الموضوع: وينكم ياالاعضاء فيصل وولدالبحرين وغيرهم من اللي دايم يفزعون

مســــــــــــــــــــاء الطيبة على الجميــــــــــــــــــــع
ابي استشيركم في برنامجنا ككل
1- راح نكون انشاالله في تايلاند في 17-7 وراح نوصل الصباح وقررنا اننا نحجز على رأيكم طيران داخلي من نفس المطار عندالوصول
2- بعد مانروح لبوكيت راح نكون انشاالله هناك اتوقع الظهر وفي فندق ميركيور لمدة 4ليالي
3- الليلة الخامسة والاخيرة في بوكيت اخذنا فيلابمسبح في ماليسا ( وماادري هل يصلح اننا نطلع لشي في اليوم الاخير اللي يكون بماليسا او مايصلح )
4- الليلتين الاخيرات انشاالله راح نكون في بانكوك في فندق نوفوتيل سيام سكوير ( للتسوق )( ماهي المجمعات التجارية اللي اقدر اوصلها على رجولي من الفندق ) ؟؟
ابي منكم الله يوفقكم تنظمون لي برنامجي للرحلات وغيره لان ايام السفرة قليلة وابي استفيد منها باكثرمايمكن
وبالنسبة لعرض الفيلة وسباق السيارات مافيه رحلة تشملهم كلهم بسعر واحد وشاسمها لاني قريت بعض التقارير انه رحلة سفاري فيها ذهاب الى الغابة وركوب الفيلة فهل تغني هذي عن الثانية ابي شي يجمعهم علشان نستفيد من الوقت
عذرا ثقلنـــــــــــــا عليكم بكثرة الاستفسارات لكن اعذرونا مالنا غنى عن آرائكم الرائعـــــــــــــــة وعن هالمنتدى
الاروع

مواضيع عشوائيه ممكن تكون تعجبك اخترناها لك:

• للخبراء بليز
• السفر حان طاريه ،، رايكم فالفنادق استفسارات
• هل تنصحوني بالدولار او البات ؟؟
• هل يجب ابراز بطاقة الفيزا للفندق ؟
• أماكن بيع الأدوية الرياضية كمال الأجسام جملة في تايلاند
• بغيت اوقات الصلاة بتايلند ضرورررري
• ماهي أفضل خطوط لبوكيت ؟
• لو سمحتوا اللي جرب يحجز طيران اسيا من النت
• تايلند
• استفسار رحلة شهر عسل الى بوكيت و بانكوك
• سؤال عن الضريــــــــــــــبة ال واسترجاعها
• مخطط رحلة يوم مع الفنادق ارائكم تهمناا
• اكتشاف اعمدة ومدخل وكتابات معبد جوبتر في منزل مجاور للجامع الاموي
• مسافر اول يوم في شهر سبتمبر وعندي استفسارات
• بعد غياب سنـه ماذا تغير
• أفضــل طريــــق بري من الرياض إلى دمشــــــق
• استفسار
• استفسار حبايب قلبي
• مستعجله على رحلتي وابي رايكم قبل الحجز
• مساعدة لرحلة شهر العسل ف بوكيت

1- راح نكون انشاالله في تايلاند في 17-7 وراح نوصل الصباح وقررنا اننا نحجز على رأيكم طيران داخلي من نفس المطار عندالوصول
-تصرف سليم ،،

2- بعد مانروح لبوكيت راح نكون انشاالله هناك اتوقع الظهر وفي فندق ميركيور لمدة 4ليالي
-فندق ممتاز وغرفه واسعة وموقع هادئ مناسب جدا للعوائل

3- الليلة الخامسة والاخيرة في بوكيت اخذنا فيلابمسبح في ماليسا ( وماادري هل يصلح اننا نطلع لشي في اليوم الاخير اللي يكون بماليسا او مايصلح )
- على راحتكم كل شي ممكن ماليسا قريب من الباتونق لانه في شاطئ كاتا يعني بالتاكسي 10 دقايق.

