الموضوع: ѽ رحلـتي لتايلند للتسوق بانكوك تقرير مصور ѽ

ѽѽѽѽѽ

اول شي يسعدني اني اكون مشارك وياكم بهالمنتدى اللي اعتبره بوابه جيده للتعارف بين الأعضاء الكرام من كافه انحاء العالم والدول العربيه الشقيقه ، ولإلقاء الضوء حول المعلومات اللي يتم تجميعها واللي تصب في الصالح العام للجميع ۔
وطبعاً راح استعـرض اولى مشاركتي بهذا المنتدى بهالتقرير المصور والمختصر الى مملكه ( تايلند ) وعلى وجـه الخصوص العاصمه ( بانكوك ) للتسوق لـمــده 7 أيــام وياريتها كانت اكثر بس ظروف العمل ما اسمحت !!
الوجهـة / بحرين بانكوك بحرين
تاريخ السفر / من 6/10/2011 ألى 13/10/2011م ۔
كلفه الرحله / على طيران الخليج (( دايركت )) لبانكوك حوالي 277 دينار بحريني = 2770 ريال سعودي ۔
يوم السفر كان الأربعاء 5/10/2011 والوصول اليوم الثاني للعاصمه بانكوك بتاريخ 6/10/2011 ومده الرحله كانت 7 ساعات تقريباً ۔
المبلـغ اللي حملته وياي لهالرحله = 750 دينار بحريني
حوالي 7450 ريال سعودي = 61.000 بات تايلندي تقريباً
وكان كله للتسوق والسياحه والترفيه مع الشباب اللي سبقوني وراحوا بتايا قبلي بأسبوعين لانهـم حصلوا الإجازه من الشغل وقرروا انهم يروحون لأرض الأحلام تايلند ۔
البداية
طبعاً كونها اول سفـره لي لمملكه تايلند ما كانت عندي ذيك المعلومات الدقيقه عن اماكن التسوق او الفنادق المشهوره فيها او حتى الأماكن السياحيه ، ولكن من حسـن حظي اني حصلت شخص بحريني تكفل بكلشي من الألف لي الياء ، وعطاني كل التفاصيل الدقيقه والمهمه لهالرحله الشيقه وحجز لي فندق ببانكوك بوسط الحي العربي ( سـوي 3 )
اسم الفندق (( مونكو بانكوك )) 4 نجوم ولكن مستواه يساوي 5 نجوم ۔
بدايه الرحله كانت على متن طيران الخليج الساعه 8.15 دقيقه مساءً بتوقيت البحرين ، وتم حمل كل الأغراض والمستلزمات لهالرحله من موبايلات للتصوير وثياب و شورتات للسباحه ووووو ..۔ إلخ ۔
الطائره كانت حجم 330 وكانت ممله نوعاً ما والكراسي ( متخشبه ) ان صح التعبير عنها ، بس اللي خلانه نصبر على هالرحله انها ( دايركت ) على طول بتنزل بمطار بانكوك يعني لا ترانزيت ولا عذاب ولا انتظار ماله معنى ۔
اثناء الرحله كانت هناك العديد من المواقف الطريفه اللي مرينه ابها واولها : اللي كان قاعد جنب الكرسي مالي شخص تايلندي ما يعرف شي اسمه " انقليزي " وكان التفاهم وياه عن طريق الإشارات فقـط ههههههه ،،، وانه طبعاً كنت بالمقعد اللي بجانب النافذه للتصوير ولسوء حظي ان ( النوافذ كانت منتهيه الصلاحيه ) يعني الظاهر مشموخه مع ضغط الهواء الخارجي او ما شبه ذلك ۔
وهذي صور بسيطه للحظه الطيران بالجو + لحضه الوصول لمطار بانكوك
http://www.0zz0.com
الأخ التايلندي اللي جلس جنبي اثناء الرحله
مزعــج بشخيره لووول
http://www.0zz0.com
اثناء الهبوط التدريجي لمطار بانكوك الدولي
http://www.0zz0.com
تابع اثناء الهبـوط مناظر خياليه من فوق
http://www.0zz0.com
الإعداد لنزول المدرج بالمطار
http://www.0zz0.com

والحمد لله رب العالمين تم الوصول لتايلند أول يوم بتاريخ 6/10/2011 بعد رحله طيران استغرقت حوالي 7 ساعات تقريباً ألى مطار بانكوك الدولي هالمطار الكبير اللي لو بتكلم عنه من اليوم لي بكره ما بخلص منه نظراً لطول المسافه اللي تمشيها وانت فيه وووو ...إلخ ۔
البقيـــه تأتي بالتقرير التالي الحين وقت النوم

مواضيع عشوائيه ممكن تكون تعجبك اخترناها لك:

• الى تايلند
• أخوي ولد البحرين أخوي عبدالله الكويتي ضروري
• لازال الثلج موجود او لا؟
• الجامــع الأمــوي
• ممكن حد خبير او عنده خلفيه زينه عن مستشفيات بانكوك او تايلاند
• ممكن تساعدوني ضروري
• استفسار عن اماكن التسوق بسوريا
• ماهي افضل ثلاث مجمعات في بانكوك ارجوا من الجميع الدخول
• طلب مرافق للسفر الى تايلند
• خبراء تايلند،، مطلوب أسماء فنادق فيها غرف بحوض سباحه خاااص لشهر العسل
• استفسار عن افضل
• الفيديو الاوال لرحلة تسوق في احد مولات بانكوك تايلاند thai shopping
• هل في قطار في المطار؟؟
• لو سمحتوا الى يعرف رقم الخطوط العمانية بالرياض لايبخل علينا لضرورة
• تباين في سعر الصرف الالي من بنك لاخر
• استفسار عن الاماكن الترفيهيه للأولاد
• إستفسار عن فنادق بوكيت
• يقولو انا انا مااقدر اروح تايلند تعالو اعرفو ليش
• بخصوص اجـواء دمشق في شهر فبراير
• ممكن اساعدوني بخصوص مطاعم السي فود

