الموضوع: ارجو المساعدة بخصوص التنقلات بين برشلون وماربيا وملقا ومدريد واحتاج لبعض المجمعات

السلام عليكم ورحمة الله

اولا احب اشكر القائمين على الموقع وتقديم خدماتهم في سبيل حب الخير وجزاهم الله الف خير

طبعا انا رحلتي شهر عسل وعقبال عند العزوبيه يارب والله يكون بعونا مع اللغه لا انا ولا المدام مابه انجليزي الا ميح

دعواتكم بس لوووووول سوف تكون على النحو الاتي

المغادره من الدمام الى برشلونه تاريخ 9\3\2013

وثم من برشلونه الى ماربيا 13\3\2013

ومن ماربيا الى ملقا 16\3\2013

ومن ماربيا الى مدريد 18\3\2013

ومن مدريد الى الدمام في 21\3\2013

الي ابيه منكم ياخوان بخصوص التنقلات بين المدن الاربعه وش تنصحوني به هل قطارات ميترو او طيران

علما اني ماافضل الطيران الا في حالة المسافه راح تتجاوز 8 الساعات الشكوى لله

وياليت تخبروني بخصوص الحجز للقطارات من وين هل في مكتب عندنا بالشرقيه
مثلا ولا عن طريق النت

وكمان الي بخصوص حجز الطيران من الدمام الى برشلونه بتاريخ 9\3\2013

والعوده من مدريد الى الدمام 21\3\2013

كان السعر من قبل 3 ايام 5400 ريال للشخصين على الخطوط القطريه ويوم جيت اروح اقص التذكره البارح

قالو لي صارت 8100 هل هذا صحيح ولا في سعر انسب سوا الاماراتي او القطريه

واخيرا جعل عمركم طويل ابي لي كم مجمع في برشلونه ومدريد للمدام خبركم مايستغنو عن التسوق

علما ان الفنادق الي تم الحجز بها وهي كل الاتي ياليت تكون قريبه من مواقع السكن

برشلونه/5ايام في فندق/riyal ramblas
ماربيا/4ايام في فندق/Vasari resort
ملقا/3ايام/في فندق/Malaga centro
مدريد/4ايام في فندق/vincci capitol

وشاكر لكم تعاونكم

مواضيع عشوائيه ممكن تكون تعجبك اخترناها لك:

• رحـــلة والـــد ميـــسون إلى برشـــلونة بالصـور
• استفسار ارجو تفيدوني
• بخصوص زياره المعالم السياحيه في اشبيليا
• مكتبة الاوسكريال ...منجم مذهل للتاريخ والمخطوات العربية
• ايش قصة المديونية ؟؟
• الإماراتية تطير إلى برشلونة الاسبانية
• محتار بين هذي الفنادقياريت تساعدوني لو سمحتوا
• لونلي ضروري
• مساعدة عن شراء تذكرة مباراة لريال مدريد
• الى المراقب العزيز الليل والنهار
• خطتنا لشهر العسل في اسبانيا شو رايكم ؟
• ارجوكم المساعدة ترتيب للجنوب الأسباني الله يعافيكم
• استفسار عن اندورا
• فالنسيا او ابيزا
• استفسار عن فيزا الشنغن الاسبانية
• الاندرقراوند ۔ من لها
• ارجوكم ردو اعتباري من السفاره الاسبانية
• مرشد سياحي عربي ببرشلونة وباقي المدن الإسبانية
• ارجو الافادة لو سمحتوو
• والله اني مُحرجة منك يا مشرفنا ومن له خبرة لكن الوقت داهمني

الليل والنهار عطاك الحلول الصح بالنسبه للمواصلات .. اما الشوبنق فهناك خيارات عديدة

بالنسبه لمدريد فندقكم جدا موقعه رائع وقريب من مول ال كورت انغليز ومن شارع التسوق و ساحات التسوق لين تطلع من الفندق اتجه الى ساحة ديل سول وهناك الاسواق على كيف كيفكم ..