4- الليلتين الاخيرات انشاالله راح نكون في بانكوك في فندق نوفوتيل سيام سكوير ( للتسوق )( ماهي المجمعات التجارية اللي اقدر اوصلها على رجولي من الفندق ) ؟؟
-سيام باراقون (غالي) وهناك كذا مجمع في سيام واسواق وباقي المجمعات قريبة بعد وبالتاكسي ما راح تكلف كثير لانها قريبة مثل ام بي كيه وهو الابرز في بانكوك كل ما تحتاجونه فيه و مجمع البلاتينيوم رائع واسعار مميزة يقع في الباتونام.

5 ايام بوكيت
اليوم الاول: بما ان الوصل ظهرا على طول تتركون الشنط بالفندق وتطلعون تحجزون من احد المكاتب رحلة الفانتزي شو لنفس اليوم استغلالا للايام القليلة لان الرحة تقريبا تبدا من 6 او 7 مساء حتى 11 ليلاً سعر الرحلة للشخص البالغ مع بوفيه عشاء تقريبا : 1400 الى 1600 بات ، لما تحجزون ترجعون على طول تريحون في الفندق الى موعد وصول الباص ، يفضل تحجزون رحلات الايام التالية بعد مرة وحدة او كل رحلة تحجزونها قبل يوم.

اليوم الثاني: رحلة ايلاند سفاري تختارون البرنامج اللي يناسبكم من المكاتب لان نفس الرحلة منقسم لعدة برامج لا تختارون اللي فيها الرافتينق ( التجديف بالنهر ) لانها ما تصلح للعوائل يعني اختاروا رحلة شاملة روكوب الفيلة وعروض الفيلة و سياقة البانشي وغيره. بعد انتهاء الرحلة تقدرون تستغلون الوقت سواء للغداء او زيارة مصانع او الذهاب لحلبة سيارات الكارتينق وفي المساء الخروج للعشاء في الباتنوق والتمشية على الشاطئ وتفقد الاسواق ومجمع الجونسيلون.

اليوم الثالث: رحلة جيمس بوند ايلاند ودائما الرحلات البحرية احجزا مركب كبير اولا افضل للعوائل واقل سعر الرحلة من الساعة 7 صباحا الى 4 عصرا السعر للبالغين تقريبا بين الـ 800 الى 1100 بات شاملة الغداء ثم العودة من الرحلة وتقضية اليوم مثلا بزيارة مجمع الجونسيلون اعتقد فيها سينما وبولينق واسواق حلوة ومرة وحدة تناول العشاء.

اليوم الرابع: رحلة بي بي ايلاند من 8 صباحا الى 4 عصرا شاملة الغداء والسعر لا يختلف عن الرحة اللي بالاعلى ،، وطبعا العودة والبرنامج المعتاد او زيارة مجمع السنترال فيستيفال بالتاكسي مع العلم ان فندق ميركيور فيه خدمة توصيل للمجمع مجانا في باص سياحي تقدرون تسالون عن الخدمه لاني رحت مرة وكان من الساعة 2:30 الى 6 مساء وتخلونه لليوم الاخير افضل ،، ومثلا تروحون مساج الاقدام بالليل وتتناولون العشاء.

اليوم الخامس: رحلة بوكيت زوو وهي حديقة حيوانات وعروض ويفضل اختيار وقت مبكر للذهاب لها لاستغلال الوقت لانه اليوم الاخير واذا رجعتوا مثلا قبل الساعة 2 تشوفون لكم رحلة مثلا زيارة الفيو بوينت و بوكيت تاون او تقضية الوقت على الشاطئ والعاب البحر مثل البراشوت والبنانا بوت وابتعدوا عن الجتسكي لانهم نصابين.

بانكوك:

اليوم الاول : مجمع mbk هذا المجمع يستحق يوم كامل للتسوق وكل البضائع موجودة فيه ومساء الذهاب الى سوق سيام باراديز الليلي او سوق البات بونق ( البات بونق في بضائع حلوة وماركات تقليد لكن يعيبه انه بوسط شارع بارات ومراقص لذا غض البصر اثناء التسوق مهم ) .

اليوم الثاني: مجمع البلاتينيوم في منطقة الباتونام ثم عصرا التوجه لمجمع ذي مول في منطقة بانكابي وهو مجمع جميل وكبير وفيه ملاهي مائية ،، وبالليل التسوق بمنطقة العرب والاكشاك المنتشرة هناك ومحلات الماركات المقلدة مثل فريدة علي و حفيظ وغيرهم ..

