الموضوع: تقرير مفصل عن رحلتي القصيره في سيرلانكا

بسم الله الرحمن الرحيم
السلام عليكم ورحمه الله وبركاته
اخواني يسرني ان اقدم لكم تقريرآ مفصلآ مدعمآ بالصور عن رحلتي الغير متوقعه إلى ربوع سيرلانكا
وسأجعله في عده مراحل لتسهيل قرائته ولتسهيل اخذ المعلومات
اولآ
التخطيط على السفر
في تمام الساعه الرابعه من عصر يوم السبت الموافق21/01/2006م
كنت متواجد في دبي ورحت لم الخطوط العربيه للحجز على الرياض وبعد وصولي لمكتبهم المتواجد قبال
دوار الساعه وبعد سؤال الموظف افادني ان اقرب رحله على الرياض بعد3ايام ولفت انتباهي لوحه معلقه
على الجدار مكتوب عليها اجازات العربيه المخفضه لكولمبو مع الحجز في الفنادق قلت في نفسي كم بتكون
قيمه التذكره مع الاقامه في الفنادق وبعدين كولمبو عاصمه سيرلانكا او كما يسمونها فردوس الدنيا وسألته
قالي اختر اسم الفندق وبعد 3ايام يجينا الرد قلت طيب كم قيمه التذكره بدون فنادق قالي ب1000درهم قلت
في نفسي رخيصه ولايبيلها شور هاه اروح ولا ماروح لحالي ولا معي خوي صعبه شوي يارجال روح
وشفيها وبعد محاولات عديده مع نفسي ظهرت غريزه السفر الموجوده في الجينيات الوراثيه عندي ..!!
وانتشرت في جميع انحاء جسدي وحسيت بأنتعاش مصاحب بقشعريره بداء من راسي إلى طرف اصبع
قدمي وارتجلت للموظف قائلآ احجز لي على رحلت الليله بصوت عالي..!!!
ضحك الموظف قال متا تبي العوده قلت متا اقرب عوده قال كل يوم رحله قلت بعد خمسه ايام بس الحجز خله كولمبو الشارقه الرياض
قال كولمبو الشارقه الرياض بسعر ب1355 درهم ومايمديه يكمل كلامه الا انا مزنده الدراهم
وبعد ماقصيت التذكره توجهت لأقرب كافيه انترنت واخذت ربع ساعه لأن الوقت ضيق مامعي وقت الساعه
لأن تشير الى الخامسه مساء والرحله الساعه التاسعه والنصف مسئآ ولازم تكون قبلها في المطار الساعه
السابعه ومالقيت الا شويت معلومات عن الفنادق واسجلها في الجوال لأن محل الانترنت ماعند طباعه وعلى
الفندق وارتب الشنطه واودع صاحبي اللي تعرفت عليه في الطياره وانا رايح دبي وسكنت انا وياه يومين
وامشي وعلى المطار مطار الشارقه وبعد مانزلني صاحب التاكسي ومشاء ادور على الجوال في جيبي اللي
يمين واللي يسار
ومره ومرتين اوثلاث الين بغيت اقطع البنطلون!!
ياولد مهوب صدق الاصدق وانحااااس من فوق الاتحت واحس بنفس الشعور السابق لاكن بدون انتعاش
الجوال نسيته مع صاحب التاكسي والمعلومات فيه ولارقام المهمه اللي ممكن احتاجها في أي لحظه وتقلب
المزاج ويجي هندي يقولي تبي عربيه واطالعه وانا اقول في نفسي هاه ياولد اكنسل ولا امشيء كلها جوال
جت العافيه لا لامايصير تروح والجوال فيه ارقام من تحتاجهم في أي وقت سبحان الله طيب وفي
نفساللحظه مرت علي فكره مرور الحمير اني اتصل وفي نفس الوقت اقول اكيد لاتصلت بيطلع الجوال مغلق
ماهي غريبه سواق تاكسي باكستاني قيمه الجوال مكده اسبوعين يارجال الدنيا فيها خير وانشاء الله بتلقاه
برا ولابيرد عليك ويرجع جوالك هونها وتهون المهم واطلع برا بسرعه البرق والقى صاحب تاكسي قلت لو
سمحت جوالي نسيته مع صاحب تاكسي وابي جوالك اكلمه ويعطيني الجوال واكلم ويدق اول دقه ويدق قلبي
معها عشر وثاني دقه ويدق قلبي معها عشرين وثالث ورابع والخامسه ويرد الو قلت ويييينك انا عند المطار
ابي جوالي بسرعه تعال قال 5دقايق وانا عندك خلك في نفس المحل وانتظر 5دقايق الا هذا هو موقف
تصدقون بغيت اسلم على خشمه بصراحه انه امين الله يجزاه خير ولا الجوال يمكن يجيبله 1400درهم واخذ
الجوال وامد له مئه درهم ويعيي عنها واحلف انها ماترجع وقلت والله انها قليله في حقك الله يوفقك

