الموضوع: تنتاتيش مهمة لرحلتي ألأخيرة الى تاي

مراحب اخواني واخواتي الأعضاء ... مبارك عليكم الشهر الفضيل .. واعاده الله عليكم باليمن والبركات ..
ملاحظات :
الرحلة على القطرية تم قصها وحجزها بالنت 321 دينار بحريني .
الرحلة مدتها 18 يوم من تاريخ 9 يوليو الى 27 يوليو مقسمة كالآتي (4) ايام بتايا (5) أيام بوكت (7) أيام بوكت (2) بانكوك
الرحلة من بتايا الى كوساموي تم قصها بالنت قبل السفر عبر اير بانكوك حوالي 3200 بات .
الرحلة من كوساموي الى بوكت .. طلعت علينا بالكامل 4800 ون واي ( ادري غالية) .. باقونا حسبي الله ونعم الوكيل فيه .. سناتي الى الشرح .. انتظرو في باااااااااب بتايا ..الشرح وماذا حصل لنا
الرحلة من بوكت الى بانكوك تم قصها من مكتب في بوكت حوالي 2800 بات على الطيران التايلندي.


انتظروووووووووووني اخاف ما تتفطرون من كثر الانتظااااااااار يا ما هي مقالب ومواقف ..... ههههههههه ..... انتظروني بالشرح الممل ...... لكل من بتايا وكوساموي وبوكت وبانكوك والفنادق والأسواق والرحلات وكل مايدور في خاطركم حبايبي الأعضاء الصائمين ورمضااااااااااااااااان كريم ....... انتظروني في الحلقة القاااااااااااااااااادمة

مواضيع عشوائيه ممكن تكون تعجبك اخترناها لك:

• تجارة
• نررجو الافاده
• سوريااا جايتكم الاسبوع الجاي
• محتاجة لردكم عاجلاً
• شهر العسل في بوكيت
• ارجو المساعدة لم يبق الا القليل على السفر
• لأول مرة في حيآتي راح أزور تايلند
• القائمة السوداء الخاصه للمطاعــــم في تايلند
• سعر البنزين في سوريا والأردن هذي السنه
• جزيرة ساموي
• استفسار عن السواقين
• استفسار عن مدينه حماه؟
• قـطـار مـطـار ســونــابــومــي الــدولــي
• بخصوص حجز الفنادق عن طريق بوكنق
• هل السياحة الى سوريا امنه ؟
• استفسارات
• احتاج شقة فندقية في بانكوك
• الله يعافيكم أنا في ورطة أسعفوني
• بانكوك وبتايا
• رحبوا معي بعمدة حلب أبو الشهيدين

مبارك عليك الشهر و تقبل الله صيامكم و قيامكم .
الف الحمد لله على السلامة و ننتظر التقرير الشامل منكم باذن الله .
سجلني من المتابعين الاوائل """""
تقبل تحياتي """""

الحمدلله على السلامة اخووي وننتظر تقريرك وملاحظاتك ..

أنتظرك ضروري لكسب الخبره لأني رايح انشاء الله

بعد العيد

الحمدالله على السلامه اخوي

وان شالله كانت رحله موفقه


تحيه

الحمد لله على السلامة
وناطرينك لا تأخر علينا

اقلعنا بحمد الله من مطار البحرين الدولي بتاريخ 9 يوليو وصولا الى الدوحة مدة ساعة تقريبا ومن ثم ترانزيت ساعتين في مطار الدوحة واثناء اجراءات الدخول في مطار الدوحة تعرفنا على سعوديين متحهين الى الفلبين قالو لنا حياكم تفضلوا ريحوا معانا في منطقة ال في اي بي المخصصة للراحة لان هم على البزنس ونحن على السياحية وقلنا لهم مايصير الا اهمة حنو علينة حياكم معانة ونحن نصير ندخل احد معانة وانة وزميلي نتغامض ونضحك قلنا يلا هذي اول المقالب وعند منطقة الدخول سالوا السعوديين عن البوردنغ وانا وزميلي قلقين من الفشيلة وشوي ونشيل عليه وهم مايدرون ..
المهم انتظرنا شوي واقلعنا من مطار الدوحة الى مطار بانكوك وصلنا بعد ست ساعات وفي الطيارة بعطونك فورمة الدخول والخروج من تايلند ولازم خلال السفرة تخلي معاك قلم ازرق علشان تملي الاستمارات في الطيارة احسن من لوية المطار .. تسالوني ليش نشيل قلم ازرق لأن في الطيارة ازمة اقلام مافي اقلام وتبي تملي لازم تنتظر وتلفت يمين ويسار اللي عنده قلم علشان تطر منه وتنتظره لين يخلص .. لان كان في واحد انجليزي شافني متوهقين نبي قلم وانتظر يمكن ربع ساعة ما يبي يطلع القلم الا عقب ما حصلنة قلم طلع القلم ماله مادري خايف عليه او شي .. هههههه،، المهم الاستمارات تعطون جوازات تايلند في المطار مع الجواز الخاص بكم واستمارة الدخول ياخذونها واستمارة الخروج يضربونها ستيشر في الجواز للخروج.
المهم بعد الخروج تشوف شركة تلفونات نسيت اسمها خذينا بطاقتين (هابي) ب 110 لاثنتين وتم تعبئتهم لاتصالات ،، علما بان الاتصال الدولي مكلف،، يعني بالراحة تجري اتصال او اتصالين لديرتك يخلص الرصيد.
عقب توجهنا الى محطة سيارات األأجرة للذهاب الى بتايا وذهبنا الى بتايا ب 1000 بات شامل الهايواي
واغلب التكاسي ترى مايفهمون وااااااااايد حاسبو ... الله يعينكم ... بس يضحكون واااااايد ولاتدري شنهو السالفة عاد التكسي خذانة من المطار وراح مكان معرض سيارات مادري وين وودانا وودانا درايفر ثاني الى بتايا عااااااااااد احنا اول ما دخلنا هناك قلنا لااااااا شكله يا حمادو بننباق اهني ...ههههه.. عاد شكله الدرايفر اللي اخذنة من المطار ياخذ عمولته من هذا المكتب ومن ثم يقوم درايفر ثاني بالنقل الى بتايا ..... ههههه ... عجيبة والله عجيبة..


