الموضوع: عندي برنامج الى تايلند وابي اخذ رايكم في السعر والترتيب

السلام عليكم ورحمة الله وبركاته
اخواني الاعزاء
انا عندي برنامج سياحي الى تايلاند من مكتب سياحي يتضمن
شيانغماي 3 ايام
بوكيت 4 ايام
بانكوك 6 ايام
طبعا مع الطيران الداخلي من مطار بانكوك الى مطار شيانغماي الى بوكيت الى بانكوك
مع الرحلات السياحيه طبعا كل يوم برنامج
الفنادق

شينغماي

شينغريلا
3 ايام

بوكيت

منتجع ماليسا
2 يوم

منتجع بانيان تري
2 يوم

بانكوك

Sheraton Grande Sukhumvit

6 ايام

مع سياره خاصه توصيل من والى الفندق اي غير مرتبط في الرحله السياحيه مع القروب المجموعه
كل الايام بسعر 2500

البرامج السياحيه

في شينغماي
رحله سفاري الغايه وركوب الافيال مع وجبة الغداء يوم كامل
رحله دوى ان تانون ناسيونال بارك مع وجبة الغداء يوم كامل

في بوكيت
رحلة فانج نجا جزيرة جيمس بوند اربع جزر يوم كامل بالقارب السريع
رحله نصف يوم لجزيرة بوكيت ومرورا بالشواطئ
عروض بوكيت فنتازيا طبعا مساءاً
رحلة يوم كامل الى جزيره كوه بي بي

في بانكوك

رحله مساءاً في العباره جراند بيل مع العشاء
رحله الى مدينة الاحلام حديقة الحب يوم كامل
رحلة الى عالم سفاري وورلد يوم كامل
رحلة الى السوق العائم يوم كامل

التكلفه الاجماليه للفنادق والمواصلات والطيران الداخلي بــ 182,880 بات
اي بالريال السعودي 22,382

ياليت تفيدوني ياشباب في ترتيب الرحله وهل هي غاليه وماهي نصائحكم
وهل اقدر استغني عن الرحله السياحيه واخذها من المكاتب في تايلاند بسعر ارخص
وهل اقدر الاقي سائق كويس وامين
مع العلم ان السياره الخاصه في العرض بس توصيل من الفندق والى الفندق بسعر 2500 بات في اليوم
هل هي غاليه ؟؟؟
ياليت تفيدوني ياشباب ونصائحكم لأني اول مره اروح لتايلاند بشكل سياحي

مواضيع عشوائيه ممكن تكون تعجبك اخترناها لك:

• السلام عليكم الرد اكثر من ضروري
• موافقة اولية على ادراج ثماني قرى سورية على لائحة التراث العالمي
• استفسارات عن بانكوك وبتايا
• أخوكم ناصر مسافر الشام ان شاء الله
• طلب بسيط
• أنا مسافر الى الى تايلند و ابي مساعدتكم يأهل الطيبة
• توكلنا على الله هذا مخططنا الصيفية
• سؤال عن دمشق
• سفاري وورلد
• يوم شهر عسل تايلاند و محتاج مساعده
• مطلوب مساعدة الأخوة خبراء تايلند
• استفسار عن فندق
• محتاج للمساعده
• مسافرين وقله السويتات بالفنادق
• هل تعطلت الرحلات السياحيه
• مستشفى قريب من المستشفى الامريكي في بانكوك
• وش الي صار في تايلند فياضانات
• محتار افيدوني
• اخواني ممكن خدمه الله لا يهينكم
• سفرتي الثلاثاء وأبغى فزعتكم

و عليكم السلام و رحمة الله و بركاتة ،
الجدول ممتاز و الفنادق المختارة خمسة نجوم و ما علية كلام و على هذا المستوي من الخدمات المقدمة لكم يستاهل ، شرط التزام المكتب السياحي بالعقد كما طرحتة "
سفرة سعيدة و ممتعة """

جدول موفق اخوي يستحق الاشاده


اهنيك على الاختيار بالنسبه حق 2500 انا اشوفها واجد لان في بوكت تاخذ التكسي من المطار 600 بات اذا طار وبالرجعه 500 بات


