الموضوع: الفزعه لأهل الخبره في مطارات السعوديه

السلام عليكم ورحمة الله وبركاته.. يا أخوان انا سافرت قبل كذا لتايلند من الرياض للبحرين ومن البحرين بانكوك والرجعة نفس الشيء اول ما وقفت عند كونتر الجوازات سألني من وين جاي وقلت البحرين والأمور مشت ولله الحمد... السالفه انا الحين بسافر مره ثانيه ولقيت حجز على طيران الخليج بصراحة سعر مغري جداا بس الذهاب الرياض بانكوك والرجعه بانكوك الرياض انا صراحة إستغربت سير الرحله إنها ما توقف في اي دولة خليجة لكن وش تتوقعون من جوازات المطار وش ممكن يسوون هل ممكن يمنعوني من السفر او ممكن إذا رجعت يبهذلوني وخصوصا إن الرحلة دايركت يعني البوردينق بيصير واحد مو إثنين عشان اسوي نفسي ملكع وارجوااا من اهل الخبره إفادتي في ذلك ولكم جزيل الشكر

مواضيع عشوائيه ممكن تكون تعجبك اخترناها لك:

• ماهو دفتر السيارة المكث
• مكتب بوم للسياحة في بوكيت
• سيارة بسائق في دمشق
• اول مرة
• فلل بحمام سباحه خاص
• السلام عليكم استفسار بوكيت
• طلب ضروري وعاجل
• صــور لســفرتـنــا الــى ســوريــا
• شهر العسل تايلاند إلى كوسوماي شاطئ بوفت
• الي فصل بدله رسميه من بانكوك او عنده خبر يتفضل
• فندق في بانكوك ليومين
• االألماس في فوكت
• خبراء سوريا احتاجكم
• فيزا مطار بانكوك
• سؤال لمن لديه العلم الاكيد
• رحلتي الى تايلند ــــه تسوق تسوق
• سيارة مؤجره
• يانــــــــــــــــاس فيني مغثة ؟؟؟ الفزعة
• ليالي في تايلنداحتاج مشورتكم
• سؤال صغير لاصحاب الخبرة الكبار الله يجزيهم خير

شف وانا اخوك محد يقدر يفيدك الا بالتخمين بالعربي انا كلمت واحد من العيال ضابط في الجوازات في المطار يقول ع حسب الشخص الي بيختم لك اذا كان شقردي بيمشيك اما اذا كان نجس بيستقعد لك ويقدر يدخلك على طول التحقيق ..

الله يعطيك العافيه اخوي عبادي يعني معنها ابعد عن المغامره احسن وادور ترانزيت اضمن لي ويكون البوردنق مفصول ونبعد عن وجع الراس

ايه والله ابعد عن الشر وغني له كلش ولايجيك واحد يتزقق عليك وقفل جو ام الرحلة كلها

اووول شي مافي رحلة مباااشرة من الرياض لبانكوك
لازم ترانزيت والترانزيت يعتمد على الخطوط اذا طيران الخليج لازم توقف بالمنامة
وبعديين جوازاات المطاار مالهم دخل فيك لانك تقدم لهم البوردنق حق الرياض المنامة بس

اخوي مسافر جدا

انا ترا دخلت على طيران الخليج لان نفس كلامك قلت في نفسي بس قلت خلني بتاكد وفعلا لقيت في شهر اكتوبر رحلة من الرياض الى المنامة الى بانكوك بس العودة دايركت بانكوك الرياض بدون توقف جرب وشف يمكن حتى خاصية جديدة تجذب الناس لهم ..

بالنسبة للجوازات صح عليك مالهم دخل الا في حال كانت الرحلة دايركت مثل ماقلنا ..

ياشباب اشوف الناس تحذر من العمانيه مع انها سعرها مناسب جدا
وهل صحيح يردونك من المطار
وهل في احد جربها يفيدنا ،، وشكرا

بالنسبه لخوي مسافر جدا شيك على طيران الخليج في تاريخ29 سبتمبر ذهاب وعوده في11 اكتوبر وتشوف الرحلتين كلها دايركت وانا كذلك مستغرب وقلت يمكن جدول الرحله مو واضح او فيه لخبطه

يابن الحلال انا ست مرات طلعت تايلند

اربع من البحرين ومرتين دايركت من الدمام الى ابوضبي ومنها بانكوك

ماعمر احد سالني عن شئ الا مرة وحدة جندي ملقوف
وقلتلة عندي تصريح قال اشوفة
قلت بالبيت لا جيت اجدد طلعتة

شف وأنا اخوك انا قبل يومين جاي من بانكوك على طيران الخليج وبالاصح يوم الاثنين وكان البوردنق الرياض بانكوك لكن لازم يكون نزول في البحرين ترنزيت لكن لاتستطيع الدخول الى البحرين يعني يمشونك في المطار في مسارات تسمى مسارات التحويل وفي الرجعة كانت كذلك
ارجو أني وضحت الصورة
وأي استفسار أنا حاضر يالغالي باللي أعرف

طيران الخليج ما فيه رحلات تطلع من خارج البحرين جميع الرحلات لازم تكون ترانزيت البحرين