ترقبو بتايااااااااااااااااااااااااااااا واخر المطباااااااات فيها .......
ترقبوني في حلقة بتااااااااااااياااااا اخواني اخواتي الأعضاء

المشاركة الأصلية كتبت بواسطة ولد_البحرين
http://www.arabtravelersforum.com/tr...0/#post5908980

رحلة ممتعة ان شاء الله ،،

التذكرة على القطرية سعرها مرتفع ؟! لا يكون حجزتها عن طريق مكتب سياحي ؟ بعض المكاتب يبالغون في فايدتهم اما الباقي اسعارهم تزيد عن موقه الخطوط نفسها بـ دنانير قليلة ..



لاااااا اخوي التذكرة قاصها من النت ....... موقع القطرية حصلت احسن سعر له 286 دينار بس تاريخ كان ما يناسبني
ولا تنسى طال عمرك ان كاااااااااااااااان موسم السفر ...

تحياتي ولد ديرتي

الحمدلله على السلامة
الله الله بالتقرير الزين

المشاركة الأصلية كتبت بواسطة obosaad
http://www.arabtravelersforum.com/tr...4/#post5910394

الحمد لله على السلامة
وناطرينك لا تأخر علينا




الله يسلمك الغالي ياخوووووووووووووووووك كثر ما تكتب عن تايلند ماتوفيها حقها .... بس مايصير خاطرك الا طيب

المشاركة الأصلية كتبت بواسطة حسن الحمادي1
http://www.arabtravelersforum.com/tr...4/#post5908564

مبارك عليك الشهر و تقبل الله صيامكم و قيامكم .
الف الحمد لله على السلامة و ننتظر التقرير الشامل منكم باذن الله .
سجلني من المتابعين الاوائل """""
تقبل تحياتي """""



الله يسلمك اخوي الحمادي يزيدني شرف متابعتك الغالي

المشاركة الأصلية كتبت بواسطة الفلاسية
http://www.arabtravelersforum.com/tr...0/#post5913790

الحمدلله على السلامة
الله الله بالتقرير الزين



الله يسلمك ويحققلك ما تتمنيه في هذا الشهر الفضيل
ان شاء الله .. تقريري كتابي اكثر من هو مصور لأني ماصورت
ان شاء الله تستفيدون من الرواية ....ههههههه

بتاياااااااااااااا :
* سكنا في بتايا اول يومين في فندق ببايا الليلة ب 1200 بات فندق حلو ومحترم وفيه بركة سباحة يبعد عن الولكنج ستريت حوالي 12 دقيقة مشي .. وانصح فيه بشدة..
* اليومين الأخيرين سكنا في شقة مفروشة لا يخطرني اسمها جنب فندق سوا لاي ب 700 بات .
* تم تأجير موتر بايك واخذ البرنامج عاد خويكم مايعرف يمشي كله مردوف .ههههه .... لكن شعور لايوصف.
*بعد يومين من المكوث في بتايا وصلونا 3 من اصحابنا .. حيث كنا بانتظارهم وهذا ما استدعى تغيير السكن وتم الحجز لهم .
* برامج بتايا .. تايقر زوووووو .. ودانا التكسي البها ب 100 بات ودخلناها العصر ب 400 بات للشخص مالحقنا الا على عرض واحد للتماسيح .. بس حديقة حلوة ولكن ذبحنا الحر . واحلى مافيها ان تاخذ دياية نية مربوطة بالعصا طعم للتمساح .. لا يفوتكم التمساح واهو ياكل الدياية .. سبحان الله .. تبطل حلجه جنه بياكلك .. ترى حديقة تسوى الزيارة لكن روحوها الصبح علشان تلحقون على العروض.
*برامج بتايا .. بتايا بارك ... توجد هناك حديقة مائية عادية جدا وتقع بالقرب من الجومتين بيتش سعر الدخول الى الحديقة 100 بات وفي معلم بارز بجنبها وهو برج بتابا يتكون من 56 طابق قيمة الصعود للبرج 300 بات شاملة عصير مجانا في الطابق ال 55 تتاوله ومن نفس الطابق تشوف بتايا بكبرها والطبيعة الخلابة لبتايا وفي منظار بقيمة 10 بات للنظر به .. بعد التصورير والتقاط الانفاس تروح لتنزل من البرج وفيه عدة لعبات التلفريك او اللعبة الثنائية انت وزوجتك مثلا ا و اللعبة الأخطر وهي انت مربوط في السلك ...هههههه .. طبعا صاحبكم ما يقبل الا بالاخطر .... ههه .. عندنا واحد من الشباب ولا لعبة لعب نزل من الاصنصير ..ههههههههههههههههههههههههههه ،،، عاد قبل لا تلعب اللعبة توقع على عدم مسئوليتهم تحاهك اذا صادك شي .. الله يستر ..... ههههه... برنامج انصح فيه وبقوة .
* من برامج بتايا .. السباحة في البحر الأجمل والأروع في بتايا ... خلو عنكم بتايا بيتش عندكم الجومتين بيتش بحر نظيف وروعة ومنظقة هادئة انصح الأزواج اللي ودهم يروحون بتايا يسكنون في منطقة الجومتين .... وعندك فندق rabbit مرينا عليه الصراحة قمة في الروعة وعلى البحر حتى عطونة شموع على ارانب ... كل يوم اولعهم اتذكر تايلند.ههههههه.
*لايفوتكم مجمع رويال قاردن (المجمع اللي داعمته الطيارة) مجمع خفيف وحلو .. وداخله محل عسكريم يا سلااااااام.
*اماكن السهر الولكنج ستريت - القهاوي بمنطقة العرب - البليارد - البولنج.
*عندكم البيكب الازرق ب 10 بات بس كل ماعليك اتيي وتركب وين ما تبي تنزل تدق الجرس وتعطيه ال 10 بات وخذ عاد هيصة وويصة
*عندكم اماكن التشيش بوعبدالله الصراحة قمة في الشيشة والشاي ماله ماله حل بالهيل .. لا يفوتكم .. وجنبه عدة مقاهي ومطاعم للتشييش والأكل كل ماعليك ان تختار ... بس انى عجبني مقهى بوعبدالله (وجهة نظر)
*اماكن الغداء والعشاء (زهرة الخليج - الزهرة-بوعبدلله ....... الخ) وكل انواع العيوش ومالذ وطاب.
* حسبي الله ونعم الوكيل فيه ( ناصر البلوشي) سفريات عمان .. سامحوني لأن فيني حرة عليه.. المهم نبي نرتب رحلتنا حق كوساموي المنطقة الثانية بعد بتايا وسبق حجز الطيران الداخلي عبر اير بانكوك من البحرين بالنت كما اسلفت سابقا .. لكككككككن .. لكن قلنا خل نشوف فنادق من هذا المكتب سفريات عمان .. حرام اهو ياخذ اسم هالسلطنة العزيزة علي قلوبنا .. المهم دخلنا وقلنا نبي نشوف فنادق يمكن نحصل اسعار زينة وقال لنا اول شي فنادق كوساموي ( فل) وماب تحصلون عندي واحد لكم عجيب 4 نجوم اسمه شوانج بيتش فيلا والزمنا بالفطور وحنا ما نبي فطور يقول نظام الفندق لازم فطور خذنا الليلة لشخصين 2200 بات ولثلاثة 2800 بات .. هذي اول شي وواحد من الشباب يقول محمد خلاص احنا بنحجز 4 ايام وانة مومقتنع من الفكرة لان ادري انة بنحصل وهاذي قاعد يجذب ويهر علينة وانة كل ساعة ادخن برع المكتب وسندرني (انت حبيبي بعد جبدي بعد كلبي بعد روهي ولدي انت نفس عيالي ) ليش مو موافق المهم صارت الأغلبية غلبت الشجاعة وافقت اخر شي على راي الشباب انة نحجز من عنده ... هذي واحد وخلصنا .. جينا نبي نحجز من عنده من كوساموي الى بوكت وانة رايح مضبط الشفرة على فول مون بارتي الكل يمدحها 4 سنوات اروح تايلاند بس مارحتها قلت لازم السنة اروحها وانا عارف التاريخ تصادف 17 يوليو المهم بس ابو الشباب (البلوشي) حاط سلسلة في رقبته شنها سلسلة ... المهم الله يستر عليه .. قالنه الحفلة تصادف 3 ايام 15 و 16 و 17 الناس يرجعون ... وانة اقول حق الشباب واغمز بس مافي فايدة خذاهم بالججي والبربرة والهر والكر المهم حجزنا من عنده تذكرة من كوساموي الى بوكت تاريخ 17 يوليو لخمسة اشخاص .. عقب ماسندرنة (هبايبي انتو عيالي مثل عيالي وانة وانة بطل تايلند وانة كنت فقير ويقول قصة حياته .. انتو نفس عيالي بعد كلبي بعد عيوني .. اهبكم وايد) .......

