الموضوع: استفسار عن مطار بانكوك

السلام عليكم جميعاً ...

لو سمحتوا عندي شي مقلق بالي بصراحة

انا حاجز علي طيران القطرية الدمام - بانكوك
وقت وصول الرحلة 28/9 الساعه 19:00

وبعدها ع طول عندي رحلة علي طيران اسيا لفوكيت الساعة 21:20
يعني اتوقع قدامي ساعة ونص علشان اخلص امور الفيزا والجواز والعفش واروح اسجل دخول في الطيارة الثانية

هل تتوقعون وقت كافي!؟؟؟

مواضيع عشوائيه ممكن تكون تعجبك اخترناها لك:

• شووووية استفسارات
• الطريق الى
• ساعدوني فترتيب رحلتي والفنادق فجأه قررنا نسافر تايلند بعد اسبوع
• سؤال حول دفتر السيارة
• استفسار ممكن طلب ياحبايبي
• لرواد تايلند جدول سياحي لـ شنغماي بانكوك
• رحلتي اسبوع لبانكوك وبوكيت اتمنى الافادة
• اريد فندق مناسب ببانكوك
• انا في بوكيت اي استفسار
• استفسار عن الخطوط الهندية
• السويدي وتقريره عن رحلة م
• تاكسي
• رأيكم في جدول شهر العسل
• تايلند بلاد لاتعرف الخريف جولة الربيع تقرير مصور
• استفسار ومنكم السموحه
• كم سعر صرف ريال مقابل ليره سوريه
• سؤال مهم عن تايلند
• السلام عليكم رحلتي يوم الخميس الي بانكوك تاريخ
• قـــــــطــــــــر الى بــــــــوكيت درب السلامه
• مساعده عاجله؟؟؟؟

اخي العزيز يعتبر وقت مغامره

اذا تقدر تمدد بالوقت او تفيز من بلدك يطون افضل لان ساعه ونص اصلاُ العفش حق طيران اسياء يغلق قبل الرحله ب 45 دقيقه فا وين تلحق تفيز وتستلم عفش و تطلع للدور الرابع

اخي العزيز راجع نفسك بالوقت

تحيه

اذا تبي تطلع الفيزا من المطار خل لك اقل شي 3 ساعات ونص الى 4 ساعات

المطار كبير ولو سمح الله حصل تاخر لك بالرحله كون عندك وقت كافي


تحيه

يا لحبيب عندك خيار ثاني انك تعمل web chek in من النت و تأخذ معك شنطة وحده hand bag و تحملها معك على كبينة الطائرة بكذا ما راح تحتاج الى الكونتر خله يغلق على كيفة انت عندك البوردنغ كارد فتتوجة الى بوابة المغادرة الى الطائرة .
هذا الاقتراح يصلح للشباب العزوبي

طيب حصلت 3 ساعات كافيه يا جماعة !؟

ولو فرضنا اني فيزت من الرياض

بمعني آخر ... لو عندي الفيزا


ساعة ونص تكفي لتختيم الجوازات و استقبال العفش والذهاب الي البوابة!؟

صديقي alirabea شلون تروح تايلند معك شنط صغار
المشكلة احنا 4 شباب يعني انواع العزبة والاغراض ههههه

امم جالس افكر لو ساعتين وثلث..

اقدر افيز واخلي احد من الشباب يمسك سرا في الجوازات شرايكم يمدي!؟

المشكلة مو بس وقت الفيزا والجوازات .. المشكلة لا سمح الله اذا حصل تأخير من الطيارة نفسها وما طارت بوقتها .
نصيحتي لك خل ثلاث ساعات على الاقل بين الرحلتين . واخذ تذكرة مسترجعه .
ولاتنسى ان وصولك في الليل يعني اذا بتفيز من هناك أزحم من النهار .

رحلة موفقة .

يالصياد فديتك بقولك وضعي بالضبط وقول لي وش اسوي...

1- طيارتي من القطرية توصل بانكوك 18:55

2- طيارتي من اسيا اير تقلع 21:20


الخيارات الي قدامي.. اقدر اخذ الفيزا من السفارة اذا كان بيختصر وقت

اسيا اير مافي رحلة بعد 21:20

بانكوك اير عندهم رحلة الساعة 21:50

احنا 4 شباب يعني نقدر نقسم الطوابير بينا

وش رايك انت!؟

لو مكانك خذت الفيزا من السفارة .. ماهي بحمولة شر .
وريح بالك وماتقعد تحاتي الوقت وانت في الطيارة .
واول ماتوصل المطار يمديك تختم جوازك وتاخذ شنطك وتقعد بستاربكس بعدين تروح تسوي التشيك ان في اير اسيا.

خلاص يالصياد الي بسوية كالتالي...

باخذ الفيزا من السفارة
وبنزل بانكوك الساعه 19:00
بختم جوازتنا وبناخذ شناطنا بعدين بنروح نسوي شيك ان في اسيا اير
طيارة اسيا اير تطير الساعه 21:20

يعني من تنزل الطيارة لين اغلاق الشيك ان ساعة ونص

توافق!؟

على خير انشاءالله .. ورحلة موفقة

اجل بتوكل علي الله وهذا الي بيصير

اصلان تكاليف الفيزا من الرياض ارخص من اغير التذاكر

متشكر كثيراااااان عزيزي

عزيزي اذا فيزت من الرياض

3 ساعات ان شالله تعتبر كافيه