الموضوع: اول مرة بسافر تايلند ومحتاج مساعدتكم

السلام عليكم ورحمة الله وبركاته

صبحكم الله بالخير جميعا

في البداية احب اوجه شكري الى الادارة وباقي الاعضاء المشاركين


صار لي فترة اتابع وماشاءالله الردود اول بأول

الله يسلمكم انا وواحد من الشباب قررنا نسافر تايلند ^_^

الشخص اللي معاي اول مرة يسافر في حياته ومرة وحدة تايلند هههه

المهم ،، انا وهو بنكون اول مرة نروح تايلند والصراحة مالنا بالسفرات

الله يسلمكم من خلال البحث والمتابعه والاستشارات ،، قررت تكون رحلتنا كالآتي

دوحة - بانكوك - بوكيت - بتايا - بانكوك - دوحة

نهاية شهر 12 ان شاءالله

تقريبا لمدة 14 يوم

الصراحة ابي تفصيل وشرح كامل للسفرة من حيث:

1- احسن طيران واسعارهم مب غالية بالنسبة من قطر الى تايلند۔ " قالوا لي الخليج بس المشكلة ركبتها مرة من زمان واحس مب مرتاح لها واللي زاد الطين بلة لما طاحت في البحرين هههههههه "

2- احسن طيران داخلي واسعارهم حلوة للتنقل بين المدن۔

3- فنادق اسعارهم حلوة ومكانها ممتاز في المدن المذكورة " حدود ال300 ريال لليوم۔

4- أماكن حلوة حق التمشاية وهالسوالف في المناطق المذكورة والنشاطات اللي نقدر نسويها۔

5- المواصلات

6- الاحتياطات اللي لازم ناخذها

7- طرق الحجز " بالانترنت ولا من هناك دايركت ؟" لانه فرضا لو حجزت بالانترنت اخاف يصير تأخير في الرحلات .۔ الخ"

8- تقريبا كم الميزانية حق الشخص الواحد من غير تذكرة۔

9- كم الواحد ياخذ معاه وبأي عملة ؟ وياخذ كاش ولا بالفيزا ؟

10- ي اضافة او تفاصيل حابين تضيفونها


بالنسبة للملابس ،، في قطر نادر جدا البس بدلات سبورت وهالسوالف ،، حق السفرة اشتري من قطر ولا من هناك ؟


طبعا احنا نحب سوالف التسوق والتمشاية والبحر .۔ الخ باستثناء الاماكن الاثرية والمعابد .۔ رايحين نغير جو

وامممممممممم

وبس والله

فأتمني منكم المساعدة واكون شاكر لكم فرد فرد عضو عضو بيت بيت دار دار هههههههه

تقبلوا تحياتي

اخوكم: احمد بن علي

مواضيع عشوائيه ممكن تكون تعجبك اخترناها لك:

• العدسات الاصقة للاسنان
• احتاج من اهل الخبرة منتجعات في مدينة هواهين
• فندق عالبحر مباشرة
• سوريا الوجهة المفضلة للجزائريين
• ارجوا المساعده حق جدول حق شهر عسل
• خبراء كو سامت
• خادمات بدمشق
• وشرايكم بهالفندق في بوكت ضروري ولا عليكم امر
• برنامج بوكيت شرايكم
• المساعده يا خبراء تاي
• محلات خدمة الاتصالات الخاصة بالانترنت في بوكيت
• قذاره بتايا
• مشورتكم
• استفساااااار لا هنتم
• السفر الجمعه ومجموعه من الاسئله
• مساعدتكم في رحلة حلوة الى اجمل بلد في اسيا
• شقق فندقية
• ضروووري ساعدونا بفنادق في حي العرب ، ولكم دعوة صالحة من أمي
• بسررعة ابغى نصيحة على الفنادق
• أفيدوني لرحلة اقتصادية

اخوي بالنسبه للطيران الي تايلند فكل الطرق تؤدي الي روما
يعني تجربه وتعدي .. كلهم مثل مثل
الطيران الداخلي كثير .. وطيران اسيا اقتصادي وجيد
انت كبير بالعمر لأنك تذكر الطياره اللي طاحت بالبحرين ههههه
فأكيد التمشي والاسواق تعجبك
وفي كل مكان سوق
وفي باتايا التمشي علي البحر جميل لكم كشباب
300 ريال حق فندق ... تجد آلاف الفنادق بهذا المبلغ وأقل منه
في باتايا تجد الرحلات مكتوبه بالعربي حتي علي ابواب مكاتب السفرات
وفي بانكوك ايضا في منطقه العرب
ماعندك أي مشكله
توكل علي الله وكل شيء سهل بأذن رب العالمين

لا الشيخة انا صغير ههههههه

عمري 25 سنة بس اذكر لما الطيارة طاحت

اشكرج على الرد وفي انتظار الافادة المناسبة لعمري ههههههه

المشاركة الأصلية كتبت بواسطة prince_7ub
http://www.arabtravelersforum.com/tr...2/#post6441392