اول شي الحمدلله على السلامه

ننتظر باقي تقريرك يا ولد ديرتي بس ياريت اتخلي الخط ثابت لا هنت

نتريا التقرير بسررررررررررررعه

هلا بك هلا
متابع معاك واصل الابداااع

تحيتي لك

اهلا و سهلا فيك يا حبيب البحرين و الخليج
تقرير باين عليه من عيار الثقيل و سوف نشهد اجزاء رائعة ان شاءالله منك ۔
بارك الله فيك
تقبل تحياتي """

بدايه موفقه

تقرير جميل وممتع

ومتابع معاك الي النهاية

تقرير رائع ومميز
الله يعطيك العافية
وسجلني من المتابعين معاك

يعطيك الصحة والعافية
و
تقرير حلو منك

متابعين معك تقريرك جميل و مفصّل بكل شي


شكراً لكــــ

الله يعطيك العافية
تقرير حلو ومميز
دمتم بود ام جمال

انا طالع لبوكيت وبانكوك
بدايه شهر 11 ان شالله .۔

وتراني متاااابع

الحمدلله على السلامة و متابعين التقرير المميز

هههههههههههههه

أستمتعت بقراءة تقريرك الجميل

سجلني متابع معاك

ألف تحيه لك حبيب البحرين

بالنسبة للأكسسورات الموجود في mbk رووووووووووووووووووووووووعــــــــــــــــــــــــ ــــــــة ، لكن حصلت نصف السعر في سوق الليلي عند شــــــــــارع العرب خاصة الساعات واكسسورات الموبايل والمفاتيح وعايشين معي لليوم محافظه عليهم ، وكنت ممكن احصل ارخص بس مشكلتي مالي بارض للشوبينـــــــــــــج ومن سوق لسوق ،،،



متابعـــــــــــــــــــــــــه ،،،،

بارك الله فيك بسالك عن الفندق الاول المسافه الى الحي العربي مسافه بعيده ومتعب او عادي اقدر امشي بدن سياره وبدون تعب ؟ ومواصلات الفندق يعني في اي وقت اقول الى سائقهم ابيك توصلني الى مطعم شهرزاد مثلا او لازم وقت معين ومكان معين لايتجاوزه ؟
وهل يوجد اوربيين يسكون فيه او كثير من العرب ؟

والفندق الثاني هل اكثر سكانه من العرب ؟ وهل فطور الصباح جيد ؟

المشاركة الأصلية كتبت بواسطة فلفل حار
http://www.arabtravelersforum.com/tr...2/#post6280822

بارك الله فيك بسالك عن الفندق الاول المسافه الى الحي العربي مسافه بعيده ومتعب او عادي اقدر امشي بدن سياره وبدون تعب ؟ ومواصلات الفندق يعني في اي وقت اقول الى سائقهم ابيك توصلني الى مطعم شهرزاد مثلا او لازم وقت معين ومكان معين لايتجاوزه ؟
وهل يوجد اوربيين يسكون فيه او كثير من العرب ؟
والفندق الثاني هل اكثر سكانه من العرب ؟ وهل فطور الصباح جيد ؟



هلا الغالي
بالنسبه عن استفسارك عن الفندق الأول فهو فندق هادئ جداً بمنطقه هادئه واعتقد انها دبلوماسيه لان جنبها سفاره وكذا محل وروضه اطفال + مستشفى وهي بعيده كل البعد عن الضوضاء والمشاكل ۔
اما بخصوص المسافه اللي تقطعها للحي العربي المقابل فهي تقريباً ربع ساعه مشي او اقل بشوي ، والسائق ما يقصر عساك تتصل له نصف الليل فهو صاحي لخدمه زباين الفندق وتوصليهم لأي وجهـه تكون قريبه للفندق ومو بعيده كلش ۔
اما بالنسبه عن الساكنين في هالفندق فهم اغلبهم من الطائفه التايلنديه وكان ويانه كذا واحد هندي وعايلتين عربيتين ، اما الفنادق الملاصقه للفندق المذكور الأول ( موناكو بانكوك ) فهي عامره بالأجانب وخصوصاً الأمريكان ۔
والفندق الثاني اقــدر اطلق عليه ( فندق عربي 100% ) لان مكانه استراتيجي جداً في وسـط الحي العربي ( سوي 3 )
وما يضيع ابد من تنزل على طول تلاقي كلشي يمك من جيران عرب + مقاهي + محلات + سوبر ماركت وكل ما تتمناه ، وعن الفطور فهذا الشي الوحيد اللي ما جربته (( من زود النوم الثقيل اللي مريت فيه لاني كل ليله اروح السوق ارجع تعبان على الآخر وما اصحى للفطور ))
ارجوا اني افدتك ۔
تقبل تحيــاتي

يعطيك العافيه
متابع معاك
بس كأني اشوف الاسعار في تايلند مو رخيصه
الله المستعان
كنت افكر إن تايلند رخيصه طلعت لا والله الا غاليه
اجل وجبه بحدود 100 ريال
اجل وش الفرق بينها وبين ماليزيا
ولا شيء
ولا اسعار التكتك والتاكسي
الصراحه احس انه مبالغ فيها
دباب يوصلني بــ25 ريال مشوار ابو 15 دقيقه بــ 25 ريال
والله عندنا بالسعوديه ارحم

تغطية جيدة للاماكن و يعطيك الف عافية """"