وانتظرووووووووووووووو نتائج حجزنا مع ناصر البلوشي (بوسلسلة) واحداااااااااااااث كوساموي

سرد جميل اخوي ياراعي المحرق


متابعين معك

المشاركة الأصلية كتبت بواسطة faisal_515
http://www.arabtravelersforum.com/tr...6/#post5915076

سرد جميل اخوي ياراعي المحرق


متابعين معك




عزيز ياخوووووووك من ذوقك الراقي

الحمدلله عالســــــــــــــلامة ,,

في انتظار بقية التقرير وخاصة ( احداث كوسمـــــــــوي ) ,,,

يااخي والله اني حبيتك من طريقه سردك


كمل كمل كلنا معاك

تقرير شيق @@@@@
متاااابعينك

كمل يالغالي تحمسنا وش يصير معك

تقرررير حلوو لاكنة بدووون صور ياريت تزودنا بجم صووورة منتظرين منك المزيد

تسلم على الطرح و التشويق بس ياريت يكون في صور بليززززززززززززززز

المشاركة الأصلية كتبت بواسطة bo aziz
http://www.arabtravelersforum.com/tr...0/#post5917530

تقرررير حلوو لاكنة بدووون صور ياريت تزودنا بجم صووورة منتظرين منك المزيد




عزيز الغالي بس انة ماصورت هنااااااااااااااااااااااااااك لاني رايح 4 مرات تمللت وانة اصور هالرحلة قلت خله ريلاكس ولا تصوير ولا شي

المشاركة الأصلية كتبت بواسطة نصر القمة
http://www.arabtravelersforum.com/tr...8/#post5917848

تسلم على الطرح و التشويق بس ياريت يكون في صور بليززززززززززززززز



يا اخي مافي صور لأاني ماصورت طال عمرك .. وسامحيني لاني رديتك .........