ولد البحرين ماشاالله عليك وجزاك الله خير على الشرح الوافي لكن فيه نقطة مهمة ابي اسأل عنها وهي الرافتنج ؟؟
ماهي الرافتنج وليش ماتصلح للعوايل حناشخصين بس انا وزوجي احس نفسي اجربها من كثراللي يمدحونها بس بصراحة مافهمت وشي بالضبط وكيف طريقتها ؟؟ وهل هي تصلح للي مايعرفون يسبحون ؟؟

س- بالنسبة للمساج ابي وحدة تجي للفندق تسوي مساج ؟؟ لاني مااقدر اسويه برى الفندق من وين اجيبها وهل اللي بالفندق يسوون مساج داخل الغرف عادي وكم اسعارهم تقريبا؟؟
س-ابي رسامة ترسمني بس ابي اجيبها للفندق لاني البس نقاب مااتحجب وصعبة انها ترسمني برى فهل الرسامات موجودات في بوكيت ولامافيه الارسامين رجال ؟؟ ( اعذرني سؤال بايخ بس وشسوي طاقة براسي ابي رسامة )؟
انتظر الرد ؟؟ ومشكور وماتقصر

الرفاع الشرقي شاكرة على مرورك على الموضوع

ولد البحرين ماشاالله عليك وجزاك الله خير على الشرح الوافي لكن فيه نقطة مهمة ابي اسأل عنها وهي الرافتنج ؟؟
ماهي الرافتنج وليش ماتصلح للعوايل حناشخصين بس انا وزوجي احس نفسي اجربها من كثراللي يمدحونها بس بصراحة مافهمت وشي بالضبط وكيف طريقتها ؟؟ وهل هي تصلح للي مايعرفون يسبحون ؟؟
-اختي الرافتينق هذي قوارب التجديف المطاطية بس لانها تصير في نهر وسرعة المياه عالية فممكن تكون خطيرة على الاطفال او النساء الحوامل او الكبار في السن وهذي صور توضح هذي الرياضة طبعا راح يلبسونكم خوذة ولايف جاكت حتى محد يغرق









اذا تبون تجربونها انا ما اتحمل مسئولية اي حادث لا سمح الله ههههه

س- بالنسبة للمساج ابي وحدة تجي للفندق تسوي مساج ؟؟ لاني مااقدر اسويه برى الفندق من وين اجيبها وهل اللي بالفندق يسوون مساج داخل الغرف عادي وكم اسعارهم تقريبا؟؟
-اغلب الفنادق عندهم مراكز مساج وصحية وممكن تطلبين منهم المساج بالغرفة ، عموما مساج الفنادق اغلى من الخارج ،،

س-ابي رسامة ترسمني بس ابي اجيبها للفندق لاني البس نقاب مااتحجب وصعبة انها ترسمني برى فهل الرسامات موجودات في بوكيت ولامافيه الارسامين رجال ؟؟ ( اعذرني سؤال بايخ بس وشسوي طاقة براسي ابي رسامة )؟
-اغلب الرسامين رجال اختي ما اعتقد اني صادفت رسامة ،، لذا عليج بالسؤال عند احد الرسامين يمكن يدبرون لك احد من معارفهم .

الله يقطع شرك يا ولد البحرين الصور الى حطيتهم عن الرافتينج تخلى الوحدة توب انها تجربه

صراحه ماقصر اخونا ولد البحرين مانقدر نزيد على كلامه شي

ولكن انصحكم عدم الخروج من المنتجع اخر يوم لانه يعتبر استرخاء في منتجع جميل


البرامج اتفق مع اخونا ولد البحرين و حجز الطياران افضل لحظة الوصول على طول

الفلاسية

والله انكم خواتي وخايف عليكم ،، هذي الرحلة كل شي توقعي يصير فيها احتكاك بالاحجار بالنهر او السقوط عليها او انقلاب القارب وغيره يعني افضل شي تكون للشباب وفي بنات جربوها وما حصل لهم شي بس الاحتياط واجب

بس انا تعمدت احط صور تخوف حتى تعرفون مخاطرها ههههه

ولد البحرين


حبيبي بنات الوقت لاتخاف عليهم والله ما شالله فيهم جراه مو موجده عند بعض الشباب تلقاهم بالمغامرات قدام وبعض الشباب يتردد