يتُبع

مواضيع عشوائيه ممكن تكون تعجبك اخترناها لك:

• الأماكن السياحية لسوريا في ملف ورد من إعدادي
• يا شباب أرجوكم الفزعة بكرة طالع لسيرلانكا
• استفسارات عديدة لرحلتي لجوا بعد يومااتمنى الافادة العاجلة
• برنامج من مطار كاليكوت
• استفسار بخصوص فيزا للهند
• استفسار عن السفر برا إلى لبنان عبر تركيا وسوريا
• تكفون يا اخوان ابي مساعدتكم
• اتمنى الافادة السريعه عاااجل ياشباب
• استفسار عن وجبات الفنادق في سريلانكا
• رايكم بالبكج
• استفسار
• ماذا ممكن ان احضر من هدايا من سريلانكا
• استفسار استيراد الارز والملابس الرجالية الرجالية والاحذية
• صور من غوا الهندية رحلتي
• سيريلانكا بين حنايا الفؤاد حفرتي أغلى الذكريات
• ابي رايكم بالجدول
• حيران مدري وين ابي اروح مالي طريق يذكرونه مساعدتكم تكفووون
• استفسار رحلتي لسرلنكا بعد العيد ارجو افادتي يا اهل الخبرة
• احتاج مشورتكم في سعر هذا البرنامج ارجو التكرم بالرد لضيق الوقت
• استفسار عن المناطق السياحية و رحلات القروبات للبنان

