الموضوع: منو جرب الخطوط الجوية الكويتية الى بانكوك

علما بآن اغلب المسافرين ما يحبون الترانزيت

هل في احد جربها

يعطينا رايه اذا ما عليه امر

مواضيع عشوائيه ممكن تكون تعجبك اخترناها لك:

• مساعدتكم الله يجزاكم الجنة
• استفسار عن موقع فندق في بوكيت
• استفسار عن الرحلات الى لبنان
• مشورتكم ياهل الخير
• نداء نداء نداء لخبراء الشام
• سوق الخماخيم بحلب
• رحلة الى الشام
• قصة حي الشعلان بدمشق
• استفسارات عن تايلند
• العوائل اللي توهم جايين من سوريا
• متعه التسوق في بانكوك ولكن اين الافضل؟؟
• سؤاليين ؟؟
• فكره اخونا العصيمي
• الخليجين هربوا اليوم من بانكوك ولا ايش
• استفسار أفضل أوقات الصيف في سوريا
• استفسار بسيط لاهنتم
• انا الأن في مشتي الحلو اي استفسار انا حاضر
• استفسار عن مدينه حماه؟
• رايكم ف الجدول السياحي بوكيت وشيانغ ماي و بانكوك
• الرجــاء الدعاء لاخـــتي

السلام عليكم

اخوي مقيوله بالأمثال روح بعيد وتعال سالم

الكويتيه سعرها مرتفع رغم انحدار مستواها للأسف

وأكبر عيب فيها برأيي هو عدم الإلتزام بالمواعيد

بالإقلاع وغالبا الحجج أعطال فنيه

وهي بفضل الله لا أعطال ولا شيء لدرجه تفوق

الشركات الأخرى

بس يكون هذا العذر دوما والحقيقه هي تأخر الطاقم

بالوصول أو التأخير بسبب تأخر راكب مهم

أو من ركاب الترانزيت


عليك بالإماراتيه أو القطريه أو التـايلـنـديـــه

والرأي لك


تحياتي لك وبالتوفيق


شفاف

انا جربت الاتحاد وجربت الكويتية

_ الكويتية :

احتمال 90% الطيارة تتأخر
شاشة الراكب سخيفة ومافيها شي تقدر تشوفه وغالبا تكون خربانه


_ الاتحاد:

كراسي مريحة وبالموعد المحدد
شاشة الراكب كبيرة وفيها تقنيات عالية وتحديث مستمر أفضل من القطرية والاماراتية بالتحديث
بلاك كهرباء تقدر تشحن فيه الايفون او الايباد لكل راكب يساعدك في تمضية الوقت في اللعب

جربت كل خطوط الطيران التي تذهب الي تايلند
بالنسبه لي احسنها الكويتيه
** والتأخير والاعطال ومزاجيه طاقم الطياره رأيته في معظم الطيران
وممكن تحدث باحسن الخطوط
ولكن أحسن سبب لأختياري الكويتيه هو ((عدم تقديم المشروبات الكحوليه)في الطائره
وهذا سبب يجعلني ارجع واطير علي الكويتيه
لان علي الخطوط الاخري بلا استثناء واجهت ازعاج والناس ماتنام الا بعد مايصدعون راسك
من اول ماتطير الطيار وهم يشربون ويتكلمون بصوت عالي وضحك بدون سبب(بسبب المشروب)

بينت لك الاسباب
ولك الاختيار
في تاس تحب ترانزيت (بعضهم لسبب معروف... شراء حاجات ممنوعه في مطار الكويت ويجدها بمطارات أخري)
والبعض يحب ترانزيت للراحه والمشي (لايحب الجلوس طويلا )
البعض يبحث عن السعر
لكل واحد ذوقه ومزاجه

أرجو ان تقبلوا رأيي

ميزتها الوحيده فقط انها ديراكت
ولا الباقي سيئه
انا دائما اروح على القطرية ممتازة

فعلا ميزتها الوحيدة

انها دايركت فقط .. انا من الكويت ولي اكثر من 7 سنين والله ماسافرت عليها

اخوي انصحك بالاماراتية ولو كان شوي مرتفع سعرها بس تستاهل ....