ههههههههه

واااااو هذي صور الرافنتيق

اول بقول لزوجي يروح لها الحين بطلنا

باين من الصور لازم تكون مع قروب صح؟؟

مشكور اخوي فيصل على مرورك
وبالنسبةلي احب المغامرات واتحمس لها واقعد اخطط ومن هالمغامرات ركوب البراشوت وركوب الدباب بشوارع بوكيت والرافتينج لكن انا عارفة نفسي لاجا وقت الجد وصرت قدام هالاشياء بطلت هههههه (على فكرة تراي افكربركوب الفيل اقول بنفسي شكله مرة رفيع ) يخــــــــــــوف ههههه -الجسرالمعلق اللي بماليزيا بصن وي لاقون مشيت ربعه بس وماقدرت اكمل من الخوف ورجعت
والحين بصراحة بعدصور اخونا ولدالبحرين عن الرافتينج خلاص كنسلتها مهب عشانها تخوف بالعكس مااحس انها تخوف مرة لكن عشاني مااعرف اسبح احسهاخطيرة يبيلها احد يعرف يسبح للاحتياط .

المشاركة الأصلية كتبت بواسطة الجمان المنثور
http://www.arabtravelersforum.com/tr...2/#post5639512

مشكور اخوي فيصل على مرورك
وبالنسبةلي احب المغامرات واتحمس لها واقعد اخطط ومن هالمغامرات ركوب البراشوت وركوب الدباب بشوارع بوكيت والرافتينج لكن انا عارفة نفسي لاجا وقت الجد وصرت قدام هالاشياء بطلت هههههه (على فكرة تراي افكربركوب الفيل اقول بنفسي شكله مرة رفيع ) يخــــــــــــوف ههههه -الجسرالمعلق اللي بماليزيا بصن وي لاقون مشيت ربعه بس وماقدرت اكمل من الخوف ورجعت
والحين بصراحة بعدصور اخونا ولدالبحرين عن الرافتينج خلاص كنسلتها مهب عشانها تخوف بالعكس مااحس انها تخوف مرة لكن عشاني مااعرف اسبح احسهاخطيرة يبيلها احد يعرف يسبح للاحتياط .





حرام عليكم ترا للي يجدفون معاكم اثنين

بالعربي هم للي يمشون القارب مو انتم بس يعطونكم على جوكم

انا كانت معاي يابانيه وقت التجديف صراحه يوم ركبنا القارب كانت عيونها صغار و وقت التجديف صارت اكبر عيون بالعالم

ههههههههه

انصحكم ترا الامور سهله انتو اخذو ام 5 كيلو مسافه تكون ارخص شوي

وعطو للي يجدف 100 بات علشان يضبط الوضع

وتوكلو على الله

بيض الله وجهك ياولد البحرين

كل الود

المشاركة الأصلية كتبت بواسطة faisal_515
http://www.arabtravelersforum.com/tr...4/#post5642784

حرام عليكم ترا للي يجدفون معاكم اثنين

بالعربي هم للي يمشون القارب مو انتم بس يعطونكم على جوكم
انا كانت معاي يابانيه وقت التجديف صراحه يوم ركبنا القارب كانت عيونها صغار و وقت التجديف صارت اكبر عيون بالعالم
ههههههههه
انصحكم ترا الامور سهله انتو اخذو ام 5 كيلو مسافه تكون ارخص شوي
وعطو للي يجدف 100 بات علشان يضبط الوضع
وتوكلو على الله





ههههههههههههههههه اهم شي عيونها
فيصل قصدك الرافتينج يكون معنا اثنين يجدفون حلو
طيب ماينقلب القارب ؟؟ ولوقلنا لهم مانعرف نسبح ياخذون احتياطهم ولا يطردوننــــــــــــــا هههههه؟؟
الله يستر بدت تدخل براسي

هههههههههه توني انتبه للي شارين الملابس


أسعارها من 900 الى 1100 بات. تقدرين تروحين التقريري وتشوفين جدول البرنامج

o.k فيصــــــل مشكور وماقصرت ابرجع لتقريرك وعاد اي استفسار راح نسألك متعودين على فزعاتك جزاك الله خير

