السلام عليكم ..
بصراحه ما عندي وقت زياده لكن عشان افيد فيه المنتدى واهل المنتدى راح اقوللكم وبختصار المصاريف
التذكره اشتريتها ب 920 درهم على العربية للطيران ..
الفندق 3 نجوم اسمه فندق نابليون في شارع الحمرا 35 دولار .. بصراحه من اروع الفنادق وهو على شارع الحمرا ونظيف جدا جدا جدا وخدمه ممتازه واهم شي انه مع الفطور لان مالي خلق اني اطلع برع الفندق من الصبح عشان فطر
عندكم اجار السياره صحيح اني ما دفعت اجار السياره بس لما سالت المكتب قالي ان اجار السياره 30 دولار من نوع رينوه فرنسية وجدا روعه فول اتوماتيك وسياره جدا اقتصاديه في البترول لان البترول غالي جدا في لبنان وهو اغلى من اجار السياره افولها 50 الف ليره لبناني وتظل عندي يومين بس واليوم الثالث اعبي
عندكم المصاريف ... تعتمد انا راح ادليكم على كذا مكان من اروع اروع ما يكون
عندكم فوار اسمه فوار انطلياس اتمنا اتمنا ان محد يفوت هذا الفوار كنا نحنا 3 وطلبنا غدا مع ارجيله المهم طلع الحساب 70 دولار تقريبا ..
عندكم مطعم للعشى اسمه مطعم بيتي في الفيردان من اروع اروع ما يكون كنا ثلاث اشخاص مع عشى طلع الحساب 120 دولار تقريبا ...ّ
ورحت وادي النهرين اللي على طريج بيت الدين بس بصراحه كان روعه تعرفون ليش لان اول شي ما كان فيه حد في المطعم ابدا ابدا ابدا كنا الوحيدين وعلى صوت النهر وصوت فيروز تغني الصبح بصراحه كان ولا اروع بالنسبه لي ارتحت وايد لان مافي اي ازعاج ... وكلفنا تقريبا 35 الف ليره لبنانيه ارجيلتين وتركش كوفي ...
وبصراحه ما اذكر بس تقريبا الاسعار تتفاوت من مكان لين مكان على حسب المكان اللي انت قاصدنه هذا المعنى فاللي حاب يخسر راح يخسر فلوس وايده واللي حاب ينبسط ويرتاح ويستانس بس بدون ما يرمي فلوسه يمين ويسار وهو بنفسه ما يعرف شو قاعد يسوي هذا على راحته وبكيفه
اي استفسار او اي طلب انا حاضر وما راح اقصر معاكم انشاء اللهمواضيع عشوائيه ممكن تكون تعجبك اخترناها لك:
- ما تلاحضون انه مبالغ في هذا الشي؟
- طلب من الاعضاء الخبراء بلبنان
- هل تستحق الزيارة ، ومالبرنامج المناسب
- غموض يلف مقتل سعودية بمدخل بيروت الجنوبي
- ابي المنتجعات الثلجية ؟
- الى الاخ مع التحيه رايك بالفنادق
- عدت من لبنان وجئتكم بالخبر اليقييييين
- اتمنى من خبراء لبنان وسوريا ارجوكم ردو علي
- مستوى الامن والراحة؟
- وش رايكم ترتبون برناجي معيبرنامج دسم
- مطعم الفنان فضل شاكر
- ابي اشوف ثلج لبنان
- ارجو المساعدة
- من سكن شيراتون كورال بيتش
- كيف الأوضاع الأمنية يا عشاق لبنان؟؟
- سؤال لأهل لبنان ضروري
- إلى ان شاء الله الى لبنان كم سؤال ؟؟
- القمم
- من مطعم البلد إلى المنارة بالاس فالباي روك
- ارجووووووووووووووووو المساعدة
المفضلات