الموضوع: هذي رحلتي ومايصح إلا الصحيح

السلام عليكم ورحمة الله وبركاته

في البدايه ماكنت ابي اكتب رحلتي لاني بصراحه بعد الي شفته في المنتدى من المواضيع القيمه قلت شوف احسنلك لان الاعضاء ماقصروا كفوا و وفوا بس بعد رأي اخوي الاندلسي والشاب صرت مجبرلهم ولاعضاء المنتدى اني اشارك بموضوع رحلتي هالصيف وانشالله انكم تقدرون تستفيدون من تجربتي..

الموضوع طويل شوي وانشالله اني اقدر اختصره قد ما اقدر الى اجزاء

الرحله كانت كالتالي من الكويت جنيف 4 يام - ماربيا 12 يوم - برشلونه يومين - كان ونيس 4 ايام -روما يوم - لندن 8 ايام

الجزء الاول ( جنيـــف )
الرحله بدت في تاريخ 5-8-2006 من مطار الكويت الى جنيف بعد م وصلنا جنيف كان الجو حر شوي اخذنا التاكسي ورحنا للفندق ( الصدمه ) فندق اسمه ناشفيل هوتل يبعد عن البحيره نص كيلو
وصاير في مكان ما يصلح للعوائل بس للاسف كان معانا عوائل أخذوا مقلب :36_1_42: مثلنا بهذا الفندق من وكيل السفر بالكويت وحولين الفندق بارات وهوملس وستربتيز وخمارات وبنات ليل يعني اسفل السافلين
(انا انصح العوائل إلي يبون يروحون لجنيف انهم يسكنون بالفنادق إلي على البحيره لاته حتى الفنادق إلي ورا الحلوه اذا حبيت تروح للبحيره والسوق لازم تمر على المكان الفاسد هذا فا فنداق البحيره للعوائل افضل شي وبلا وجع راس) :112:

المهم بعد ما وصلنا وعطينا الرسبشن فاوتشر الحجز قالنا الفندق مليان انطرو 4 ساعات وراح القالكم الغرف هذي ثاني صدمه...! ماعليه العوض ولا القطيعه نصبر , خلينا الشنط بالفندق وطلعنا نتمشى للبحيره بصراحه
شوي ردت روحنا المكان كان حلو على البحيره والمنظر روعه قعدنا بالقهاوي إلي على البحيره لحد ما خلصت ال 4 ساعات ورجعنا الفندق عشان نبي الغرف نبي نريح شوي من التعب ولا مايريحوون بعد..؟!
احنا 5 اشخاص شباب طبعا غرفه تربل حق ثلاثه وغرفه دبل لاثنين قال مال الرسبشن sorry اناماعندي إلا غرفتين دبل واعطيكم للشخص الخامس غرفه سنقل قلناله بس احنا حجزنا غرفتين انتا راح تعطينا ثلاث غرف..؟! قال لان السرير الاضافي ما يدخل الغرفه...!!!!!!

قلنا ليش..؟ قال الغرفه صغيره شوي وماتكفي سرير ثالث.... :55654:

المهم طلعنا نشوف الغرف فتحنا الباب وكانت الصدمه إلي ما وراها صدمه.. انا شفت فنادق وشفت صور بس مثل محكر الحمام هذا انا ما شفت بالضبط وأسف على الوصف جحر ضب ياجماعه ياهو يا ناس مافي مكان نقدر نحط فيه الشنط والله..

السجاده عشان نصلي لازم نطلع وحده من الشنط بره ونصلي..!! بعد ما اتصلنا في مكتب الحجز بالكويت وشرحناله الوضع قال الحين الوقت متأخر امهلوني لحد باجر الصبح والحين صارت الساعه 12 بالليل قلنا الصبر زين نصبر لحد باجر المهم نمنا ماعرف شلون نمنا السراير كانت مقاس ولادي يعني نص الرجلين بره بدون مبالغه طبعا صرخنا على الرسبشن :ranting2: وقلناله مايصير جذيه قال هذا الموجود عندي

اليوم الثاني صحينا ومالقينا وكيل السفر متصل.. اتصلنا عليه مايرد ونفس الشي العوائل إلي معانا يتصلون مايرد عليهم قلنا تعيشون وتشوفون غيرها :mf_pcwhac
كرهنا اليوم إلي رحنا فيه جنيف وضيقها بصدورنا بس والله كله هان علينا لان جنيف ومنظر البحيره والسوق شي ثاني..

بس بصراحه إلي بيروح جنيف يكون مع عائله احسن من شباب لانها بلد للشياب الكبار والاطفال الصغار.. بس مو غلط انه الشباب يشوفونها عن نفسهم بس.. البلد حلوه جوها حلو أخر يومين صار برد ومطر خفيف
الوضع العام الناس تروح للسوق والمطاعم ورا البحيره الصوب الثاني قبال النوقا هلتون من الساعه 3 تقريبا لحد الساعه 7 لانه السوق يسكر 6:30 و 7 بعدها يرجعون للبحيره وتمشي لحد الوحده ونص بالليل
اليوم الثالث رحنا لوزان.. منطقه حلوه والمناظر بالقطار ولا اروع تغدينا فيها وقعدنا 4 ساعات ورجعنا نفس النظام بجنيف سوق مقاهي لحد 7 بعدين تمشي على البحيره الى بالليل..