المشاركة الأصلية كتبت بواسطة الجمان المنثور
http://www.arabtravelersforum.com/tr...8/#post5650568

فيصل مشكووووووووور وماقصرت فعلا متعة خسارة نفوتها واحس الحين تطمنت شوي يوم شفت الصور هذي والله ماهمني طقة يد اورجل همني اني مااعرف اسبح ؟؟
بس ترى ان جاني شي ابنقز عند هالغسيل المنشووور في الصورة ههههه

والحين الرحلة هذي اسمها الرافتينج ولايجي شي معها وكم سعرها




والله لو انا منك ومامعي طفل صغير كان اجربها
شكلها مرررررررررره يونس

توكلي وانبسطي

المشاركة الأصلية كتبت بواسطة كشمونه
http://www.arabtravelersforum.com/tr...8/#post5650928

والله لو انا منك ومامعي طفل صغير كان اجربها
شكلها مرررررررررره يونس

توكلي وانبسطي



كشمونـــــــــــــــــــة جيتي على الجرح بالضبط انا الحمدلله عندي ولد وبنت لكن ماراح آخذهم معي عشان استهـــــــبل على كيفي ههههههههه واخذ راحتي بالرافتنج وغيره وانشاالله اني توكلت على الله وجزمت عليها بعد الصور اللي اقنعنا فيها فيصل وان جاني شي ولاتقلبت الشكوى لله تعلقنا بأقرب شجرة ونقزت عند الغسيل المنشور اللي بصورة فيصل ههههههه

يسعد صباحكـ

بصراحة السفر بدون أطفال رووووعهـ وقمة الراحة

وبصراحة كل شيء على الزوج !!! إذا يبي زوجته تنبسط راح تنبسط

ولوعقدها وضيق عليها راح تكره سفرتها

أتمنى إعطا الزوجة الحرية في الملاهي والمغامرات التي لاتنسى

والتي تبقى خالدة في الذكريات ...

رحلة سعيدة بإذن الله ... ومليئة بالذكريات الخالدة والرااااائعة

كل الود

المشاركة الأصلية كتبت بواسطة الجمان المنثور
http://www.arabtravelersforum.com/tr...8/#post5650908

o.k فيصــــــل مشكور وماقصرت ابرجع لتقريرك وعاد اي استفسار راح نسألك متعودين على فزعاتك جزاك الله خير





تحت امركم اي وقت

مشكورين
وتراني قاطه معك اختي الجمتن المنثور

بس لي عتب على اخوي الحنون بالنسبه لي ماتكتمل سفرتي الا وبنتي معي احس بتكون فرحتي ناقصه بدونها وبدون ضحكاتها ةذباتها واستهبالها حتى ابوها احيانا يفكر اننا نروح بالحالنا وتشوفه على طول يجلس يسرح ويضيق صدره وهو بس كلام


وبالنسبه لحجز التذاكر الداخليه مو الافضل اني احجزها من بدري انا مخططه على اير اسيا وناويه احجزها قبل كذا اضمن وارخص بالسعر

المشاركة الأصلية كتبت بواسطة faisal_515
http://www.arabtravelersforum.com/tr...6/#post5655006

تحت امركم اي وقت



فيصل مشكور وخيرك ســـــــــــــــابق

المشاركة الأصلية كتبت بواسطة عشقي السفر==
http://www.arabtravelersforum.com/tr...0/#post5656620

مشكورين
وتراني قاطه معك اختي الجمتن المنثور

بس لي عتب على اخوي الحنون بالنسبه لي ماتكتمل سفرتي الا وبنتي معي احس بتكون فرحتي ناقصه بدونها وبدون ضحكاتها ةذباتها واستهبالها حتى ابوها احيانا يفكر اننا نروح بالحالنا وتشوفه على طول يجلس يسرح ويضيق صدره وهو بس كلام


وبالنسبه لحجز التذاكر الداخليه مو الافضل اني احجزها من بدري انا مخططه على اير اسيا وناويه احجزها قبل كذا اضمن وارخص بالسعر



عشقي السفر اخبارك
انشاالله بس تايلند اخليهم وبعدها التوبــــــــــــــــــــة لاني بصراحة مثل ماقلت ودي هالمرة اغامر واخذ راحتي وبعد ماقريت في البوابة حسيت تايلند افضل بدون اطفال فلو كانت اوروبا اواستراليا يعني دولة ملاهيها تغري للاطفال صح ابنقهر اني مااخذتهم لكن تايلند كلها استرخاء ورحلات بحرية وعشان السبب هذا خلينا سفرتنا قصيرة يعني ماتتعدى 9ايام . (وبعدين بنتي فيها عرق سوداني اذاطولنا المشوار بالسيارة قالت متى ناصل مليت تعبت )وانا ابمشي واطربق على كيفي لاتنسين انك بتكونين بجزيرة يعني لازم مشي .

