+ الرد على الموضوع
النتائج 1 إلى 22 من 22

الموضوع: بانكوك و بوكيت فنـادق جربتها اسعار الرحلات سعر الصرف اليوم المواصلات

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    بانكوك و بوكيت فنـادق جربتها اسعار الرحلات سعر الصرف اليوم المواصلات


    بسم الله الرحمن الرحيم


    السلام عليكم ورحمه الله وبركاته ,,


    اخواني حبيت انصحكم في فــندق واحذركم من فنــــدق ...


    بانكوك ...

    انصحـكم بفندق The Ecotel bangkok

    صراحة الفندق روعه 5 ستار .. وسعره بالفندق 1500 بات بس مواقع الانترنت بوكينغ 950 بات
    ومكانه قريب من الاسواق 500 متر فرق بين الباتونام + الاندرا مول + بايوك ماركت

    و500 متر اخرى تبعد عن 500 متر الى ( بلاتنيـوم فاشيون مول + بانتيب بلازا ( الكمبيوتر ) )
    و500 متر اخرى .. توصل الى سنترال وورلـــــــد ..
    و500 متر اخرى .. توصل الى سيام بارك + ام بي كي + سيام براجون + سيام سكوير


    والفرق بينها وبين منطقة العرب 50 بات بالتاكسي ( لازم تتقاصصون معاه )
    وطبعا الفندق قريب من اير بورت لينك ....


    الفندق نظيف وامان وراقي .. وطبعا ممنوع احد يدخل ضيوف ( يسوى للعوائل )
    بعيد عن الامور الحرام ... توجد مطاعم فارسية بكثرة بالمنطقة ...
    وصراحة في مطعم هندي وايد كشخه وحلو اكله .. في منطقة الباتونام
    اسمـــه السناء اعتقد .. باتاكد منه وقت ارجع بانكوك مرة ثانية ...

    صراحة المنطقة محترمة افضل من منطقة العرب ... برايي واللي شفته

    انصحكم والله رخيص وقوي ... مقابل فندق رامادا

    بوكيــــــــــت .....

    ابتعد عن فــندق club bamboo
    للاسف الفندق ولا يسوى ... مع انه نظيف بس حشرات + بعيد جدا جدا جدا
    السيارات ما تمشي الا ثلاث مرات باليـــوم ...
    صراحة ما انصـــح فيه كلش كلش كلش كلش كلش كلش

    -----------------------------------------------------------

    ملاحظة : بوكيــــت بروحـــك ما تسوى صراحة .. الافضل السفر مع شخص
    لانه بطبيعتها .. جزيرة وناســـــة وتحتاج فيها ونيس من قلب


    علما سعر الصرف حاليا : 2995 ولكن عليك البحث عن هالسعر
    لا تنخدعون تره اقل سعر يجب ان تحصل عليه 2970

    وهاي سعر الصرف هاليومين في بوكيــــــــت


    بالنسبة في بانكوك ... اصرف في مجمع ام بي كي ... سعر الصرف اقل شي 2980 ل 100 دولار طبعا



    اسعار الرحلات :

    البي بي اي لانـــد ( 1000 بات ) القارب السريع .. طبعا بقولون لكم 1400 بات . واكثر
    بس قولهم 1000 بات اوكي

    البي بي اي لانــد ( 700 بات ) القارب الكبير .. طبعا بقولون لكم 1000 بات اول شي بس نزلوا السعر

    ----------------------------

    جمس بوند ( 1200بات ) القارب السريع .. طبعا بقولون لكم اكثر

    جمس بونـد ( 800 بات ) القارب الكبيــر .. طبعا بقولون لكم اكثر ..

    ولكن حاول تحجز كل حجوزاتك .. عن مرة وحده ومن مكتب واحد .. وصراحة انا شفت شيبة
    وايد زين ورخيص .. بس وين ادليكم .. بكرة بادلي مكانه واخبركم ان شاء الله
    او باخذ لكم رقمــــه


    ----------------------------------

    يرجى الحذر من التعامل مع اي شركة في المطار ... الحذر الحذر الحذر ....
    حتى الصرف لا تصرفون ...

    ولكن انصحكم بحاجة .. استخدام الميني باص .. من المكاتب ب 150 بات الى الفندق يوصلونك بالضبط

    وهذه بعض التفاصيل المهمة
    اللي شفتها خلال رحلتي الى بوكيت ... وبعد عودتي الى بانكوك اخبركم عن الرحلات ان شاء الله

    -------------------------------------------

    الاكل

    هناك الكثير من المطاعم العربية والهندية والباكستانية والمصرية الحلال
    في بوكيت ...