رجعنا الفندق الساعه 12 بالليل كنا تعبانين من رحلة لوزان ولانه بعد 4 ساعات راح نغادر جنيف الى مربيـــــا.. يادوب ريحنا 3 ساعات او 4 وطلعنا على المطار وكنا حاجزين قبلها بيوم من مكتب سفريات تونسي الاصل وحجزلنا عن طريق الإيزي جت وكان سعر التذكره من جنيف لملقا 200 دولار ولو كنا حاجزين قبلها باسبوع كنا اخذنا التذكره ب 100 دولار للشخص الواحد

بصراحه طيران حلو ومنتشر في اوروبا بكثره وتقدر تحجزه عن طريق الانترنت eazyjet.com وسهل الاستعمال بس كل ما عليك تختار البلد او المدينه إلي راح تسافر منها والوجهه والتاريخ ويعطيك سعر التذكره زائد الضرايب ونصيحه احجزوا قبلها بمده كافيه اسبوع او عشره ايان وراح تطلع التذكره جدا رخيصه ( فقط داخل اوروبا )
الطياره طارت الساعه 6 الصبح تاريخ 8-8-2006 و وصلنا ملقا الساعه 8:45

هذيه بعض ماشاهدته الكاميرا في جنيف.. واوعدكم بصور اكثر بماربيا (بورتوبانوس)



http://www.TiT2.com/up/

http://www.TiT2.com/up/
برد على نفسك

http://www.TiT2.com/up/
مو من ربعنا :109:


http://www.TiT2.com/up/
بدووون تعليـــق

انتهى الجزء الاول اتمنى الاستفاده للجميع وانتظروني بالجزء الثاني MARBELLA

اتمنى اسمع تعليقكم

مواضيع عشوائيه ممكن تكون تعجبك اخترناها لك:

• أفياش الكهرباء في اسبانيا
• استفسار عن الافياش
• صراحه مستغربه
• ااسبانيا وفرنسا ومساعدتكم
• أي نوع من القطارات ركبت ؟ وفي أي درجة ؟ وبكم؟
• سفر الى اسبانيا في الصيف ان شاء الله ارجو المساعدة
• برشلونه من الي اتمنى المساعده اول مره في برشلونه
• برنامج سياحي البرتغال - اسبانيا أرجو التفاعل
• ضرووري الدخول
• اتمنى تساعدوني رحلتي الاولى لاسبانيا
• منطقة رائعة للتسوق في مدريد
• رايح في اكتوبر وهذا جدولي ياليت تنصحوني
• بخصوص الميزانيه هل تكفي ل دول طمنوني
• مساعده بسيطه
• تذاكر مباراة برشلونه و ارسنال
• صباح الاحساس وموقع مترو اسبانيا
• فنادق مدريد ساعدوني في اختيار الافضل ؟
• اوتيل قريب من باراجاس
• شنو تنصحوني فيه
• اريد مساعده ضروريه

أولا الحمد الله على السلامه ....ثانيا مشكور على التقرير برحلتك بجنيف وننتظر المزيد من المعلومات حول ماربيا ...

:smile002:
:11ight:
الحمدلله على السلامة اخي نزال
وبعد عودتكم للوطن هل راجعت المكتب الذي حجز لكم الفندق وابلغتوه عن معاناتم بالفندق وانه غير الكلام الي قاله لكم قبل السفر؟؟
وماذا كان جوابه....؟؟؟؟؟؟
ننتظر بقية التقرير اخي وكل عام وأنت بخيرا
اخوك : المسافر سعد:11ight:

باين عليه موضوع شيق خصوصا المقالب الي اخذتها وانشالله نستفيد منها ننتظر باقي الاجزاء

وبصراحه شدني بيت الشعر.. والحمدلله على سلامتـــــــــك

المشاركة الأصلية كتبت بواسطة اعتماد



أولا الحمد الله على السلامه ....ثانيا مشكور على التقرير برحلتك بجنيف وننتظر المزيد من المعلومات حول ماربيا ...



الاخت اعتماد شكرا على المرور واوعدك بالجزء الثاني عن ماربيا قريبا

المشاركة الأصلية كتبت بواسطة المسافر سعد


:smile002:
:11ight:
الحمدلله على السلامة اخي نزال
وبعد عودتكم للوطن هل راجعت المكتب الذي حجز لكم الفندق وابلغتوه عن معاناتم بالفندق وانه غير الكلام الي قاله لكم قبل السفر؟؟
وماذا كان جوابه....؟؟؟؟؟؟
ننتظر بقية التقرير اخي وكل عام وأنت بخيرا
اخوك : المسافر سعد:11ight:



الله يسلمك اخوي سعد
اي نعم راجعت المكتب اول مارجعت وقالي شي بصراحه اقنعني
الفندق هذا من كثر ما اهو فاشل والناس تذمه كل سنتين يغير اسمه علشان الناس ماتعرفه ويستقبل زباين والمكتب بس عرف عن الفندق مسافته عن البحيره وانه فندق جديد فقط
شكرا على مرورك
وانت بخير وبصحه وسلامه

جحر ضب الله يهداك يانزال موتني من الضحك .