المشاركة الأصلية كتبت بواسطة الجمان المنثور
http://www.arabtravelersforum.com/tr...6/#post5654826

كشمونـــــــــــــــــــة جيتي على الجرح بالضبط انا الحمدلله عندي ولد وبنت لكن ماراح آخذهم معي عشان استهـــــــبل على كيفي ههههههههه واخذ راحتي بالرافتنج وغيره وانشاالله اني توكلت على الله وجزمت عليها بعد الصور اللي اقنعنا فيها فيصل وان جاني شي ولاتقلبت الشكوى لله تعلقنا بأقرب شجرة ونقزت عند الغسيل المنشور اللي بصورة فيصل ههههههه




جربي كل شيء دام مامعك اطفال
وجربي بعد البرشوت مرررررررره روعه
ولايردك شيء
أنا جربت كل شيء ممنوع عندنا بالسعوديه وعيب قبل لايكون معي طفل بماليزيا
وبصراحه تجربة لاتنسى

البرشوت قمة في المتعه كشمونه حمسي الجمان خليها تتشجع على البرشوت هي التجديف وذبحها الخوف اجل شلون البرشوت

هههههه

الجمان البراشوت اللي في بينانج كان يركبه الواحد بدون احد يعني ماصديقنا الا انا

بس انا ماجربته خوافه
والله يردك سالمه غانمه ويخليك عيالك ويخليك لهم

بس عاد هالسفره كلها عشان بنتي لانها تشوف صورها في ماليزيا وتقول ليش ماخذتوني خذتون بنت ثانيه
ما عرفت نفسها ولا اقتنعت انها هي بس كانت صغيره
على بالها انها كذا من طلعت على الدنيا
وياليت تردين على رسالتي

المشاركة الأصلية كتبت بواسطة faisal_515
http://www.arabtravelersforum.com/tr...2/#post5660252

البرشوت قمة في المتعه كشمونه حمسي الجمان خليها تتشجع على البرشوت هي التجديف وذبحها الخوف اجل شلون البرشوت

هههههه



فيصل لاتستهتر تراك سمي ولدي
والبراشوت المشكلة منب رجل ولاكان قلت احلق شنبي ان ركبته ههههههههههههه

المشاركة الأصلية كتبت بواسطة عشقي السفر==
http://www.arabtravelersforum.com/tr...0/#post5665310

الجمان البراشوت اللي في بينانج كان يركبه الواحد بدون احد يعني ماصديقنا الا انا

بس انا ماجربته خوافه (نفس الشعور )ههههههه
العام كنا باستراليا وطالعين مع عائلة اماراتية لغابة وكنا نمشي ووصلنا جسر معلق خشبي ويوم وصلته صرت احاول امشي عليه شوي شوي (لاني خايفة)وكان فيه ولد مع العائلة الاماراتية عمره تقريبا 11او12سنة لاحظ اني خايفة وراح بداية الجسر وقام يهز فيه (يستهبل) وصار الجسر كله يهز وانا اصارخ من الخوف (ابصيــح )وهالبزر يضحك ههههه عاد اشوى أخذله شوي وعقل شكله رحمني هههههه
والله يردك سالمه غانمه ويخليك عيالك ويخليك لهم
اميــــــــــــــــــــــــــــــــــن الله يجزاك خير
بس عاد هالسفره كلها عشان بنتي لانها تشوف صورها في ماليزيا وتقول ليش ماخذتوني خذتون بنت ثانيه
ما عرفت نفسها ولا اقتنعت انها هي بس كانت صغيره
على بالها انها كذا من طلعت على الدنيا الله يخليها لك انشاالله
وياليت تردين على رسالتي