ثانيآ
المطار

اللحين رجعت المياه الى مجاريها والنفسيه صارت توب ولله الحمد وادخل واضف عفشي في الشحن واقص
البوردنق وامر الصراف واصرف الدراهم اللي معي الى دولارات ريحتها تصك المخ
وانتظر إلى ان ركبت الطياره واجلس في مقعدي وعن يميني وعن شمالي سيرلانكيات لايتكلمون العربيه
وبعد فتره قصيره اقلعت الطائره وكان مافيها ولا واحد يتكلم العربيه ألا قائد الطائره محمد صبري مصري
الجنسيه واحد افراد الطاقم اسمه بشار لبناني الجنسيه ..
اما باقي المسافرين فجميعهم سيرلانكيين ماعدا عائلتين اوروبيين..!!
وبعد مروراكثر من ساعتين وزعو علينا كروت التعبئه لدخول الدوله واتورط بكرتي واطالع الا في مقدمه
الطياره واحد له دقن قلت انحلت هذا أكيد مسلم والمسلم أكيد يعرف عربي بيعبي الكرت ويخارجني من
المطار واروح يمه واسلم ويلتفت علي ولارد السلاام تدرون ليش لأن في نص جبهته نقطه حمراء يعني
من عباد البقر واصرف الموضوع قلت تواليت تواليت ويأشر لي على دورت المياه الله يكرمكم
وانادي بشار ويعبيه لي وبعد اربع ساعات عدآ ونقدآ من اقلاعنا من مطار الشارقه اعلن قائدها بهبوطها
التدريجي في مطار كولمبو
والحمد الله نزلنا في المطار الساعه الرابعه صباحآ الاربع الذي يعتبر من المطارت الجيده بنسبه لدوله
كسيرلانكا واقضب السرا اللي عند الجوازات الزحمه ماكانت بالمره يعني ابو عشر دقايق وانت مخلص
وفي نفس اللحظه وانا في السرا كنت افكر وش لون اتفاهم معهم عشان سالفت الفيزه ( سبق ان قريت
موضوع واحد في المنتدى ذكر الفيزه انها موجوده عند السفاره او في المطار) وبعد وصولي للموظف
واعطيه الجواز وانا اقرا المعوذات واقول في نفسي الله يخارجني وبعد ثواني ختم الجواز واعطانياه وهو
يقول بما معناه كولمبو ترحب بك واطلع من عنده على سير الشنط وادور على شنطتي واخذها واتوجه مع
العالم اللي معي إلى تفتيش الجهاز وامسك السرا معهم ويجي واحد يقول يو ارابي واهز راسي يعني نعم
ويمسكني بيدي وياخذني معه..!!!! قلت هذا اللي انا جاي ادورها وش يبي؟؟ مني؟؟ وعلى وين موديني؟؟
ويمر علي
شريط التكهنات المرعبه ..!!!!عز الله رحت فيها!!!! يالله المخارج !!!وفيه باب على يمين تفتيش الشنط قام يبربر علي ...
ويأشر على الباب فهمت انه يقول ادخل مع الباب قلت اكيد ان هذا باب السجن حقهم يالله عساه خير لالغه
سيرلانكيه ولالغه انقليزيه المهم وادخل مع الباب الامكاتب الصرافين قدامي ومن الفرحه اسلم عليهم كلهم
وكلن يناديني من عنده يبيني اصرف
واصرف 100دولار بــ10052عشره الاف واثنين وخمسين روبيه سيرلانكي.
واتوجه على مكاتب تأجير الفنادق طبعآ لم يسبق لي زيارت سيرلانكا قبل ولم يكن عندي معلومات عنها سوا
معلومتين اخذتها من المنتدى قبل الاقلاع وهي ان الفندق اللي فيه مطعم عربي اسمه قلداري وان فيه واحد
اسمه زهراني المغربي يتوجهون له اكثر السياح هناك المهم نرجع لموضوعنا وادور في المكاتب الالوحه
قلداريا اخر مكتب واتوجه له واتكلم معه الاهو يعطي كلمتين عربي وعشر سيرلانكي يقولي ان الغرفه مع
الضرائب مع الفطور المجاني ب85دولار وبعد المكاسرات اللي تعلمتها في اندونيسيا توصلنا الى سعر 60
دولار واسأله عن زهراني قال هذا مكتبه ومسكر اللحين يفتح الساعه10صباحآ واعطيه اسمي قلت خله
يجيني بالفندق واخذ من عنده تاكسي ب1600روبيه مايعادل 16 دولار واطلع مع التاكسي الساعه الرابعه
والربع صباحآ..
وبعد ركوبي معه لاحظت انه يتكلم العربيه بشكل جيد وبعد45دقيقه الان في الفندق قضيت وقت الطريق معه
في كثيرآ من الاستفسارات عن المناطق السياحيه وعن الاسعار يعني بالعربي استفدت منه ...
يتُبع

ما شاء الله عليك يا عمعوم

صار صنفت لك وعلى طول طلعت ما تاخرت .....

عموما تقرير جميل وصور أحلى ...

ننتظر القادم يا حلو ...

ما شأ الله عليك اشهد انك ذيب بس ذيب ناقصه يعرف انقليزي علشان يشوف مكاتب سفر محترمه كثيره في سيلان اسعارها متناسبه مع ما تطلبه بدل مكاتب شخصيه.


مستمتع وناطر باقي التقرير.

نفس الموضوع قرأته في ( منتدى آخر )........ وأرجو أن يكون نفس الكاتب !!