نفس الطريق اللي مشيته أنا مشيته قبل ثلاث سنين بس أنا طلعت باريس جنيف ماربيا وكان الناقل من جنيف

إلى ماربيا SWISS AIR وأتذكر إن الرحله كانت حوالي ثلاث

ساعات ؛ بس اللي بقوله لك إن أسلوبك حلو وممتع وغير تقليدي وواصل لين توصلنا للبينابولا ؛ ترى

إشتقنا لعلومك عن ماربيا .

الله يجزى eazyjet خير اللي جابتك لنا وشرفتنا بمعرفتك إنت وربعك .

ننتظر جزء ماربيا .

اولا الحمدالله على سلامتك اخوي

ثانيا موضوعك وسردك للموضوع روعه مشالله عليك

ثالثا اتمنى اتمنى انك متخلينا ننتظر كثيرلانه بصراحه فيه مهم وفيه الأهم وهي طبعا رحلتك(لأسبانيا)

رابعا اتمنى من كثير اخوان سافرو هالصيف لأسبانيا ووعدونا يكتبون عن رحلتهم انهم هم بعد مايبخلون

علينا لانهم وعدونا يكتبون وللأسف ماشفنا شي..

المشاركة الأصلية كتبت بواسطة ابن فيحا


باين عليه موضوع شيق خصوصا المقالب الي اخذتها وانشالله نستفيد منها ننتظر باقي الاجزاء
وبصراحه شدني بيت الشعر.. والحمدلله على سلامتـــــــــك





بن فيحا اتمنى كل الاعضاء يستفيدون وانشالله ما تاخذ المقالب مثلي :101: شاكرلك مرورك وانشالله اكملكم باقي الاجزاء..

المشاركة الأصلية كتبت بواسطة الأندلسي


جحر ضب الله يهداك يانزال موتني من الضحك .
نفس الطريق اللي مشيته أنا مشيته قبل ثلاث سنين بس أنا طلعت باريس جنيف ماربيا وكان الناقل من جنيف
إلى ماربيا SWISS AIR وأتذكر إن الرحله كانت حوالي ثلاث
ساعات ؛ بس اللي بقوله لك إن أسلوبك حلو وممتع وغير تقليدي وواصل لين توصلنا للبينابولا ؛ ترى
إشتقنا لعلومك عن ماربيا .
الله يجزى eazyjet خير اللي جابتك لنا وشرفتنا بمعرفتك إنت وربعك .
ننتظر جزء ماربيا .




الاندلسي..

تحرجني في مرورك الغالي وتفرحني بنفس الوقت..

احترت شكتبلك بس كل إلي بقوله لك انه معرفة الناس تجاره وحسافه اني ماربحتك من زمان..

اخو عزيز يالأمير.. والدرب إلي تمشيبه نفخر إنا ناطيه

وابشر بسرد تفاصيل ماربيا لين اتهيض وألقاك من باجر بالمطار :109:

المشاركة الأصلية كتبت بواسطة دانةنجد


اولا الحمدالله على سلامتك اخوي
ثانيا موضوعك وسردك للموضوع روعه مشالله عليك
ثالثا اتمنى اتمنى انك متخلينا ننتظر كثيرلانه بصراحه فيه مهم وفيه الأهم وهي طبعا رحلتك(لأسبانيا)
رابعا اتمنى من كثير اخوان سافرو هالصيف لأسبانيا ووعدونا يكتبون عن رحلتهم انهم هم بعد مايبخلون
علينا لانهم وعدونا يكتبون وللأسف ماشفنا شي..




الاخت الكريمه / دانة نجد

أولا الله يسلمج من كل شر

ثانيا كلج ذوق مشكووره بس العين ماتعلى على الحاجب جزء من سردكم الرائع

ثالثا انشالله ماراح انطركم كثير بس قاعد اجمع الصور المتواضعه لحد ما تكتمل وانزلها مره وحده بأمركم

رابعا شاكرلك مرورك واوعدك

هلا والله و غلا فيك

هلا بالغالي

اشتقنا لك و اشتقنا لسواليفك

الحمد لله على السلامة و الشهر عليك مبارك

و هذا اللي نبيه ,,, نبي تقارير

و ياهنيالها ماربيا اللي شافتك و على قولة الأندلسي الله يجزى (( إيزي جت )) خير اللي جابتك لنا

المهم نبي الدسم و نبي علوم اسبانيا و ماربيا ,, و نبي أدق التفاصيل ,,, نبيه موضوع كبيييييييير يانزال
وهذا عشمنا فيك

المشاركة الأصلية كتبت بواسطة ابن فيحا


باين عليه موضوع شيق خصوصا المقالب الي اخذتها وانشالله نستفيد منها ننتظر باقي الاجزاء
وبصراحه شدني بيت الشعر.. والحمدلله على سلامتـــــــــك