يعطيكم العافية على الردود الطيبة

يعطيكم العافية على الردود الطيبة و ما قصرتو

في احد من قرايبي سافر عليها يقول تتآخر ثلث ساعه عن الموعد و الطعام ممتاز و الكراسي مريحة لكن لا يوجد توفيه ولا يوجد فيها مشروبات كحولية

و انا جربت الكويتية للندن مافيها شي صح ان الطيارة قديمة لكن احسن من غيرها

و سعرها رخيص و جميع ركاب الطائرة تقريبا من الجنسية الفلبينية

لآن الكويتية رحلتها هي بانكوك \ مانيلا

وجهتا الرئيسية مانيلا و مو غريب تكون اسعار بانكوك رخيصة نوعا ما

و مشكورين على ردودكم

الطيران الكويتي يعتبر من افشل الطيران لانه اسطوله قديم حيل
دائما عندما تأخير مافي ترفيه بالطائرة اغلب الاوقات الشاشة عطلانه
واسعارها غاليه جدا وميزتها الوحيده انها دايركت


اخوك عبدالله الكويتي*

كل يدلو بدلوه والرأي حريه مادامت لا تؤذي أحد

أساس البليه ان البلد المقصود به كل انواع المحرمات

ومع هذا بفضل الله به مساجد

ولانعلم من يدخلها هل يدخلها ركاب الترانزيت

أم من يتجهون لها دايركت

لكن كشركه ناقله مثل الخطوط الجويه الكويتيه

فاشله بإدارتها السيئه بالأرض وبالجو

وان كان من ادارييها أو فنييها أو مضيفها معنا

بالمنتدى ولم يعجبه كلامي

فأقول له هذا رأيي الشخصي وقناعتي بفشل الشركه الذريع



تحياتي للجميع بدون استثناء



شفاف

الكويتيه الأفضل في السفر الي تايلند
من واقع تجربتي لكل الخظوظ التي تذهب هناك , حتي التايلنديه قبل ايقافها
احسن خدمه شفتها
احسن اكل
مافي خمور
وأهم سبب في الرجعه من بانكوك .. فجميع الخطوط الاخري بهذلونا بالوزن في كل مره ويدفعونا بلاوي , ماعدا الكويتيه
بالنسبه للترفيه والشاشه .. ماهمتني لانه ماراح اشتريها ..فقط راكبه فيها
ونحن في زمن الآي فون والآي باد والغالاكسي .. والآلاف من وسائل الترفيه صغيره وخفيفه الحمل
منو محتاج شاشه الطياره أو ماتعرضه
والناس أذواق وكل شخص حر
والله يهني كل واحد باللي يحب
تقبلو مروري

السلام عليكم
الخطوط الجويه الكويتيه سيئه جدا جدا وغاليه الميزه الوحيده انها دايركت بس
وطياره قديم ولازم فيها تأخير وطيران على البركه
ولا فيها هتمام تاخير حتى عندما تستلم الجناط
مره تلقاهم ومره تنطرهم ساعه
نصيحه لك فيه خطوط وايد غير الكويتيه
واذا ماحصلت روح بسياره او باخره احسن لك من الكويتيه

انا جربتها لتايلاند

و ناوي اروح عليها لآن معاي عايلة

و مانبي نشوف خمور و اكيد راح يزيد الوزن

و الاكل ممتاز و الدايركت ممتاز

هذي هي الميزتين

المفروض يطورونها من الداخل الترفيه بشكل بسيط و تفتح وجهات جديدة الى سيدني و سنغافورة و مدريد و فيينا

يكفي دايركت

انا حاجز عليها في عطلة عيد الاضحى ان شالله