بسم الله الرحمن الرحيم
السلام عليكم ورحمة الله وبركاته
مساكم الله بالخير جميعا وإنشالله تكونون بكل صحه وعافية
أنا الصراحه كتبت موضوعي هذا لأني متأمل منكم كل خير إنشالله وإنكم تبي تكفون وتوفون بإذن الله
الزبدة = خلاصة الموضوع
أننا قررنا الذهاب بالعطلة إنشاء الله لصلالة لكن للأسف ولا واحد منا كد راح قبل كذا يعني ماعندنا أي خبرة من جميع النواحي واللي أتمناه منكم أخواني أنكم تجاوبون على الأسئلة اللي أبطرحها وأعرفوا يا أخوان أني متكل على الله ثم عليكم ..
1- المسافه من القصيم إلى صلالة وماهي الدول اللي نمر فيها للوصول إلى صلالة كأقرب طريق لها ؟؟
2- هل عمان تتعامل بالريال السعودي ؟ وهل أستطيع أن أصرف من أحد صرافة البنوك هناك بواسطة بطاقة الصراف اللي معي مثلا الراجحي ؟؟ وهل أقدر أستخدمها بالشبكة عندهم كالفنادق والشقق ؟؟
3- كم سعر لتر البنزين في عمان هل هو أغلى من السعودية أو أرخص ؟؟
4- أبغى التوصيف مضبوط من القصيم إلى صلاله صراحه اللي أعرفه القصيم ثم الرياض ثم حدود الأمارات وبعدها ماعندي أي علم وكم كيلو بين كل مدينه ومدينه وأبغاكم توصفون لي حبه حبه الله يخليكم ؟؟
5 - هل فيه أماكن تخييم في صلاله حلوه وهل يسمح بالتخييم هناك ؟؟
6- أبغى أحداثيات صلالة من أماكن وشواطي ؟؟
7- متى أفضل جو لصلاله علما أننا خططنا نمشي بحدود تاريخ 20/5 يعني بعد العطله بأسبوعين هل هو وقت حلو للجو هناك ؟؟
هذا أغلب اللي أبي أعرفه عن صلاله ولا أستغني عن معلوماتكم ونصايحكم أخواني وللمعلومة أننا شباب فقط بدون عوائل يعني خيمتنا معنا ومانحتاج شقق إلى نادراً وألف شكر لكم وأنتظر ردودكم على أحر من جمر ..
مواضيع عشوائيه ممكن تكون تعجبك اخترناها لك:
رد مع اقتباس
المفضلات