ياهي مقالب بعد :109: بس ننتظر المزيد

نزال

الحمدلله عالسلامة
اسلوبك مرررة حلو

بس عندي سؤال .. وش سويت مع المكتب لمّا رجعت الكويت




ننتظر بقية التقرير :icon_arro

يعطيك العافيه اخوي نزال على التقرير الطيب

المشاركة الأصلية كتبت بواسطة الشاب


هلا والله و غلا فيك
هلا بالغالي
اشتقنا لك و اشتقنا لسواليفك
الحمد لله على السلامة و الشهر عليك مبارك
و هذا اللي نبيه ,,, نبي تقارير
و ياهنيالها ماربيا اللي شافتك و على قولة الأندلسي الله يجزى (( إيزي جت )) خير اللي جابتك لنا
المهم نبي الدسم و نبي علوم اسبانيا و ماربيا ,, و نبي أدق التفاصيل ,,, نبيه موضوع كبيييييييير يانزال
وهذا عشمنا فيك




ياهلا بالسلمنكي والله شرفني مرورك يابومحمد الله يسلمك من كل شر
وانا مشتاقلكم ويليتني عرفتكم اول ماوصلت ماربيا مو اخر كم يوم :110:
ابشر تامرني امر موضوع بادق التفاصيل انشالله كامل الدسم بعد شتبي :109:

المشاركة الأصلية كتبت بواسطة انا والوطن


يعطيك العافيه اخوي نزال على التقرير الطيب



اخوي انا والوطن الله يعافيك وشاكرلك مرورك والله يطيب ايامك

المشاركة الأصلية كتبت بواسطة bader_75


ياهي مقالب بعد :109: بس ننتظر المزيد



bader_75

لا بعد ماشفت شي انطر وتشوف عجايبنا بالرحله
شكرا على مرورك

المشاركة الأصلية كتبت بواسطة Rima

نزال
الحمدلله عالسلامة
اسلوبك مرررة حلو
بس عندي سؤال .. وش سويت مع المكتب لمّا رجعت الكويت
ننتظر بقية التقرير :icon_arro

الله يسلمك اخت Rima

اي نعم راجعت المكتب اول مارجعت وقالي شي بصراحه اقنعني
الفندق هذا من كثر ما اهو فاشل والناس تذمه كل سنتين يغير اسمه علشان الناس ماتعرفه ويستقبل زباين والمكتب بس عرف عن الفندق مسافته عن البحيره وانه فندق جديد فقط
شكرا على مرورك

مشكووووووووووووووور

ومقيوله
مايصح الا الصحيح

المشاركة الأصلية كتبت بواسطة مشاري الشملان


مشكووووووووووووووور
ومقيوله
مايصح الا الصحيح




مرحبا اخوي مشاري انت إلي مشكور على المرور الكريم

وبالمناسبه عنوان موضوعي هذي رحلتي ومايصح إلا الصحيح يمكن الناس تفهمه غلط ..! انه مافي رحله مثل رحلتي لا بالعكس المقصود منها راح اقوله لما اكمل الجزء الثاني انشالله ومشكور انك ذكرت موضوعي عشان اقدر اوضح

واصل وحن ننطرك.. ( انطر سحابة عيد وهم ... ) كم سعر الفندق النكبه ... اعرف المنطقه اللى حول

محطة القطار فنادق حلوه ورخيصه ... وقريبه جدا من النوقا هلتون ... تحياتى الك .........

ننتظرك


ولا تطوّل علينا .. تحمست اعرف يومياتكم

que bonito
بجد حلو الموضوع مجرد قراءتي لموضوع زي موضوعك يخلي مشاعري تتجدد في حنيني لاسبانيا رغم عيشي وتواجدي الحالي فيها(ايه اللخبطه ديه, مين طفى النور)
استمر

المشاركة الأصلية كتبت بواسطة سنترال بارك


واصل وحن ننطرك.. ( انطر سحابة عيد وهم ... ) كم سعر الفندق النكبه ... اعرف المنطقه اللى حول
محطة القطار فنادق حلوه ورخيصه ... وقريبه جدا من النوقا هلتون ... تحياتى الك .........



اخوي سعره 50 دينار كويتي تقريبا 135 يورو لليله وانت صاج اخوي بس غلطه وماراح تتكرر 5 ستار وارتاح
شاكرلك مرورك سنترال بارك

المشاركة الأصلية كتبت بواسطة فراشة الاندلس


que bonito
بجد حلو الموضوع مجرد قراءتي لموضوع زي موضوعك يخلي مشاعري تتجدد في حنيني لاسبانيا رغم عيشي وتواجدي الحالي فيها(ايه اللخبطه ديه, مين طفى النور)
استمر



أقولك شي..؟
يابختك والله بأسبانيا صج تمنيت دراستي الجامعيه فيها , مو في...! خليني ساكت أحسن
شكرا على الرد الجميل وبتشوفين لخبطه ونور يتكسر وبلاوي بعد بالتكمله إذا الله قدرني

المشاركة الأصلية كتبت بواسطة Rima

ننتظرك
ولا تطوّل علينا .. تحمست اعرف يومياتكم

إنشالله والله كل يوم ودي أكمل بس دوامي شوي متعب وماراح أطول
مشكوره على المرور مره ثانيه

السلام عليكم

انشالله إني ما طولت عليكم...

نكمل موضوعنا انه كنا في ماربيا مانعرف وين الاماكن..