المشاركة الأصلية كتبت بواسطة العميل السري


ما شاء الله عليك يا عمعوم
صار صنفت لك وعلى طول طلعت ما تاخرت .....
عموما تقرير جميل وصور أحلى ...
ننتظر القادم يا حلو ...



هلابك اخوي ويازين الرحله اذاصارت بدون تخطيط يعني خبط لزق يجي كل شيء مفاجئه وحلى سفر لي هذه الرحله ...
اسعدني كثيرآ مرورك الكريم ...,,

المشاركة الأصلية كتبت بواسطة الهاديء


ما شأ الله عليك اشهد انك ذيب بس ذيب ناقصه يعرف انقليزي علشان يشوف مكاتب سفر محترمه كثيره في سيلان اسعارها متناسبه مع ما تطلبه بدل مكاتب شخصيه.
مستمتع وناطر باقي التقرير.



ماعليك زود اخوي ...
اسعدني كثيرآ تواجدك الكريم وسأكمل الليله ان شاءالله ...,,

هههههه
والله إنك بطلللل
تعجبني الرحلااااات اللي زي كذا
دايم الرحلات اللي بدون تخطيط تطلع:24:

المشاركة الأصلية كتبت بواسطة مغترب


هههههه
والله إنك بطلللل
تعجبني الرحلااااات اللي زي كذا
دايم الرحلات اللي بدون تخطيط تطلع:24:



هلابك اخوي مغترب..
الف شكر لك على مروك المميز ..والبقيه في الطريق ..,,

واقوم الساعه 9صباحآ واطفي التلفزيون اللي ناسيه شغال وصوته مسموع من البارح .....!!
يالله وش ذا النووومه الثقيله...!!
وانزل على المطعم تحت وافطر من البوفيه المفتوح
.((طبعآ مجانآ حسب الاتفاق ))
واطلع على الغرفه وارتب اغراضي استعدادلآ للخروج لكاندي
ألا التلفون يدق الو مين بابا فين......امزح معكم
قال مستر ....قلت نعم قال انا السواق وننتظرك تحت وانزل واسوي خروج من الفندق واودع صديقي نيهال طبعآ بدون بخشيش ونظراته مخيفه !!
الخروج من الفندق والطريق إلى كاندي
واطلع معهم على سياره صني بوكس موديل 2000 تماتيك ونمسك خط كاندي بأتجاه وسط الجزيره
طبعآ الخط ضيق وممل وزحمه بس اللي يهونها المناظر الخلابهاللي تنسيك هموم الطريق..
وبعد نصف ساعه من الفندق قابلنا اول مدينه الا وهي
(( بيليا قودا)) وبعد نصف ساعه مدينه
((كريبان قودا)) وبعد فتره ليست بالقصيره وصلنا
((كدا وتا)) وبعد فتره وصلنا مدينه الاناناس
((ياكلا)) وقفنا على جمب الخط عند واحد يبيع اناناس وشرينا منه وواصلنا مسيرنا وبعد فتره مدينه
((ورقه بولا)) وبعد 20 دقيقه وصلنا
(( نيتمبو كيق قلا بينا ولا)) وبعدين لفينا يسار سألت السائق الى اين قال على مدينه الفيل او حديقه الفيل يقول انها تبعد 6كيلو متر وبعد ماوصلنا الحديقه قصيت تذكره دخول بــ500روبيه وندخل مع ذاك الشارع الضيق طبعآ مشيآ على الاقدام وكان الشارع مليان من محلات بيع المنتوجات الجلديه