كوساموي (( الجزيرة الساحرة ))
المهم طرنا من مطار العسكري في بتايا الى كوساموي عبر اير بانكوك وانصح في مطار بتايا بقوة خفيف وحلو وجميل وبسرعة تخلص اجراءاتك وانصح فيه بشدة من بدل مطار بانكوك .. وصلنا الى المطار الأفضل والأروع والأجمل الا وهو مطار كوساموي وتم نزولنا من الطائرة وتشييك الدخول ما اخذ منا الوقت اللا ربع ساعة وحجزنا على ميني باص جماعي بقيمة 600 بات لخمسة اشخاص حتى يوصلنا للفندق المحترم (شوانج بيتش فيلا) .. ويقع في شوانج بيتش .. الصراحة اول ماوصلنا شفنا الفندق قلنا ماشاء الله الفندق على البحر عجيب هههههه .. وتم ابراز الرصيد للرسبشن وتم اعطائنا حجرتين نظام البنقلو .. حجرة لثلاثة اشخاص وحجرة لشخصين .. الصراحة انة عجبني اللوك الخارجي للفندق بس القيمة غالية يعني طبيعة واشجار ونص دقيقة مشي وانتة مروس في البحر بس ........ المهم احداث نتائج ناصر بلوشي (( عقب ما دخلنا وجيكنا ونزلنا الأغراض )) عقب فترة قليلة من الزمن (رقصنا رقص ام علاية) فاتكم الرقص حركة دقني دقني وحركة اسبح اسبح فووووق فووووووق تحت تحت فاتكم الرقص ........ الحين تقولون شفيه بحريني اهو وجماعته انقلبو رقاصة مرة وحدة ....... بس يا جماعة الحير انقلبنا رقاصة على قرص البعوووووووووووووووووض .. نتفنا تنتف يمين يسار فوق تحت وحكة وويعة وانة احك واضحك عليهم ككككككككك .. وطيران على الريسبشن يا فلان يا علتان سبايدي وسبايدي كاب وكبون كاااااااب المهم رسينة انة اهو ما يقدر يسوي سي اللي يقدر ...........مين .... حزر فزر ... اللي يقدر يساعدنا البلوشي .. واتصال سريع في البلوشي ويلف ويدور ويمين ويسار مافي فايدة ولا عايدة .. المهم اكلناها 4 ايام في البعوض وبعض الكريمات والعطورات اللي تبرد العافية شوي .....ههههههه ..
واكتشفنا ان في سكن عندهم 1000 بات لشخصين 1200 لثلاثة اشخاص ........... يعني الحرامي باقنة بوووووووووووقة ... لااااااااااااااا وازيدكم من الطين بلة احنا دفعنا حق البلوشي 4 أيام وطلع نظام الفندق ادفع 3 ايام واحصل على ليلة واحدة مجانا ............هههههههههههههههههههه........ هذي فايدة اللي مايطيع.. ههههههههه (((اول ضربة وطقة من البلوشي)))
ثاني مقلب من بلوووووووووووووووشي ... عقب ماطلعنا لتفقد منطقة كوساموي قلنا نمر نسال عن الحفلة قل مون بارتي وانة اللي اعرفه تاريخ 17 يوليو الا ان ولد العم البلوشي ماقصر حجزنا لنة الطلعة من كوساموي تاريخ 17 وخبرنا ان الحفلة 15 و16 يوليو وبعد السؤال يمين ويسار الاكشاك السياحية تاكدنا ان الحفلة تاريخ 17 يوليو واهني متحدثكم تغيرت الوانة صار جنة سحلية تتغير بسرعة ....ههههه .. المهم انصدمت وقلت حق الشباب يا شباب انة مب راجع انة ابي امدد انتو بترجعون كيفكم .. المهم مازن بيك (ضعفت) ما قصر يه معاي لتغيير الحجز من اير بانكوك وطلع مافي حجز لتاريخ 18 او 19 لبوكت مافي الا طريقة وحدة وهي الذهاب الى كرابي ومن هناك نستقل باص .. فكلمنا الجماعة (الوووووو ها بوعلي ها بوشهد ها بورشود )) شلوووووون بس قالو توكل على الله وزاد علبنا التذكرة كل واحد 1000 بات ...... شرايكم في خطط البلوشي حرامي من الدرجة الاولى هههههههههههههههههه...... سوا فينا دقة .. حسبنا الله وتعم الوكيل فيه.
* البرامج في كوساموي .... رحنا سفاري الصراحة ماتفوت حلوة حيل يودونك في وانيت مال سفاري ومناظر طبيعة .. سبحان الخالق .. وشلال تتسبح فيه باااااااااااااارد عجيب عجيب بس حاسبو على الزلق لأني زلقت زين مارحت فيها ... وبورشووووووود بقى يغرق الدبة طافحة عليه ماقدر يشيل عمره .. ويستنجد في متحدثكم .. متحدثكم بالزور يشيل روحه .... هه .. اخر شي ياو سباحين الاولمبياد بوعلوي وبوشهود ونقذوا ... ههههههه .. ويودونكم مانكي شو وركوب الفيلة الصراحة حلوة خذناها 1200 بات للشخص ......
رحلة صيد الأسماك مع (مسترتو) خذناها ب 900 بات وكان معانا قروب من الامارات اللي يخليهم خوش فرند .... ولكن الرحلة حلوة بس مافي فيش ................ ووطول فترة الرحلة نغني على مستر تو ( مستر توووو نو فيش ما شوف راسك شنه دش) واهو مستطرب ويضحك وصفقة وردحة قلبناها جلسة .......ههههههه .
* اهم البرامج .. لا تفوتون الجلوس في ارك بار هوتيل جلسة ريلاكس حدها مع الشيشة اللي تفرق بينك وبين البحر حوالي
مترين فقط وسبحان الله الجو والمنظر ورذاذ الامطار ...... الااااااااااااااااااااااااااااي .. عورني قلبي وانة اشرح لكم ..... شي عجيب .. تشرب عصير الليمون البارد مع بخة شيشة وتناتيش من الهمبة والاناناس والعسكريم البارد وانتة في هذا الجو ..... الاااااااااااااااااااااااااااااااااي .
*بس كوساموي ما تفتح الا الساعة 12 الظهر وهي غير نشطة نفس بوكت .
* لا تفوتون الأكل في المطعم اللبناني في كوساموي لذيذ وحلو تاكل اصابعك وراه لذة ما بعدها لذة ... وسعره رخيص مو غالي .. ولا تنسون المعسل والشيشة عنده ولا اروع ...... هههههههههههههه .
* بس كوساموي تستاهل ازيد من 5 أيام حسب وجهة نظري المتواضعة ان شاء الله المرة الياية 10 أيام كوساموي حق ميييييييييينن ( ريلاكس فقط)
*تم الذهاب الى حفلة مون بارتي بعد الحجز من مكتب سياحي ب 800 بات للفرد مع المواصلات ياخذك باص من الفندق ويوديك محطة الطراريد وياخذك طراد الى جزيرة كوبنجان ويرجعك طراد الى جزيرة كوساموي شامل السعر 800 بات والأفضل تاخذ حجز في جزيرة كوبنجان ليومين لاني رجعتك كوساموي بطراد لوية في لووووووووووية ... والحفلة عجيبة لاتفوتكم .. هههههههه .
واي استفسار عن ما سلف انة حاضر ....... بتاياااااااااااااااا او كوساموي الساحرة ...............