الف شكرا ياخوي علي التقرير الجميل والمفيد ان شاءالله استفيد منك في روحتي

عن قريب ويكون تقريري مثل تقريرك بس شوي احسن منك ههههههههههههه

عن زعل

الله يعطيك العاااااااافية

ماشاء الله عليك اسلوبك عجيييب وموتني من الضحك
وخاصة لما اكلت الفطيرة بقرطاسها


خووووووش تقرير وناطرة التكملة

هلا هلا بولد ديرتي عاد علمني وين أحصل رفيجك لالك خل يوديني السوق المخشوش ماله هههههه

موضوعك وايد شيق ووصفك للأحداث حلوه وتشد يالله أنتظر باقي التقرير آنه بأذن الله بروح نهاية أكتوبر آنه رايحه وايد بانكوك بس هالمره أبي أروح أماكن غير أبي نفس الساعات إلي كنت آخذها قبل 6 سنوات ألحين ساعاتهم مو نفس قبل يقولون حكومتهم ضاغطه عليهم والله ماعندهم سالفه

ضحكتني ويا سوالفك مع راعي التاكسي زين ماطنقر عليك أهمه مايرضون أحد يتكلم عن البوذا مالهم مايضحكني إلا لما يحطون له الفواكه والعصاير مره طفت على معبدهم كنت حدي عطشانه أقول حق زوجي مادري أطق قرشه من هالقراش يقول تبين يكسرونج ههههه

واظرف ما في الأمر اني يوم كنت بودعهـم سمعت برق ورعــد وعلى طول المطر انهمر بغزاره وهالموقف ذكرني بالأفلام الهنديه خصوصاً بلحظات العشق من اثنين يحبون بعض ينزل المطر على طول بس هالمره مطر حقيقي لووووول ((( هنود صج ))) !!
والحين بررررررب 5 بأنتظار المزيد تحيــاتي
[/CENTER][/QUOTE]

ههههههههههههههههههههههههههاااااااي ماصدق مت ضحك

وآنه أقرا موضوعك حرف حرف كلمه كلمه زنقه زنقه من أنتمممممممم هههه إستغربت لأنه قليل من الشباب يروحون بانكوك ومخصوص حق شوبينق آنه عيزت أدور في المنتديات أنقهر الكل ياخذ 7 ليالي بوكيت 6 ليالي بتايا وليلتين بانكوك ليشششششششششششششش يعني بوكيت وبتايا حدها يومين مللين بس يالله وصلت خير وحصلت هالموضوع إلي يشرح الصدر كمل كمل ونحن معك