حياك الله ياغالي



الخليج زفت من تجربة روح يالاماراتية او القطرية وشوف الطيارة وهو الشي المهم يعني لو الطيارة على القطرية

افضل روح عليها ولو الاماراتية روح عليها بعد شيك طراز الطيارة قبل كل شي





شوف الاوفر وهو طيران آسيا



تقدر تشوف موقع بوكينج وتحدد الفنادق وراح نفيدك فيها انا سكنت في فندق 3 نجوم وحلو صراحة

وقريب من جميع الاماكن ( بوكيت طبعاً ) واقتصادي جداً 120 ريال يومي فقط

اسم الفندق بان فيل




كل انسان وعلى اختيارة روح هناك وشوف المكاتب السياحية واختر الي يعجبك لكن انتبه من الأسعار

كل الفعاليات والرحلات ماتزيد عن 1500 بات للشخص يعني ماعليك من الي مكتوب على الورق 3000 بات

كلام فاضي ونصب وخاصة رحلة الغوص يقولك فيه غطس مرتين بسعر 4000 بات والحقيقة ان الغطس مرة واحدة والمرتين لأصحاب الرخص



في بوكيت ماتحتاجها ابداً الرحلات تاخذك من باب الفندق وترجعك وبعدها كل شي قريب منك حتى السهر



كثر ملابس رياضية وصندل ممتاز وانت بكرامة لأن المشي هناك كثير والجزم ماتنفع ابداً

تابع الاحوال الجوية دائماً عشان لايجي مطر ويذبحك البرد واذا وصلت هناك اشتر ( ملابس وقاية من المطر )

عبارة عن لبس كيس مثل البالطو بس نايلون ورخيص جداً اشترة من ماركت ( 7 - 11 )




الارخص عن طريق الانترنت لكن سو مثلي حجزت اول يومين فقط عشان اذا ماعجبني الفندق اغيره عن طريق

احد المكاتب السياحية طبعاً شوف الارخص منهم واحجز لكن اعجبني الفندق وماغيرتة ولا راح اغيره وان رجعت

لها بسكن فيه



بالنسبة للرحلات 200 ريال بالكثير لكل شخص والأكل فيه العربي الغالي وفيه الفاست فود الارخص

وحق السهر مو غالي ههههههه



لاتأخذ معك الا 300 دولار للأحتياط وخل شغلك على الصرافات وريح مخك من تحويل العملة وقرفها

كل سحبة يأخذ منك مبلغ 20 ريال تقريباً على حسب البنك ولو تحسبها لمدة 14 يوم تطلع 240 ريال وتريح

راسك من اخذ مبلغ كبير في جيبك وتشيل همه وقرف الصرف




ابد سلامتك ورحلة موفقة




اها انت من قطر اجل الخطوط اريحلك بكثير تطلع على القطرية انسى الاماراتية

تايلند اسعارها مثل اسعار السعودية

فمدري عندكم الملابس اغلى من عندنا او لا ؟




كلنا نحب نغير جو هههههه وراح تنبسط كثير في بوكيت خاصة

اي استفسار انا حاضر




رحم الله والديك وبيض الله وجهك

ماقصرت والله ونشوف باقي الاعضاء

واذا عندي اي استفسار ثاني بتواصل على الخاص

واشكرك مرة ثانية

و عليكم السلام و رحمة الله و بركاتة "".

اهلا فيك اخي العزيز احمد بن على
بصراحة اخونا / prince - ub اعطاك المعلومات الكافية و الموفقة .
مداخلتي اخ احمد تتطلع على كم تقرير من قسم تقارير تايلند الخاصة ببوكت و باتايا و بانكوك و الحقيقة هي كثيرة لكسب مزيدا من المعلومات و الى سوف تفيدك في رحلتك ان شاءالله .
بارك الله فيك """

المشاركة الأصلية كتبت بواسطة حسن الحمادي1
http://www.arabtravelersforum.com/tr...6/#post6441906

و عليكم السلام و رحمة الله و بركاتة "".

اهلا فيك اخي العزيز احمد بن على
بصراحة اخونا / prince - ub اعطاك المعلومات الكافية و الموفقة .
مداخلتي اخ احمد تتطلع على كم تقرير من قسم تقارير تايلند الخاصة ببوكت و باتايا و بانكوك و الحقيقة هي كثيرة لكسب مزيدا من المعلومات و الى سوف تفيدك في رحلتك ان شاءالله .
بارك الله فيك """




شاكر لك ردك اخوي وفعلا هذا االلي اسويه

بس المشكلة في بعض التقارير قديمة

مرات تكون من غير صور والاسعار طبعا تختلف من سنتين الى الان

من ناحية الطيران الدولي أخوي أنا مجرب الخطوط العمانية ممتازة و أسعارها حلوة ومناسبة و لا تقارن بالخطوط الأخرى

المشاركة الأصلية كتبت بواسطة bad man bad
http://www.arabtravelersforum.com/tr...6/#post6459126

