الموضوع: بسافر تايلند ومعاي بيبي

السلام عليكم ورحمة الله

مثل مو باين بالعنوان ان شاء الله اذا تيسرت الامور راح اسافر تايلند مع زوجي و ولدي ،،
ولدي صغير ما كمل سنه بس اشهر
محتاجه مساعدتكم
انا ناويه نروح بانكوك وبوكيت وشنغماي
شلون ارتب خط سير الرحله
المده عندي قصيره تقريباً 12 يوم
ابي اسماء فنادق تكون قريب من المواقع الحيويه يعني قريب من الاسواق وغيره
بس ما تكون في شارع العرب يعني بالمختصر ابي موقع عدل ونظافه وخدمات وشي مهم
الحمام تكرمون في شطاف ويكون سعره ما يتعدى 400 ريال

وين اروح في بوكيت وشنغماي مو حابه اكثر من التنقلات في الرحلات لان صعبه وانا معاي بيبي

شنو الافضل اروح جزيرة بي بي آيلند ولا جميس بوند ولا اكتفي ب بوكيت

اذا حجزت من موقع بوكنق
هل ينسحب مباشره المبلغ من الكريدت كارد
ولا لاء
يصير ادفع لهم كاش عند عمل الجيك اوت؟

مواضيع عشوائيه ممكن تكون تعجبك اخترناها لك:

• صباح الخير
• للخبراء والمشرف
• الرجاء افادتي عن تايلاند للعرسان
• طلب مساعده واستشاره
• مصايب بوكيت
• استفسار للاخوان واتمنى ما تقصرون وياي
• مساعدة لــ جدولة رحله عزابي مدة أيام
• تم الحجز لتايلاند في الفنادق التالية
• استفسار
• للخبراء بليز
• مساعدة في اختيار فنادق وبرنامج تايلند
• شحن السيارة
• استفسار ممكن طلب ياحبايبي
• تم الحجز ولله الحمد والباقي عليكم
• بسرعة شنغماي استفسار
• ؟؟؟؟ وايش تقولون
• المر جو المساعدة في فندق ببانكوك وبوكيت
• ماهو البنزين المعادل ل في سوريا
• تعالوا شوفوا جدول رحلتي إلى تايلند
• قطعت التذاكر على تايلند وماليزيا للسفر عوايل شوركم لو تكرمتوا

و عليكم السلام و رحمة الله و بركاته ""
بكل سهوله ممكن تسافرون تايلند او اى بلد بشرط اختيار البرامج السياحيه السهله التى تناسب ظروفكم العائليه .
الجدول يكون الاتي :
بانكوك .... ليله
بوكت .... 5 ليال
شنجماي ..... 4 ليال
بانكوك ..... ليلتان

الفنادق المختاره لكم :
بانكوك ...... ماجستيك - اماري بوليفارد - امباسيدور
بوكت ....... بان لاى ماي - هوليدي ان - الميلينوم
شنجماى ..... رويال برنسيس - d2 - سنتارا داونج تاون. .
الرحلات كثيرة و متنوعه اختارو الرحلات الى يناسبكم .
بالنسبة للسحب يعتمد على نوع الحجز ، اذا حاجز الفندق غير قابل للاسترداد فان سوف يسحب من البطاقة مباشرة اما اذا كان قابل للاسترداد ، فعند وصولك الفندق لك خياران اما ان تدفع المبلغ كاش او سحب المبلغ من البطاقة عند الشيك ان . العادة سياسة بعض الفنادق تدفع تامين عند الشيك ان و تسترجعها عند الشيك اوت .
تقبل تحياتي"""

بالنسبه للبيبي فيه بعض الفنادق الكبيره فيها حاضنات للاطفال بتسجيل رسمي ولاتنسى ورقه دخول البيبي عندهم بتاريخها والوقت وتسليمهم لجهه الحضانه
هذا اذا كنت ماتستغنون عن البيبي واذا سفرتكم مو طويله فالافضل يكون عند واحد من اهلكم مع الخادمه وهذا افضل عندي بكثير لان الجولات راح تتعبون فيها وشلون لو معاكم طفل تشيلونه معاكم بكل مكان ؟
سفره موفقه

مشكوورين
اخوي حسن الحمادي انت عطيتني فنادق في شارع العرب
انا ابغيها بعيده عن شارع العرب
وشنو البرامج اللي تقترحها وتكون مناسب للطفل ما تكون خطيره عليه

وممكن تعطوني رايكم في هذي الفنادق

فنادق شنغماي
.... royal princess
/ imperial mea ping*
/ chiang mai Plaza
ديوست دي تو