وأنت كل واحد تشوفه تشخله بالأسئله

صراحه أستمتعت بتقريرك وسرده الرائع

الله يعطيك العافيه حبيب البحرين

وصلنااااااااااا لكم
أولاً مشكورين جميعاً على المتابعه الدائمه والتشجيع المتواصل ووعد مني إن شاء الله اجيب على كل استفسار بهالموضوع بعد ما خلص من سرده حتى النهايه (( إذا كان الجهاز يتحمل لانه بدى يخرف من أولها )) !!
وبعد يوم درامي خامس حافل بالمغامرات و التشويق ابتدى اليوم السادس من هالرحله الجميلــه لبانكوك بصباح ممطر وجو غائم جزئياً ، وياني اتصال من الأصدقاء يقولي فيـه : احنه بنشيل عدتنه وبنروح " بوكيت " بعد ما كانوا ببتايا !!!
قلت له براحتكم عزيزي انه حصلت لي مرشد يرشدني وما عدت احتاجكم اصلاً ، وبعدها نزلت لقاعة الإستقبال بالفندق اللي سكنت فيـه (( SKY.Inn )) وكالعاده اقعـد ويا الستاف واسالف وياهم لان ماعندي احد اسالف وياه حزتها ، ولكـن الموظفه كانت مريضه ( فيها زكام ) فقلت اشيل بعمري احسـن يمكن فيها لا سمح الله " انفلونزا الطيور " ولا حاجه !!
فقلت مالي الا صاحبي الا تعرفت عليه أمس ( لاااك ) اتصلت له وقلت له ياريت لو ترتب لي برنامج اليوم لاني مو عارف وين اروح وكل الأسوق زرتها ولكـن ما عجبني فيهم الا مجمع MBK + سوق البات بونغ الليلي ،، فقالي شرايك اوديك سوق الأحد (( sunday Market )) او نروح السوق الصيني Chaina Market فقلت له خل نجرب سوق الأحد اللي قلت عنه ، فقالي : السوق ما يفتح اليوم لأن اليوم الثلاثاء وهو بس يفتح يومي السبت و الأحد !!
فسألته شنو نوع البضايع اللي يبيعهــا ؟؟
قالي : بضايع عاديه نفس السوق اللي رحناه بالأمس بس ارخص شوي والجوده اقل ، قلت له طيب نروح السوق الصيني ، فرد علي : ما انصحك بالسوق الصيني لان تقليدهم مو درجه أولى عكس البضايع اللي تجوفها بالأسواق التايلنديه واللي غالباً ما تكون كوريه او تايلنديه مهربينها من السوق السوده !!!
لووووووول بعد سوق سوده !! سألته طيب وهالماركات الكوبي ون اللي تصنعونها في السوق السوده وين يصير محلها ؟؟
قالي : مالها محل معيـن وكلها تتصنع بالخش والدس وما تقدر تفرق بينها وبين الأصلي بالمره ۔
قلت له طيب جوف لنه مكان نروح فيه ضروري لان ما بقى شي عن موعـد مغادرتني تايلند ۔ فقالي مالك الا ترجع السوق الليلي ( بات بونغ ) وانه بوديك اماكن ثانيه ما رحناها ۔
وفعلاً من حل الليل حوالي الساعه 8 بعد أداء كل صلواتي في جماعه طبعاً اتصلت في صاحبنه الظريف راعي التكسي (( اسميه بودااااا )) قلت له احين مرني عشان توصلني السوق الأمسي ، وما قصر الحبيب ياني برسم الخدمه وبمبلغ زهيد جداً 50 بات تايلندي حوالي 600 فلس بحريني = 6 ريالات سعوديه فقـــط ۔
ونزلت السوق اللي صار لي الحين ثلاثه ايام احوس فيـه ولا براضي يخلص واتصلت في صاحبنه ( لاااك ) اقوله انه وصلت السوق فقالي : آآآآيم فري فري سوري - آآآآسف جداً جداً ؟؟؟
ليش شفيـك بعد ؟؟؟
يقولي : البوس مالي مو راضي اطلع لان في زباين كثار واحتمال اطلع الساعه 11 بالليل !!! وشهالوهقـــه بعد !!!!!
ماقدرت اقول شي هو فيه اللي مكفيه مسكين ما حبيت اضغــطه قلت له مو مشكله عزيزي خذ راحتك انه باخذ جوله بالسوق لين تخلص ۔
وخذت جوله بهالسوق الليلي لثالث يوم على التوالي وبهاللحظه مريت على شي غريب عجيب جداً قريته ما صدقته !!!
(( مســـاج اسماك )) !!!!!
اللي اخبره ان المساج يكون من البشر لي البشر شدخل السمك في السالفه !!
اتصلت في صاحبي ((( لاااك )) اساله شسالفه الاسماك ومساجهم !!
قعد يضحك : يقول مريح جداً جربه منت خسران شي ، اساله : زين ما يصيدني تسمم مثلا ولا شي بعد التدليك او المساج من السمك !!
يقول بالعكس بتحس براحه ما بعدها راحه !!!
قلنه نجرب شورانه ولكن اذا صادني شي بخلي اللوم كله عليك ، وفعلاً جربت التدليك ( المساج السمكي ) بعد إلحاح البنت اني اجربه وكان سعـره فقـط 150 بات تايلندي للربع ساعه حوالي 1.800 دينار و800 فلس بحريني = 18 ريال سعودي ، والنصف ساعه 250 بات تايلندي حوالي 3.800 ثلاثه دنانير و800 فلس بحريني = 38 ريال سعودي ۔
وفعلاً المساج ماله حل وجميل ومررررريح على الأخر ونصيحه من اللي بيروح تايلند لازم يجربه ، لانك تحس ان الأسماك ودها تاكل رجلك اكاااال !! وطول الوقت بتضحك لانهم يدلدغونك بس بلطافـــه ۔
وهذي بعض الصور للمساج (( السمكي ))
هذي الأخت الجميله اللي الحت علي الا تجرب ولااازم تصور وتوري ربعك
http://www.0zz0.com
وهذي صوره للحوض اللي تخلي رجلينك فيه وتبتدي رحله الراحه (( مع السمك بالتدليك ))
http://www.0zz0.com
http://www.0zz0.com
http://www.0zz0.com/realpic.php?s=11.../593612600.jpg
http://www.0zz0.com
وهذي صوره للأخ التايلندي إللي يقول انك اكيد بترجع مره ثانيه (( واثق الأخ ))
http://www.0zz0.com
ويوم خلص المساج ( السمكي ) سألت التايلنديين اللي الحوا علي إلا تجرب ، احين مثلاً ما بصير (( حوريه بحر )) !! لان السمك أكل رجليني !! وقعدوا يضحكون من قمه راسهم !هههههههههه .
وبهالقدر اكتفي بالتوقف الإظطراري لان حصلت عندي مشاكل في تحميل الصور ، إلى حين اصلاح هالخلل الفني بجهازي بارجع لكم بأسرع وقت ممكن ،،،، برررررب 7

حفظت شكله راعي الجواتي بدوره لين رحت

في مجمع عندهم كله حق ثياب الرياضه وعزكم الله جواتي رياضه يعني مستلزمات الرياضه كل طابق حق شي طابق حق الثياب طابق حق جواتي الرياضه وطابق حق الاجهزه جذي يعني ماسمعت عنه ؟
إسمه ftb

فوت فـ؛ فكتوري

خرف المنتدى مايكتب إنجليزي المهم بكتبه بالعربي فوت بول فاكتري

تقرير ممتع بصراااااحه
احسك مثلي انا اسافر لوحدي وماخلي زنقه ولا حاره في بانكوك ماروح لها
بالنسبه للأكل التايلندي انا مثلك في اول سفراتي كنت متخوف جداً اقرب منّه
لكن بعد تجربته والله ادمممممنته ، في اخر سفره لي معظم اكلي كان اطباق شعبيه
اكلهم فيه سحر غريب
طبعاً انا ماأتكلم عن الحشرات بالرغم اني مرّه جربت شوربة الضفادع ،، الله يكرّم النعمه !

ولاحضت انه تسوقك بالليل استغرب انه المطر وقفك عن مشاويرك

ماشاء الله واضح من التقرير انك بالك طويل و انسان هادي الطباع جداً
متابعين معك للأخر ،،،،،

ما شاء الله عليك دوم تصور لنا شخصية جديدة في رحلتك , يارب نتذكرهم خاصة راعي الجوتي + لااااك


اما عن الاكل التايلندي بصراحة فـــــــــــــــــــــن خاصة الميكس فرايد رايس عجيب عجيب , حلوووووووووو التغيير ملينا من الاكل العربي و المطاعم العربية رافعين اسعارهم عالفاضي بصراحة استغلال للسائح ,



واصــــــــــــــــــــــــــــــــــل ,,,

من أجمل التقارير الي قرأتها۔

مشكور على التقرير المميز

يعطيك العافيه بانتظار الباقي

ماشاء الله عليك حبيب البحرين تقرير ولاأروع .۔ بس شسالفتك مع النوم العميق .تحياتى.

