الموضوع: اول رحله لي لتايلند ارجو المساعده

السلام عليكم ..ياقوم انا بسافر تايلند انا وواحد من الشباب بتاريخ 4 ابريل 2012 يعني بعد ست ايام من تاريخ كتابتي لهذا الموضوع والي حمسني للسفر انهم يقولون ارخص من اندونيسيا فعندي استفسارات الله لا يهينكم


*افضل وارخص خطوط من الرياض لتايلند علما باني شيكت مع مكتب سياحي حصلت الخطوط الهنديه بالفين ريال بس صراحه ماقد جربت خطوطهم


*مدة الرحله 14 يوم وعلى حسب ماشفت انه افضل ثلاث مناطق بتايلند هي بوكت شنغماي بتايا فاتمنى من الي لهم خبره يفيدوني وش الافضل وعدد الايام خصوصا اني شفت مثلا في بوكت تقريبا ست او سبع عروض زي جزيره جمس بوند ومعليش بس فيه اشياء غاليه وما تستاهل ويتفق عليها الجميع اتمنى تحددون لي من هالبرامج وش الي تشوفونه فعلا ما يتفوت من حيث السعر والمضمون في كل مدينه من الثلاث مدن لانها هي الي بتحدد عدد ايام الاقامه


* قضية التنقل بين المدن وداخل المدن انا مادري وش الطريقه المناسبه هل الطياارت او القطار او التكاسي او التك تك او رجليه مثلا وكم الاسعار التقريبيه علشان ماينضحك علينا


* الصرف وين افضل مكان اصرف فيه وهل اصرف دولارات من السعوديه واصرفها هناك بات


*الفنادق انا صراحه احس الفنادق غاليه وماتقدر تاخذ راحتك بطبخ وشيشه وغيره فهل فيه شقق فندقيه حلوه ورخيصه وتكون قريبه من الاماكن الكويسه وابغى سعر تقريبي الله لا يهينكم للفنادق والشقق


اعتذر اني كثرت عليكم بالاسئلة بس اتمنى الي عنده معلومه لا يبخل علي لاني انا وصاحبي اول مره نروح لتايلند


ولكم جزيل الشكر

مواضيع عشوائيه ممكن تكون تعجبك اخترناها لك:

• محتاج مشورة للتخطيط للسفر
• سؤال للاهمية؟؟؟؟
• شريحة تليفون في تايلند
• تكلفة شهر العسل
• مشكلة في اسمي على التذكرة الدولية ارجوكم ساعدوني يا اخوان
• كل شئ عن الشقق في تايلاند للرحلات المطولة مثل العلاجيه والتسويقيه لا يفوتك ابدا
• جدول متعوب عليه هديه لكم ولـ الشملان وشيخ النواخذه وبواشرف وسويلم
• الاستفسار عن وضع الختم على جواز السعودي
• شو رايكم في فندق
• ارجوو المساعدةلا هنتم
• اسئل عن اسعار الصرف في الجمرك وفي وسط المدينه
• فندق قراند سوكمفيت
• استعدادات السفر المبدئيه لتايلند وحجوزرات الناقل والفنادق
• فندق قريب من سوق الحمديه ؟؟
• سعر الصرف
• صورالرجاء التاكيد ان هذه الرسائل النهائية لتاكيد الحجز
• استفسااار عن التأشيرة الله يعافيكم
• شروط وأحكام عرض القطرية
• استفسار سريع عن التكاليف
• شنج ماي

*افضل وارخص خطوط من الرياض لتايلند علما باني شيكت مع مكتب سياحي حصلت الخطوط الهنديه بالفين ريال بس صراحه ماقد جربت خطوطهم
-العمانية
-الاتحاد
-القطرية
-طيران الخليج


*مدة الرحله 14 يوم وعلى حسب ماشفت انه افضل ثلاث مناطق بتايلند هي بوكت شنغماي بتايا فاتمنى من الي لهم خبره يفيدوني وش الافضل وعدد الايام خصوصا اني شفت مثلا في بوكت تقريبا ست او سبع عروض زي جزيره جمس بوند ومعليش بس فيه اشياء غاليه وما تستاهل ويتفق عليها الجميع اتمنى تحددون لي من هالبرامج وش الي تشوفونه فعلا ما يتفوت من حيث السعر والمضمون في كل مدينه من الثلاث مدن لانها هي الي بتحدد عدد ايام الاقامه
-بوكيت:
الفنتزي شو
بي بي ايلاند
جيمس بوند ايلاند
ايلاند سفاري

-شانقماي:
رحلة الشلالات واعلى قمة بتايلند
رحلة مخيم الفيلة ومزرعة النمور
نايت سفاري

