الموضوع: العصيمي توهقت ساعدني

السلام عليكم
ارجو ان اجد الحل عندك
انا شفت تقاريرك عن راتشابوري وعجبتني والحين تحسفت
المهم الحين مافي فايدة خلاص دفعت للفندق وانتهى الموضوع
المشكله الحين هي ان المنطقة مافيها تكاسي راسلت الفندق قالو لي ممكن نوفر لكم (فان)تاجير لكم للتنقلات ب1.800 بات لليوم
بس انا ماراح اطلع كل يوم وشسوي بالفان اصلا انا ابغي سيارة
قالو لي الحل انكم تاجرون سيارة خاصة من بانكوك
وانا مو مرتاحة لفكرة ان زوجي يسوق في تايلند وبانكوك المزدحمة خصوصا
يعني احنا راح ناخذ تاكسي من بانكوك لين راتشابوري ولكن المشكلة بعدين في راتشابوري اذا نبي نطلع من الفندق شنسوي
تعتقد ناخذ تاجير سيارة من بانكوك هل الطريق امنه والا شنو الحل ؟؟؟؟؟
تعبت بصراحة من الموضوع
ارجو المساعدة باسرع وقت لو تكرمت

الاربع جهات (ام محمد)

مواضيع عشوائيه ممكن تكون تعجبك اخترناها لك:

• فندق ديديمان
• استفسار عن الكشف لمرض انفلونزا الخنازير
• السفر من السعوديه لتايلند على الخطوط السعوديه؟؟؟
• من بانكوك الى بتايا
• فندق فيه بركة سباحة خاصة في العاصمه بانكوك
• معلومات قد تفيدك حياك
• رايكم ياشباب في
• استفسار بخصوص النزول من بانكوك والطيران الى بانكوك
• استفسار عن شهر عسل في تايلاند
• ممكن برنامج لمدة يومين في الاذقية وطرطوس
• أول مرة أذهب إلى سوريا
• شقق فندقية
• أبولودور الدمشقي أشهر معماري بروما القديمة
• تهنئة
• اللاذقية صورة مفصلية وهامة جدا مع الشرح
• خبراء بانكوك شارع شارع زنقة زنقة دخلووو بليز
• استفسار عن منتجع سياحي والتسوق في تايلاند لاول مرة
• سعر البنزين في سوريا والأردن هذي السنه
• ماهو أفضل فندق من ناحية الموقع في بانكوك
• المساعده يا خبراء تايلند ماعندي وقت الله يوفقه اللي يرد عليي

مافي مشكله أبد

لايسوق زوجك ولا تؤجرون سياره

انتم كم يوم حاجزين راتشابوري ؟؟!!

كله يومين أو 3 صح ؟

بس تاكسي أو فان أو تاكسي بوكس من بانكوك الي راتشابوري

ثم في راتشابوري تمشون حول الفندق وفي دراجات حق الاطفال

راحه واستجمام , واستمتاع بالمناظر

ماتحتاجون سياره هناك .. واذا حصل ان الفندق يوصلكم الي بعض الاماكن القريبه ..ممتاز


شوفي .. هذا التاكسي أذا متوفر


http://www.up12.net/




تاكسي بوكس
يغني عن الفان
لمن أراد التنسيق معهم .. يخلي استقبال الفندق يكلمونه
مكتوب علي الكارت (يذهب للسوق العائم)
والسوق العائم في منطقه راتشابوري

ماعندي معلومات اخري عنه من زمان

مشكور وماقصرت والله
بس انا حجزت اربع ايام واحس انها وايد

Address : Silk Business Travel Co., Ltd.
211/10, Moo 10, Nongprue, Banglamung,
Chonburi, THAILAND
E-Mail : mailto:[email protected]
Web : Airport Transfers Thailand
Phone : Outside Thailand: +6638-427-9956
From Thailand: 038-427-9956
Fax : Outside Thailand: +6638-427-994
From Thailand: 038-427-994
Call Center 7/24 : Outside Thailand: +6689-245-5042
From Thailand: 089-245-5042
Outside Thailand: +6689-245-4796
From Thailand: 089-245-4796

هذه شركه
لديها اسطول سيارات
صالون
ميني فان
باص
الي راتشابوري وغيرها
اذا 6 أشخاص بالميني فان ياخذونكم ب 3000بات
سواء رايح أو راجع من مطار بانكوك الي راتشابوري

ماقصرت العصيمي
انا متاكدة اني ماراح اواجه مشكلة في الروحة الى راتشابوري
المشكلة هناك شلون بنتقل اذا بغيت اروح منتجع ثاني مثلا
خايفة وايد من السالفة