وترقبوني في بوكت .............................. واحداثها ومغامراتها

يعطيـــــــــــــك العافية على التقررير الحلوو صج انة اهوة بل كلام فقط بدون صور لاكن شدني هههههه ننتظر باقي الرحلة ........

عن موضوع الي سرقكم ....

عشان جذي انا احب اسوي كل شي بروحي واسوي كل شي في نفس الوقت لا احب حجز النت ولا حجز المكاتب .. اوصل بانكوك احجز طيران لـ كوساموي .. اوصل هناك اروح للفندق الي ابيه ..

وعلى فكره فندق ارك بار الي جلست فيه اهوه احسن مافيه ان على البحر وقعدات حلوه .. وهذا كان بالضبط بجانب الفندق الي سكنت فيه لما رحت كوساموي ..

وانا مثلك حبيتها هالمنطقه وحتى صديقي قالي المره القادمه ضروري نروح لها .. من ميزاتها شعبها افضل من شعب بوكيت وبتايا وبانكوك .. مافيها عرب بنسبة 5% ...

بس اتوقع 5 ايام كفايه عليها حق الريلاكس لكن انت شكلك استانست عليها عدل هههه ..

وبالنسبه للباعوض .. ((((((( ضروري وانت في المطار تشتري لك مضاد الباعوض لان الباعوض منتشر بشكل كبير في كوساموي لكن في الفنادق والمنتجعات المفتوحه )))))

احنا خذنا من المطار المضاد يعتبر رش ترشه على الجسم قبل ما تخرج من الغرفه .. كنا نرش على الاماكن المفتوحه مثل اليد والرجل .. وامورنا كانت طيبه حتى ما خلال قعدتي فيها ما صادني الا مره وحده بس ..

وفي الاخير .. اهم شي انك استانست والحمد الله على السلامه ورمضان كريم ... وعيدكم مبارك هههههههههههههه

مستعيل شكلي .. ((( بس تبي الصراحه عجبني موضوع معلايه ... ))))

المشاركة الأصلية كتبت بواسطة الرفاع الشرقي
http://www.arabtravelersforum.com/tr...4/#post5921764

عن موضوع الي سرقكم ....

عشان جذي انا احب اسوي كل شي بروحي واسوي كل شي في نفس الوقت لا احب حجز النت ولا حجز المكاتب .. اوصل بانكوك احجز طيران لـ كوساموي .. اوصل هناك اروح للفندق الي ابيه ..

وعلى فكره فندق ارك بار الي جلست فيه اهوه احسن مافيه ان على البحر وقعدات حلوه .. وهذا كان بالضبط بجانب الفندق الي سكنت فيه لما رحت كوساموي ..

وانا مثلك حبيتها هالمنطقه وحتى صديقي قالي المره القادمه ضروري نروح لها .. من ميزاتها شعبها افضل من شعب بوكيت وبتايا وبانكوك .. مافيها عرب بنسبة 5% ...

بس اتوقع 5 ايام كفايه عليها حق الريلاكس لكن انت شكلك استانست عليها عدل هههه ..

وبالنسبه للباعوض .. ((((((( ضروري وانت في المطار تشتري لك مضاد الباعوض لان الباعوض منتشر بشكل كبير في كوساموي لكن في الفنادق والمنتجعات المفتوحه )))))

احنا خذنا من المطار المضاد يعتبر رش ترشه على الجسم قبل ما تخرج من الغرفه .. كنا نرش على الاماكن المفتوحه مثل اليد والرجل .. وامورنا كانت طيبه حتى ما خلال قعدتي فيها ما صادني الا مره وحده بس ..

وفي الاخير .. اهم شي انك استانست والحمد الله على السلامه ورمضان كريم ... وعيدكم مبارك هههههههههههههه

مستعيل شكلي .. ((( بس تبي الصراحه عجبني موضوع معلايه ... ))))



عزيز يا ولد ديرتي ياخووووووووووك كوسامووووووي عجيبة عجيبة احسن شي مافيها عرب وايد وريلاكس وايد حلوة وان شاء الله مرة ثانية اخذ الرش ولا يهمك .... اما بخصوص التضبيط انه اخووووووووط رايح 4 مرات من قبل وكل شي اضبط انة بس الجماعة كان لهم راي ثاني غير رايي وانة تمت وياهم علشان لايقولين ذي وذي وذي تعرف السوالف انت بعد ما يحتاااااااي .. بس اخر شي ضربنا ناصر البلوشي ......ههههههههههههههههه
كوساموي للابد ... ههههههه وانتو اي فندق سكنتو وبجم الليلة

مواقف طريفه ومحزنه نفس الوقت .......واصل يالبحرينى.

ههههههههههههههه ضحكتني من الخاطر , سرد رائع ,,,

الافضل انك تضبط امورك بنفســــــــــــــــك من سكن وحجز .....الخ ,

اما بخصوص البعوض , منشرة جدا في البنجــــــــــــلو شيء طبيعي ,,,,

مبين عليك ما بتنســـــــــــى هالرحلة


بس اهم شيء استانست

فندقنا على ما اعتقد اسمه ... suneast (( سن ايست ))

يا اخي اسلوبك وطرحك المبسط يكفي عن الف صورررررررر الى الامام الى الامام......
بصراحة انا قاد أموت من ضحك على سالفة الرقصصصصصصصصصصصصص ههههههههههههههههههههه

المشاركة الأصلية كتبت بواسطة الرفاع الشرقي
http://www.arabtravelersforum.com/tr...2/#post5927552

فندقنا على ما اعتقد اسمه ... Suneast (( سن ايست ))




اي يا خوووووووووووك حلو هاذي الفندق نظيف ورخيص سكنا اخر يوم فيه هههههههههههههه .. عقب ما نتفنا البعوووووووووض

المشاركة الأصلية كتبت بواسطة الفلاسية
http://www.arabtravelersforum.com/tr...2/#post5930462

تعيش وتاكل غيرها
الواحد ما يتعلم الا اذا جرب وانقرص وينقل تجربته لاخوانه علشان يتعلمون*
المهم انكم استانستوا وانبسطتوا ورقصتوا علي انغام البعوض*
والسموحة اختك ام جمال




هلا والله اختي ام جمال ورمضان مبارك ... يا اخي تعلمنا الدرس والدرس مافي احلى منه شنه درس ماما ماما يا انغاما .... بس حلو الدرس ..... واحلى درس كاااااااااااااان ياما كان حلو الدرس .... ههههههههه ..