-بتايا:
الحديقة الاستوائية نونق نوتش
حديقة المليون صخرة
رحلة بحرية لاحد الجزر حسب اختياركم


* قضية التنقل بين المدن وداخل المدن انا مادري وش الطريقه المناسبه هل الطياارت او القطار او التكاسي او التك تك او رجليه مثلا وكم الاسعار التقريبيه علشان ماينضحك علينا
-من مدينة الى اخرى بالطيران الداخلي ،، لكن بتايا تطلع لها من بانكوك بباص من المطار او تاكسي ،، والتنقل داخل المدن بوكيت اسكن بالباتونق بتش وكل شي حواليك والمواصلات عندك التوك توك والتاكسي لكنه اغلى من باقي مناطق تايلند ، في شانقماي التوك توك مناسب واما بتايا فـ الانسب هو الوانيت ابو عشرة بات و الموتر بايك تاكسي.


* الصرف وين افضل مكان اصرف فيه وهل اصرف دولارات من السعوديه واصرفها هناك بات
-دايما خذ معاك دولارات الى تايلند وحول مبلغ بسيط في السعودية الى بات لزوم يوم الوصول مثلا 500 ريال تحولها الى بات.


*الفنادق انا صراحه احس الفنادق غاليه وماتقدر تاخذ راحتك بطبخ وشيشه وغيره فهل فيه شقق فندقيه حلوه ورخيصه وتكون قريبه من الاماكن الكويسه وابغى سعر تقريبي الله لا يهينكم للفنادق والشقق
-الفنادق بمتناول الاسعار في تايلند ارشح لك الاتي :
بوكيت:
توني ريسورت
بومانبوري
اماتا ريسورت
جانق ريسورت
بويا بالاس

شانقماي:
سنتارا داونتاون

بتايا:
دي ابارتمنت
باي والك رزيدينس
مون لايت
في سي

شانقماي

اشوف انها منطقة رومنسية وعائلية وليست شبابية

واذا تبي الهجوله

عليك (( بانكوك + بوكت + بتايا ))

وعليك بطيران الاتحاد حتى ولوكان غالي بس رائع جدا ماشاء الله

ورحلة موفقه

تعبتكم معي الله يعطيكم العافيه بالنسبه للفنادق اخوي ولد البحرين هل مسموح فيها مثلا الطبخ والشيشه ؟؟

الشغله الثانيه ابغى لو ماعليك كلافه اسعار البرامج السياحيه الي ذكرتها لي يعني زي جزيره جيمس بوند كم تكلف مثلا ؟ وايلاند ورحلة الفيله ... الخ


وشاكر لكم وممنون لطفكم انت واخوي الحنون ماقصرتم

وبالنسبه على العروض هذي اخوي ولد البحرين كم ترشح اني اجلس من يوم في كل مدينه ... تحياتي لك

ماقصرت اخوي الحنون ويعطيك العافيه.. واكيد مالنا غناة عن رأي اخونا ولد البحرين

فعلا مادري كيف اشكركم

اذا كانت الخطوط الهندية Jet Airways خذها وانت مغمض الطيران نضيف ومتتاز جدا

يعطيك العافيه اخوي سموم نجد على هالملاحظه

تعبتكم معي الله يعطيكم العافيه بالنسبه للفنادق اخوي ولد البحرين هل مسموح فيها مثلا الطبخ والشيشه ؟؟
-في الفنادق غير مسموح لكن بالشقق ممكن ،،

الشغله الثانيه ابغى لو ماعليك كلافه اسعار البرامج السياحيه الي ذكرتها لي يعني زي جزيره جيمس بوند كم تكلف مثلا ؟ وايلاند ورحلة الفيله ... الخ
-الرحلات اسعارها متفاوتة من مكتب الى اخر مثلا بي بي ايلاند تبدأ الرحلة من 900 بات للشخص وتوصل الى 1400 اما جمس بوند من 800 الى 1200 علما ان القارب الكبير اقل سعرا من السبيد بوت يعني القارب الكبير يبدأ من 800 او 900 للرحلة والسبيد فوق الـ 1000 بات اما رحلة ايلاند سفاري هذي لها كذا برنامج وكل ما زدت عدد الفعاليات زاد السعر يعني تبتدي من 1200 الى 1600 بات والفانتزي شو تكون شاملة بوفيه العشاء تقريبا من 1500 الى 1700 بات وباقي الرحلات حسب تسعيرة المكاتب عموما اغلب الرحلات اسعارها متقاربة سواء في بوكيت او غيرها من مناطق لكن بوكيت اغلى نسبيا.

توزيع مناسب لك لـ 14 يوم :
بوكيت 7 ايام
شانقماي 3 ايام
بتايا 4 ايام او مثلا 3 ايا وتخلي اخر يوم سوق في بانكوك