صباح الفل والجوري عليكم اخباركم جميعا ..........
بداية ...... اهني جميع الاعضاء بقدوم شهر رمضان اللهم اجعلنا من صوامه وقوامــــــــــــــه .......
رجعنا ولله الحمدامس الاثنين الفجر وكانت بصراحة سفرة حلوة خاصة بوكيت
واللي عجبني فيها ان الجو فيها احسن من جو جزيرة لانكاوي في ماليزيا مع العلم انها نفس الطبيعة لاكن بوكيت الطف جو منها .
عجبنا منتجع ماليسا فيلا وابتكلم عنه بالتفصيل بناءا على طلب اخوي الرفاع الشرقي
( طبعا حجزنا فيلا صغيرة بمسبح خاص من مكتب اجازتي بسعر 900 ريال سعودي وكانت رقمها 1006 قريبة ومكانها حلو.....
انصح فيه رايق وحلو واحلى مافيه انهم يجون يسوون لك الفطور عندك بعد ماتختار الوقت اللي حاب تفطر فيه يجيبون اغراضهم ويجهزون لك الفطور بالمكان اللي تختاره ايضا عجبني عندهم المساج يعطونك الحرية باختيار المكان يعني تبي تسوين المساج عندهم ولا بفلتك وطبعا هذا ممتاز للحريم لانه اريح لها تسويه بالفيلا ...
وبالنسبة للصور اللي شفناها للفيلا بالنت كانت مطابقة للواقع ومابالغوا فيها ........
وترى سعرها من عندهم مباشرة ب7500بات .
لكن فيه بعض النقاط السلبية للمنتجع وهي منطقته احسها مخيفة شوي ومافيه مطاعم حلال قريبة منه ...... بس
ولاالباقي ماعليه كلام .....)
راح اعددلكم الرحلات اللي طلعنا لها وتعليقي عليها
1-رحلة جيمس بوند ........... حلوة وممتعة وانصح فيها وعلى فكرة ترى بوم مدحتها لنا اكثر من فيفي لاند
2- رحلة الرافتنج بصراحــــــــــــــــة ماتتفوت ابد تجنـــــــــــــــــــــــن اقلاع واحلى مافيها اني يوم جت النهاية وخلص النهر طحت على وراي بالقارب ههههه
3- الفنتازيا مـــــــــــــــــرة حلوة لكن مثل ماقال اخوي الحنون السحر واضح فيها عيني عينك ومهب خدع بصرية .....
4- سباق السيارات - كان فيه 3شباب يتسابقون وكانت سرعتهم جنونية وبصراحة سواقتهم ابداع وجلسنا ننتظر لين خلصوا لاني خفت يضربون سيارتي وادخل بالشجر ؟؟ ههه
ويوم خلصوا ركبناوكانت روعـــــــــــــــــة ماودك تنزل منها ......
5 -مصنع الكاجو عادي كأنه محل مومصنع فيه تنوع بالنكهات لكن اسعاره متوقعتها ارخص من كذا ......
-- وبالنسبة لبانكوك فندق نوفوتيل حلو وموقعه ممتاز لكن اللي يقهرك فيه ان مافيه شطاف بدورة المياه الله يعزكم ....
و ميزته ان الاسواق الحلوة كلها قريبة منه
- اما التسوق فأحلى مابتايلند الجزم والشنط التقليد درجة اولى ولقيتها بمجمع ام بي كي وراح اوصف لكم المحل اللي لقيت عنده شنط جلدها راقي ونفس الاصلية كذلك جزم تقليد درجة اولى مرة حلوة والدليل انها درجة اولى يحطون على الجزمة جوا ستكر ملصق على المكان المكتوب فيه الماركة يعني اذا اشتريتها تشيله لانه ممنوع عندهم يطلع الاسم الاصلي ... والمحل مكانه قدام بيتزا كومباني بالدور الثاني بزاوية له فتحتين ...
ونصيحة لاتشترون من المحلات اللي بشارع العرب لان شناطهم خايسة وبدون مبالغة شكلها درجة ثانية ولايمكن تصير درجة اولى الا محل واحد للامانة محافظهم الجلد الطبيعي مرة حلوة وهو محل ابوداوود كذلك ساعات فريدة حلوة بس شنطها مااشتريها ولابريال ..... ؟؟ فرق عن المحل اللي بمجمع ام بي كي ....
واخيرا ابختم كلامي هذا بنقطتين عن تايلند وحدة حلوة ووحدة قهرتني فيهم
نبدا بأكثر شي قهرنا فيهم ........... وهو انفسهم خايسة وابتسامتهم قليلة بصراحة انصدمت لاني كنت اقرا من مواضيع البعض انهم شعب الابتسامة وانهم حبوبين لكن الاغلبية تقل يكد عليك ...........
وختامــــــــــــــــــــــــــــا ............ احلـــــــــــــــــــــــــــــى مابتايلند التوك توك ههههه واحسن شي لاصار مسرع
هستـــــــــــــــــرة من جد ......مواضيع عشوائيه ممكن تكون تعجبك اخترناها لك:
- لاهل سوريا وذوي الخبرة بسوريا ؟؟
- اسلئة مهمه لاهنتم بخصوص تايلاند
- الراي رايكم في سفرتي لسوريا
- استفسار عن اسعار الرحلات السياحية في بوكيت ؟
- طالبين الفزعة، مسافر تايلند بعد بكرة لمدة أيام ومحتاج جدول رحلات حلو
- الفيز و الصرافه
- الخليجين هربوا اليوم من بانكوك ولا ايش
- رحلتي إلى سوريا
- يا شباب بغيت اكستسورات جمله في بانكوك
- اللي يعرف فندق بان لماي بوكت
- اسعار السقق في برزه والمزرعة
- مالي غنى عنك ياسوريا
- استفسار عن فندق ماريوت بنظام السويت
- أتــنــمــى مـن لديــهـ الخبــرهـ يجــاوبــني ؟
- استفسار عاجل عن الفلل في فوكيت
- رحلة تايلند بعد شهر وللحين ما حجزنا الفنادق ساعدوني بليز
- جزيرة كوسوماي
- ارشدوني الى سكن في صلنفة وجبلة لي وللوالدة
- مسافر للاذقية غدا مشورتكم
- استفسار
المفضلات