الموضوع: لاهل الخبره ماهي افضل طريقه للشحن

السلام عليكم

احبتي انا اول مره اروح تايلند وبصراحه قريت عن التحف والاثاث والمقتنيات الحلوه

وجاي على بالي اشتري بعض الاشياء وابغى اعرف وش افضل طريقه وارخصها

طبعا ما استغني عن رائيكم وتوجيهاتكم

رحلتي عائلية انا وزوجتي وبرنامجي 6 ليالي بوكيت 3 شينعماي 4 بانكوك

الرجو ابداء ارائكم في البرنامج وتقديم النصح في الاماكن والبرنامج

مواضيع عشوائيه ممكن تكون تعجبك اخترناها لك:

• الراي رايكم في سفرتي لسوريا
• عاجل بخصوص رمضان
• مساعدة من اخوتي المشرفين لو سمحتوا
• سوريا بين المحب والكاره
• شلالات رايونج
• وزيرة السياحة السوري نطمح إلى تقديم الجودة
• رحلتى الى أرض الأبتسامه ولـ بوكيت نصيب الاسد
• العودة من تايلاند
• هل الأحوال مطمئنة في تايلند
• مبارك عليكم الشهر
• احلا رحلة لاحلا عالم شام
• سؤال بخصوص سفرالخادمه
• هل الف بات كافية
• الفيز و الصرافه
• خطوط طيران الخليج
• شقق بانكوك قريبه لمستشفي الامريكي
• وينكم يا اهل الخبره
• سؤال عن مفنذ درعا القديم
• المطاعم الأمريكية في تايلاند حلال
• هل سوريا وتركيا يشملها تغطية موبايلي التجوال الدولي المجاني

يا أخوي أتحصل أماكن الشحن في نانا .۔ وكثيرين .۔
بس روح حق كل المحلات اللي نانا مال الشحن .۔ وجوف أسعارهم كلهم وبعدين أختار .۔ لأن في فرق بالسعر وايد .۔ بعض المحلات راح يقولون لك 9000 آلاف بات والبعض 7000 آلاف .۔ أكبر حجم كارتون بو (45) كيلوا .۔ وإذا حطيت فيه أكثر من 45 كيلو يحسبون على كل كيلو زيادة 70 بات ..
آنه مرة شحنت من بانكوك إلى البحرين بـ 7500 بات ..

مثل ماتفضل أخوي ولد البحرين .. روح لأكثر من محل وأهم شي إنك تغطي وترتب الأغراض علشان ما تتكسر أو إنها تخترب لين توصلك

بالتوفيق إن شاءالله

جدولك ممتاز و مدروس بشكل جيد النقطة الوحيدة اضافة يوم واحد الى ايام شنجماي لتصبح 4 ليالي بدلا من 3 ۔
رحلة موفقة و سعيدة """

المشاركة الأصلية كتبت بواسطة bu.rashid
http://www.arabtravelersforum.com/tr...2/#post6256482

يا أخوي أتحصل أماكن الشحن في نانا .۔ وكثيرين .۔
بس روح حق كل المحلات اللي نانا مال الشحن .۔ وجوف أسعارهم كلهم وبعدين أختار .۔ لأن في فرق بالسعر وايد .۔ بعض المحلات راح يقولون لك 9000 آلاف بات والبعض 7000 آلاف .۔ أكبر حجم كارتون بو (45) كيلوا .۔ وإذا حطيت فيه أكثر من 45 كيلو يحسبون على كل كيلو زيادة 70 بات ..
آنه مرة شحنت من بانكوك إلى البحرين بـ 7500 بات ..




مشكور اخوي على الرد والله يعطيك العافيه
واذا ممكن تنورني هل التوصيل يكون للبيت او كيف بيكون

تقبل تحياتي

المشاركة الأصلية كتبت بواسطة حسن الحمادي1
http://www.arabtravelersforum.com/tr...4/#post6257844

جدولك ممتاز و مدروس بشكل جيد النقطة الوحيدة اضافة يوم واحد الى ايام شنجماي لتصبح 4 ليالي بدلا من 3 ۔
رحلة موفقة و سعيدة """




اشكر مرورك الكريم اخوي

وبصراحه ما اقدر اضيف لاني مرتبط بحجز عوده لدبي بعييد فيها

ويهمني رايك اخوي في الفنادق لاني حجزت اماري في بوكيت وفندق للوتس في شنغماي وجراند ميركيور بانكوك


تقبل تحياتي

لا يا أخوي ما يوصلونها للبيت .۔
أنت تروح تستلمها من مكتب الشحن .۔
يتصلون فيك وتروح تستلمها من المطار مكتب الشحن .۔

الشركة الوحيدة اللي توصل إلى البيت هي شركة دي أتش إل .۔ لكن يا أخوي سعرها وايد غالي .۔ 25 كيلو بـ 6500 بات ..

اخوي بو راشد سؤال سريع ؟؟


هل كانت الاغراض شخصية ام تجارة ؟؟؟؟
وهل هناك اي مشاكل في حالة الشحن .۔ مثلا ضرائب او شي اخر في البحرين اذا كانت شخصية ؟؟؟؟

اخوي نحنا نشحن كل سنه وفي شهر 7 شحنا عند مكتب في نانا والحرمه اسمها جميله تايلانديه ........وسعر الكيلو 70 بات واوراق الشحن 3000 بات يعني يمكن يطلع تقريبا 10000 بات اذا كان عندك 100 كيلو ...............وهي ضمان ويوصل الشحن المطار وتستلمه من عندهم يوم تعطيهم نسخه الاوراق .................
وبالنسبه عن فندق اللوتس نحنا نسكن فيه كل مره يعني تقريبا 10 مرات وهوه وايد حلو ............واي معلومات اضافيه نحنا تحت الامر ...........والسموحه

المشاركة الأصلية كتبت بواسطة هنوف العمر
http://www.arabtravelersforum.com/tr...0/#post6280560

اخوي نحنا نشحن كل سنه وفي شهر 7 شحنا عند مكتب في نانا والحرمه اسمها جميله تايلانديه ........وسعر الكيلو 70 بات واوراق الشحن 3000 بات يعني يمكن يطلع تقريبا 10000 بات اذا كان عندك 100 كيلو ...............وهي ضمان ويوصل الشحن المطار وتستلمه من عندهم يوم تعطيهم نسخه الاوراق .................
وبالنسبه عن فندق اللوتس نحنا نسكن فيه كل مره يعني تقريبا 10 مرات وهوه وايد حلو ............واي معلومات اضافيه نحنا تحت الامر ...........والسموحه



تسلمين اختي هنوف الله يعطيك العافيه على هذي المعلومه

بس اذا تسمحين اسم المكتب او ارقامهم وكيف اوصل لهم

وثانيا اذا وصلت الشحن عليها جمرك ولا بمجرد ماتوصل اروح استلمها بموجب الايصال

معليش على الاسئله الزايده

خوش سؤال جنك تقرا أفكاري توني اليوم أفكر أشحن بعض الاغراض من بانكوك عن عبالة الكوارتين شيل وحط

أخواني ياريت تنصحوني الوالده ربي يحفظها طلبت أخذ لها من بانكوك ناريل طبعا إذا باخذ لازم آخذ كميه لأنه الكل يحبه فقلت هالمره باخذ كارتونين مليانين من جمن سنه خذت كارتون واحد وعادي وديته المطار معاي بس هالمره أحس بيصير وزن علي فشنو تنصحوني تسوى أشحنهم ولا آخذهم معاي؟؟؟؟؟