المشاركة الأصلية كتبت بواسطة نصر القمة
http://www.arabtravelersforum.com/tr...6/#post5930876

يا اخي اسلوبك وطرحك المبسط يكفي عن الف صورررررررر الى الامام الى الامام......
بصراحة انا قاد أموت من ضحك على سالفة الرقصصصصصصصصصصصصص ههههههههههههههههههههه



ما تقصر الغالي بس انت اول واااااااااااحد تقولي وشجعتني لأن انة قلت معلومات سهلة وسرد سهل تغنيك عن الف صورة ....... اما سالفة البعوض انواع الرقص يا خوووووووووووك انة نزلت في الحجرة على الأض اضحك على الشبااااااااااااب

ههههههههههههههههههههههه تعجبني ...

فاصل ونواصل ....

ما شاءالله عليك يا المحرقاوي اسلوبك وايد وايد حلو في الكتابة تخلي الواحد يندمج في القراءة*
نحن بانتظار قصة من اصدارك باللهجة البحرينية الحلوة اهداء لاعضاء المنتدي شو رايك
والسموحة اختك ام جمال

المشاركة الأصلية كتبت بواسطة الفلاسية
http://www.arabtravelersforum.com/tr...0/#post5942630

ما شاءالله عليك يا المحرقاوي اسلوبك وايد وايد حلو في الكتابة تخلي الواحد يندمج في القراءة*
نحن بانتظار قصة من اصدارك باللهجة البحرينية الحلوة اهداء لاعضاء المنتدي شو رايك
والسموحة اختك ام جمال



تامرين امر ام جمالي وينج من زماااااااااااااااان ما تبين تشترين حلوى من عندنة حق العيد .........ههههههه ... الله يقطع ابليسج اي قصة تبين قصة ليلى والذيب او قصة البطة السووووووووودة ....كككككك

***هلا اخوي المحرقاوي بغيت متاي وسمبوسة حلوة وزلابية من الصغار*
وقصة البطة السودة
شو رايك
متي بطرشهم دبي **

المشاركة الأصلية كتبت بواسطة الفلاسية
http://www.arabtravelersforum.com/tr...0/#post5944490

***هلا اخوي المحرقاوي بغيت متاي وسمبوسة حلوة وزلابية من الصغار*
وقصة البطة السودة
شو رايك
متي بطرشهم دبي **



افاااااااااااا عليج الغااااااااالية ما طلبتي غالية والطلب همبا انة بيي ان شاء عقب العيد باييب ولدي شوي يستانس شتبين غير المتاي والسمبوسة الحلوة والزلابية ما تبين حلوى بعد .... باييهم لج بس قولولي وين نتلاقى بعد باييب لج بطة سودة علشان تخرعج في الليل ....هههههههههههههههه

المهم مازن بيك ماعجبه ظام السفتي بوكس لان السفتي بوكس تحت قال مب ضمان انة قلت له ضمان بس اهو ما اقتنع راح فندق 5 نجوم ما يخطرني اسمه ملاصق للماريوت بس الصراحة محترم وخذ الليلة ب 2300 بات






يمكن تقصد فندق burazari الي لاصق في الهولدي ان , سكنت فيه مره كان حلو جداً بس ماينفع للعوائل بس ينفع للشباب , عيبه الوحيد ان الافطار مفتوح على الهواء يعني احياناً الحشرات تبهدلك ,, وهو 4 نجوم مش خمس ,,

وحبيت اسألك اذا فكرت اني اروح لكرابي من بوكت بالسياره وارجع بنفس الليله تنصحني بهذا الشي خصوصا معاي شايب يحب التمشي والطبيعه والمسفار ,, تنصحني اطلع من الصبح واروح لكرابي وارجع المغرب ,, او لا

صــراحــة اخووووي كفيت ووفيت والله
وانا صراحة كنت ابحث عن المعلومات ولقيت منها وايد من خلال طرحك
واتمنى فعلا وبشكل سريع نشوف تقريرك عن بانكوك .. واللي انتظره منك بفارغ الصبر
بالذات عن الاسواق والفنادق .. والحجز ... والبقية ...

امبييييييييييييييه بافقعها ضحك
ههههههههههههههههه
صج محرقي
ماااااالك حل
جان قلتو لي انا بروحي كنت ناويه اروح بس محد شجعني

بس ناويه شهر 10 ولا 12 اروح بروحي
جان لكم خاطر حياكم

المشاركة الأصلية كتبت بواسطة al osaimi
http://www.arabtravelersforum.com/tr...8/#post5945178

يعطيك العافيه




هلاااااااااا وغلاااااا مشرفنا الغالي ...

المشاركة الأصلية كتبت بواسطة هـــاوي
http://www.arabtravelersforum.com/tr...4/#post5945514


يمكن تقصد فندق burazari الي لاصق في الهولدي ان , سكنت فيه مره كان حلو جداً بس ماينفع للعوائل بس ينفع للشباب , عيبه الوحيد ان الافطار مفتوح على الهواء يعني احياناً الحشرات تبهدلك ,, وهو 4 نجوم مش خمس ,,

وحبيت اسألك اذا فكرت اني اروح لكرابي من بوكت بالسياره وارجع بنفس الليله تنصحني بهذا الشي خصوصا معاي شايب يحب التمشي والطبيعه والمسفار ,, تنصحني اطلع من الصبح واروح لكرابي وارجع المغرب ,, او لا




الغالي انت هاوي هاوي صيد لو هاوي سفر........ هههه ..
الفندق اللي سكن فيه صاحبي اسمه مارلين خمس نجوووووووووم عجيب فيه ثلاث مسابح اقولك عقب ما خلص البحر اللي في بوكت رويسي في البرجة مالت الفندق حق الريلاكس (مال بلاااااااااش) بعد شنهو ابي ...... حتي يوم سافر رفيجي رحت اتسبح في البرجة ....... ولا احد يقول شي ..... حرامية في بوكت ... ههههههه.