فنادق بانكوك
Bangkok swissotel le concorde
arnoma
**four wings*
** baiyoke sky
** amari watergate
**foir points by sheraton
**vie m gallery
**holiday inn bangkok

ابي تعطوني فنادق في بوكيت

مشكوووور اخوي
الله يعطيك العافيه


احد يشور علي بالبرامج شنو اختار في كل منطقه وتكون مناسبه للبيبي

وينكم يا جماعه
بلييز اللي جرب السفر مع بيبي عمر اشهر
يخبرني شلون كان يتصرف وين راحوا في كل منطقه

انا قلت لك اقتراحي ولا اشوف منك رد علشان اتناقش معاك بالموضوع

السلام عليكم

انا حبيت اكتب تجربتي مع ولدي و كان عمره 10 اشهر رحت كو ساموي و بوكت و بانكوك

ما اخرعك بس السفره كلها كانت بالمستشفى


اول ماوصلت كوساموي

كان الوضع عادي و سبحته بالبحر مره وحده والحمدالله وايد ستانسنا

عقب رحت بوكت و كنت قاعده في فندق ميلينيوم و اخذت القرفه الي على الحوض عشان اسهل مع الياهل

و دخلته الحوض و عقبها مرض حاشه بكتيريا في حلجه و بلاعيمه و جهازى التنفسي و صخن و حرارته و صلت 39.6

و ماكان ياكل ولا يشرب و وايد تعبت معاه

الغلط كان مني لاني ماكنت ادري ان مايصير ادخله الحوض الا في عمر 5 سنوات

لانه الاحواض غير معقمه و مافيها كلور

خذاله سبوعين مسخن و عقب الحمدالله صار زين
و بانكوك وايد ستانسنا و رحنا رحلات و مجمعات والحمدالله

والحين انشاءالله انا بسافر شهر 10 بوكت و بانكوك شهر انشاءالله و ولدي عمره سنتين و باخذه معاي بس بكون حريصه زياده

اول ما احس انه تعبان الله لايقول سيده اوديه بوكت هوسبيتل الي بفلوس و ما اوديه باتونج هوسبيتل لانه قالولي مافيه شي و زاد عليه المرض
البارد و الثلج ممنوع
الاكل من الشارع ممنوع
الخضار ممنوعه
الاحواض ممنوعه
المطاعم الرخيصه ممنوعه
رحلات الي فيها تعب على الياهل ممنوعه

و باخذه حق الطبيب يفحصه قبل السفر و يعطيني ادويه و يعلمني اشلون اتعامل معاه اذا صار شيء لاسمح الله

و بالطياره

حجزتله كرسي و باخذ اكله معاي لانه اكل الطياره الله يعلم فيه و خذيتله حزام الي ينربط فيه و ينربط في ايدي و عربانه

والله ايسهل انشاءالله

انشاء الله اكون افدتك

اي سؤال تبينه انا حاضره

مشكورين ويعطيكم العافيه
اخوي يوسف ما بقدر اخلي الياهل بعيد عني
لان جربن السفر مدة خمس ايام وما قدرت اتحمل تعرف قلب الام شلون على ولدها
ولما رديت من السفر ما كان يبيني زعلان تعبت وياه على ما تقبلني
وابوه موب راضي نروح بدونه

اختي فلفوز ما ادري اذا الاسم صح جذي ولا لاء
مشكوره ما تقصرين
انا مفكره اخذ ادويه معاي احتياط بس مو ب عارفه شنو اخذ بالضبط
والاكل هذا عارفته انا هني ما اعطيه اكل مطاعم وهالسوالف كل الاكل انل اسويه بايدي
بس ابي اعرف شنو الرحلات المناسبه وما تكون خطيره
يعني اقدر اروح وين بالضبط
انصحيني شنو اخذ معاي
ومشكوره

المشاركة الأصلية كتبت بواسطة ^هدى^
http://www.arabtravelersforum.com/tr...8/#post6120278

مشكورين ويعطيكم العافيه
اخوي يوسف ما بقدر اخلي الياهل بعيد عني
لان جربن السفر مدة خمس ايام وما قدرت اتحمل تعرف قلب الام شلون على ولدها
ولما رديت من السفر ما كان يبيني زعلان تعبت وياه على ما تقبلني
وابوه موب راضي نروح بدونه