    في مطعم القاهرة ( بس ماوصلت له شفت اعلاناته )
    في مطعم الشرق الاوسط ( بس وايد غالي ومبالغ فيه )
    في مطعم علاء الدين ( زينه اسعاره )
    في مطعم يمه هندي ( 220 بات للبرياني الدجاج ) واللحم اغلى 260 بات
    والشاورما ب ( 100 بات لشاورما الدجاج ) و ( 120 بات للشاورما لحم )

    ------------------------------------------------------

    للوصول من بوكيت الى المطار ..
    صراحة سعر التاكسي 600 بات .. مبالغ فيه

    وهناك بعض المكاتب ب 170 بات .. الى المطار .. بس ( ميني باص )
    فقط تعطيهم الوقت ويمرك الميني باص ووصلك الى الفندق

    -------------------------------------------------------

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    الف شكر بو يساف على هذة المعلومات القيمة و نرجو المزيد .
    بارك الله فيك ""
    تحياتي لكم

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    حاضرين يالغالي ... وهاي واجبنا ..

    هاي حالنا قبل السفر .. كنا وايد نحتاج للمعلومات ... وذلك للترتيب
    وقلت اضعها كلها في موضوع |.. تلبي رغبات واستفسارات الكثير ..

    طبعا يعذروني اللي يروحون بتايا لانه مالي نية الذهاب الى هناك ..
    وان شاء الله قريبا نبذه عن اسواق بانكوك ...

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    يعطيك العافية اخوي ،،

    كفيت ووفيت ،،

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    الله يجزاك خير بو يساف ويجعلها في موازين حسناتك ..


    بغيت اسألك عن الميني باص اللي يوصل من المطارات للفنادق وين القاها بالضبط اي المكاتب اللي تقصدها ؟؟

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    اختي اول ماتنزلين المطار .. تاخذين الشنط .. تطلعين من مكان الشنط ..

    بتشوفين المكاتب جدامج .. صراحة اول ما شفته .. قلت مافي فايدة ..

    رحت حق وحده وسئلتها بجم ... الا يقولون لي 150 بات .. صراحة يوم خذيت

    وصلوني لي باب الفندق .. طبعا الحذر من التعامل مع المكتب في حجز رحلات اخرى
    حتى المكتب اللي فيه اراء اشخاص عرب عن الرحلات .. لا تتعاملون معهم
    بس الميني باص ..

    اول ماتوصلون بالسلامة الى بوكيت ( الباتونغ بيتش ) .. اخذو لكم ( لفـة ) على المكاتب الصغيرة
    بتحصلون اسعار ارخص بوايد من الرحلات الموجوده في المطار ..

    يعني اللي 2100 بتحصلونه 1200 بالمكاتب في الباتونغ بيتش
    يعني اللي ب 1800 بتحصلونه 800 بات بالمكاتب في الباتونغ بيتش
    ابتعدوا عنهم .. واقصد فيها رحلات البي بي ايلاند .. او جمس بوند

    الميني باص
    صراحه انصح فيه بقوة .. بالضبط الى باب الفندق يوصلونكم
    ب 150 بات ...

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    مشكــــــــــور على المعلومات ,

    جزاك الله خير

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    حاضرين لج اختي ...

    واشكر لج مرورج

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    اخوي بويساف يعني اول مااوصل مطار بوكت اذهب الى مكتب معين واقول لك اريد ميني باص يوصلني الى فندق الفلاني ؟
    وماهو اسم المكتب هذا الى يوصلني للفندق بسعر 150 بات ؟

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    اخوي كل المكاتب .. بتشوف بعد يمكن ناس حاطه ورقة فيها الاسعار
    كلهم .. وصراحة وايد رخيص وقوي ..

    وانا قلت يمكن بوصلني المنطقة .. وبعدين ادبر عمري ... وهاي اللي في بالي
    قلت بوصل المنطقة .. وبعدين باخذ تاكسي للفندق ...

    بس عقب ما طلعنا .. شوي وقفنا عند المكتب الرئيسي .. يكلمونك عن الرحلات
    بس قولهم انك حاجز من قبل .. خلاص ما بكلمونك .. وبيسىلونك عن الفندق
    بكتبونه في ورقه وتعطي السايق .. وهو يوصلك الى باب الفندق ..