تـــــــــــــــــــم الرد على الرسالة

المشاركة الأصلية كتبت بواسطة faisal_515
http://www.arabtravelersforum.com/tr...2/#post5669832

هههههههههههههههه
والله لو تتخيلون بمتعته كل ساعه وانتم راكبينه يعني منظر وتشوفين شاطي الباتونج كله من فوق قمه بالروعه


وان اشالله الوظع امن بعد الله



اكيد انه متعة بس مااعتقد اني راح اجربه لاوغيركذا لو جزمت اجربه وشلون ؟؟
انت تقول انه لازم يصير اللي يجر الحبل موجود ؟؟

الله يجزاك خير : )

المشاركة الأصلية كتبت بواسطة مليت الانتظار
http://www.arabtravelersforum.com/tr...0/#post5670120

الله يجزاك خير : )



الحمدلله احس اني ارتحت لاني افكر بآيسكريم سوينسز من كثر مامدحوه الاعضاء

جزاك الله خير الجمان



معلومه هم يحطون لحم لونه احمر مع البيض في الصباح وهو لحم اعزكم الله خنزير فا حبيت اوضح لكم

في حال طلب بيض يجب الوقوف امامه وتبلغونه يخليه ساده بدون شي وهذا اغلب الفنادق نفس الفكره

المشاركة الأصلية كتبت بواسطة الجمان المنثور
http://www.arabtravelersforum.com/tr...2/#post5670032

اكيد انه متعة بس مااعتقد اني راح اجربه لاوغيركذا لو جزمت اجربه وشلون ؟؟
انت تقول انه لازم يصير اللي يجر الحبل موجود ؟؟

ايه وهاذي مشكله ولكن انصحك تجهزين الكاميرا وكثري من صور ابو العيال وهو معلق فوق

المشاركة الأصلية كتبت بواسطة الجمان المنثور
http://www.arabtravelersforum.com/tr...0/#post5670130

الحمدلله احس اني ارتحت لاني افكر بآيسكريم سوينسز من كثر مامدحوه الاعضاء



هههههههههه
شوقتيني وش سالفته بحطه من ضمن الجدول اجل

المشاركة الأصلية كتبت بواسطة faisal_515
http://www.arabtravelersforum.com/tr...6/#post5670176

جزاك الله خير الجمان



معلومه هم يحطون لحم لونه احمر مع البيض في الصباح وهو لحم اعزكم الله خنزير فا حبيت اوضح لكم

في حال طلب بيض يجب الوقوف امامه وتبلغونه يخليه ساده بدون شي وهذا اغلب الفنادق نفس الفكره



مشكور فيصل على مرورك الكريم بس ابسألك عن الايسكريم اللي دايما الا عضاء يكتبون عنه ويمدحونه (حلال ) ولايدخل في مشتقاته دهون خنزير كرم الله الجميع -لانه العام يوم كنا باستراليا قالوالنا انتبهوا من الايسكريم بعضهم يدخلون فيه دهون خنزير يقصدون اثناء تصليحه ؟؟

المشاركة الأصلية كتبت بواسطة faisal_515
http://www.arabtravelersforum.com/tr...8/#post5670188

ايه وهاذي مشكله ولكن انصحك تجهزين الكاميرا وكثري من صور ابو العيال وهو معلق فوق

ههههه اكيد
الا على طاري الكاميرة مافيه عروض على كاميرات ديجيتال الحين لاني ابي اشتري كاميرة ثانية وتكون ماركة حلوة مثل سوني وغيره

الله يجزاك خير

ولاتنسين ايسكريم تايم آوت

تشوفيه تقولي هذا دريم ويب ودك تلعبي فيه بيدك

رحلة سعيدة

مشكورة علي هذي المعلومة كثر الله من امثالج

اختي الجمان اي شيء يتاكلينه اطلبيه يكون فجتيرين يعني نباتي وكذا تضمنين ان شاء الله ان مافيه اي شيء من منتجات الخنزير لا دهن ولا جيلاتين
يعني اي مكان او اي مطعم تدخلونه بلغوهم انكم نباتين

بصراحة انا اللى شلت همه من جد حكاية غسل الصحون لدرجة انى كتبت من ضمن المقاضى صحون بلاستيك وملاعق بلاستيك...

