الموضوع: اخواني ممكن تساعدوني بس شوي

السلام عليكم ورحمة الله وبركاتة

اخواني ممكن مساعدة انا بزوج شهر 23 / 9 بعد العيد ان شاء الله ... وابي اسافر المالديف 4 ليالي

ممكن اعرف شو الافضل اني احجز عن طريق النت ولا اسوي بكيج عن طريق الرحلات السياحية .... خاصة الاسعار في النت اشوفها ارخص .

انا ابي مكان في البحر... عتقد اسمها water valli

شو الفرق بين water villa و water villa spa هل هو فرق كبير ولا عادي شو الافضل

بس ما اعرف اي فندق احجز وين المكان مناسب حقي انا وزوجي

شو عن المواصلات من المطار للفندق اذا حجزت عن طريق النت مثلا .... كيف اسعارهم

ابي اعرف هل مطاعمهم صج غالية مثل ما يقولون ولا لا

شو الاماكن سياحية موجودة هناك الي اقدر ازورهااااا ... شو الانشطة سياحية الي اقدر امارسهااا

شو المكان مميز لازم ازورة هناكي

احناااا ميزانيتنا حق المالديف 11 الف درهم ... تقدر نزيد الميزانية لين 14 الف هل تكفي ولا لا

واكون شاكرة لكم

طبعاااا انا متعودة احجز عن طريق النت دايمااا بس في بلادنا الامارات ... هل هو نفس الطريقة ناخذ رقم الحجز وخلاص

كيف اعطيهم معلومات انة انا في شهر العسل

ما اعرف اذا اسئلتي خلصت ولا لا بس بليززززز اذا نسيت شي مهم خبروني .... خاصة انا وايد احب ازور هذة البلاد وخاطري من زمان ازورهاااا وزجي اصلا متعود على البحر ويحب يسبح دوو طبعاااا

وشكراااااااااا

مواضيع عشوائيه ممكن تكون تعجبك اخترناها لك:

• جزر المالديف سحر الطبيعة
• موريشيوس في ديسمبر
• الله يخليكم عااجل ،، الحجز اليوم ولا بكرى منتجع كورومبا
• ساعوني في تحقيق حلميبفنادق المالديف
• ياخبراء جزيرة موريشوس كم استفسار ؟ افيدوني
• هذا عرضي
• إستفسار عاجل جدا جدا جدا لخبراء موريشيوس
• سؤال لخبراء موريشيوس
• مقارنة بسيطة بين الجزر
• أبغى رايكم ممكن؟؟
• حول جزيرة بورا بورا
• جزر المالديف
• اماكن للزياره في المالديف
• أستفسار بسيط
• فزعتكم ياخبراء المالديف
• أتمنى ردكم في أقرب وقت
• لو سمحت ؟
• هل يوجد سرير منفوخ بمسابح المالديف ؟؟
• هل هناك من يساعدني في خطه شهر العسل؟
• سؤال مهم وعاجل جدا لشهر العسل

مرحباً اختي
في البداية بقوووولج الف مبرووووك
أنا انصحج بانج تشوفين المواضيع اللي حاطينها الاعضاء
من تجاربهم وسفرتهم هنااااااك
وانا افضل لج ان تشوفين مكتب الامارات للعطلات وتختاروا روحكم الباكج اللي يناسبكم
طبعا حسب ميزانيتج
وطيران الاتحاد بعد منزل عروض صالحة لشهر ديسمبر تقدرين تتاكدي منها بنفسج
وأي استفسار أنا حاضر وفي الخدمة

الف مبروك والله يوفقك يارب
انا عندي نفس الاسئله وناوي على كونراد
وساءلت عن المطاعم واسعارها وايضا بعض النشاطات مثل رحلة الغروب وجزيرة الاحلام وصيد السمك والغوص
وننتظر الاجابه من الغالين

مرحبا بك

لو تحجزين من الانترنت عندك طيران الامارات شخصين بـ 6900 درهم والاتحاد شخصين بـ 6100 درهم والسيرلانكية شخصين بـ 440 درهم جميعها شاملة الرسوم والضرائب

والميزانية لاتكفي للسكن في ووتر فيلا

لو فرضنا في الهيلتون أربع ليالي في بيتش فيلا مع إفطار بـ 8093 درهم شاملة سعر الغرفة والنقل بالطائرة المائية من المطار إلى المنتجع وشاملة الضرائب

الثاني ... منتجع كرومبا أربع ليالي في غرفة سوبريور مع إفطار بـ 4426 درهم شاملة سعر الغرفة والنقل بالبوت السريع من المطار إلى المنتجع وشاملة الضرائب وفيه غرفة ديلوكس قريبة من هالسعر

وفيه منتجعات حلوه وكثيره وسعرها معقول في وقتك المطلوب وتقدرين اذا رغبتي تسكنين يومين ببيتش فيلا ويومين بووتر فيلا




شو الفرق بين water villa و water villa spa هل هو فرق كبير ولا عادي شو الافضل



وين حصلتي هذا النوع !