ام محمد
حجزتي 4 ايام بمنتجع واحد؟؟؟؟؟؟؟؟؟؟؟؟؟؟؟
اذا كانت الاجابه نعم فاقولك واااااااجد

لانه المنطقه زي الحديقه وكل يوم لازم تشوفين زهره جديده
بالنسبه للمواصلات يا ام محمد قلت من اول ..مو مهم توصل المنتجع المهم تتمشي بالمنطقه لان المنتجع خلالساعات وانت كاشف كل اسراره ومتمشي فيه بس لازم تروح خارج المنتجع وتحتاجين مثل ما قال الاخ العصيمي سياره من بانكوك والافضل ياخذك من باب الفندق بانكوك ويردك للباب مره اخري

وسلامتك

والله ماكنت اعرف هالمعلومة وعرفتها بعدين متاخر وكلمت صديقتي التايلندية كلمت المنتجع قالو لها خلاص الفلوس اذا اندفعت ماترجع مستحيل اذا نبي ممكن يحتفظون بالمبلغ كردت لنا
فهذي دعوة للي يبي يروح لراتشابوري اذا يبي يسكن بهذا المنتجع ممكن ارتب معاه يعني انا اجلس يومين مثلا وباقي اليومين احد غيري يروح يسكن ويدفع لي انا بدل المنتجع لاني دافعه لهم فهمتوني ؟؟ وانا اجرب منتجع ثاني
انا بكون هناك تاريخ 7/7/2011 الى 11/7/2011 ياريت اعضاء المنتدى يبادلوني بالمنتجعات

اختي
عطيني رقم الحجز وانا اكلم لكم الرشده لانه تعرفهم ويمك يكون خير

او تبيني اعطيك ايميله وترسلين المعلومات لها

ارسلته على ايميلها

السلام عليكم

انا يا جماعة حجزت بمنتجع في منطقة راتشابوري اسمة royal good view
المنتجع حلو وماعليه كلام بس المشكلة ان تسرعت وما اخذت راي الجماعة العصيمي وamen55 اللي هم خبراء راتشابوري بالمدة فحجزت اربعة ايام
طبعا هذي المدة وايد بمنتجع واحد
المهم اني الحين ودي اني اجلس يومين فقط وباقي اليومين اذا احد يبيهم لان المنتجع رفضوا يرجعون لي فلوسي قالو نقدر فقط نحتفظ لك بالفلوس (كردت) او اذا تبين تطلعين وتعطينهم اليومين حق احد
فهذا عرض للي يبي يروح للمنتجع في اي يوم من ايام السنة بدل مايدفع للمنتجع يدفع لي وياخذ اليومين لان انا ادري ان اربعه ايام عيالي بيملوووووون اتمنى اللي يبي المنتجع يرد علي او يرسل لي رسالة خاصة ورجاءا اللي جاد فقط في الموضوع .
تاريخ تواجدي في تايلند من 7/7/2011 الى 26/7/2011 واول شي بروح راتشابوري.
شكرا جميعا

الغالية لوتس
طمنتيني نوعا ما بس المشكلة انا عيالي مراهقين يبون الوناسة لو علي انا ما طلعت من المنتجع بس تعرفين طبايع المراهقين شلون .. عموما ان شاء الله نستانس
وابي اسالج عن ال سواق هذا عندج رقمه ؟؟
مشكورة

ام محمد انتي كلمتي الاخت mam يمكن عنده احد .لاني قبل 3 ايام تقول لي برنامجها شبه فل...اكيد عندها زبائن لمنتجعك

هذا رقم السواق (mr.jaek (0815566167) رحنا معه مرتين امين وعلى الموعد .معه فان ينفع للعائله ...

اختي العزيزه ام محمد اسالوا عن الرحلات من الفندق او المكتب الذي ذكرته لك واختاروا الذي يناسب لاولادك مثل :ركوب الفيله .وجوله النهر بالقارب .السوق العائم .زيارة المتحف والكهف وركوب قطار قديم من الحرب العالميه والشلالات وفيه تخييم بالغابه بصراحه ما رحت لها ؟؟ وحديقه النمور والتصوير معها .(شفتي الشلالات والفيله بفلم معتوق ببانكوك لطارق العلي مصورها بكانشبوري وقت ما كنا هناك .و شفناهم وقت التصوير )هههههه . فيه سوبر ماركت ومحلات بوسط المدينه نروح لها بسياره الفندق 10دقائق او اقل .