وباليوم الثاني وبالصدفه في واحد من الشباب معانا سأل واحد أسباني (قصده انه هو إلي راح يدلينا القهوه الخضرا ويطلع فيها يعني) قال للأسباني : please .. where is the green cefee? طبعا الاسباني ماكان يعرف إنجليزي وصاحبنا ركز على السؤال لكل شخص يشوفه please و please بالصدفه في شخص سعودي كان بنفس الطياره جاي من جنيف معانا وصار بينا سلام وكلام المهم بعد ماشفناه بالبورت اليوم الثاني سألنا قلناله وين القهوه الخضرا تعبنا واحنا ندور عليها قال مستغرب...!! انتو تمزحووون..؟ قلناله لأ ليش...؟ قال هذي القهوه إلي كنتو جالسين فيها أمس لما سلمت جيتكم وسلكت عليكم فيها... :109: :109: وصار يضحك واحنا نضحك صج صعايده بالجامعه الأمريكيه :109: :109:
الله وكيلكم صارت مرباع لنا هالقهوه هذي وصار تنافس على الكراسي من يقعد اول وإذا شخص قعد الساعه 4 او 5 ما يقوم من الكرسي لما يجي صاحبه ويقعد عشان ماتروح الطاوله :101: وما نطلع من القهوه إلا الساعه 2 بالليل لانه بصراحه من كثر المشي الواحد لازم يريح شوي فا القهوه الخضرا موجوده بسنتر البورت..

إلي عجبني بالبورت انه في حركه مو طبيعيه ومنظر مرسى اليخوت على البورت شي خيالي وحلو وبصراحه انا احب السوق وتفاجأت لما كنت أشوف الناس تتسوق بالبورت لحد الساعه 3 بالليل يعني المحلات تبلش تسكر من الساعه 2 إلي 3 بالليل طبعا كل الماركات العالميه موجوده بس البضاعه راح تكون شتويه لأنه بشهر أوقست البوتيكات العالميه تنزل البضاعه الشتويه فا الشخص قاصد يشتري صيفي مثلا للجو الحار في ماربيا وماراح يلاقي إلا بضاعه قليله صيفيه بالمحلات العالميه
ولكن.. حلوه ولكن هذي :109: في بعض المحلات بالبورت تاخذ كل الستوكات الصيفيه من المحلات او الماركات العالميه وتبيعها يعني الشخص ماراح يتغلب
أما إذا كنت جاي بشهر يوليو راح تلاقي البضاعه الصيفيه على أخرها

وفي محلات أكثر وحلو حيل بسنترو مارببلا وخاصتا إلي يبي ملابس أطفال راقيه للعيد مثلا أو مناسبه مهم في محل بسنتر ماربيا اسمه بينكو بالينو عنده شغلات نار وتعور القلب مثلا ماركت المحل نفسه وماركت بلومارين من سن شهر حتى 8 سنوات بس حطو بالكم غاليه ولاتنسون مثلي ما تاخذون taxfree لان ضرايبهم مرتفع أعتقد 17%

بعد ماعرفنا وين القهوه الخضرا بنفس اليوم عرفنا وين بعلبك بس بعلبك شغل روقان انا بصراحه ما جلست فيها إلا مره وحده وكان ودي أقعد مره ثانيه ببعلبك بس كل مره زحمه لأنه كنا نجلس بالقهوه الخضرا بعدين الناس تروح بعلبك واحنا خايفين تروح طاولتنا بالقهوه الخضرا مسامير بالكراسي كنا :109: :109: وبعد ماتشطب الناس من القهوه الخضرا الشباب اللطفاء يبون حجز ببعلبك بعد ما كسرت ظهورنا كراسي القهوه الخضرا من كثر القعد فيها

وصار الروتين نصحا الساعه 2 الظهر ناكل باليا الاكل المصيبه بطعمها (باقيه) بأي مطعم بحري بالبورت وأنا جربتهم كلهم بصراحه أكلهم حيل حلو ومن كثر ما كنا ناكل الاكل البحري طلعلنا حراشف وخياشيم :109: وتتكون الباقيه من عيش ( رز ) وربيان وكاليماري ومحار واستاكوزا صغيره في بعض المطاعم وإلي سمعته إنه الباقيه أكله عربيه أيام العرب كانو يعطون أو يقدمون بقايا الطعام للمحتاجين والفقراء وسميت بهذا الاسم لحد الان..
بعد مانتغدا نجلس شوي بالقهوه الخضرا حسبيالله عليها ونص الشباب يروحون للشاطئ(بس ما أنصحكم لأنه الماي ( البحر الابيض المتوسط ) دايما بارد حتى بعز الصيف والنص يقعد بالقهوه أو يتسوق بالكورتانجليز..

لازم أروح الحين وأكملكم بعدين انشالله مع الصور إلي وعدتكم فيها

المشاركة الأصلية كتبت بواسطة انا والوطن


يعطيك العافيه اخوي نزال على التقرير الطيب



االاخ / انا والوطن

الله يعافيك اخوي شكرا من طيبك

شارع الرمله




ســــوق الفاكهـــه





مهرج بشارع الرمله





لا يذبحنـــــي :101:





MRGA STORE في نادي برشلونه





رنالدينو مقاس ولادي :109:





أسعار التذاكر

الله يسلمك ويعطيك العافيه اخوي على كل مأبدعت فيه وصحيح مايصح الاالصحيح جدتناسب لرحلتك
وتدري انا بأخر كتابتك عن اليوم الأخير جدحسيت بأنه انا الي مغادره اسبانيا ومره تكدرت اجل انت وش
سويت؟؟؟؟؟؟؟؟؟؟؟؟؟؟؟؟؟؟
شاكره لك مره اخرى اخوي على ماقدمت لنا من تقرير رائع :24: :113:

يامن جسده بالكويت وروحه بماربيا

كنت أعرف من قبل لماذا لايصح إلا الصحيح من يوم جمعتنا قهوة ذا باولوا وكانت سما ماربيا تغطينا ( ياحلو ذيك السما يانزال ) .