الله يعطيك العافية تقرير
فية من الأفادة الكثير و الكثير
اسمتعت بقرائتة


كل الشكر لك

تقرير روعه

حبيب البحرين سؤال ياخوي الحين اشلون الامطار في بانكوك ؟ لان ياي بانكوك بعد 5 ايام بقعد يوم و شايل عليه الى الصين يعني كله يومين بس في تايلند و الناس خوفوني من الفيضانات و يقولون ما تقدر تطلع ولا تقدر تتسوق ۔
منتظر ردك قبل لا احجز التذكره

المشاركة الأصلية كتبت بواسطة بحريني99
http://www.arabtravelersforum.com/tr...8/#post6294768

تقرير روعه
حبيب البحرين سؤال ياخوي الحين اشلون الامطار في بانكوك ؟ لان ياي بانكوك بعد 5 ايام بقعد يوم و شايل عليه الى الصين يعني كله يومين بس في تايلند و الناس خوفوني من الفيضانات و يقولون ما تقدر تطلع ولا تقدر تتسوق ۔
منتظر ردك قبل لا احجز التذكره




هلا عزيزي بحريني99
بالنسبه عن الجو ببانكوك فهو ممطــر واحياناً مطر غزير بس الحمد لله ما فيه لا فيضانات ولا شي ، والمطر ما يطول يعني بالكثير اربع لي خمس ساعات يوقف واحياناً يوم كامل ، وعن التسوق فأنه شخصياً ما احب اتسوق والجو ممطر لاني احب الجو يكـون صحو او جاف خصوصاً وانك بعض الأحيان بتشتري اشيـه الكترونيه وموبايلات وغيره ، فهالجو راح يأثر ۔ ولكن عموماً بانكوك حلوه حق التسوق (( اقولها لك كأول مره اطبها )) ولاتفوت لا تحاتي لا فيضانات ولا غيره لان الفيضانات على حسب ما سمعت منهم اهم شخصياً تتركز فقط في القرى او في المدن إللي تكون على سواحل او جنب البحر ۔
وتروح ان شاء الله وترجع بالسلامه
تحيــــــــــــاتي لك

حبيته لاليك مسكين غريب وأجنبي وطلع فيه الخير مع إنه مثل ماقلت ربعك خلوك ولا ياو بس الله عوضك بهالانسان الطيب

امك داعية لك لو احفي ما احصل نفس هذا الطيب لافي بلدي ولا خارج البلد وانا بفتر في الباتونق بدور هذا الانسان الفلته خوش رجال والله امين وخلوق وحبوب ومو طماع . لاتفرط في هذا الانسان الطيب .

المشاركة الأصلية كتبت بواسطة حبيب ❶ البحرين
http://www.arabtravelersforum.com/tr...8/#post6294788

هلا عزيزي بحريني99
بالنسبه عن الجو ببانكوك فهو ممطــر واحياناً مطر غزير بس الحمد لله ما فيه لا فيضانات ولا شي ، والمطر ما يطول يعني بالكثير اربع لي خمس ساعات يوقف واحياناً يوم كامل ، وعن التسوق فأنه شخصياً ما احب اتسوق والجو ممطر لاني احب الجو يكـون صحو او جاف خصوصاً وانك بعض الأحيان بتشتري اشيـه الكترونيه وموبايلات وغيره ، فهالجو راح يأثر ۔ ولكن عموماً بانكوك حلوه حق التسوق (( اقولها لك كأول مره اطبها )) ولاتفوت لا تحاتي لا فيضانات ولا غيره لان الفيضانات على حسب ما سمعت منهم اهم شخصياً تتركز فقط في القرى او في المدن إللي تكون على سواحل او جنب البحر ۔
وتروح ان شاء الله وترجع بالسلامه
تحيــــــــــــاتي لك

تسلم ياخوي ماقصرت

تم حجز التذكرة وكل شي والحمدالله

تقرير واسلوبك اكثر من رائـــــــــــــــــــــــــــــــــــــــع , كله تشــــــــــــــويق على كوميدي على فرفشة


بس خســـــــــــــــــارة ما سرت ( بوكيــــــــــــــــــــــت ) ،،


اما عن العطور في المطار اتفق معك ، اسعارهم ارخص بكثير من السوق الخارجي ، لأنه اخذت لي عطر من المطار تقريبا ب 24 ريال عماني ولما سالت عن قيمة العطر عندنا قالولي ب 34 ريال عماني , فرق شاسع في السعر ,,,


تحياتي ,,,

عبدالعزيز المناعي + بنووته بنووته +http://www.arabtravelersforum.com/user252255/ + ابو احمد101 + حسن الحمادي1 + http://www.arabtravelersforum.com/user223987/
تشــرفت ابكم كثير واهلاً وسهلاً ابكم
وشاكر لكم مداخلاتكم الكريمه بالموضوع
تحيــــــاتي

http://www.arabtravelersforum.com/user420438/http://www.arabtravelersforum.com/user420438/+http://www.arabtravelersforum.com/user414160/
وكذلك ايضاً تحيه خاصه للأخوان المشاركين بالموضوع
والله لا يحرمنه من طلتــكم البهيه
تحيـــاتي لكم

http://www.arabtravelersforum.com/user424724/ + الخبيره السياحيه
الله يعافيكم ان شاء الله كان التقرير خفيف على قلوبكم
تحيــاتي لكم
الأخ العــزيز
http://www.arabtravelersforum.com/user24759/
بالنسبه عن الاسعار فهي غاليه بعض الشيء وتتغير من موسم لي موســم ، بس الواجب على المسافر انه يحتــاط ويخلي في جيبه مصروف اضافي بس للتنقلات للأسواق وما شبه ذلك ۔
وشكراً على ردك العطــر بالموضوع
تقبل تحيــاتي