(( من جلد الفيل )) من شنط الى كراسي وطاولات وقبابيع وتحف وندخل المقهى او المطعم اللي على النهر الجميل واحصل اكثر من 100 اوروبي اشكال والوان حمران عطران شبان وشيبان ...!!
الساعه الأن 2ظهرآ واتغدا كالعاده السابقه ...!!
واخذ كم صوره تشوفوني ازاحم هالاوربيين ومدري وش السالفه بس تطبيقآ لمقوله
(( مع الخيل ياشقرا ))
وبعد ساعه طلعنا لنكمل مسيرتنا بأتجاه مدينه التاريخ المدينه الاثريه اللي يقولون ان تاريخها يعود إلى ماقبل 2500سنه وبعد 15 دقيقه وصلنا مدينه البهارات
(( ماوا نيلا)) لكن اني مادخلتها لأني كنت مصدع وتعبان شوي وبعدها بنفس المسافه وصلنا منطقه
((كدوقتا)) وبعدها
((بير دننيا)) وبعدها بعشر دقايق وصلنا كاندي
كاندي
وهي منطقه جبليه مشابهه للبونشاك اللي في انونيسيا ونمر سوبرماركت وناخذ شويت اغراااض
ونطلع للفندق في اعلى الجبل وصلنا فندق
((سويس ريسي دنسي)) وننزل ونحصل زهراني قد كلمهم وسوا حجز لغرفه مع الافطاروانزل شنطتي في الغرفه الجميله المطله على منظر خلااب وانزل اتجول في الفندق الصغير الهادي وانزل عند الرسبشن واسأله عن المساج قال في الدور الاول واطلع واحصل عندهم 5انواع من المساج
واختار افضلها بعد الاتفاق مع البنت كارديا بــ1800روبيه مقابل ساعه من المساج وصراحه اللي ماقد سوا مساج سيلاني فهو محرووم..!!
خليط من زيوت الاعشاب الطبيعيه كان اكثرها مفلفل وحار تحس ان الجلد بيولع مع المساج ..!!
وبعدها اطلع برا الفندق واخذ لي توك توك بــ100روبيه مقابل أخذ جوله قبل المغرب في انحاء المدينه العجيبه حوالي ثلث ساعه في ارجاء المدينه الهادئه ليلآ والمخيفه ومرعبه بعد غروب الشمس..!!
وارجع على الفندق واريح في الغرفه إلى الساعه 9ليلآ وانزل على المطعم واتعشاء واطلع على غرفه السواقين والقى الشباب طاقين الوزره وفالينها بلووت ومعه 3 سواقين اتضح لي فيما بعد انهم سواقين مع اوروبيين في نفس الفندق ...
واخذ معهم كم طقه وارجع على الغرفه واقلب في القنوات اللي عددها 5 قنوات وكلها سيرلانكيه
واحط راسي ونومه عميقه خاليه من الاحلام والكوابيس.
اترككم مع بعض الصور

الطريق إلى كاندي
*******************

يتُبع

هلابك اخوي مصعب واسعدني كثيرآ تواجدك الكريم ..
الليله سأكمل بأذن الله ...,,

معاااااك ... واااصل

المشاركة الأصلية كتبت بواسطة تسونامي السلام


ماشاء الله عليك والله أنك جزوم ......رايح لحلك والأنقليزي عندك الله بلخير الله يخالف علينا
والله شوقتنا حنا في انتظار باقي الرحلة ...



الف شكر لك على التواجد الكريم ....
بالقيه في الطريق ...,,

المشاركة الأصلية كتبت بواسطة abo awad


معاااااك ... واااصل



هلابك ابو عواد اسعدني تواجدك الكريم ...
البقيه في الطريق ...,,

السلام عليكم
اخواني آسف على التأخير بسبب ظروف كنت امر بها وسأكمل البقيه الليله ان شاءالله

الحمد لله على السلامه اخوي عمعوم:
وبالنسبه لسيرلانكا فانت اصبت لما رحت لها لانها فعلا رااااااااااااائعه ولكن اخطات في شيئين:
أولا: انك ما طولت هناك.
وثانيا: ان ما معك خوي تستانس معاه..
انا سبق وزرت سريلانكا لمده اسبوعين ولكن اعتبرها قصيره وتمنيت اني مطول هناك لان المناظر بصراحه ما ينمل منها وخصوصا رامبودا هذي خيااااااااااااااااااااااال
والف شكر اخوي واكمل نحن بانتظار المزيد.

