لي صديق سعودي له مكتب خدمات تجارية في كوانزو
وبطبيعة عمله يحتاج موظفين للترجمة صيني عربي من المستعربين الصينيين للاسف انهم مسلمين
من كثر تجاربه اللي سمعتها منه عنهم صار اول ما يشغل احدهم يسويله ( فحص ذمه ) على قوله ونادرا ما ينجح احد منهم
اغرب موقف واللي كنت حاضره .. جاه واحد منهم يطلب وظيفه مترجم ودار بينهم نقاش وتفاوض على الراتب وكان الصيني مظهره يوحي لك بالبراءه والطيبة ونقاوة السريرة ( وللاسف هذه مواصفات خارجية مشتركة فيهم )
المهم صاحب المكتب عرض عليه العمل تحت التجربة لمدة اسبوع وبعدها اما يستمر او يغادر
على ان يبدا معاه ثاني يوم
في اليوم الثاني اتصل صاحب المكتب على بائعه في محل جوالات يتعامل معاها من سنتين تقريبا وتتكلم الانجليزية بطلاقه .. افهمها انه راح يجيها بعد ساعة ومعاه موظف جديد وطلب منها انها تسوي نفسها ما تعرفه ابدا وكانه زبون لاول مره يجيها (طبعا الموظف الجديد ما سمع المكالمة اللي دارت بينهم )
بعدها سال المترجم هل يعرف سوق الجوالات ؟ فقال نعم اعرفه جيدا
قاله طيب نذهب اليه لانه يوجد زبون بالسعودية طلب شراء كمية كبيره من الجوالات كل شهر وسوف نرسلها له الى السعودية
رحنا ثلاثتنا الى مركز اسيا للجوالات ومحل والثاني الى ان وصل عند البائعه اللي متفق معاها وطلب صاحب المكتب من المترجم ان يقدمه لها على انه صاحب مكتب بكوانزو ولديه الكثير من العملاء في الدول العربية ويرغب التعامل معها باستمرار اذا اعطته اسعار جيدة ونوعية جيدة
وتكلم المترجم مع البائعه اكثر بكثير من قاله صاحب المكتب ودار بينهم نقاش طويل ..
فساله صاحب المكتب ايش فيه وعن ايش تتكلموا
فقال هي لاتفهم ولا تريد ان تتعاون معك وانصحك ان تبحث عن غيرها
فقال له جزاك الله خير خلنا نشوف غيرها
وبعد مغادرتنا المحل اصطنع صاحب المكتب انه نسي موعد مهم وان عليه العودة للمكتب حالا وعدنا للمكتب
وعند وصولنا المكتب ارسل المترجم لشراء دخان له ثم اتصل على البائعه وسالها عن الحوار الذي دار مع المترجم
وكانت المفاجأه الغير متوقعه ..
تصدقوا ان المترجم قدم صاحب المكتب على انه زبون وعميل عنده وانه سوف يتعامل معها بشكل مستمر وبكميات كبيرة شرط ان تعطيه نسبه لا تقل عن 10% والا فانها ستخسر هذا العميل وسوف ياخذه الى محل اخر يوافق على طلبه ؟؟؟
صاحب المكتب سكت على الموضوع عند عودة المترجم وخلاه يخلص دوامه وثاني يوم اول ما جا المترجم اعطاه يوميته عن اليوم السابق واعتذر منه بحجة انه لايوجد عنده زبائن حاليا وعند ما يحتاجه سوف يتصل به .. طبعا تصرف بهذا الشكل حتى لايتسبب بمشاكل للبائعه مع المترجم
المفضلات