اختي فلفوز ما ادري اذا الاسم صح جذي ولا لاء
مشكوره ما تقصرين
انا مفكره اخذ ادويه معاي احتياط بس مو ب عارفه شنو اخذ بالضبط
والاكل هذا عارفته انا هني ما اعطيه اكل مطاعم وهالسوالف كل الاكل انل اسويه بايدي
بس ابي اعرف شنو الرحلات المناسبه وما تكون خطيره
يعني اقدر اروح وين بالضبط
انصحيني شنو اخذ معاي
ومشكوره



أنا نفسي فلفولز بس مادي شفي موراضي يدخلني على العموم الحمد الله أنا هذه شغال ًًاختي ما انصحج تأخذينه رحلات لانه راح يتعب من الحر روحي فيه بوكت زو و متى ماتعب طلعي روحي سوق روحي على البحر روحي بوكت اكواريوم روحي اماكن مريحه حق الياهل و لاتخلينه مكان بروحه كله خليه جدام عينج وانشاءالله. تستانسون اي ستفسار أنا حاضره

لا لاتاخذينه لانه إحنا لكبار نتعب فما بالج الياهل .. و الادويه أخذي معاج خافض حراره أدول و تحاميل خافض حراره و أخذي ادويه حق الطياره حق الضغط حق أذنه هالاشياء الطبيب يكتبها لج و أخذي دوه ان لا سمح الله صار ترجيع بالطياره او إسهال و أخذي الشراب الي يعوض السواءل اذا صار اسهال و أخذي الجهاز الي يقيس للحراره من الأذن و أخذي شفاط الخشم واذا صار حراره عاليه الله لايقول لاتنطرين سيده وديه الطبيب الي بفلوس الكبير بوكت هوسبيتال و لاتروحين باتونج هوسبيتال . والاكل اول شيء أخذي سخان الماي معاج و لاتاخذين من الفندق لأني تاذيت و الاكل اخذي فاكه من البوفيه و انتي قشريها و قطعيها بايدك أنظف و اخذي جبن من للجمعيه و توست من هناك واخذي معاج جيس صغير عدس و بهارات من ديرتج و اول ماتوصلين اشتري جدر عيش على الكهربا واشتر عيش و طبخيله مرق عيش شوربه و مايطول يوم سويله عيش طماط يوم عيش عدس يوم مرق عدس او شوربه يأكلها مع توست و يوم معكرونا و اخذيله روب من الجمعيه وايد في اشياء كل يوم شربيه عصير برتقال من الفندق ولا رقي مفيد و حلو و حليب دافي حق صده يدفيه ولاتوكلينه شي بارد ولا تشربينه حطي معاج ماي على طول شربيه حتى اذا بتروحين مطعم اخذي اكله معاج عيش مرق روب توست معكرونه خضار مسلوقه الي تبينه. و اي استفسار أنا حاضره *

انا سافرت مرتين مع العائلة وكل مرة كان معانا طفل عمره تقريبا 10 اشهر
وافضل ما في السفر ان نفرح بوجود ابنائنا ونحن نستمتع بفعاليات الانشطة السياحية
فلو كان الطفل ( في ديرة ) وانتي بديرة ( فسيكون طعم الرحلة اقل استمتاعا وسيكون لبعده عنكم سببا في تضخيمكم لاحداث ربما تكون غير معقولة وسيكون الربط بين عدم وجود الطفل وعدم السعادة وتأنيب الضمير ( حاضرا متخفيا )
واخيرا ... اتقوا الله في اطفالكم

مرحبـــــــا ,

اختي هدى ,


بالنسبة لطفلك 10 شهور الله يحفظه لكم , ما انصحك تأخذينة ابدا ابدا , لأنه تايلند متعبة للأطفال الي اقل 3-4 سنـــــــــــوات ,

لا تنسين انك بتروحين الرحلات السياحية من يوم ليوم للجزر , نحن نكبار ونتعب وتجينا لوعة عشان البحر , عاد كيف الصغار مايتحملون ابدااااااااااااااا ابداااااااااااااااا , من غير التمشيات ,,

لأنه تايلند معروفة بالرحلات السياحية والتمشيـــــــــــــات و الوناسة والفلة ,



الحل الثاني ,

انك تأخذين طفلك , وتكون سفرتكم للأستجمام و الراحة بدون ما تحجزون الرحلات السياحية للجزر وتقللون من التمشيات ,


بأمانة تايلند حلاتهاااااااااااااااا برامج الرحلات السياحية ,,,

اشلون عن جو بكت هل يقدر يتحمله الطفل ؟

المشاركة الأصلية كتبت بواسطة حسن الحمادي1
http://www.arabtravelersforum.com/tr...0/#post6103800