ابي اعرف هل مطاعمهم صج غالية مثل ما يقولون ولا لا



المطاعم بيكون الافطار على الفندق والغداء بيكون طالعين لرحلة وماخذين لكم سناك وبتتعشون بدري لأنه مافيه شيء بالليل يعني بيكون تأكلون وجبتين وقيمة العشاء تقريباً من 200 إلى 350 درهم للشخص






شو الاماكن سياحية موجودة هناك الي اقدر ازورهااااا ... شو الانشطة سياحية الي اقدر امارسهااا



مافيه أماكن سياحية إلا اذا كان الفندق منظم زيارة لجزر قريبة والنشاطات كلها بحرية يعني صيد , غوص , قوارب وغيره






طبعاااا انا متعودة احجز عن طريق النت دايمااا بس في بلادنا الامارات ... هل هو نفس الطريقة ناخذ رقم الحجز وخلاص



نفسه بس زيادة أحتياط أطبعي الفاوتشر اللي وصلك








كيف اعطيهم معلومات انة انا في شهر العسل



عند الحجز تكتبين لهم في الملاحظات وهم يقومون باللازم

أطلعي على تقارير الأعضاء وعلى منتجعاتهم وتقدرين تشوفين الاسعار عن طريق موقع اقودا على الرابط http://www.agoda.ae/pages/agoda/defa...rchResult.aspx وعلشان تشوفين القيمة الاجمالية مع سعر التنقل اختاري نوع غرفة واضغطي على احجز وبيتضح معك تكلفة الغرفة والضرائب والتنقل وضرائبه

بالتوفيق

[QUOTE=ali7677;5977666]مرحباً اختي
في البداية بقوووولج الف مبرووووك
أنا انصحج بانج تشوفين المواضيع اللي حاطينها الاعضاء
من تجاربهم وسفرتهم هنااااااك
وانا افضل لج ان تشوفين مكتب الامارات للعطلات وتختاروا روحكم الباكج اللي يناسبكم
طبعا حسب ميزانيتج
وطيران الاتحاد بعد منزل عروض صالحة لشهر ديسمبر تقدرين تتاكدي منها بنفسج


انا ما اعرف اذا طيران اتحاد يودي مالديف اول مرة اعرف بس مب مشكلة بسئل ان شاء اللة وبتاكد من هذا شي


مشكووور اوخوي على الرد
بس تدري انا شفت وايد مواضيع بصراحة عن المالديف

بصراحة ناس وايد يصرفون هناك .. لانها غالية انا اعرف علشان جي احنا ما منقعد وايد هناك .. من روح تايلند عقب نقعد اسبوعين .. زوجي يعرف وايد اماكن حلوة هناك بس انا مصرة اروح مالديف تعرفون دلع بنات واحس مكان يستاهل بصراحة
لاحد يقول لا تروحين

على العموم شكرااا

مشكوررر اخوي zeezo11 على الرد

والله عطيتني فكرة حلوة بحجز مكانيين معني ما كنت اي اسوي اهذا الشي بس احس تغير يوم نغير المكان مدة الاقامة قصيرة واحد لازم يستقل شوي

انا عندي فلوس اقدر ازيد المبلع بس علشان انا بسافر تايلند ابي اخلي بيزات حق الشراء لانها هناك في وايد اشياء حلوه خخخخ

الموقع الي عطيتني اية وايد حلو اول مرة ادخل علية بصراحة شكرااااااا لك

اي يدخلون علية يسون خير ويشاركوناااا اراهم اذا ممكن

اختي انا حجزت اليوم ورايح ان شاء الله 1سبتمبر
اسعار التذاكر غلت وتضاعافت الاسعار الي اعطاكيها اخونا ابو عزيز جزاه الله خير ممكن تكون قديمه يفضل لك الدخول على expidia وراح يعطيك خيارات كثيره او موقع مشابه
الطيران الرياض دبي مالي دبي الرياض شخصين سياحيه 13700 ريال سياحي و27000ريال افق من الاماراتيه
اما بخصوص شهر العسل الفندق الي اخترته لازم تحجز 4 ايام في نفس النوع من الغرف لتحصل على عرضهم وهو عباره عن سلة فواكه ومشروب ترحيبي وزيارة نص يوم لجزيره خاصه وصيد سمك ورحلة الغروب والدلفين .وعشاء رومانسي .
وعلى حسب حجم الغرف ايضا لك امتيازات
ومن تجربه الافضل تراسلين نفس الفندق الي قررت عليه ويرسلون لك عرضهم وقارني واقراي العرض كله لان كل هالاشياء مكتوبه بخط صغير من ضمن الشروط والامتيازات
وفيه ايضا عروض مثل الغير مسترد يكون اقل بكثير
هذا ماوصلت له من بعد مراسلتي للفندق وايضا طيران الامارات
ودعواتكم لنا تتيسر لنا السفره وتتسهل يارب