كذلك في بانكوك نفس السعر

انصحك المكاتب السياحيه متوفره بكثره وتقدر تحجز اول باول وبسعر ارخص نصيحة اخو اذا تبي توفر مبلغ جميل خل البرامج من المكاتب اهناك وتقدر تتحكم بجدولك على كيفك محد يقدر يجبرك على وقت معين


واذا تبينا نبين لك اسعار البرامج و نعطيك وصف بعض الكوشكات السياحيه ماعندنا مانع


راجع نفسك والشباب مايقصرون

تحياتي

مرحبا faisal_515





نصيحة اخو اذا تبي توفر مبلغ جميل خل البرامج من المكاتب اهناك






ايوالله اخو وعزيز وغالي وعلى الراس من فوق وابشر بعزك ياسنايدي
عساك تعطينا الاماكن اللي فيها كشكات للبرامج
حول شانغريلا واتمنى تفيديني في هذا الموضوع الله يرحم واللديك

مرحبا اخوي الغالي ArabsByte
شغلت اني احجز عن طريق النت صعبه شوي لأني ماعندي فيزا كارد الغيتها من فتره
وبعدين الانجليزي عندي لك عليه شوي والمكتب كلامك صحيح فيه فنادق ارخص من العرض وفيه فنادق اغلى من العرض
ماعندي مشكله زادت500 ريال او نقصت بس اهم شي الاقي الفندق محجوز قدامي ومااتمرمط وخصوصا اذا كان معي عائله
لو عن نفسي انام في الشارع عادي ماعندي مشكله بس عوائل لا
اهم شي تأكيد الحجز قبل مااطلع من ديرتي
بس المشكله عندي حجوزات البرنامج السياحي
لأني ماادري اذا نزلت في الفندق هل الاقي كشكات برامج سياحيه ؟؟ تعرف الواحد اول مره يطب ديره جديده عليه ويخاف يتوهق وخصوصا اذا كانت المعزبه معاه اخر شي يطلع قدامها خرطي ههههههههههه

انا مع اخوي فيصل وولد البحرين ..

جوف حجوزات الفنادق في مواقع الانترنت وحتى تذاكر السفر تقدر تحجزهم من المطار اول ماتوصل ..

وبخصوص الرحلات انا تقدر تكلم افضل شركات السياحه واسعارهم ارخص وتحجز ..

انت الجدول موجود عندك لكن يبيلك تحجز تذاكر الطيران الداخلي + الفنادق وان شاء الله بحط لك ارقام مكاتب السياحه واللي اسعارهم مناسبه واول ما توصل تكلهم وتروح لهم وتحجز لت كل رحله ..

طيب ياشباب دلوني الله يرحم واللديكم ماعندي مشكله بس كيف احجز من النت وانا ماعندي فيزاكارد ؟؟
هل اقدر احجز عن طريق دفع الاموال الى ويستريونيون ؟؟؟؟

الله يجزاكم خير ماقصرتوا ياشباب
faisal_515
الله يرحم واللديك والله انك جبتها صح
اليوم مريت البنك وطلبت منه بطاقة فيزا واللحين يسوون الاجراءات يمكن يومين وتخلص
قعدت اليوم اسوي مقارنه بين سعر المكتب وموقع خطوط طيران التايلنديه لقيته ماخذ زياده بالضبط 5460بات في التذاكر الداخليه

لكن فيه اشياء مافهمتها في الموقع مثل هذي الصوره





الكلمات اللي فوق الاسعار مدري ايش تعني

هذا عنوان الموقع

http://www.thaiairways.com/homepage/en/home.htm

واللي ابي اعرفه من الناس اللي قبل كذا حجزوا هل اذا حجزت خلاص او لازم اروح علشان اكد الحجز عندهم
لأن ترتيب الرحله انزل واركب الطائره التايلنديه يعني يمكن ساعتين الفرق بس ؟؟
وهل يأخذون الفلوس من الفيزا كارد او ينتظروني لين اجي وادفع لهم ؟؟
ونفس السؤال للفنادق