وعن سؤالك الثاني طال عمرك في رحلة تاخذها من المكاتب المنتشرة في بوكت لجزيرة كرابي يودونك الصبح ويرجعونك المغرب ... عاد كيفك انت تبي باسيارة او تبي (باللنج) قصدي بالبحر ..
وانة كرابي نزلتها ترانزيت بس ......... ههههه .. للظروف ... بس عليها بطبيعة عجيبة .

المشاركة الأصلية كتبت بواسطة بو يساف
http://www.arabtravelersforum.com/tr...2/#post5946562

صــراحــة اخووووي كفيت ووفيت والله
وانا صراحة كنت ابحث عن المعلومات ولقيت منها وايد من خلال طرحك
واتمنى فعلا وبشكل سريع نشوف تقريرك عن بانكوك .. واللي انتظره منك بفارغ الصبر
بالذات عن الاسواق والفنادق .. والحجز ... والبقية ...




هلا وغلا بويساف الغالي ...... افا عليك انة خليت تقريري كتابي بلجتنا اللي نفتخر فيها العربية + البحرينية .. قلت لتاخذون منه معلومات ولافادتكم طال عمرك واي شي يغيت ترى انة حاضر ......

ان شاء الله عن بانكوك حصلت فرصة اليوم باكتبه واذا ما حصلت باكتبه بكرة طال الامد او قصر وبكرة ان شاء الله كاتبه وعقب بكرة باذن الله اكيد موجووووووووود طال عمرك ... وسامحنة على القصور الحبيب

المشاركة الأصلية كتبت بواسطة بو يساف
http://www.arabtravelersforum.com/tr...2/#post5946562

صــراحــة اخووووي كفيت ووفيت والله
وانا صراحة كنت ابحث عن المعلومات ولقيت منها وايد من خلال طرحك
واتمنى فعلا وبشكل سريع نشوف تقريرك عن بانكوك .. واللي انتظره منك بفارغ الصبر
بالذات عن الاسواق والفنادق .. والحجز ... والبقية ...




حبيب قلبي بويساف ان شاء انتظر تقريري بكرة او بعد بكرة بالكثير ان شاء الله حسب وقت الفراغة ...هههه
وسامخني على التقصير ..واي شي تبي انة حاضر

المشاركة الأصلية كتبت بواسطة miss engineer
http://www.arabtravelersforum.com/tr...0/#post5946830

امبييييييييييييييه بافقعها ضحك
ههههههههههههههههه
صج محرقي
ماااااالك حل
جان قلتو لي انا بروحي كنت ناويه اروح بس محد شجعني

بس ناويه شهر 10 ولا 12 اروح بروحي
جان لكم خاطر حياكم




انتي الله يهداااااااااااااااج بس جان قلينة تبين تروحين ...... ان شاء الله المرة الياية نضبطج ويااااااااااانا غااااااالية والطلب همبا ....... بس الروحة الياي شهر فبراير ..... اذا شرايج ....... عادددددددد شوفي شرط ماااااااااافي سوق لاذبحج .

المشاركة الأصلية كتبت بواسطة بحريني محرقاوي
http://www.arabtravelersforum.com/tr...4/#post5951104

انتي الله يهداااااااااااااااج بس جان قلينة تبين تروحين ...... ان شاء الله المرة الياية نضبطج ويااااااااااانا غااااااالية والطلب همبا ....... بس الروحة الياي شهر فبراير ..... اذا شرايج ....... عادددددددد شوفي شرط ماااااااااافي سوق لاذبحج .




هههههههههههههههه لا لا مابي سوق
انا ابي مغامرات اكشنات ابي استانس
ولا تحاتون مابغربلكم انا جريئه ماخاف من الاشيا الخطرة
احب اغامر واخاطر

انتظر البقية ههههههههههههههههههههه

الله يقطع شرك يا المحرقاوي موتني من الضحك ولا قاعدة مع الاهل تعرف اليوم الجمعة ونتجمع عند الوالدة الله يطول بعمرها ويحفظها*
وقصيت عليهم قصتك وما مت ضحك الا علي ام هلال
يوم اقول عندك اسلوب في سرد القصص ما صدقتني قعدت تطنز
ولا بعد ضيعت شنطة الصوغة ولا لو انا مكان حرمتك رديتك بانكوك علي نفس الرحلة*
الحمدلله انكم رجعتوا بالسلامة واتمني السفرة الياية تكون الحاسية عندك دقيقة الا مضيع جواز الا مضيع شنطة*
وبانتظار قصة البطة السودة تكتبها لولدي محمد لا تنسي
والسموحة اختك ام جمال * **

المشاركة الأصلية كتبت بواسطة الفلاسية
http://www.arabtravelersforum.com/tr...8/#post5956448

الله يقطع شرك يا المحرقاوي موتني من الضحك ولا قاعدة مع الاهل تعرف اليوم الجمعة ونتجمع عند الوالدة الله يطول بعمرها ويحفظها*
وقصيت عليهم قصتك وما مت ضحك الا علي ام هلال
يوم اقول عندك اسلوب في سرد القصص ما صدقتني قعدت تطنز
ولا بعد ضيعت شنطة الصوغة ولا لو انا مكان حرمتك رديتك بانكوك علي نفس الرحلة*
الحمدلله انكم رجعتوا بالسلامة واتمني السفرة الياية تكون الحاسية عندك دقيقة الا مضيع جواز الا مضيع شنطة*
وبانتظار قصة البطة السودة تكتبها لولدي محمد لا تنسي
والسموحة اختك ام جمال * **