صدقني الشعور الأول لذكرياتك بماربيا سيسكنك طويلا وياحلو هالشعور ولو طالت المده ؛ ودي أسألك أنت صورت من شقتين مختلفتين بالإطلاله بالبينابولا ياليت توضح أيهما سكنت ؟؟

الفطيره اللي قلت عنها أنا مغرم فيها والمشكله إني قريت الموضوع وأنا صايم وأقول بنفسي هذا قاعدلي
قعده وهاذي أول سفره له الله يعين الجاي وأنا بقولك يانزال شي غريب عني يانزال أنا ماأكل من الحلو إلا الشوكولاته يعني الفانيليا أو جيرمن كيك او التشيز كيك أو الفواكه كلها مااعترف فيها مشكلتي هواي واحد
وإذا حبيت شي أحبه بكل مافيني ومساعد الرشيدي يقول :

أحبك رغم تجريح الليالي لقلبي المقهور ** ** ** صحيح إنك قدر محتوم بس أحلى مقاديري

كل هذا علشان الشكولاته والله إني أحب الحلا .

حزنتني كثير بصورتك الأخيره اللي من البورت تخيلت الشمس تودعكم ؛ ومن مفارقات القدر إنا كلنا مشينا بنفس الليله أنا رحت مدريد وإنت رحت برشلونه يعني الصوره كانت تعبر عن الجميع .

شكرا لك على كلماتك الطيبه وإطرائك ياطيب الأصل وشكرا على خلقك الرفيع .

[blink]وسلملي على أسبانيا ؟؟؟؟؟؟؟؟؟؟؟؟؟؟؟؟؟؟؟؟؟؟؟[/blink]

روعه يعطيك العافيه التقرير حلووووووووووووووو جدا والصور كذلك بس وين باقي صور ...

ترا طماعيييييييييييييييييييين

وموقفكم ويا الشاب والاندلسي حلو

حلو لما تتعرف على نـــــاس في السفر بهذا الاخلاق الله يبارك بيهم

....

سق القدم ودرب عمك تدله

المشاركة الأصلية كتبت بواسطة دانةنجد


الله يسلمك ويعطيك العافيه اخوي على كل مأبدعت فيه وصحيح مايصح الاالصحيح جدتناسب لرحلتك
وتدري انا بأخر كتابتك عن اليوم الأخير جدحسيت بأنه انا الي مغادره اسبانيا ومره تكدرت اجل انت وش
سويت؟؟؟؟؟؟؟؟؟؟؟؟؟؟؟؟؟؟
شاكره لك مره اخرى اخوي على ماقدمت لنا من تقرير رائع :24: :113:



الاخت دانة نجد... مشكوره على متابعتك لتقرير رحلتي من البدايه

تصدقين بأخر يوم.. جاني احساس اني راح افقد غالي وتخيلت ماربيا شخص عزيز علي بأودعه..!
ويوم رحنا بعدها برشلونه وكان ونيس وروما.. كل مدينه ما كنت اقدر اقارنها بماربيا ودايما كانت في بالي وبأخر محطه (روما) بالمطار قلت لربعي دربكم سمح أنا برجع ماربيا تفاجأوا وقالولوا الظاهر انت انسحرت
قلتلهم انا إلتزمت معاكم والحين انتوا بترجعون الكويت خلون بكيفي وانتوا الله معاكم..

حلفو علي مانرجع إلا انت معانا ورجعت وتندمت..

على فكره قعدت بالكويت 5 ايام بعدها اتصل شخص عزيز علي بلندن وقالي تعال وسافرتله بتاريخ 31-8-2006
ومن اول يوم وانا احاول اقنعه يروح معاي ماربيا على طيران eazyjet وكان سعر الرحله حيل رخيص 30 باوند بس قالي انت جاي عشاني ولا عشان تقنعني اروح معاك ماربيا...!!
بس بصراحه خجلني واستحيت وقلت كل مطرود ملحوووووووووق السنه الجايه إذا الله أحيانا

مشكوره على مرورك واحساسك معاي..