اخووووووووي احمد اخر نصيحة الاسعار في شهر 11 و12 ونصف شهر 1 من العام الجديد تكون مرتفعه جداااااااااااااااااااااااااااااااااااااااااااااااا ااااااااااا وبعضها ملياااااااااانه حجوزات ومو كل الفنادق بعض الفنادق المهمة والقريبة من اماكن الترفيه والسهر .... يعني راح تحصل رخيص اكيد بس ابعد شوي من الاماكن المهمة بس لا تشيل هم خاصة في فوكيت كلش قريب .. وبتايا فيه حي العرب هناك افضل شي مع اني افضل فوكيت لنظافتها ..والترفيه اللي فيها
انا المشكلة باكون هناك في راس السنة عشق لا ينتهي والله يعيينا على اسعارها في هالشهرين لان باقي السنة رخيصة جدا ...




اتمنى اني ساعدتك وقدرت اوصلك المعلومات المتوفرة لدي .....




ماشاءالله عليك كفيت ووفيت واشكرك من كل قلبي والله

بس بصراحة تخوفت من الاسعار ههههه

عطني مثال

غرفه حق شخصين فندق 4 او 3 نجوم

كم في اليوم ؟

من فترة 25-12 الى 10-01

المشاركة الأصلية كتبت بواسطة احمد بن علي
http://www.arabtravelersforum.com/tr...8/#post6468358

ماشاءالله عليك كفيت ووفيت واشكرك من كل قلبي والله

بس بصراحة تخوفت من الاسعار ههههه

عطني مثال

غرفه حق شخصين فندق 4 او 3 نجوم

كم في اليوم ؟

من فترة 25-12 الى 10-01




والله تقريبا من 550-800 ريال في الفنادق 3 نجوم فوكيت
وفنادق 4 نجوم تقريبا من 650- 2000 ريال في فوكيت

لكن بانكوك اسعارها ارخص تقريبا 350- 600 ريال


لان الضغط والسياحة كلها في فوكيت ..۔

طبعا في فوكيت احيانا تحصل بعض الفنادق 4 نجوم ولكن خدمتها ونضافتها 5 نجوم واحيانا العكس

طبعا حاليا لو تتدخل موقع بوكنق للحجز بتشوف بعضها مليانه وبعضها مبالغ في سعرها واللي بعيده شوي سعرها معقول تقريبا ..۔

ولكن خذها قاعده مافيه شي بعيد بعيد كلها فوكيت صغيرة لكن الواحد يفضل يصحى من النوم على الشاطي او على شارع البانقلا لان كل المطاعم الفاست فود هناك والحياة الحلوة في النهار وفي الليل بعد

.

وانصحك بالحجز عن طريق النت من بوكنق(BOOKING) او اجودا (
AGODA)
بس اجودا حاليا مسوين عروض وتخفيضات حاول تشيك عليهم وتشوف لانهم اوك في شرق اسيا ومقرهم اساسا في تايلند.

المشاركة الأصلية كتبت بواسطة bAd MAN bAd
http://www.arabtravelersforum.com/tr...8/#post6470118

والله تقريبا من 550-800 ريال في الفنادق 3 نجوم فوكيت
وفنادق 4 نجوم تقريبا من 650- 2000 ريال في فوكيت

لكن بانكوك اسعارها ارخص تقريبا 350- 600 ريال


لان الضغط والسياحة كلها في فوكيت ..۔

طبعا في فوكيت احيانا تحصل بعض الفنادق 4 نجوم ولكن خدمتها ونضافتها 5 نجوم واحيانا العكس

طبعا حاليا لو تتدخل موقع بوكنق للحجز بتشوف بعضها مليانه وبعضها مبالغ في سعرها واللي بعيده شوي سعرها معقول تقريبا ..۔

ولكن خذها قاعده مافيه شي بعيد بعيد كلها فوكيت صغيرة لكن الواحد يفضل يصحى من النوم على الشاطي او على شارع البانقلا لان كل المطاعم الفاست فود هناك والحياة الحلوة في النهار وفي الليل بعد

.

وانصحك بالحجز عن طريق النت من بوكنق(BOOKING) او اجودا (
AGODA)
بس اجودا حاليا مسوين عروض وتخفيضات حاول تشيك عليهم وتشوف لانهم اوك في شرق اسيا ومقرهم اساسا في تايلند.




اسمح لي على التأخير في الرد

اشكرك اخوي ماتقصر

انا حجزت في موقع بوكينغ فندق في بوكيت اسمه baumanburi ديلوكس

وحجزت التذاكر الداخلية " التذكرة طلعت تقريبا 390 ريال "

وان شاءالله السفر يوم الجمعه ^_^

ابشركم انا رجعت ههههههه

احلى شي بوكت في راس السنة شي ثاااااااني

والجزر اللي فيها عجيبة

وان شاءالله نهاية هالسنة بروح بعد

بقعد في بوكت اكثر شي

اما بانكوك حدي يومين بس وبتايا يمكن ما اروح لها

السفرة كلفتني تقريبا 17,000 ريال قطري ...

واي استفسار انا حاضر