المشاركة الأصلية كتبت بواسطة batool22
http://www.arabtravelersforum.com/tr...4/#post6283984

الف شكرا ياخوي علي التقرير الجميل والمفيد ان شاءالله استفيد منك في روحتي
عن قريب ويكون تقريري مثل تقريرك بس شوي احسن منك ههههههههههههه
عن زعل



العفــو اختي لا شكر على واجب
مثل ما انه استفدت كثير من هالمنتدى صار واجب علي اني لازم افيد ( لان الدنيا فايده واستفاده )
والله يوفقج بالتقرير القادم (( احس انه بتصير منافسه حاده بيني وبينج ))
تحيــاتي لج

المشاركة الأصلية كتبت بواسطة eng.noor
http://www.arabtravelersforum.com/tr...4/#post6284104

الله يعطيك العاااااااافية
ماشاء الله عليك اسلوبك عجيييب وموتني من الضحك
وخاصة لما اكلت الفطيرة بقرطاسها
خووووووش تقرير وناطرة التكملة




الله يخليج اختي ويعــافيج
يعل الضحكه دوم على محياج
وبالنسبه عن الفطيره اللي كلتها ، فهذا حال الدنيا وهذا هو الرجل الشرقي ما يتغير (( همه في بطنه وبس )) لوووول
تحيـــاتي لج

المشاركة الأصلية كتبت بواسطة مراوي22
http://www.arabtravelersforum.com/tr...4/#post6284514

المشاركة الأصلية كتبت بواسطة مراوي22
http://www.arabtravelersforum.com/tr...4/#post6284514

هلا هلا بولد ديرتي عاد علمني وين أحصل رفيجك لالك خل يوديني السوق المخشوش ماله هههههه
موضوعك وايد شيق ووصفك للأحداث حلوه وتشد يالله أنتظر باقي التقرير آنه بأذن الله بروح نهاية أكتوبر آنه رايحه وايد بانكوك بس هالمره أبي أروح أماكن غير أبي نفس الساعات إلي كنت آخذها قبل 6 سنوات ألحين ساعاتهم مو نفس قبل يقولون حكومتهم ضاغطه عليهم والله ماعندهم سالفه
ضحكتني ويا سوالفك مع راعي التاكسي زين ماطنقر عليك أهمه مايرضون أحد يتكلم عن البوذا مالهم مايضحكني إلا لما يحطون له الفواكه والعصاير مره طفت على معبدهم كنت حدي عطشانه أقول حق زوجي مادري أطق قرشه من هالقراش يقول تبين يكسرونج ههههه

الله يسلمج ويخليج يا بنت ديرتي العزيزه
وبالنسبه عن الصديق ( لاااك ) فأعتقد انه عمله نادره الوجود بهالكون ، ورغم انه ديانته بوذيه بس اخلاقه اخلاق اسلاميه والله يهديه ان شاء الله مو بعيده نجوفه باجر مسلم ۔
وبالنسبه عن البضايع التقليد بإحتراف فهذي فعلا الحكومه ضاغطه عليهم ضغط رهيب فوق ما تتصورين وفارضه غرامات كبيره على اللي يتم اصطياده ، ولـكن اذا حصلتي واحد يفهم بالسوق او يعرف خبايا السوق ويكون ثقه ما اظن انج بتواجهيــن اي مشكله (( مثل ما حصلنه هالصاحب لااك واللي ما قصر ويانه بأي حاجه ))
تحيــــاتي لج يا بنت الديره

الله يعطيك الصحه والعافيه تقريرك كان روع في الكتابه و الصور ولا اروع

ننتظر جديدك مره ثانيه

المشاركة الأصلية كتبت بواسطة mohluv
http://www.arabtravelersforum.com/tr...2/#post6290792

تقرير ممتع بصراااااحه
احسك مثلي انا اسافر لوحدي وماخلي زنقه ولا حاره في بانكوك ماروح لها
بالنسبه للأكل التايلندي انا مثلك في اول سفراتي كنت متخوف جداً اقرب منّه
لكن بعد تجربته والله ادمممممنته ، في اخر سفره لي معظم اكلي كان اطباق شعبيه
اكلهم فيه سحر غريب
طبعاً انا ماأتكلم عن الحشرات بالرغم اني مرّه جربت شوربة الضفادع ،، الله يكرّم النعمه !
ولاحضت انه تسوقك بالليل استغرب انه المطر وقفك عن مشاويرك
ماشاء الله واضح من التقرير انك بالك طويل و انسان هادي الطباع جداً
متابعين معك للأخر ،،،،،



هلا عزيزي الحمد لله ان التقرير عجبك اولاً
وعن سفر الشخص لوحده في ديره غربه فهذا امر صعب وتراه مو سهل ، وانه بالأساس كنت مأمل اني التقي مع اصحابي اللي سبقوني ولكــن ماحصل نصيب ۔ والمسافر لدوله ما لأول مره لازم على اقل تقدير انه يعرف شخص هناك او يكون معاه صاحب للإحتياط لا سمح الله ۔
بس تايلند بكبرها ديره ما تضيع واهلها متعاونين لآخر درجه ۔
وبالنسبه عن الأكل فآنه شخصياً ماحبيته بالمره وكفايه ( شكله المقرف ) ، ولكن هالشي ما يمنع اني حبيت الأكلات البحرين اللي تنطبخ بداخل المطاعم وما اقصد اللي تنباع بالخارج ومكشوفه !!
وشاكر لك هالمداخله الكريـمه ياالغالي ۔
تحيـــاتي