الحمد لله على السلامه يا خوي عمعوم

سجلني من متابعين هالتقرير الحلو والتفصيل الرائع ( فله حجاج )

واصل - معاك على الخط - واصل

تقبل تحياتي

ابو خالد

تبارك الرحمن

عمعوم ،،، هنا ،،،،،!!!!

مرحبا ،،، تقرير جميل ،،، ليس ذلك عليك بغريب

يعطيك العافية
والله المستعان

شجعتني اروح مع شغالتي كلت قلبي وهي تقول مدام تعالي معاي

تقرير في قمة الروعة الله يعطيك العافية .

المشاركة الأصلية كتبت بواسطة جبر الخواطر
http://www.arabtravelersforum.com/tr...96/#post989896

الحمد لله على السلامه يا خوي عمعوم

سجلني من متابعين هالتقرير الحلو والتفصيل الرائع ( فله حجاج )

واصل - معاك على الخط - واصل

تقبل تحياتي

ابو خالد



هلابك اخوي واسعدني كثيرآ تواجدك الكريم

المشاركة الأصلية كتبت بواسطة abu_elyazia
http://www.arabtravelersforum.com/tr...40/#post989940

تبارك الرحمن

عمعوم ،،، هنا ،،،،،!!!!

مرحبا ،،، تقرير جميل ،،، ليس ذلك عليك بغريب

يعطيك العافية
والله المستعان





هلابك اخوي واسعدني كثيرآ تواجدك الكريم

المشاركة الأصلية كتبت بواسطة ثامر الهاجري
http://www.arabtravelersforum.com/tr...73/#post991473

ماقصرت والحمدلله على السلامه والحقيقه غيرت نظرتنا عن سيرلاناكا نفكر اول انها ولا شي اثرها طلعت احسن من اكثر الدول المشهوره بيض الله وجهك يا عزيزي



هلابك اخوي واسعدني كثيرآ تواجدك الكريم

المشاركة الأصلية كتبت بواسطة عاشق الطبيعة
http://www.arabtravelersforum.com/tr...71/#post996871

تقرير في قمة الروعة الله يعطيك العافية .



هلابك اخوي واسعدني كثيرآ تواجدك الكريم

ويوم جت الساعه 6 الصباح الا انا مرتكز مثل الجني وانزل وعلى المطعم وافطر فطوري كالعاده واطلع على الغرفه واتصل بزلفي قلتله جاهزين قالو على خط النار وانزل ونسلم الفندق ونطلع على المدينه طبعلآ المدينه فيها شويت زحمه بس مو مثل كولمبو ونطلع في اعلى الجبل ونمر اكبر معبد بوذي ((لاحول ولاقوه إلا بالله))

على حسب كلام زلفي ان هاذا اكبر معبد في سيرلانكا واقدم معبد حيث يعود تاريخه إلى ماقبل 2000سنه
وننزل على فندق على ضف النهر وهو فندق عجيييييب وكبير وخدماته رائعه بس نسيت اسمه يقولون ان السكن فيه غرفه سريرين بــ80دولار
وبعدها نمر السوق الشعبي في كاندي وبعدها نمر على الجامعه اللي في كاندي ونشوووف الطلبه وهم في الفسحه
وبعدها مرينا على حديقه الحيوانات وحديقه الزهو لاكني اعتذرت عن دخولها لأنها حسب زياراتي لها في اندونيسيا مضيعه للوقت وبعدها نمر مقر بيع الاحجار الكريمه في كاندي وندخل عندهم في مبناهم الحديث
نبذه عن المتجر

هو مبنا مكون من دورين الدور الثاني مكون من غرف فيها تلفزيونات وفيديو وكراسي يجلسونك ويشغلون الفيديو ويعرضون عليك كيف طريقه استخراج الاحجار الكريمه