الله يدووووووووم عليج الضحكة اختي ام جمال وعسة الضحكة ما تفارق محيااااااااااج الواحد شنهو يبي في هالزمن غير انه يضحك ويبتسم والله يدووووووم عليكم يمعاتكم ووناستكم (امين ياااااااارب) وسلميلي على الوالدة وعطيها بوسة من عندي على راسها ..... قوليله هذي من بوسعووووووود من البحرين .. وقوليله يقولج متى يبلج الزلابية والسمبوسة الحلوة ..... هههههه .
لااااااا عاد اقولج سالفة الشنطة اوووووف .. يلة اختي دفعة بلا قلت يبة ارجع الديرة احسن لي ... اقوووووول اشوة الحرمة مب معاااااااي لو معاااااااي جان كشرت ويلست مكانها (جان تشوفين البوووووووز طايح في الأرض) ..
والبطة السوووووووووودة ان شاء الله قولي لولدج حمووووووود كان يما كان في قديم العصر والأوان كانت وحدة اسمها ام جمال تمشي في بانكووووووووك تتسوق وحصلت بطة سووووودة وتمشي ام جمال والبطة تمشي وراها تك تك تك تك ...... وكملي الباااااااقي عاد انتي .... ههههههه
تحياتي واحترامي لج اختي ام جماااااااال

ماشاء الله عليك كأني معكم في الرحله اسلوبك رائع

بس عندي سؤال يالغالي :

س1 / كم المسافه بين بوكت وكرابي ؟ وهل كرابي جزيره لوحدها ؟ ومااقرب مدينه الى كرابي ؟

لك تحياتي .

غالباً تكون التقارير افضل واحلى بالصور

لكن تقريرك مميز

عندك اسلووووب روعه وشيق جدا

ما شاء الله عليك اخوووووووي ابدعت .. وياليت منك يالغالي اسماء الاسواق
اللي تبيع الماركات بالذات سواء الساعات او الشنط والملابس ....
بالذات اسواق الجملة في بانكوك سمعت انه وايد منها هناك ...

وليش ما شحنتوا الاغراض على الشحــن العادي ؟؟ اذا كان هالكثر فيها ؟؟؟؟

وما قصرت على التقرير الاكثر من روعه وشنو اسم الفندق اخووووووووي ؟؟؟
وهل الفندق قريب من الاسواق ؟؟؟؟ او لا ؟؟؟

المشاركة الأصلية كتبت بواسطة بحريني محرقاوي
http://www.arabtravelersforum.com/tr...4/#post5956604

الله يدووووووووم عليج الضحكة اختي ام جمال وعسة الضحكة ما تفارق محيااااااااااج الواحد شنهو يبي في هالزمن غير انه يضحك ويبتسم والله يدووووووم عليكم يمعاتكم ووناستكم (امين ياااااااارب) وسلميلي على الوالدة وعطيها بوسة من عندي على راسها ..... قوليله هذي من بوسعووووووود من البحرين .. وقوليله يقولج متى يبلج الزلابية والسمبوسة الحلوة ..... هههههه .
لااااااا عاد اقولج سالفة الشنطة اوووووف .. يلة اختي دفعة بلا قلت يبة ارجع الديرة احسن لي ... اقوووووول اشوة الحرمة مب معاااااااي لو معاااااااي جان كشرت ويلست مكانها (جان تشوفين البوووووووز طايح في الأرض) ..
والبطة السوووووووووودة ان شاء الله قولي لولدج حمووووووود كان يما كان في قديم العصر والأوان كانت وحدة اسمها ام جمال تمشي في بانكووووووووك تتسوق وحصلت بطة سووووودة وتمشي ام جمال والبطة تمشي وراها تك تك تك تك ...... وكملي الباااااااقي عاد انتي .... ههههههه
تحياتي واحترامي لج اختي ام جماااااااال




ويدوم عليك انت بعد الفرح والوناسة ويفرحك بسعود واخوانه
ما تيوز عن سوالفك الحين القصة سويتها على والبطة تمشى وراى اتصدق يوم قريت الى كتبته فطست من الضحك
ماشاء الله عليك نفسك مرحة وحبوبة وهذا مب غريب على اهل البحرين على فكرة انا من مواليد القضيبية ودرست فى مدرسة رابعة العدوية لين صف الرابع الابتدائى عشقى للبحرين واهلها وصديقاتى لا يوصف .
ومشكور على البوسة على الراس الى طرشيتها لامى ما تقصر هذا من طيب اصلك
والسموحة

كم كلفتك الرحله تقريبا

هههههههههههههه ... كنت افكر اسافر معاك السنه اليايه ...

كل شي تمام ..

بس سالفة المطار خلتني اتراجع ... انا اهم شي عندي المطار اكون دقيقه لابعد حدود ..

ههههههههههههههههه ...

عزيز وغالي .. ^_*

المشاركة الأصلية كتبت بواسطة ابوليونه
http://www.arabtravelersforum.com/tr...4/#post5958234

ماشاء الله عليك كأني معكم في الرحله اسلوبك رائع

بس عندي سؤال يالغالي :

س1 / كم المسافه بين بوكت وكرابي ؟ وهل كرابي جزيره لوحدها ؟ ومااقرب مدينه الى كرابي ؟

لك تحياتي .




هلا الغالي يعطيك الف عافية
المسافة يا طويل العمر بين بوكت وكرابي بالسيارة حوالي 3 الى 4 ساعات وكرابي جزيرة لوحدها يمكن ان تطلع لها ليومين وتستغل الباص للذهاب الى الى بوكت طااااااااااال عمرك .

المشاركة الأصلية كتبت بواسطة بحرينية رفاعية
http://www.arabtravelersforum.com/tr...0/#post5959180

غالباً تكون التقارير افضل واحلى بالصور

لكن تقريرك مميز

عندك اسلووووب روعه وشيق جدا



شكرا يابنت الأصل والفصل وهذا من ذوقج الراقي

المشاركة الأصلية كتبت بواسطة ابن فطفوطه
http://www.arabtravelersforum.com/tr...6/#post5959196

اهنيك على حلاوه روحك يا المحرقاوي

اسألك انا يمكن اروح بروحي لتايلند على شهر 11 او 12 واول مره اروح وابي افلها مغامرات وانشطه

كم تتوقع تكلفني الرحله شامله كل شيء مع الطيران الداخلي طبعا بس من غير الطيران الرئيسي

حبيب قلبي كويتي والله من طيبتكم يا اهل الكويت ........ اخوي الغااااااااالى اسبوعين بتايا بوكت بانكوك اتوقع 1700 دينار بحريني عاد انت احسبها كويتي ... ولك التحية طال عمرك ....... بس انت ما حددت حدد وين بتروح واي جزر بتروح علشان نساعدك عدل طااااااال عمرك .