و عليكم السلام و رحمة الله و بركاته ""
بكل سهوله ممكن تسافرون تايلند او اى بلد بشرط اختيار البرامج السياحيه السهله التى تناسب ظروفكم العائليه .
الجدول يكون الاتي :
بانكوك .... ليله
بوكت .... 5 ليال
شنجماي ..... 4 ليال
بانكوك ..... ليلتان

الفنادق المختاره لكم :
بانكوك ...... ماجستيك - اماري بوليفارد - امباسيدور
بوكت ....... بان لاى ماي - هوليدي ان - الميلينوم
شنجماى ..... رويال برنسيس - d2 - سنتارا داونج تاون. .
الرحلات كثيرة و متنوعه اختارو الرحلات الى يناسبكم .
بالنسبة للسحب يعتمد على نوع الحجز ، اذا حاجز الفندق غير قابل للاسترداد فان سوف يسحب من البطاقة مباشرة اما اذا كان قابل للاسترداد ، فعند وصولك الفندق لك خياران اما ان تدفع المبلغ كاش او سحب المبلغ من البطاقة عند الشيك ان . العادة سياسة بعض الفنادق تدفع تامين عند الشيك ان و تسترجعها عند الشيك اوت .
تقبل تحياتي"""



انا شفت لك تقرير معاك طفلك خبرنا كيف السفر مع الطفل ؟ وخاصة بانك ذهبت الى الجزر السياحي امثال جيمس بوند

مشكووورين واايد
اختي فلفولز مشكوره ماقصرتين الله يعطيج العافيه

ويا ريت الاخ حسن الحمادي يعطينا تفاصيل اكثر عن رحلته و شلون تصرفوا مه الياهل لان انا بعد
قريت التقرير بس طماعه بعد ابي تفاصيل
يعني اثناء الرحله وخصوصاً اذا كانت في بحر او ادغال مو خطيره على البيبي
او حتى اذا احتاج تغيير الحفاظ وانتوا بكرامه شلون؟؟

اسئله وايد تدور في بالي
اممم اذا حجزت الفندق بس ما كان في الحجز متوفر وجبة الافطار شلون تكون الاسعار عندهم في مطعم الفندق غاليه ولا اوكي؟

صراحه ما انصح باخذ الطفل بالمرة الى بانكوك ..
صراحة حتى الاطفال .. حرام رؤية الوساخه الموجوده في بانكوك ..

برايي كلش كلش كلش كلش ما ينفع الطفل صراحه مايسوى التعب عليكم
مو زينه للطفل ابد ...

يكفي الروايح مالت الاكل التايلندي .. استغفر الله .. ابد مو شي

المشاركة الأصلية كتبت بواسطة فلفل حار
http://www.arabtravelersforum.com/tr...6/#post6130446

كلامك معقول ومنطقي ادفكتوز
وخوفتي لكن بالنسبه لي ماذا اعمل لايوجد لدي احد يتحمل بالطفل



يا عزيزي اذا صعب انو تترك الطفل عند اي من اقاربك فالافضل ان تسافر معه ولكن تجنب النشاطات التي تكون متعبة ومرهقة ، يعني حاول ان تعمل جدول لا يكون فيه نشاطات طويلة في الشمس والحر وتوكل على الله وان شاء الله بتنبسطوا وبتتسلوا.
محبتي

المشاركة الأصلية كتبت بواسطة advocatez
http://www.arabtravelersforum.com/tr...8/#post6130998

يا عزيزي اذا صعب انو تترك الطفل عند اي من اقاربك فالافضل ان تسافر معه ولكن تجنب النشاطات التي تكون متعبة ومرهقة ، يعني حاول ان تعمل جدول لا يكون فيه نشاطات طويلة في الشمس والحر وتوكل على الله وان شاء الله بتنبسطوا وبتتسلوا.
محبتي



هذا اللي اقصده
احد يتكرم ويعطينا برنامج مريح لسفر مع البيبي

وسالت بس محد عطاني جواب
لو غيرت الوجه الى ماليزيا تتوقعون افضل؟

المشاركة الأصلية كتبت بواسطة ^هدى^
http://www.arabtravelersforum.com/tr...4/#post6126544

مشكووورين واايد
اختي فلفولز مشكوره ماقصرتين الله يعطيج العافيه

ويا ريت الاخ حسن الحمادي يعطينا تفاصيل اكثر عن رحلته و شلون تصرفوا مه الياهل لان انا بعد
قريت التقرير بس طماعه بعد ابي تفاصيل
يعني اثناء الرحله وخصوصاً اذا كانت في بحر او ادغال مو خطيره على البيبي
او حتى اذا احتاج تغيير الحفاظ وانتوا بكرامه شلون؟؟