المشاركة الأصلية كتبت بواسطة الأندلسي


يامن جسده بالكويت وروحه بماربيا
كنت أعرف من قبل لماذا لايصح إلا الصحيح من يوم جمعتنا قهوة ذا باولوا وكانت سما ماربيا تغطينا ( ياحلو ذيك السما يانزال ) .
صدقني الشعور الأول لذكرياتك بماربيا سيسكنك طويلا وياحلو هالشعور ولو طالت المده ؛ ودي أسألك أنت صورت من شقتين مختلفتين بالإطلاله بالبينابولا ياليت توضح أيهما سكنت ؟؟
الفطيره اللي قلت عنها أنا مغرم فيها والمشكله إني قريت الموضوع وأنا صايم وأقول بنفسي هذا قاعدلي
قعده وهاذي أول سفره له الله يعين الجاي وأنا بقولك يانزال شي غريب عني يانزال أنا ماأكل من الحلو إلا الشوكولاته يعني الفانيليا أو جيرمن كيك او التشيز كيك أو الفواكه كلها مااعترف فيها مشكلتي هواي واحد
وإذا حبيت شي أحبه بكل مافيني ومساعد الرشيدي يقول :
أحبك رغم تجريح الليالي لقلبي المقهور ** ** ** صحيح إنك قدر محتوم بس أحلى مقاديري
كل هذا علشان الشكولاته والله إني أحب الحلا .
حزنتني كثير بصورتك الأخيره اللي من البورت تخيلت الشمس تودعكم ؛ ومن مفارقات القدر إنا كلنا مشينا بنفس الليله أنا رحت مدريد وإنت رحت برشلونه يعني الصوره كانت تعبر عن الجميع .
شكرا لك على كلماتك الطيبه وإطرائك ياطيب الأصل وشكرا على خلقك الرفيع .
[blink]وسلملي على أسبانيا ؟؟؟؟؟؟؟؟؟؟؟؟؟؟؟؟؟؟؟؟؟؟؟[/blink]




يامرحبا فبو عبدالله والله هلا باخوي الله يذكر جمعتنا بالخير شوف شلون الصدفه..!

شفت الشايب إلي تندم على زمانن راح...! ترا هذا أنا الحين والله يخوك تندمت انتي رحت جنيف وبرشلونه وكان ونيس ولندن وكان ودي اني قضيت سفرتي كلها بماربيا بس وعلى ماعتقد بطلب إجازه ومدد بعد :109:
والشعور إلي تقول عنه يحلوه لو طالت مدة أحسه ولف قطع عن وليفه بس هذا موحلو لو طالت مدته :101:
أنا سكنت بإطلالة البورت مع 2 من الشباب والاثنين الباقين بإطلالة الشارع بس منظر البورت يابوعبدالله الفجر او المغرب شي تعبني في البعد عن ماربيا (سجـــــــه)

الحلا مايحب إلا الحلا :101:

[poem=font="Simplified Arabic,5,darkred,normal,normal" bkcolor="transparent" bkimage="http://www.travel4arab.com/vb/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]
عزاي انك رجاي العذب لوكل الدروب عثور *** وصلت او ماوصلت اعرفك مانته منتظر غيري
حبيبي وكل الله ..لاتحسب اني بليد شعور *** لوانت المستحيل الصعب ماأبدي لك معاذيري
احبك رغم تجريح الليال ..لقلبي المقهور *** اشوف الجرح يكبر ..وانت تكبر وسط تفكيري
احبك لو يموت الحب ..وتصير القلوب قبور *** احبك كلمة ..لوحرموها حل تكفيري
احبك من هنا حتى طلوع الفجر لحد النور *** صحيح انك قدر محتوم بس اجمل مقاديري
بعذر اللي يحبك لويصير الشاعر المشهور *** لانك تنهمر حلو القصيدة في تعابيري
احد ربي يحطك له حبيب...ومايجيه غرور *** وانا مهما بغيت استوعبك ياقل تقديري
هلابك من قدمك لغرتك ...لشعرك المنثور *** هلافي كل شيء فيك وانت اغلى مساييري
اثر صدق الغلا يجبر حطام الخاطر المكسور *** وانا مهما منحتك من غلاي ..اشعر بتقصيري
ولو طالت مشاوير الطريق المظلم المهجور *** انا لامن ذكرتك قلت ..طولي يامشاويري [/poem]

اخر بيت قريب مني حيل..

خلها تجي واسلملك على ابوها بعد.. :109:

المشاركة الأصلية كتبت بواسطة اعتماد


روعه يعطيك العافيه التقرير حلووووووووووووووو جدا والصور كذلك بس وين باقي صور ...
ترا طماعيييييييييييييييييييين
وموقفكم ويا الشاب والاندلسي حلو
حلو لما تتعرف على نـــــاس في السفر بهذا الاخلاق الله يبارك بيهم
....




باقي الصور سلمج الله الشباب مرتزين فيها كأنهم هنود يوم الجمعه إذا أخذوا إجازه من المعزب اخذوا الكامره معاهم وطاحوله تصوير :109:
وانشالله احاول انزل الصور مع دهن تاتا على وجيهم :24:

هذا موقف اعتز فيهم حيل وانشالله علاقتنا دايمه وقليل ماتلقين الواحد يعرف اشخاص بهذا الخلق

شكرا لك اختي اعتماد على مرورك

مايصح الا الصحيح الواحد لازم يخطط للسفره وانشالله ننطرك تسافر
وتكتب موضوع شيق مثل هالمواضيع الحلوه:24:

السلام اخوي نزااااااااال البرنامج الي يقولك الطريق وش اسمه تكفى؟؟

المشاركة الأصلية كتبت بواسطة saldoba


مايصح الا الصحيح الواحد لازم يخطط للسفره وانشالله ننطرك تسافر
وتكتب موضوع شيق مثل هالمواضيع الحلوه:24:




