اخواني الأعزاء واخواتي الكريمات
طبخة المكموره الاردنيه طبخه مشهوره جداً في الريف الاردني وخاصةً في المناطق الشماليه. وهي تشبه طبخة المسخن الفلسطينيه ولكنها تصنع بالعجين بدل الخبز وعلى طبقات. أدناه صور ووصفه لهذه الطبخه وهي منقوله عن منتديات قناة بدايه الفضائيه:
كيلو ونص طحين أبيض
كيلو ونص بصل مفروم متوسط الحجم
دجاجتين مقطعات وممكن يكون مسحوب العظم حسب الرغبه
زيت زيتون
زيت مازولا
سمسم
بذور الحبة السوداء
ملح
بهارات مشكله
فلفل اسود
هيل
كمون
مكعبين ماجي
مكسرات:لوز وصنوبر
* ملاحظه: ممكن تتحكمي بكمية الدجاج حسب عدد أفراد الأسره وممكن تزيدي أو تنقصي كمية البصل حسب الرغبه لكن كمية البصل الكبيره بتخلي الطعم اطيب
الطريقة:
1_ نحضر الطحين ونضع عليه ملح والسمسم والحبه السوداء وملعقتين كمون ونعجنه بالماء الدافئ حتى يتماسك العجين بدون ما يكون رخو يعني أشد من عجينة الفطاير بشوي ونتركها حتى ترتاح .طبعا بدون
خميره
2_ نضع زيت زيتون وزيت مازولا على البصل ونضع عليه ملح وكمون وبهارات مشكله وفلفل أسود وهيل وباكيت ماجي ونقلبه على النار حتى يذبل شوي . يعني نصف إستواء لأنه رح يستوي بالفرن. ووبعدها نضعه في وعاء على جنب حتى يبرد شوي ويسهل استخدامه في عمل المكموره.
3_ نقطع الدجاج حسب الرغبه ونضع عليه راس بصل وملح وبهارات وفلفل أسود وهيل وكمون ونضع زيت زيتون ومازولا ونقلبه كويس على النار مع شوية ماء حتى يصبح نص إستواء , ثم نرفعه عن النار ونفصل الدجاج عن ماء السلق لأنه رح نستخدم الماء في رق المكموره. في هالأثناء نكون قطعنا العجين قطع مناسبه لحجم الصينية المستخدمة بحيث تكون رقيقه عند الفرد وتركناها ترتاح شوي .
4_ نحضر الصينية ولازم تكون غميقة شوي حتى ما ينزل منها زيت لما يرتفع العجين وندهنها بزيت ونضع فيها قصدير ثم ندهن القصدير زيت ( ممكن تستخدمي زيت زيتون جديد أو تستخدمي الزيت اللي على وجه ماء سلق الدجاج أو الزيت اللي مع البصل وهيك بطلع الطعم أطيب) .
5_ نحضر قطعة عجين ونفردها على قليل من الزيت بس الأفضل تكون أول طبقة عجين سميكه شوي حتى تتحمل الطهي , ثم ندهنها بقليل من ماء السلق ونضعها في الصينيه .
6_ نضع فوق العجين بصل ونفرده كويس ونضع قطعه إلى قطعتين دجاج ونضع المكسرات الموجوده , ممكن نستخدم لوز وصنوبر
7_ نفرد قطعه ثانيه من العجين ولكن تكون رقيقه ونعمل فيها نفس الخطوات السابقه ونضعها في الصينية فوق القطعة السابقه , وهكذا حتى نكمل المقادير وممكن نوصل لحد 10 طبقات في الصينية إذا كانت غميقة بحيث ما نرتفع على الأطراف أكثر من نصف ارتفاع الصينيه بكثير , وبعدين غطيها بالقصدير وحطيها بالفرن الحار على درجة حرارة 450ف وبعد ما تغلي وترتفع العجينه ننزل الحرارة حتى 375ف , ونتركها بالفرن مدة ساعتين ونص إلى 3 ساعات حتى تنضج , وممكن تختبري الإستواء بإنك تدخلي فيها سكين وما يطلع عليها عجين أما إذا طلع على السكين زيت أو قليل من الماء مو مشكله المهم ما في عجين , وممكن تلاحظي إنه وجه العجين أصبح ناشف ومتحمر وهذا دليل الإستواء, وإذا بدك التحمير يكون بجنن إدهني وجه العجينه الأخيره بماء سلق الدجاج , ولا تكثري ماء على طبقات العجين بس إدهنيها دهن حتى ما تظل عجين عند الإستواء والأطراف محروقه , وممكن تكشفي القصدير عن الوجه آخر ربع ساعه ليساعد على التحمير.
8_ بعد ما تأكدنا من الإستواء أخرجيها من الفرن ومن الصينيه وضعيها في وعاء التقديم وإنزعي من تحتها القصدير , وجربي الطعم , ممممممممممممممممممممممممممم
ممكن تتقدم مع التبوله والسلطه واللبن الرايب , وصحتين وعافيه , واتفضلوا على الغداء أهلا وسهلا, وهاي الصور المشهيه بعد ما استوت
مواضيع عشوائيه ممكن تكون تعجبك اخترناها لك:
- صور من اب صيف عام هـ
- تونس عامرة برجالها
- سؤال بخصوص الاوضاع الحالية للاردن
- استخدام بطآقه الصراف في دوله غير دولتي
- كهف النبي لوط عليه السلام
- عااااجل من يعرف معلومات عن منطقة معين بالأردن ؟
- عاااااااجل فندق الموفنبيك عند البحر الميت
- ممكن تفيدوني في موضوع جزاكم الله خير الرحلة لتونس
- ارجـو آلمسـآآآعدهـ يآ آخـوووآآآآآآنتكفون ضرووووري
- ابي مشورتكم
- لاهل الاردن سؤالي ؟ وعمان خصوصا
- رحلتي إلى الــــــيـــــمـــــــــــــــن بالتفصيل
- سعودية في تونس
- دعوة لزيارة ليبيا وتونس واى معلومة انا موجود
- مساعدتكم عن الدراسة والمعيشة في اربد
- صور رحلتي الراااائعة لعنابة الجزائرية في الصيف
- القصور التركية فى الجزائر
- شبوه
- وفاة المذيع التلفزيوني الشهير يحيي علاو
- ودي ازور ابرز معالم عمان في يومين
رد مع اقتباس
المشاركة الأصلية كتبت بواسطة الذيب الشمالي
المشاركة الأصلية كتبت بواسطة bosanac33
المشاركة الأصلية كتبت بواسطة غريب أرابيلا
المشاركة الأصلية كتبت بواسطة غريب أرابيلا
المفضلات