تحياتي اخواني الاعزاء وشاكر ومقدر جهودكم

حبيبي الصورة مو طالعه ياليت تقدر توضحها اكثر

بالنسبه حق الخطوط التايلنديه نعم يخصمون المبلغ من الفيزا

اما الفنادق لا يحجرون عليها لين قدومك وتدفع لهم كاش


ياليت نشوف الصور وشنو تقصد بالظبط

جزاكم الله خير والله ماقصرتوا ياشباب
وهذا العشم فيكم
اخوي faisal_515
الصوره موجوده واذا مااطلعت برفعها ثاني مره

وهذا اخوي السويدي شافها

تحياتي لكم جميعا وبقوللكم اللي بيصير معاي ان شاءالله بس ياليت تعطوني ارقام مكاتب سياحيه في شنغ ماي وبوكيت
تكون مضمونه وسمعتهم طيبه ومجربيين

شوف اخوي انا زوجي طبيعته مثل طبيعتك مايرتاح الالمايحجز كل الفنادق من هنا قبل مايسافر ويحب يحجزمن المكاتب وفعلا حجزنا كل الفنادق من مكتب اجازتي اخذناميركيورفي بوكيت اربع ليالي وليلة وحدة فيلابمسبح بمنتجع ماليسافيلا وبعدين في بانكوك ليلتين في فندق نوفوتيل سيام سكوير لان الشباب مدحوه وقالوا موقعه حلو وقريب من الاسواق كل الفنادق هذي اخذناها ب3500 مع سياسة استرجاع الفلوس لوبطلت تروح حتى لوقبل السفربيومين وقالوالنا يطلع عليكم اقل بواجد لواخذتوا بدون استرجاع بس قلنا نبي مع الاسترجاع لان الواحدمايضمن الضروف

مرحبا اختي الجمان المنثور بس بغيت اسألك عن منتجع ماليسافيلا انا مخطط ليلتين فيه هل هو يستاهل
هل هو مكان مميز

شكرا

مرحبا اخوي الغالي faisal_515
مشكور على نصحك انت والاخوان ومثل مايقولون مالك الا ربعك بيض الله وجيهكم




بالنسبه شنق ماي نقدر تعطيك تواصل مع مكتب سياحي اهو يجيك الفندق و تحجز منه افضل البرامج في شنق ماي


و هو مسلم اسمه حمزه او اخوه عبدالكريم





ياليت اخي الغالي تعطيني رقم موبايله اذا كان ثقه
او ياليت اذا كان فيه سائقه انثى يكون احسن
faisal_515 والله اتعبتك معي

السلام عليكم ورحمة الله وبركاته
اخواني الاعزاء كما هو مذكور في الاعلى يرجى ترشيح
افضل الاماكن التي تستحق الزياره والفعاليت الموجوده في كلا من شينغ ماي وبوكيت

وياليت نبذه لو بسيطه عن المكان لأنها ستخدمني كسائل وستخدم الاعضاء الكرام
اولا شينغ ماي
عندي 2يوم فيها واريد الافضل

وبوكيت 4 ايام وياليت 4 برامج تكون الافضل على الاطلاق

وبانكوك 6 ايام اريد 4 برامج تكون حلوه جداً

اعرف ماتقصرون وهذي بالنسبه لكم شي بسيط


فيه طلب اخر وهو اللي يعرف سائقه اجره انثى وتكون ثقه
ياليت يدلني عليها لأن اذا كان سائق ماتقدر الزوجه تاخذ راحتها في السياره
لكن اذا كان السائق انثى بتكون افضل في الحريه لك ولزوجتك

و عليكم السلام و رحمة الله و بركاتة "
شنجماى يومين لاتكفي ، يعني يوم وصول و يوم راحة و يوم رجوع ؟ بمعني عندك يوم واحد لجوله واحدة فقط .
- زيارة جبل الغيوم ( doi ithanoon ) .
بوكت : جولة جزيرة phi phi - بوكت سفاري - مسرح فانتسي .
بانكوك - سفاري وورلد - دريم لاند *

الافضل سفاري mae taong بشنجماي و السعر شامل كلا من عرض الفيله ، رافتينج على ظهر الفيلة بوسط الادغال ، ركوب العربات التى تجرها الثيران - رحله النهر و وجبة غذاء . حدود 1000الى900 بات مع التوصيل من و الى الفندق .