والدور الاول عباره عن معرض للبيع و ونجي عند واحد مسلم اسمه محمد وتطيح العين على ذاك الخاتم من الفضه و فصه من الياقوت يقول سعره بــ300 دورلار وبعد مكاسر ومجاهد ومطامر توصلنا لسعر 220دولار

وبصراحه جميع معروضاتهم غاليه مدري وش السبب

اترككم مع بعض الصور
منظر للمدينه مع الصباح
7
7

صوره المعبد
7
7

صوره للمدينه
7
7

خروجي من كاندي ومصنع الشاهي

طلعـنا من متجر الاحـجـار الكـريمـه بعـد مـا استغـرقنـا مـا يقـارب الساعـه بين هـذه الثـروه
الثمينـه وانا غارق في أحـلام اليقظـه ...!!!!
المهم ونطلـع ونـواصل طـريقنـا بأتجاه الشلالات وبعد ماقطعنـا مايقـارب السـاعـه
وصلنا منطقه يكثر فيهـا زراعه الشـاهـي....
ودخلنـا مصنـع الشـاهـي واخذت لي جوله تعـريفيـه لمـده سـاعـه حيث رافقنـي احد عمـاله
المصنـع ....وقام بشرح كيفيـه صنـاعـه الشـاهـي ....!!
يقـول العـامل ان مـوظفين المصنع من النساء وعددهم 300إمرأه...!!
يقومـون بالحصـد اليـومـي وكـل يـوم يحصـدون 1500كيلو من الزرع ..!!!
وبعـد ذالك يـوضع في مكينـه الـهوا....
لينظف من الغبار والشوائب وبعض الاوراق اليابسه....
وبعد التنظيف يصبح الوزن 750كيلو ..!!!
وبـد ذالك يوضع في مكينه للجرش ويقومون بجرشـه وبعدها يصبح الوزن 300كيلو ..!!!
وبعد ذالك يوضع في الفرن حتى يتغير اللون من الاخضر إلى الاسود....
وبعد ذالك ينشر في الهواء الطلق لمده 45دقيقه لإكتساب الاوكسجين..!!
وبعد ذالك يوضع في مكينه لتوزيعه حسب النوع والمقاس....
وبعد ذالك يغلف في أكياس كبيره مشابهه أكياس الاسمنت وبعد ذالك يصدر لخارج البلاد....
وبعد ماشرح لي في المصنع اخذني لمبناء مجاور للمصنع وهو مبني للبيع بالتفريد والتذويق
وبعد مادخلت عندهم لقيت انواع الشاهي عندهم جاهز للتجربه ومجانآ..!!!
وبعد ماجربت أعجبني النوع وأخذت منه 20علبه صغير كل علبه وزنها 50غرام بـ700روبيه
اترككم مع صور لأحداث اللتي ذكرتها

احد الانهار في الطريق
7
7
7
7






الصوره تتكلم
7
7
7
7




احد الشلالات على الطريق
7
7
7
7
7




ومازلنا نستمتع بالطريق
7
7
7
7
7



الشاهي اثناء وضعه في مكينه التنظيف
7
7
7
7
7




بعد الجرش
7
7
7
7
7




بعد الفرن اصبح لونه اسود
7
7
7
7



مكينه التوزيع حسب المقاس والنوع
7
7
7
7
7



بعد التغليـف
7
7
7
7




العامل اللي رافقني داخل المصنع
وامامه انواع الشاهي((افضل نوع اللي على اليسار))
7
7
7
7
7



مدير المصنع ((مسلم))
7
7
7
7
7




المبنى اللي يبيعون فيه بالتفريد
((حق الذواقه))
7
7
7
7

المشاركة الأصلية كتبت بواسطة جبر الخواطر
http://www.arabtravelersforum.com/tr...32/#post998632

متابع ــ متابع

تقبل تحياتي



هلابك اخوي جبر الخواطر واسعدني كثيرآ تواجدك الكريم ومتابعاتك المستمره ..,,

المشاركة الأصلية كتبت بواسطة ابوالشهيدين
http://www.arabtravelersforum.com/tr...8/#post1012528