مشكور اخوي على مرورك وردك كلك ذوق

المشاركة الأصلية كتبت بواسطة فهد عبدو


السلام اخوي نزااااااااال البرنامج الي يقولك الطريق وش اسمه تكفى؟؟




البرنامج الله يسلمك اسمه Auto Roud أو في برنامج ثاني اسمه Route Europe 2005 بس الاول اسهل

[quote=نــــــزال;941962]باقي الصور سلمج الله الشباب مرتزين فيها كأنهم هنود يوم الجمعه إذا أخذوا إجازه من المعزب اخذوا الكامره معاهم وطاحوله تصوير
وانشالله احاول انزل الصور مع دهن تاتا على وجيهم:112:
والله يانزال مهما مددت ماراح تخلص من ماربيا اعرفك عدل
لازم تنقرص منها عشان تنساها:115:

سلم ايدك على هذا التقرير الحلو و اللي عيشنا الجو بس الصور قليلة
بصراحة ابدعت في سردك لمعاناة الفندق في جنيف يعني اضحكتني فيه و شر البلية ما يضحك و اكثر ما ضحكني هو سالفة تغيير الاسم بس حركة المكتب السياحي مو حلوة لما طنش الاتصال مع ان عذره مقنع.
اكو مواقع لحجز الفنادق بالانترنت و حتى لو ما تبي تحجز الا انك تقدر تشوف صور و اكثر من هذا تشوف تعليقات نزلاء الفندق من ناحية الايجابيات و السلبيات و قراءة هذه التعليقات وايد نفعني في رحلتي الاخيرة , لكن هذه المقالب واردة مع استغرابي لان الفندق مصنف فئة 4 نجوم في أحد المواقع .
لكن عوضتوها برحلة ماربيا والله انك شوقتني لها بوصفك

يا سلام عليك و الله تقرير أروع من الروعه

يعطيك العافيه و عساك على القوه و الوعد انشاء الله الصيف الجاي

تقرير رائع ومشوق

يسلموووووووووووو

الغالي المرابط اولا سامحني على الرد المتأخر لأني كنت مندمج برحلتك

ثانيه بالنسبه لقلة الصور لان الرحله بالاساس ماكان على البال التصوير او عرض الصور بالمنتدى ولكن الرحله الصيف القادم الصور بتكون أكثر انشالله

ثالثا بعض الفنادق تضع صور للفندق ومرافقه والغرف وهي غير صحيحه أو حركات في فن التصوير تضخم الصور هذا إلي وقعنا فيه ونسيت أدقق على رد النزلاء بالفندق

اخيرا شاكرلك مرورك وبروح اكمل تقريرك لوووول )

المشاركة الأصلية كتبت بواسطة q8_78
http://www.arabtravelersforum.com/tr...9/#post1112159

يا سلام عليك و الله تقرير أروع من الروعه

يعطيك العافيه و عساك على القوه و الوعد انشاء الله الصيف الجاي




الله يسلمك ومشكور على إطرائك والله يسمع منك انشالله
شاكرلك مرورك

المشاركة الأصلية كتبت بواسطة عاشقة الاندلس
http://www.arabtravelersforum.com/tr...2/#post1116032

تقرير رائع ومشوق

يسلموووووووووووو



عاشقه الاندلس مرورك الكريم credit لنا

والله يسلمج من كل شر

المشاركة الأصلية كتبت بواسطة الطاقة الذاتية
http://www.arabtravelersforum.com/tr...5/#post1181135

رحلة جميلة وسرد جميل...
وأعجبنى اعجابك بمدينة ميخاس البسيطة , كونى حجزت بها اسبوعا عن طريق الانترفال.
ولو سمحت لى ...
لدى سؤال..
ذكرت أثناء التقائك بالشاب والاندلسى بالقهوة أنهما نصحاك بالتوجه لمايوركا...
وانا فهمت من قراءتى بالمنتدى أن الذهاب لمايوركا يكون عن طريق برشلونة .

فهل يمكن الذهاب برحلة بحرية عملية لمايوركا من ماربيا ؟
أرجو اعطائى تفاصيل التفاصيل ان وجدت.

والحمدلله على السلامة من لندن...!




ميخاس تركت في نفسي أثر كبير لبساطتها حتى من شدة إعجابي فيها ما إمتنعت عن زيارتها مره ثانيه بعد يومين من زيارتي الاولى لها

نعم صحيح الذهاب من برشلونه لميوركا عن طريق البحر بالعباره السريعه ساعتين على ما أعتقد..

بس من ماربيا تعرض مكاتب السياحه هناك رحلات بالطائره وعروض جدا مذهله تذكرة طائره + سكن بالفندق 4 أيام 3ليالي للشخص تقريبا من 250 إلى 300 يورو ذهاب وإياب

مشكور على مرورك الجميل وإطرائك الأجمل

هلا خوي نزال

ممكن توضح البرنامج حق الخرائط
هل هو برنامج اوموقع
اذا كان برنامج ياليت ترسله على البريد او تنزلة بالموقع
وكذلك اذا كان موقع ياليت الرابط

شكراً لسعة صدرك