أبو عزيز ، إن شآء الله رحلتي في 21 الشهر الجآي لـ مدة 7 ليآلي
وحجزت في الشمآل ، في فندق ميرفيل بيتش merville beach
تقريباً أخذت لفّه كآمله على أغلب الصفحآت بالموضوع ..
وعندي بعض الأسئله الأسآسية والمهمه ..
حبيت آخذ فكره كآمله ، عشآن مآأخسر وقت + أنآ محتآج رآحه أكثر من سيآحه !
فـ لو حددت و رتبت أموري قبل مآ أروح ، زكون حققت الرآحه اللي محتآجهآ ..
ولآ أخسر جهد و تعب بـ السؤآل هنآك أو أوآجهه مشآكل ومتآعب أنآ في غنى عنهآ
1 / بالنسبه لـ المبلغ و العمله ، اللي فهمته بأنه 7 روبيه = 1 ريآل
طيب ، لمآ أكون بـ مطآر دبي ، أحول مبلغ عشآن يكون معي كآش .. للدولآر ؟
أو وش أسوي بـ الضبط ! ، أبغى يكون معي كآش ، غير البطآقة ..
2 / بأحد موآضيع الأعضآء ، قريت بأنهم يعطونآ ورقه صفرآء بالطيآره .. إجرآء للفيزآ !
هل تشملنآ ، اجبآرية ؟
3 / عجبني تقسيمك بأحد الردود السآبقة لك ، جزأت الجزيره إلى 3 أجزآء ، لـ 3 أيآم ( اذآ تذكر )
أكثر مآ لفت انتبآهي ، هي منطقة الشمآل عند الـ قرآند بآي ، وهي الأقرب بالنسبه للسكن حقي
متى أفضل وقت أروح هنآك ، وهل آخذ تكسي من الفندق يوصلني هنآك ، ولمآ أخلص آخذ تكسي ثآني
أو أخليه ينتظرني أفضل ؟ والكلآم هذآ شآمل المنآطق الثآنيه ..
وبالنسبه لـ مصنع الزجآج ، وين يقع بالضبط .. وهل أقول اسمه للتكسي و يوصلني هنآك على طول !
4 / موضوع حفلآت العشآء والبآربيكيو ، يسوونهآ كثير هنآك ؟
يعني يكون فيه جدول وموآعيد معروفه بالفندق ، ولآ لآزم أسأل و أدور ؟
5 / أهم الخطط اللي ممكن تكون بالليل ؟
طبعاً سألت عن البآربيكيو ، لأني أحب هذآ الجو و إن شآء الله يكون فيه
لكن لو مآفيه ، وش أحسن المشآريع اللي ممكن نسويهآ بالليل ، غير المسآج و السبآ ؟
6 / بـ صفحة الفندق ، فيه أسعآر للسبآ و غيره كثير ، لكن العمله مآعرفت تبع ايش !
http://naiade.com/en/hotels/mauritiu...beach/spa.aspx
7 / البرآمج وين بالضبط أقدر أحصل عليهآ ؟
يعني لو أبغى أروح مشوآر .. مطعم أو مول أو أي مركز ، أتفآهم مع الريسبشن بالفندق أو دآيركت مع التكسي أو يكون فيه مكتب سيآحي ؟
نفس الكلآم بالنسبه للرحلآت السيآحية اللي تكون بالحجز ..
8 / ترآنزيت دبي ، تقريباً 3 أو 4 سآعآت
مآفيه مشكله سهله أضيع وقتي بالمطآر ، لكن هل هم يعلموننآ بالطيآره وش نسوي لمآ يجي وقت رحلة موريشوس ؟
أو أنتظر لين مآينآدون علينآ ويعلنون عن الرحله و البوآبة وأروح هنآك ؟
* أول مره أروح عن طريق طيرآن الأمآرآت ، ترآنزيت !
9 / مضمون الأكل بـ موريشوس ، هل فيه شي نحآول نبتعد عنّه !
يعني مثلاً البيكون و البرقر عندهم ، يكون من البقر ولآ الخنآزير ؟ ، وش يشمل أغلب المآكولآت ، غير البحريه ؟
10 / أشيآء مهمه آخذهآ معي ، اتجآه القبله ، أفضل المطآعم و طريقة الوصول لهآ ( يكفي أقول للتكسي اسم المطعم أو المكآن ) ؟
الأهم بالنسبه لي ، أفضل أمآكن السبآ ، غير الفندق !؟
هل فيه مشآكل لو أخذت اللآب توب معي ؟
وبس اعذروني على كثر الأسئله ، وهالكلآم موجهه لكل من زآر موريشوس !
يعني أي عضو يقدر يفيدني بأسئلتي ، يآليت مآيبخل علي ، لأن ممكن اكون ثقلت على ابوعزيز وهو مشغول حالياً
فـ بانتظآر نصآيحكم ..
المفضلات