السلام عليكم ورحمة الله
سأدخل في موضوعي مباشرة كي لا أطيل عليكم
سأسافر للصين إن شاء الله الأسبوع القادم .... وأثناء ترتيب مواعيدي مع إحدى البنات الصينيين لزيارة مكتبهم فوجئت بسؤالها لي ما ديانتك .........:bounce8: قلتلها أنا مسلم وبيني و بينكم بالرغم من إني عارف زي ما إنتوا عارفين إن الصينيين أكثر من 90% بلا دين قلت فرصه أسألها أشوف ها ترد تقول إيه ......العجب كان في الرد الطبيعي البارد ........ ( أنا من غير دين ..... و زي ما إنت عارف أكثر الصينيين من غير دين ) بيني و بينكم أنا كنت عايز أجيب إللي قي معدتي ساعتها .... بالرغم من إني عارف الموضوع ده كويس ... بس من الواضح إن الإجابة المباشرة بتاعتها قلبت بطني ......... الأغرب من كده هو الجملة إللي قالتها بعد كده ..... قالت .... ( بس أنا إحتمال أدخل في ديانة قريب ) .... نطيت من على الكرسي إللي أنا قاعد عليه وقلتلها ديانة إيه إللي شداكي و ممكن تقتنعي بيها .... قالتلي و ياريتها ما قالتلي ........ ( البوذية ) مالقيتش مفر ساعتها غير إني أجيب إللي في معدتي و أخلص ..........
يا جماعة ربنا سايبلنا كنز في الصين إحنا مش بنستغله ........ الناس دي متعرفش عن دينا حاجة و لو يعرفوا..... يعرفوا إن إحنا لازم بنصلي كل يوم جمعه زي ما هي قالت ........
لما فكرت لقيت ليه محولش أكلم البنت دي عن دينا شويه ... جايز يكون ربنا جاعلها سبب لمغفرة ذنوبي و دخولي الجنة ... بس لما جيت أفكر أكتر مالقيتش معايا الأدوات إللي تساعدني إني أدعو بيها ...... بغض النظر عن إني مش شيخ ..... الأكتر من كده ... مفيش حاجة عن دينا موثوق فيها مترجمة للصيني ممكن تزود بيها معرفتها عن دين الإسلام ده لو تأثرت بكلامي أصلاً
أنا عارف إني طولت عليكم .... بس فعلاً الموضوع ده شغلني أكتر من الحاجات إللي رايح أشتريها من الصين أصلاً
يا ريت يا مسلمين لو فيه حد عنده أي حاجة تفيدني في الموضوع ده يساعدني ..... لو فيه حاجة عن دين الإسلام مترجمة بالصيني يدلني عليها
و انصحوني .... ياترى إللي بفكر فيه ده صح ولا أنا ها أودي نفسي في داهية في الصين وخلاص .....
أخيراً .......... الحمد لله الذي خلقنا مسلمون............... و استمتع بقولي ...........أشهد أن لا إلاه إلا الله و أشهد أن محمداً رسول الله ...........مواضيع عشوائيه ممكن تكون تعجبك اخترناها لك:
- الصين وهونج كونج ومكاو بعدسة زوارها
- رحلتي الى الصين صيف
- محتاجة فندق او شقق مفروشة في ابريل
- اسأله عن هونج كونج كثييييره بليز
- الصفوه وين عنوان الرجال
- استفسار بخصوص الفندق بكوانزو وكذلك التاشيرة
- استفسار عن الاجهزه الكهربائيه والاثاث ؟؟؟؟؟
- شركة شحن جوي باسعار معقولة
- استفساراتي عن هونغ كونغ
- مسافر للصين برفقة عائلتي اريد نصيحة الخبراء
- نصائح بخصوص السفر الي الصين في فبراير
- هل في شخص استورد بضاعه من غير سجل تجاري اللي مجرب يبلغنا؟
- ارجو المساعدة من خبراء السفر الى الصين و هونج كونج
- استفسارات للي راح لهونج كونج
- إلى ادهم المصري
- طلب نصائح الخبراء
- مطعم كابل الصين بوفية مفتوح فقط يوآن
- الى كل من يهتم بتجارة ملابس الأطفال من كوانزو
- وسيلة الدفع
- حالة الطقس؟؟
المفضلات