المشاركة الأصلية كتبت بواسطة الشريف2005
http://www.arabtravelersforum.com/tr...0/#post5984440

اختي انا حجزت اليوم ورايح ان شاء الله 1سبتمبر
اسعار التذاكر غلت وتضاعافت الاسعار الي اعطاكيها اخونا ابو عزيز جزاه الله خير ممكن تكون قديمه يفضل لك الدخول على expidia وراح يعطيك خيارات كثيره او موقع مشابه
الطيران الرياض دبي مالي دبي الرياض شخصين سياحيه 13700 ريال سياحي و27000ريال افق من الاماراتيه
اما بخصوص شهر العسل الفندق الي اخترته لازم تحجز 4 ايام في نفس النوع من الغرف لتحصل على عرضهم وهو عباره عن سلة فواكه ومشروب ترحيبي وزيارة نص يوم لجزيره خاصه وصيد سمك ورحلة الغروب والدلفين .وعشاء رومانسي .
وعلى حسب حجم الغرف ايضا لك امتيازات
ومن تجربه الافضل تراسلين نفس الفندق الي قررت عليه ويرسلون لك عرضهم وقارني واقراي العرض كله لان كل هالاشياء مكتوبه بخط صغير من ضمن الشروط والامتيازات
وفيه ايضا عروض مثل الغير مسترد يكون اقل بكثير
هذا ماوصلت له من بعد مراسلتي للفندق وايضا طيران الامارات
ودعواتكم لنا تتيسر لنا السفره وتتسهل يارب




أخوي الأسعار اللي حطيتها بحثت عنها أمس وألحين شككتني وعدت البحث مره ثانية وطلع نفس الأسعار بس اللي ألتبس عليك أنك تحسبها بتسافر من السعودية والأخت كاتبه الامارات

وبخصوص سعر حجزك 13700 ريال أكيد أنك حاجز عن طريق مكتب لأن السعر الموجود الآن في موقع طيران الامارات الرياض دبي مالي دبي الرياض بتاريخ 1 سبتمبر الشخصين بـ 11274 ريال شامل الضرائب يعني أرخص من حجزك بـ 2426 ريال يالله معوض خير والله يسهل لك أمورك وتروح وترجع بالسلامة

lمرحباااااااااا zeezo11

على كل حال انا اشكرك وايد

بس حبيت اسئلك كذا سوال اذا ممكن

انا كنت اتصفح الموقع اقودا هذا الي طلعلي
Paradise Island Resort & Spa

Water Villa
2 بالغون

السبت 24 سبتمبر, 2011 - الاربعاء 28 سبتمبر, 2011 4 ليلة (ليالِ)

عدد الغرف:1
سعر الغرفة (في الليلة) AED 1,458.18

+ http://javascript:__doPostBack('ctl0...9;,'')
AED 185.18
Roundtrip Speed Boat Transfer (Adult x 2) compulsoryAED 629.63
Bed Tax 4 night(s) (Adult x 2) compulsoryAED 237.13
يعني السعر كامل 6699 مع الضربية والقارب توصيل صح ولا غلط .. طبعااا مع 4 ليالي سعر الغرفة هذا الفندق الي اخترتة

بس حبيت اعرف انا حساباتي صحيحة ولا لا علشان اسوي ميزانية مع زوجي لانة هو ما يعرف يحجز عن طريق النت

بنسبة لتوصيل كنت ابي اسئلك الموقع هو الي يحدد لك الوسيلة التوصيل اذا كانت طائرة مائية او زورق سريع

بالنسبة الاحجز عن طريق النت حق طيران الامارت .. انا بصراحة ولا مرة حجزت عن طريق النت انت شو تشوف نحجز عن طريق النت ارخص ولا كيف ولا هذا مجرد تسريع للاجراءات لا غير ... متى افضل وقت حقي احجز الحين ولا بعد العيد الان عرشي على اخر شهر 23 / 9 بكون وسفر بكون 24/9

انا قرات عن رحلتك بان الطيران المائي ساعة 3 العصر يوقف ... شو عن قارب توصيل هل فية وقت معين لازم اوصل المطار مالي علشان ما نتوهق ويروح وخلينا عقب نطر نحجز فندق ثاني لين لليلة لي عقبها


في شي بعد زوجي يبي يسافر المالديف بعدين من المالديف لين بانكوك دايركت بسير تايلند

حبيت اسئل لازم انضم هذا الشي عن طريق الخطوط الاماراتيةولا تحجز هناك في المالديف الي تايلند افضل