اما بالنسبه لبرشلونه .. شارع الرامبلا من اوله لاخره كله محلات وشوبنق ... وان شاء الله تتهنون

الليل والنهار

أهلا وسهلا بصاحب الدعم الكبير في هذا الملتقى

الف شكر لك ولحظورك ولتشريفك

لهذا المتصفح وبصراحه دوما اعتز بحظورك وحظور الي يمتازون بطيبة قلبك

اما بخصوص التنقلات انا بصراحه ناوي اطلع من برشلونه الى ماربيا بالقطار والسبب ودي اشوف الطرق الي بنمرها ومنها نشوف اسبانيا اكثر

لكن هل يوجد قطار يسع ذلك وكم فترة القطار وتذكرتها للشخصين اذا عندك خبر

باقي التنقلات مثل ماقلت بالباص ولو اني ناوي اخليها كلها بالقطارات بحيث نقضيها تعويض على قطاراتنا لوووول

أحلى من العقد اسم على مسمى
أهلا وسهلا بحظورك وكرم اخلاقك بالرد بل بالتشجيع الي دعمه ردك
بخصوص وصف الفنادق وهاي
شي مهم عندي موقع الفندق يكون قريب من الاماكن العامه سوا تسوق ام اماكن سياحيه بحيث موكل وقتي اطلع باص او قطار او تاكسي
نبي نمشي على رجولنا ونشوف الاماكن لوحدنا ولا شورايك لوووول
الي فهمته منك سيدي العزيز
ان بامكاني اطلع من الفندق رياضه مشي على قولهم واتجول بالشارع
لكن لدي سؤال طال عمرك
كم فترة التنقلات لو كانت بالقطار
من برشلونه الى ماربيا
ومن ماربيا الى ملقا
ومن ملقا الى مدريد
واخيرا من مدريد الى برشلونه لان راح تكون المغادره من مطار برشلونه وجزاك الله الجنه

المشاركة الأصلية كتبت بواسطة sko0oty_m
http://www.arabtravelersforum.com/tr...8/#post7590028

أحلى من العقد اسم على مسمى
أهلا وسهلا بحظورك وكرم اخلاقك بالرد بل بالتشجيع الي دعمه ردك
بخصوص وصف الفنادق وهاي
شي مهم عندي موقع الفندق يكون قريب من الاماكن العامه سوا تسوق ام اماكن سياحيه بحيث موكل وقتي اطلع باص او قطار او تاكسي
نبي نمشي على رجولنا ونشوف الاماكن لوحدنا ولا شورايك لوووول
الي فهمته منك سيدي العزيز
ان بامكاني اطلع من الفندق رياضه مشي على قولهم واتجول بالشارع
لكن لدي سؤال طال عمرك
كم فترة التنقلات لو كانت بالقطار
من برشلونه الى ماربيا ماانصحك تروح بالقطار من برشلونه في الشمال لين ماربيا في الجنوب يمكن 8 ساعات مب متأكده الافضل تروح بالطياره ساعه او ساعه ونص وتوصل احسن من القطار
ومن ماربيا الى ملقا المنطقتين في الجنوب وقراب من بعض مااتذكر المده لان رحنا بالسياره وبالاصح بالباص
ومن ملقا الى مدريد
واخيرا من مدريد الى برشلونه لان راح تكون المغادره من مطار برشلونه وجزاك الله الجنه

من مدريد الى برشلونه بحدود ال3 ساعات الى ساعتين بالقطار مب متذكره بالضبط بس القطار حلو ومريح

احلى من العقد

بيض الله وجهك وغفر ذنبك وسدد خطاك

وبارك في مالك وابنائك يارب

باقي طلب بسيط وياريت تقدر تخدمني فيه والسبب اللغة الانجليزية ضعيفه جدا معي والمدام لووووول عشان كدا ابي اجهز حالي من الاساس

اذا من برشلونه الى ماربيا الافضل طياره كيف اقدر احجزها من الان وكم التكلفه

وكمان هل اقدر الان احجز تذاكر القطارات من النت بحيث اروح وانا مطمن عشان ماتورط باللغه يطول لنا بعمرك

