش الشخصي وإنزال الإغراض : وضعت أغراضي بما فيهن الجوال ، وننتظر يطلعن من التفتيش الآلي ما طلعن ؟ قلت ياعسكري جوالي راح . قال يطلع ، قلت حبيبي وين حاطهن من زمااااااااان .
وراء فيه عسكري نشمي طير شلوا الله يجزاه خير سمعنا نقول كذا قال ردوا ذيك العمالة ( 4 أشخاص ) بدون مانحدد جنسية . ورح هو وأحد الزملاء يحدونهم وأجي أبروح معاهم قال ارجع ،،، طبعا مابعد قضى مني :109: ، بس أنا من الخبصة بغيت أروح قبل ما يختم على الجواز ، المهم ، كنا نواصل الاتصال بالجوال واشوى يرررررررررررررررن ،،،، ردوا العماااالة ، وأنا أقرب وأسمع رنين الهاتف ، قلت ياجماعة اسمعوه يرن وينهو ؟؟؟؟ يوم درينا وراه والله بين يدي أحد العمالة ؟ ضافه هو وقشه والله مدري هو متعمد وإلا لا ,,, المهم صارحت ضحك بصراخ انتهت على تهزئته ومن ثم اطلاق صراحه ، لأنه أقسم أنه لم يكن متعمدا ...
# خاطرة : أم العيال كانت متشائمة من الرحلة مدرررررررررري ليه ، كمان أم العيال لأحد الزملاء الآخرين كانت متشائمة ، قلنا بالمطار هذي أولتها الله يعين على آخرتها ،،،، ما يهم نواااااااااااااصل .
# أقلعنا من المطار الساعة 2،30 تقريبا ووصلنا هناك بعد خمس ساعات وربع .
# كانت الأجواء جميلة جدا .
# أخذنا الأغراض بعد الانتهاء من الإجراءات الرسمية والصرف والطرفة مع المنبهر ،،، خرجنا فإذا بالمكاتب السياحية ، رحنا يم واااحد أسمراااني اللون شب علينا وشبينا عليه ، قلنا هذي 12 يوم بكم ؟ ومع الكلام وكثرته صفينا على 400 دولار ( سائق وسيارة ) ، رحنا يم عبدالعزيز قلنا احنا مكلمينك من السعودية وش صار علينا بصراحة غالي ، قلنا عطنا السيارة ، قال 400 دولار ، قلنا مو مشكلة موافقين ، أما الفنادق فغالي جدا ، قلنا ندبرها أول يوم بهلتون لأن فيه مكتب لهم بالمطار ، لكن أبو سمرة ماتركنا لحقنا وتهاوش هو وعبدالعزيز كل واحد يريد أن يظفر بنا :109: ، ظفر عبدالعزيز بالسيارة ، والأسمراني قال عندي لكم فندق : كونتاننتل ، الغرفة الواحدة بــ 50 دولار ، قلنا تقض لنا غرفتين بــ 100 دولار بصراحة بلاش وجححح كمان ،،،، لأنه 5 نجوووووووووووم .
# أخذنا السواق مع الحاج عبدالعزيز بنفسه وطوال الطريق وهو يحسب بالألة واحنا ما ندري وش القصة .وصلنا على بركة الله للفندق ...................... خلوووونا ندف لكم هاللي كتبنا ثم نواااصل مباشرة .:113:مواضيع عشوائيه ممكن تكون تعجبك اخترناها لك:
- إلى خبراء كيرلا ارجوا المساعدة في بعض النقاط
- الفزعه ياجماعة الخير
- شكر و طلب مساعدة
- لأهل الخبرة ، ما خاب من استشاركم
- كلكت كيرلا الروعة تذهب المشقة يوم
- مهم مطلوب ارقام سواقين بسيرلانكا
- كم استفسار عن سوريا
- شهر عسل في سريلانكا
- الخضرة والسحاب بالصور سبحان الله الخالق
- مشورتكم في برنامجي السياحي الى سيرلكا
- تقرير رحلتي الى سريلانكا العجيبة
- رحلتي الى سريلانكا أغسطس
- سيرلانكا قمت بحجز التذاكر والفنادق بعض الإستفسارات بارك الله فيكم
- كم النقود ؟
- رحلتي في تاريخ إلى سريلانكا
- كيف هي أجواء كيرلا في شهريناير
- رحله عايليه
- انقذوني سفرتي الى قوا وكيرلا
- المساعده في عمل برنامج لسيرلانكا
- عاجل فديت عيونكم ردوا علي الله يرد وجيهكم عن النار الى الهند
المفضلات