هذي فتوى لشيخ سليمان الماجد عن اكل اهل الصين وهم البوذين من الموقع
فتوى رقم : 4268

مصنف ضمن : الأطعمة والأشربة والصيد والذبائح

لفضيلة الشيخ : سليمان بن عبدالله الماجد

بتاريخ : 03/12/1429 15:33:00

س: السلام عليكم .. يا شيخ .. سأسافر بحول الله إلى الصين؛ لإكمال دراستي، وسأبقى هناك لمدة تقارب خمس سنوات بإذن الله؛ فما حكم أكل ذبائح أهل الصين؛ لأنهم ليسوا من أهل الكتاب؛ فهل يجوز أكلها أم لا؟

ج: وعليكم السلام ورحمة الله وبركاته .. ذبائح غير المسلمين وغير أهل الكتاب محرمة؛ وذلك كالبوذيين والهندوس، وحيث إن الدولة والغلبة العددية لهم فإن الأصل هو عدم حل الذبائح التي تكون في بلادهم إلا إذا علمنا أن مسلما قد ولي ذبحها أو كتابي. والله أعلم.


انكر اكل اللحوم الا اذا كان المسيحي او مسلم ولي كتابتها ولم يذكر غسل الاناء

المشاركة الأصلية كتبت بواسطة عشقي السفر==
http://www.arabtravelersforum.com/tr...2/#post5672792

هذي فتوى لشيخ سليمان الماجد عن اكل اهل الصين وهم البوذين من الموقع
فتوى رقم : 4268

مصنف ضمن : الأطعمة والأشربة والصيد والذبائح

لفضيلة الشيخ : سليمان بن عبدالله الماجد

بتاريخ : 03/12/1429 15:33:00

س: السلام عليكم .. يا شيخ .. سأسافر بحول الله إلى الصين؛ لإكمال دراستي، وسأبقى هناك لمدة تقارب خمس سنوات بإذن الله؛ فما حكم أكل ذبائح أهل الصين؛ لأنهم ليسوا من أهل الكتاب؛ فهل يجوز أكلها أم لا؟

ج: وعليكم السلام ورحمة الله وبركاته .. ذبائح غير المسلمين وغير أهل الكتاب محرمة؛ وذلك كالبوذيين والهندوس، وحيث إن الدولة والغلبة العددية لهم فإن الأصل هو عدم حل الذبائح التي تكون في بلادهم إلا إذا علمنا أن مسلما قد ولي ذبحها أو كتابي. والله أعلم.


انكر اكل اللحوم الا اذا كان المسيحي او مسلم ولي كتابتها ولم يذكر غسل الاناء



مشكووورةوماقصرتي على هالاضافة وفعلا فتوى الشيخ نفس فتوى اللي سألناه قال يجوز الاكل من البوذيين ماعدى الذبائح ولم يفصل اويذكر غسل للصحون

المشاركة الأصلية كتبت بواسطة lutus2009
http://www.arabtravelersforum.com/tr...8/#post5670348

الله يجزاكي خير على الفتوى حتى يطمئن الجميع ؟؟؟؟ورحله موفقه لك ان شاء الله ......



أمين شكرا لك

المشاركة الأصلية كتبت بواسطة ابراهيم السبيعي
http://www.arabtravelersforum.com/tr...8/#post5671278

مشكورة علي هذي المعلومة كثر الله من امثالج




جزاك الله خيــــــــــــــــر

المشاركة الأصلية كتبت بواسطة كشمونه
http://www.arabtravelersforum.com/tr...6/#post5683326

انا جربه زوجي في ماليزيا ولما نزل جبرني اجربه
في شاطئ الفندق في بينانغ

معلومة سر لايدري فيها احد انا آخاف من الملاهي والمرتفعات

بس لما جبرني وشجعني ووعدني مااخاف وبنبسط قلت يالله نركب ونكسب فيه ثواب خخخخ

البراشوت ماركب فيه معنا احد مره ركبه زوجي لحاله والمره الثانيه انا وهو

عطونا التعليمات ومامداني اسمي الا واحنا بالسماء

ياشيخه طنشي الدنيا وعيشي الرومانسية انتي وعبايتك ونقابك بعد

بس جد جد جد متعه

ههههههههههههههه حلوة على العموم انشاالله ابحاول اصرقع هالمرة واغامر