المشاركة الأصلية كتبت بواسطة Munati
http://www.arabtravelersforum.com/tr...6/#post6291346











المشاركة الأصلية كتبت بواسطة Munati
http://www.arabtravelersforum.com/tr...6/#post6291346

ما شاء الله عليك دوم تصور لنا شخصية جديدة في رحلتك , يارب نتذكرهم خاصة راعي الجوتي + لااااك
اما عن الاكل التايلندي بصراحة فـــــــــــــــــــــن خاصة الميكس فرايد رايس عجيب عجيب , حلوووووووووو التغيير ملينا من الاكل العربي و المطاعم العربية رافعين اسعارهم عالفاضي بصراحة استغلال للسائح ,
واصــــــــــــــــــــــــــــــــــل ,,,






هلا عزيزي Munati
وهذا الشي اللي يميز السفر للخارج وهو التعرف على ناس جدد واشخاص جدد ، وبالنسبه عن الطرفه اني اصور كل واحد فلا تلوموني لاني اضيـع بين اشكالهم فأضطر اصور الشخص بس عشان احفظ ويهه فقط لاغير ههههه لاني اذا جفته وما ثبت على شكله بنساه على طول (( وانتوا تخبرون اشكال شرق آسيا كلهم على بعضهم واحد )) وصعب التمييز بينهم ۔
وعن الأكل العربي فأتفق وياك بأنهم استغلاليين درجه اولى وماتوقعتهم بهالدناءه ، ولكن احنه المشكله تعودنه على نمط معين من الأكل الخليجي والبهارات الخاصه فمن هالمنطلق صار صعب علينه التغيير بالأكل ۔
تحيـــــاتي لك

المشاركة الأصلية كتبت بواسطة طائر بلا حدود
http://www.arabtravelersforum.com/tr...8/#post6293918

ماشاء الله عليك حبيب البحرين تقرير ولاأروع .۔ بس شسالفتك مع النوم العميق .تحياتى.






شكراً على المشاركه والإطراء عزيزي طائر بلا حدود
ومشكلــه النوم معاي بس صارت في تايلند ، لاني من كثر ما امشي سيراً على الأقدام في اسواقهـم اتعب تعب مو طبيعي وهم ما شاء الله عليهم كل سوق اكبر من الثاني واقل شي تمشي ساعتين !!!
فاول ما اوصل الفندق على طول الفراش واحياناً من اجوف الجو ممطر بالخارج الغي فكره التسويق واواصل النوم لين يوقف المطر ۔
تحيـــــاتي لك

المشاركة الأصلية كتبت بواسطة مراوي22
http://www.arabtravelersforum.com/tr...8/#post6295268

حبيته لاليك مسكين غريب وأجنبي وطلع فيه الخير مع إنه مثل ماقلت ربعك خلوك ولا ياو بس الله عوضك بهالانسان الطيب




يا هلا اختي مراوي شكراً على المشاركه
والصديق العزيز (( لااك )) شخص طيب ما قصر وياي وان شاء الله اردها له في المستقبل ، وبالنسبه عن ربعي فما الومهم لان توقيت سفري ما كان يناسبهم فهم كانوا مسافرين على اساس انهم بيروحون بتايا + شنغماي + بوكيت وما فكروا انهم يطبون بانكوك ، ولكـن الحمد لله الله عوضني بغيابهم بعده معارف خليجيين من شعب الخليج وكلهم فيهم الخير والبركه ۔
تحيـــــاتي
الاخ / http://www.arabtravelersforum.com/user210943/
شكراً جزيلاً لك على المداخله الكريمه وان شاء الله نلنا على رضاك بالتقرير
تحيــاتي لك

المشاركة الأصلية كتبت بواسطة فلفل حار
http://www.arabtravelersforum.com/tr...6/#post6295596

امك داعية لك لو احفي ما احصل نفس هذا الطيب لافي بلدي ولا خارج البلد وانا بفتر في الباتونق بدور هذا الانسان الفلته خوش رجال والله امين وخلوق وحبوب ومو طماع . لاتفرط في هذا الانسان الطيب .





هلا فيك اخوي فلفل حار
مشكور على مداخلــتك ، وان شاء الله تحصل في سفــرتك صديقي ( لااك ) عشان يوديك الأسواق اللي وداني اياها وخصوصاً الماركات التقليد درجه أولى ۔
تحيــــاتي وان شاء الله انه بظل متواصل وياه واي انسان يحتاجه بحاول اعطيــه رقمه بتايلند
وشكــراً

المشاركة الأصلية كتبت بواسطة علي2003
http://www.arabtravelersforum.com/tr...4/#post6291404

من أجمل التقارير الي قرأتها۔
مشكور على التقرير المميز




العفو يخوي علي 2003 لا شكر على واجب
اهم شي عجبك التقرير وان شاء الله استفدت منه
ولد سدير
الله يعافيك عزيزي تحيــاتي لك
قواكم الله

ما شاء الله عليك اخووووي حبيب البحرين
ابدعت في سرد الموضوع والرحلة .۔ بالشكل المرح وايضا الاشياء الحلوة اللي صادفتها
والحمدالله انك صادفت من يقوم بتوصيلك الى اهم الاماكن
لانه دائما يقولك

اهل مكه ادرى بشعابها .۔

والشخص اللي منهم وفيهم .۔ بكون وايد اسهل انك توصل معاه الى النقطة الهامة

بس اخووووووي ممكن اتحط لنا الاسعار اللي حصلتها من السوق الليلي
اسعار الساعات والشنط وغيرها من الامور الكوبي 1 .۔