الحمدلله على السلامه

بصراحه اسمتعت بهذه الرحله الجميله جدآ المتسارعه

بصراحه احببت فيك عزيمتك وتصميمك

اشكرك علي التقرير الجميل جدآ



الشكر لك اخي على التواجد الكريم والتعليق الجميل ....,,

واصرف الموضوع قلت تواليت تواليت



اسلوب قمه في المتعة ما شاء الله ، وياسعد من يخاويك ماشاء الله

بيض الله وجهك ما قصرت

المشاركة الأصلية كتبت بواسطة q_q
http://www.arabtravelersforum.com/tr...4/#post1021444

اسلوب قمه في المتعة ما شاء الله ، وياسعد من يخاويك ماشاء الله




هلابك اخوي الله يسعد أيامك يالغالي وشرفني وجودك في هذا التقرير :101:

رحلة جميلة ، ومنتظرين الباقي ,

اعجبتني هذه الصورة



و تسلم

المشاركة الأصلية كتبت بواسطة aua
http://www.arabtravelersforum.com/tr...3/#post1040283

رحلة جميلة ، ومنتظرين الباقي ,

اعجبتني هذه الصورة



و تسلم



اسعدني تواجدك الكريم والبقيّه في الطريق ...,,

سلام عليكم
جميل جميل هذا التقرير والصور ..!!
شكرا لك

المشاركة الأصلية كتبت بواسطة ريح الشرق
http://www.arabtravelersforum.com/tr...3/#post1050453

سلام عليكم
جميل جميل هذا التقرير والصور ..!!
شكرا لك



منور الموضوع بتواجدك الكريم

انتظرو البقيه في الطريق ..,,

ما شاء الله عليك تقرير :24:
واسلوب في الكتابه ممتع يعني :24:
ورحلة شيقه أكيد :24:
وكان عندك صور ثانية حطها وخلك :24:
وفي الأخير مالي إلا أسوي :113:

المشاركة الأصلية كتبت بواسطة طائرالنورس
http://www.arabtravelersforum.com/tr...4/#post1081474

والله ياعمعوم أنك منتهي
نيه ومطيه بنفس الليله ماشاء الله عليك وتقريرك منتهى الروعه وخفة الدم
ودي أقول بسافرمعك بس تبي تزنقني بطلعاتك تنوي العصروتسافرالمغرب

هلابك اخوي ومنور الموضوع بتواجدك الكريم واذا تبي خوي خلك جاهز ترى الاجازة قربت ومثل ماتفضلت نيه ومطيه والله مدري وين اقضيها بس اني متأكد انها بتكون لشرق آسيا ولدولة ماقد رحت لها ..,,

المشاركة الأصلية كتبت بواسطة جاي بقوة
http://www.arabtravelersforum.com/tr...8/#post1081608

ما شاء الله عليك تقرير :24:
واسلوب في الكتابه ممتع يعني :24:
ورحلة شيقه أكيد :24:
وكان عندك صور ثانية حطها وخلك :24:
وفي الأخير مالي إلا أسوي :113:

هلابك اخوي ومنور بتواجدك الكريم وابشر بالتكملة وماعليش على التأخير ...,,

لوحه عند مدخل مدينه نورإليا توضح الارتفاع عن سطح البحر
7
7
7
7
7




صوره للمدينه من بعيد((قبل الوصول))
7
7
7
7
7



عندما قربت من المدينه
7
7
7
7
7




اعلا قمه في سيريلانكا ((بيدو رتلا قلا))
7
7
7
7
7



مدخل سوق الملابس((صناعه محليه))
7
7
7
7
7



يتبع

بعد القراية قررت اغير خلاااااااااااااااااااص انا رايحة سريلانكا .....ان شالله بزور لكويت مرة ثانية

بسم الله الرحمن الرحيم

يعطيك العافية عمعوم

تقرير رائع لكاتب أروع

بس فيه أحد يوصف نفسه بالجني هههههههه والله ضحكتني

مشكووووووووووووووور

جزاك الله خير