    اي مكتب بالمطار يالغالي .. قولهم ابي الميني باص

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    حتى وقت الدهاب الى المطار من بوكيت ...

    تم اخذ ميني باص .. من الفندق الى المطار ب 170 بات
    ومده الوصول الى المطار كانت ساعه وربع .. طبعا لانه يمر على عدد من المسافرين بعد

    صراحة رخيص وايد ومناسب ... لانه اسعار التاكسي كلها ب 600 بات
    والمسافة بين المطار والفنادق ساعه الا ربـــع تقريبا

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    ماقصرت اخوي جزاك الله خير

    بسألك عن بطاقة البلاك بيري شلون اطلعها واذا تعرف تكلفتها ..

    واذا عندك اقتراحات اكثر للفنادق ولا عليك امر

    نبي فندق نظيف وفيه بوفيه افطار



    وسلامتك

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    كاس عسل


    بالنسبة عن خدمة البلاك بيري ... الشركة dtac
    السعر 77 بات بس لمدة اسبوع .. والحمدالله زينة ومافيها مشاكل ولله الحمد .. والله يدومها هلون
    وتطلعينها .. من 7/11 او .. من المجمعات ..

    وتره بطلعون لج اغلى شي .. بس اخذي هالشركة وايد زينة صراحة
    وانا شريتها بس للبلاك بيري ... من دون اتصالات بس اذا تشحنينها عادي تتصلين
    لون الكارتون ( بالاسود واحمر )


    بالنسبة عن الفنادق .. ما اقدر اخدمج الا بالفنادق اللي سكنتها ...
    وصراحة الفندق the ecotel bangkok روعه من كل شي صراحة
    فيه افطار .. بس ماجربته صراحة .. لانه كانت خدمتي من دون افطار ...

    بس اذا في بالج فندق ... خبريني وباحاول اعرف عنه
    سمعت انه اماري + بايوك هوتيل .. وايد زينيين صراحة .. بس السعر والخدمه داخل ماعندي علم عنها

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    معلومات قيمه ومفيده

    بصراحه وتهم السائح

    ومشكور على طرحك لها

    بالنسبه
    لرحلة سفاري بانكوك
    بكم تقريبا اذا عندك خبر رد لي

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    اخوي بو يساف من كثر ما تمدح فندق بانكوك the ecotel بصراحة ناوية اسكن فيه و صورة من البوكينج روعـــــــــــــــــــــة ,

    لأنه سعر رخيص , وقريب من الاسواق مع اني ما احب الشوبينــــــــــج كثير ,

    بس اعتقد هالمنطقة بعد الساعة 10 بالليل نكون هــــــــادية صح !!!!

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    تره اختي ما يفرق الفندق عن الصور ..
    اصلا انا انصدمت من مستواه بصراحة .. بالذات انه بهالسعر !!
    استغربت انه الفندق يديد ونظيف ومستواه راقي بصراحة

    لا في حركة محلات المساج .. وبعض المطاعم الايرانية ..
    بس مثل ما قلتي من بعد الساعه 10 هادئة
    ولكن سوق الباتونام لا يهدى الا على الساعه 12 ونص
    وهو بالقرب من الفندق .. من بعد 500 متر

    اختي الفندق لا يخدم الحركة او الاشياء الموجوده في منطقة العرب
    فهنا مثل ما خبرتج بعيد عن اللوية ( ينفع للتسوق اكثر من الوناسـة )

    يعني اذا كنتي تحبين اتشوفين حركة من بعد الليل .. لا ما ينفع الفندق اختي
    لانه مثل ما ذكرت بعيد عن الحركة واللوية
    ينفع للسوق والتسوق اكثر بصراحة

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    ماقصرت علي هالمعلومات


    بغيت أسأل عن فندق ماليسا في بوكت
    من حيث موقعه

    وشنو الفنادق الحلوه والنظيفه والهادئه واللي توفر اجواء رومانسيه في بوكت


    ولك الف شكر

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    معلووومااات مهمه شكرا لك يالغالي

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    شكرا على المعلومات القيمة