اذا ماعليك امر .۔ والحمدالله على سلامتك اخووووووي

المشاركة الأصلية كتبت بواسطة بو يساف
http://www.arabtravelersforum.com/tr...2/#post6301192

ما شاء الله عليك اخووووي حبيب البحرين
ابدعت في سرد الموضوع والرحلة .۔ بالشكل المرح وايضا الاشياء الحلوة اللي صادفتها
والحمدالله انك صادفت من يقوم بتوصيلك الى اهم الاماكن
لانه دائما يقولك
اهل مكه ادرى بشعابها .۔
والشخص اللي منهم وفيهم .۔ بكون وايد اسهل انك توصل معاه الى النقطة الهامة
بس اخووووووي ممكن اتحط لنا الاسعار اللي حصلتها من السوق الليلي
اسعار الساعات والشنط وغيرها من الامور الكوبي 1 .۔
اذا ماعليك امر .۔ والحمدالله على سلامتك اخووووووي



يا هلا اخوي بويساف
بالنسبه حق الأسعار اللي شفتها تقريباً تتراوح مابين الـ 2000 بات تايلندي حوالي 24 دينار بحريني = 240 ريال سعودي ويعتمد عليهم احياناً كبائعين كل واحد يقول سعــر ولكن انت وفنك وكيف تنزل السعر لي القااااع ، وهم فيهم طبيعه لاحظتها انك اذا تكاسرهم يعطــونك ( الكولكوليتر _ الحاسبه ) ويقولك انت احسب بروحك وبكم تبي السلعه او الشي ۔
تحيـــاتي لك

المشاركة الأصلية كتبت بواسطة q8naawaf
http://www.arabtravelersforum.com/tr...8/#post6276778

انا طالع لبوكيت وبانكوك
بدايه شهر 11 ان شالله .۔
وتراني متاااابع



بالسلامه يا الغالي
والأفضل انك تأجل حالياً على حسب الأخبار الغير ساره واللي تقول ان الفيضانات راح تنتقل لي بانكوك ( والعلم عند الله طبعاً ) بس الحذر واجب وانه اخوك
تحيـــاتي لك وان رحت الله يردك لنه سالم غانم

الصراحة تقرير رائع و خفيف

بس ممكن تدلنا على الاماكن اللي اخذت منها البضائع الكوبي درجة اولى

يعطيك العافية .۔ تقرير رائع
في سؤال لو سحمت .۔ الشخص بيحق له شنطة وحدة وانت رجعت معك 3 شنط .۔ كم دفعت وزن للشنطة ؟؟

المشاركة الأصلية كتبت بواسطة مذهلهq8
http://www.arabtravelersforum.com/tr...4/#post6326844

جزاك الله خير
ان شااالله لما اروح اسوي نفسك اكتب تقرير ليستفيد غيري



الله يسلمج اختي العزيزه
وان شاء الله نجوف تقريرج مستقبلاً
تحيــــاتي

المشاركة الأصلية كتبت بواسطة amermadrid
http://www.arabtravelersforum.com/tr...2/#post6327572

يعطيك العافية .۔ تقرير رائع
في سؤال لو سحمت .۔ الشخص بيحق له شنطة وحدة وانت رجعت معك 3 شنط .۔ كم دفعت وزن للشنطة ؟؟



الله يعافيك اخوي مرورك اهو الرائع
بالنسبه عن الثلاث شنــط الحمد لله ما فيهــم وزن لاني وزعت كل الأغراض بينهم ، وكانت اشياء خفيفه مو ثقيله
تحيـــاتي لك

المشاركة الأصلية كتبت بواسطة حبيب ❶ البحرين
http://www.arabtravelersforum.com/tr...8/#post6328318

الله يعافيك اخوي مرورك اهو الرائع
بالنسبه عن الثلاث شنــط الحمد لله ما فيهــم وزن لاني وزعت كل الأغراض بينهم ، وكانت اشياء خفيفه مو ثقيله
تحيـــاتي لك

يعني أفهم منك اذا رجعت انا من تايلاند ومعي 3 شنط .۔ كل شنطة اقل من 23 كيلو.۔ ما بدفع وزن ولا أي شي ؟
لأني بعرف ان كل شخص يحق له بس شنطة وحدة (23 كيلو ) و هاند باغ (10 كيلو ) .۔ و اذا رجعت ومعي شنطة اكسترا .۔ لازم ادفع عليها ..۔ و شكراً

المشاركة الأصلية كتبت بواسطة amermadrid
http://www.arabtravelersforum.com/tr...2/#post6329452

يعني أفهم منك اذا رجعت انا من تايلاند ومعي 3 شنط .۔ كل شنطة اقل من 23 كيلو.۔ ما بدفع وزن ولا أي شي ؟
لأني بعرف ان كل شخص يحق له بس شنطة وحدة (23 كيلو ) و هاند باغ (10 كيلو ) .۔ و اذا رجعت ومعي شنطة اكسترا .۔ لازم ادفع عليها ..۔ و شكراً




يا هلا عزيزي
بالنسبه عن الشنـط فهي تعتمــد على الحجم وعلى الوزن طبعاً ، ومثل ماتفضلت حضرتك اهم شي ما تطوف الوزن المحدد اللي اعتقــده ما يعدي 32 كيلو ،،، وانت وفنك بالتضبيط بكل شنطـه ۔
بالنسبه لي شخصياً بعض الأشياء الخفيفه والمهمــه خليتها في ( الهاند باق ) مثل الساعات وبعض الأكسسورات والذهب ووووو الأشياء العاديه ۔
تحيــــاتي لك