وشاكر لك اهتمامك وتقديرك ومرورك لاحرمك الله الاجر

الطيران الداخلي هو الايبريه

وبالنسبه للتسوق في مدريد
factory centero مجمع اوت ليت بس غالب محلاته رياضيه مثل بوما اديداس والكثير
plaza norte 2 مجمع حديث وراقي وممتع للتسوق
elcorte ingles castellana المجمع المشهور عندهم ويعد المجمع الاكبر في مدريد اللي في كستالانا، أو ماتدخل أسأل عن خدمات السائح توريست سيرفيس ويكون معاكم نسخه من جواز السفر تروح المكتب هو داخل المجمع يعطونك بطاقة خصم 20% لأغلب المحلات في المجمع ليوم كامل وعند الانتهاء من الشراء قبل خروجك من المجمع ترجع للمكتب مره ثانيه ويسون لك تاكس فري ويرجعون لك مبلغ وعلماً هذا موجود في جميع مجمعات الكورت انجليس في اسبانيا شي طيب
serrano street شارع الماركات العالميه رائع جداً
outlet la rozas village طبعا اوت لت الماركات العالميه


وبالنسبه للغه لاتحاتي الاسبان نفسهم معتزين بلغتهم ومايتحجون انجليزي واللبيب بالاشاره يفهم هههههه عادي تاخذون تراويهم اسم المكان او صوره للمكان وياخذونك على طول


وأتمنى لكم رحله سعيده وممتعه

زيارا

روح جعل من جابك في الجنه عن جد كنت متخوف حيل

من قلة معرفتي بالاماكن لكن على قولك

كل سوق سجلته عندي وبالاشاره تعدي الامور

طبعا انا سكني راح يكون في شارع الجران فيا مادري بعيد عن الاسواق المحدده ولا

وهل ينفع اروح لهم عن طريق المترو ولا القطار ولا اجباري يكون تاكسي لان بصراحه العالم عندنا تخوف السايح من كثرة السرقه الي صرت اسمعها

خصوصا في اسبانيا لدرجه صرت احاتي الروحه من قبل ماروح

المشاركة الأصلية كتبت بواسطة sko0oty_m
http://www.arabtravelersforum.com/tr...6/#post7602156

زيارا





روح جعل من جابك في الجنه عن جد كنت متخوف حيل



آمين يارب العالمين يازين هالدعوه

من قلة معرفتي بالاماكن لكن على قولك

كل سوق سجلته عندي وبالاشاره تعدي الامور

طبعا انا سكني راح يكون في شارع الجران فيا مادري بعيد عن الاسواق المحدده ولا

وهل ينفع اروح لهم عن طريق المترو ولا القطار ولا اجباري يكون تاكسي لان بصراحه العالم عندنا تخوف السايح من كثرة السرقه الي صرت اسمعها

خصوصا في اسبانيا لدرجه صرت احاتي الروحه من قبل ماروح



في أوروبا بشكل عام انا شخصياً ماأفضل القطارات أو المترو صحيح أرخص لكن بنظري ادفع أكثر لسلامتي وسلامة من معاي أتعامل مع التكاسي أو سيارة الفندق أو تأجير سيارة لكن مدريد مايحتاي تأجر سياره لأن أغلب الاماكن السياحية حول بعض وسكنك حلو في الجران ممتاز بالوسط وحولك الاسواق والكثافه السياحيه والمطاعم وابد ماتحس بخوف أنا السنه اللي طافت في نوفمبر كنت في مدريد بس كنت ساكنه قريب المطار منطقة الكوباندس شوي بعيده عن وسط مدريد وكنت آخذ تكسي
إلى بلازا مايور تقريباً 22 يورو والتكاسي كلها بعداد يعني مو بكيفهم يقولون لك عطنا هالمبلغ فلا داعي للخوف وبالنسبه للاسواق اللي ذكرتها لك تحتاج تكسي
مجمع فاكتوري وبلازا نورت 2 قريب في الكوبندس قريب المطار
مجمع الكورت انجليس كستالانيا قريب نادي سنتياغو برنابو 10 دقايق مشي
شارع سيرانو يبعد عن جران فيا حوالي 25 الى 30 دقيقه مشي وبالتاكسي 7 دقايق
اوت ليت لاس روزاس يبعد 30 دقيقه بالتاكسي، ودي أحط لك روابط توضح لك كل شي لكن للاسف مشاركاتي قليله مقدر احط أي روابط.