المشاركة الأصلية كتبت بواسطة حسن الحمادي1
http://www.arabtravelersforum.com/tr...6/#post5631096

الافضل سفاري mae taong بشنجماي و السعر شامل كلا من عرض الفيله ، رافتينج على ظهر الفيلة بوسط الادغال ، ركوب العربات التى تجرها الثيران - رحله النهر و وجبة غذاء . حدود 1000الى900 بات مع التوصيل من و الى الفندق .



تسلملي اخي حسن الحمادي .. شكرا عالتوضيح لاني ما احب التكرار على كذا لغينا سفاري بوكت واكتفينا بسفاري شنجماي

المشاركة الأصلية كتبت بواسطة حسن الحمادي1
http://www.arabtravelersforum.com/tr...6/#post5632026

اختيار موفق ، حبيت اوضح لك بشنجماي اربعة اماكن للسفاري موجود ، الافضل الى ذكرته لك الى هو maetong ssfari camp مجرد للتوضيح . هناك اماكن جميله بشنجماي راجع تقريري في خانه التوقيع .
بارك الله فيك "




تسلم أخي العزيز .. بس شو الفرق بين هالسفاري ونايت سفاري قريتها في تقرير أخونا أبوسعود؟

المشاركة الأصلية كتبت بواسطة ابوراشـــد
http://www.arabtravelersforum.com/tr...2/#post5625852

مرحبا اختي الجمان المنثور بس بغيت اسألك عن منتجع ماليسافيلا انا مخطط ليلتين فيه هل هو يستاهل
هل هو مكان مميز

شكرا



هلااخوي
والله انا مثلك ماكدجربته واول سفرة انشاالله لتايلند راح تكون بعد3اسابيع لكن من خلال ماقريت من التقارير ومن الاخوان في المنتدى انه من افضل المنتجعات ويستاهل ليلتين لكن انازوجي مرتب البرنامج انه ليلة وحدة لان ايام سفريتنا تعتبر قليلة فمانبي نضغط الجدول

الحجوزات ممتازة ..

الله يوفقك في سفرتك انشالله

تسلمون ياشباب والله ماقصرتوا وفي نفس الوقت طمنتوني على الحجوزات انها حلوه
والحمدلله هذا بعد توفيق الله ثم مشورتكم اكدت الحجز على الفنادق والرحلات الداخليه بالطيران لكن باقي
الرحلات السياحيه الداخليه ماسويت فيها شي قصدي الرحلات اليوميه !!
ياليت اللي يعرف فندق شانقريلا في شيانغماي يقول لنا كيف وضعه وياليت يدلني على المكاتب السياحيه القريبه
منه ؟؟

طبعا طائرتنا ان شاءالله اذا الله يسر بتوصل الساعه 11 مساءاً طبعا بتكون رحله طويله نوعا ما تقريبا 6 ساعات
طيران وانتظار 3 ساعات وطيران الى شنغماي ساعه وشويه فبتكون الرحله متعبه طبعا اليوم اللي بعده ماادري على حسب
الظروف اذا شفنا انا نقدر نطلع بنطلع وياليت تدلونا على مكتب علشان نقدر نرتب معاه واذا ماقدرنا وكذا بنقضيها في
نفس الفندق وبنلف شويه في الاماكن القريبه

تحياتي لكم جميعا

وانتظركم ......

مرحبا اخواني الاعزاء
اخ حسن الحمادي بالنسبه لشنغماي بيكون جدولي فيها ثلاث ايام يومين فيها وثالث يوم بيكون موعد الاقلاع 12 ظهرا

على العموم بحاول بشتى الطرق ان شاءالله يكون اول يوم مااضيعه في الراحه
وشكرا لك اخي الغالي الحمادي لماتقدمه لهذه البوابه
وتم تدوين رحلة سفاري والغاء جميع الرحلات المشابهه لها في بوكيت وبانكوك

وياليت اخي الحمادي تقولي اذا كان عندك معلومه عن بعد فندق شينغريلا شيانغماي عن السفاري

كل الشكر والتقدير اخي

فندق شنغريلا في شنغماي ممتاااز .. وبالنسبة للمكاتب السياحية اذكر كنت اتعامل مع مكتب في النايت بازار اسمه المهاجرون مادري اذا ليحين موجود او لا بس لاتحاتي راح تحصل المكاتب كثيره .. سفرة موفقة

جزاكم الله خير جميعا