    ما رأيك بفندق الهوليدي ان

    و كيف الزحمة عندو


    بخصوص الرحلات ما هي افضل 4 رجحلات ممكن الواحد يعملها
    و هل نحجز مع مكتب واحد

    الميني باص يوخذ 150 بات اكيد حق شخص واحد يعني انا و زوجتي يوخذ 300 بات

    و اذا تكسي كم يوخذ فلو س و الوقت كم يكون


    مشكورين

    و جزاك الله خيرا

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    هلا أخوي بو يساف ما عليك أمر تعرف ايميل أو رقم تليفون مكتب بوم للسياحه في بوكيت أو عندك تليفون أو ايميل أي مكتب سباحه تكون أسعاره و خدماته مناسبة

    و لك من الشكر و التقدير

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    السموحه على التاخير بالرد ..۔


    اخوي انا ما تعاملت مع بوم للسياحه انا تعاملت مع احد المكاتب
    وعندي رقمها ..۔ وكانت الاسعار جدا رخيصـــــــة مقارنة ببقية المكاتب اللي سئلت عنها


    وكانت رحلة البي بي اي لاند مع جمس بوند ب 1550 بات

    اخوي انصحك عدم الذهاب بالبي بي ايلاند بالقارب الكبير ..۔ اخذ القارب السريع افضل بكثير
    وجمس بوند لا مانع بالكبير ..۔ فالرحلة فيها حركة اكثر من البي بي ايلاند واجرب

    وهاي رقم احد المكاتب

    0887656586
    ---------------------------------------------------------
    م_عادل

    اخوي بالنسبة عن فندق الهوليدي ان ما سكنته .۔ بس سمعت انه حلو وايد
    بس اسعاره غالية ..۔ بس ينفع للعرسان

    وتقدر تنزل تختار فنادق ثانية راقية .۔ وبنفس المستوى وسوف تجدها ايضا باسعار معقولة
    س كاني سمعت انه الهوليدي ان .۔ يحتاجون الى تامين .۔ والتامين مبلغ كبير .۔ كاني سمعت مو متاكد
    لانه اذكر قالي عنها اماراتيس رحلتي الى البي بي ايلاند .۔ بس مو متاكد يالغالي

    بالنسبة عن الميني باص .۔ اي اخوي صح كلامك انت وزوجتك ب 300 بات
    وسعر التاكسي بين 600 الى 700 بات الى فندقك
    الوقت نص ساعه او ساعه الا ربع .۔ سوا بالتاكسي والا الميني باص
    لانه الفنادق في الباتونغ بيتش قريبة جدا من بعض ولن تتاخرون كثيرا
    -

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    اختـــي نحلة


    بالنسبة عن الفنادق .۔ انا صراحة شفت فندق وايد حلو
    للاسف نسيت اسمه .. بس قريب من شاطى الباتونغ بيتش .۔
    وكان باعتقادي سعره 1700 بات الليلة او 1200 بات مو متذكر المشكلة

    ولكن الافضل حجز فندق لمدة يومين .۔ وبعدها تقومون بالحجز لبقية الايام .۔ من خلال اختياركم لفنادق اخرى
    بنظركم ..۔

    لانه صراحة هناك فنادق افضل وارقى من كثير فنادق واسعارها معقولة جدا جدا جدا
    فالافضل حجز يوم او يومين وبقية الايام .۔ اختيار فندق من ذوقكم عبر البحث من هناك

    فنادق عطلات


+ الرد على الموضوع

المواضيع المتشابهه

  1. مكاتب لحجوزات الرحلات في بوكيت وفي بانكوك
    بواسطة Robot في المنتدى بوابة السفر إلى تايلاند Thailand
    مشاركات: 9
    آخر مشاركة: 08-28-2018, 10:18 AM
  2. استفسار عن اسعار الرحلات السياحية في بوكيت ؟
    بواسطة Robot في المنتدى بوابة السفر إلى تايلاند Thailand
    مشاركات: 3
    آخر مشاركة: 08-27-2018, 09:45 PM
  3. اسعار الصرف اليوم الجمعه مطار ابوظبي
    بواسطة Robot في المنتدى بوابة السفر إلى الإمارات U.A.E
    مشاركات: 0
    آخر مشاركة: 02-03-2015, 09:12 PM
  4. اسعار الصرف اليوم ؟؟؟
    بواسطة Robot في المنتدى الصين هونج كونج المسافرون العرب دليلك السياحه و التجاره
    مشاركات: 2
    آخر مشاركة: 01-19-2015, 09:13 PM
  5. الصرف بوكيت اليوم
    بواسطة Robot في المنتدى بوابة السفر إلى تايلاند Thailand
    مشاركات: 21
    آخر مشاركة: 01-16-2015, 06:03 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X