وحياك الله بأي وقت
وأعيد وأقولك لا داعي للخوف مدريد بلد أمان والاسبان يحترمون الاديان وإن شاء الله على نهاية الشهر مسافره لمدريد مره ثانيه

هاذي خارطة سياحية في مدريد
http://www.vidiani.com/maps/maps_of_...adrid_city.jpg

المشاركة الأصلية كتبت بواسطة s.zeyara
http://www.arabtravelersforum.com/tr...2/#post7604532

في أوروبا بشكل عام انا شخصياً ماأفضل القطارات أو المترو صحيح أرخص لكن بنظري ادفع أكثر لسلامتي وسلامة من معاي أتعامل مع التكاسي أو سيارة الفندق أو تأجير سيارة لكن مدريد مايحتاي تأجر سياره لأن أغلب الاماكن السياحية حول بعض وسكنك حلو في الجران ممتاز بالوسط وحولك الاسواق والكثافه السياحيه والمطاعم وابد ماتحس بخوف أنا السنه اللي طافت في نوفمبر كنت في مدريد بس كنت ساكنه قريب المطار منطقة الكوباندس شوي بعيده عن وسط مدريد وكنت آخذ تكسي
إلى بلازا مايور تقريباً 22 يورو والتكاسي كلها بعداد يعني مو بكيفهم يقولون لك عطنا هالمبلغ فلا داعي للخوف وبالنسبه للاسواق اللي ذكرتها لك تحتاج تكسي
مجمع فاكتوري وبلازا نورت 2 قريب في الكوبندس قريب المطار
مجمع الكورت انجليس كستالانيا قريب نادي سنتياغو برنابو 10 دقايق مشي
شارع سيرانو يبعد عن جران فيا حوالي 25 الى 30 دقيقه مشي وبالتاكسي 7 دقايق
اوت ليت لاس روزاس يبعد 30 دقيقه بالتاكسي، ودي أحط لك روابط توضح لك كل شي لكن للاسف مشاركاتي قليله مقدر احط أي روابط.

وحياك الله بأي وقت
وأعيد وأقولك لا داعي للخوف مدريد بلد أمان والاسبان يحترمون الاديان وإن شاء الله على نهاية الشهر مسافره لمدريد مره ثانيه

الله اكبر الله اكبر

بصراحه ماقول شي

عيني عليك بارده وعلى جهدك وحبك للخير ومساعدة الغير

من اين لكي هذا الابداع في الوصف


وبذل المجهود العالي بصراحه بجد بجد استفدت من مشاركتك كثير والان بروح وانا قلبي مطمن

جالس اجهز الشنط وبكره باذن الله ربنا الجمعة طالع من الاحساء الى مطار الدمام

لان رحلتنا بتكون الساعه 8 الصبح يوم السبت من الدوحه الى برشلونا

دعواتك لنا ياوخيتيي بس ولو تامري باي شي حنا حاظرين على جهدك الي ماينوصف

جعل من جابتك وحولك واعزائك بالجنه يارب

بخصوص التنقلات من المناطق الله العالم بقضيها قطارات بسبب البعد وهي على الترتيب الاتي:
طبعا الوجهه راح تكون برشلونا ومن ثم نفس الترتيب

5 ايام برشلونا
3 ايام ماربيا
يومين ملقا
3 ايام مدريد وثم الاقلاع من برشلونا

حياك الله أخي الفاضل وأتمنى لكم أيام سعيده ورحله موفقه بإذن الله


بس نصيحتي مر على الخطوط الايبيريه يرتبون لكم الحجوزات الداخليه بالطيران الداخلي بين المدن الاسبانيه اسهل لكم وأقرب بالمسافات يعني اذا بالطيران تبعد ساعه الى ساعه ونص عندك برشلونه الى ملقا ساعه ونص بالطياره وبما ان ماربيا مافيها مطار تاخذ سياره من ملقا الى ماربيا حوالي 45 دقيقه ومن ملقا لمدريد ساعه وعشرين دقيقه، انا مادري عن نظام القطارات شلون لكن اعتقد المسافات تبعد وهذا موقع الخطوط وشوف الحجوزات والحجوزات الداخليه متوفره بكثره وتقدر خلال وجودك في برشلونه تمر على مكتب الطيران متواجدين بكثره في أسبانيا والمعلومات اللي حطيتها كلها ع السريع ولو كان عندي وقت كان سنعت لكم جدول محترم لماربيا وملقا ومدريد وعلماً ماربيا مو ذاك الزود بحر ومقاهي ويخوت وماركات وملقا مادرنا عدل شفنا ميخاس فنخوريلا كلها حوالي ملقا
iberia.com


وختاماً أمنياتي لكم بالتوفيق وأي استفسارات تفضل أفيدك باللي أقدر عليه