يعني تاحذ ذهاب فقط من الامارات للمالديف بس .... ويعدين من المالديف لين بانكوك.... وعقب من بانكوك للامارات

لانة في تايلند احنا شوي منطول يمكن تقعد اسبوعين

انت شو رايك بهذا شي كيف ارتب الموضوع


سوري اسئلتي الكثيرة ههههه بتعبك
بصراحة اشكرك وايد هههه

اخر سوال نسيت اسئلك لك يوم تحجز عن طريق الموقع هو السعر نفسة ولا اذا كان مدة شوي طويلة السعر يتغير لانة اسعار الفندق تغيرت مثلا

لانة اذا حجزت في رمضان حق العيد بكون نفس السعر اسئل عن الفنادق انا الي في دولة يعني

[http://create-avatar.m5zn.com/

فيه عرض خصم 10 % والمتبقي غرفتين فقط ويكون سعر 4 ليالي مع التوصيل من وإلى المطار شامل الضرائب 6782 درهم







بنسبة لتوصيل كنت ابي اسئلك الموقع هو الي يحدد لك الوسيلة التوصيل اذا كانت طائرة مائية او زورق سريع



اقودا يحدد لك وسيلة النقل المناسبة






بالنسبة الاحجز عن طريق النت حق طيران الامارت .. انا بصراحة ولا مرة حجزت عن طريق النت انت شو تشوف نحجز عن طريق النت ارخص ولا كيف ولا هذا مجرد تسريع للاجراءات لا غير ... متى افضل وقت حقي احجز الحين ولا بعد العيد الان عرشي على اخر شهر 23 / 9 بكون وسفر بكون 24/9



بداية الموضوع قلتي أنك متعوده تحجزين عن طريق النت في الامارات وهو نفس الطريقة والإجراءات في الامارات أو غيره وفي ثواني يتم الحجز وأكيد بيكون أرخص من عطلات الإمارات أو غيره وقارني السعر بنفسك وأحجزي في أقرب وقت ممكن لأن الفندق اللي أخترتوه ونوع الغرفة متاح الآن غرفتين فقط لاتروح عليكم بالإضافة أنه الآن فيه عرض خصم 10 % كويس لوتلحقون عليه






انا قرات عن رحلتك بان الطيران المائي ساعة 3 العصر يوقف ... شو عن قارب توصيل هل فية وقت معين لازم اوصل المطار مالي علشان ما نتوهق ويروح وخلينا عقب نطر نحجز فندق ثاني لين لليلة لي عقبها



ماعندي خلفية عن وقت البوت ان شاء الله الأعضاء يفيدونك والمفروض تحجزون رحلتكم في الصباح يعني 7 أو 8 علشان مايروح عليكم اليوم وتضمنون وجود البوت






في شي بعد زوجي يبي يسافر المالديف بعدين من المالديف لين بانكوك دايركت بسير تايلند

حبيت اسئل لازم انضم هذا الشي عن طريق الخطوط الاماراتيةولا تحجز هناك في المالديف الي تايلند افضل



نصيحة لاتطلعون من ديرتكم الا مرتبين جميع الحجوزات ماتدرون اذا رحتوا للمالديف تحصلون رحلات لتايلند ولالا سواء على الاماراتية أو غيره ابحثوا عن أقل سعر وأتوقع الأرخص لكم أنكم تحجزون ذهاب من دبي إلى مالي والعودة من تايلند إلى دبي عن طريق الخطوط الإماراتية والرحلة من مالي إلى تايلند ذهابب فقط على أي خطوط والخيارات كثيرة






اخر سوال نسيت اسئلك لك يوم تحجز عن طريق الموقع هو السعر نفسة ولا اذا كان مدة شوي طويلة السعر يتغير لانة اسعار الفندق تغيرت مثلا

لانة اذا حجزت في رمضان حق العيد بكون نفس السعر اسئل عن الفنادق انا الي في دولة يعني



كل ماحجزتي بدري توفرت لك الغرف ويمكن تنفذ لأن اللي أخترتيه باقي منه غرفتين بس بالإضافة زي ماذكرت لك أن الآن فيه عرض عليه

[QUOTE=zeezo11;5988758]

[

السلام عليكم

شكراااااا لك جزيل الشكر يا اخ zeezo11

اشكرك من كل قلبي انا خلاص حجزت الفندق ... والحمدالله على كل حال .. واتمني انة ربي ويفقني في ذهاب الى شهر العشر وقضاء ايام ممتعة


اشكراك وايد لانك شرحتلي وفهمتني كيف احجز وعرفتني على موقع اقودا


مع السلامة


مبروك عليك شهر رمضان ومبروك عليك العيد مقدمااااا وكل عام وانت بخير وصحة وسلامة