اسئله وايد تدور في بالي
اممم اذا حجزت الفندق بس ما كان في الحجز متوفر وجبة الافطار شلون تكون الاسعار عندهم في مطعم الفندق غاليه ولا اوكي؟



اهلا و سهلا فيكم """"""
بصراحة موضوع مرافقة الطفل معاكم في السفر ترى ما هي صعبه اذا قارنت بمدى ارتياحك عند ما يكون الطفل يرافقك و ابتسامة واحدة منه تنسيك كل التعب و المشقى . بصراحة انا استمتع بوجود الاطفال معاى ، فقط يحتاج منك الصبر و الحلم و التضحية و الحب . هذا رايي
تصور اخذنا الطفل علاوي الى جزيرة phi phi و في ذلك اليوم كان البحر عالى الموج و رياح تعبنا بصراحة لان علاوي في حضني و ماخذ نومه عميقة و ما صحي الا و احنا بالجزيرة ،
على العموم يفضل عند ما يكون الاطفال معاكم في السفر اتباع ما يلي :
- التعاون بينك و بين الزوجة لرعاية الطفل .
- الصبر و التضحية و طول البال .
- كل هذا في سبل ارتياحكم النفسي لان ابنكم في احضانكم .
- اختيار الرحلات التي تناسب ظروفكم الاسرية
- لا تنسي ضحكة و ابتسامة الطفل تنسيك المشقة ( سبحان الله ) .

اتمنى اني قدرت افيدك و ربنا يسهل علينا
تقبل تحياتي """"

__________________

البحث عن مواضيع لنفس العضو

مشكور اخوي حسن
بس انا ابي اعرف شنو البرامج اللي اخذتوها
انا ولدي حركيييي وشيطون ما يحب احد يقيده وشغله ثانيه واايد يحتاج لتغيير الحفاظ
شلون بقدر اسوي هالشي وانا في وسط بحر ولا ادغال
وبما انك جربت السفر ومعاكم طفل

اذا ما عليك امر ممكن تسوي لي برنامج كل منطقه وين اروح

بصراحة يمكن تابعتو تقريري اخذنا كل الجولات السياحية ببوكت و كان الطفل علاوي معانا صحيح تعبنا اشوية لان يحتاج الى رعاية و عناية ، بس الحمد لله مرت على خير .
من رايي تاخذون البرامج التالية :
بوكت سفاري
جوله حول الجزيرة
بوكت فانتسي ، عارف فية اصوات عالية احيانا .
و اذا البحر هادئ ممكن جزيرة بي بي .
على العموم الامور ليس صعبه اذا لديكم طول البال و التعاون بينكم موجود . اقصد كزوج و زوجة
سوف ترون العوائل الاجنبية ايضا معاهم اطفال و ماخذين راحتهم في اسفارهم .
تحياتي لكم """"
*

انا قبل يومين رجعت من تايلند
وكنت برحله بحريه حق جيمس بوند
وكان معانا بالتور عايله معاهم صغير عمره ماكمل السنه
طبعا عايله خليجيه
والله ان تمنين ان اخذت ولدي معاي لان تركته ورحت عنه لمده سبوعين

اختي لا تحاتين ولا وتفكرين وايد لانه اسهل شي تغير الطفل تقدرين تغيرينله بالعربانه ولا بالحمام على الطاوله الي يم المغسله تفرشين تحته الفراش مال الغيار وتغيرينله بكل سهوله و تقدرين واهوا بحظن ابوه ولا اي مكان هذه اسهل شي و اذا انتي قريبه من الفندق تقدرين تاخذين تكتك بسرعه تروحين الفندق تغيرينله وتردين تكملين الطلعه والشعب التايلندي مساعد أنا كنت لما أواجه صعوبه ولا يبكي أيون الي يمي يساعدوني في يشيلونه يلعبونه لاتحاتين لانه هذا اسهل شيئ . و بالرحل تقدرين يوم تروحين تور بالسياره و تروحين الفيو بوينت و تقدرين يوم تروحين الاكواريوم و حديقة الحيوان و يوم فانتسي و يوم اتمشين في باتونج و يوم تروحون تقعدون على البحر و يوم مجمع سنترال و يوم حديقة الفراش و مصنع اللؤلؤ و مصنع العسل و مصنع الذهب بس ما انصحج اتطلعينه تور بالبحر لانه مثل ماقلتلك إحنا كبار نتعب شلون الياهل
و توكلي على الله و انشاءالله بتستانسون

مشكوريييين وايد وايد
والله يعطيكم الف عافيه يارب