الموضوع: استفسارات سريعه الله يخليكم

السلام عليكم
اخواني عذرا لو اي سؤال من الي بسألهم مكرر بس ابي اتخذ قرار باسرع وقت
زواجي بعد اسبوع وكنت مخطط ع المالديف وسيريلانكا لشهر العسل وعملت حجوزات ودفعت عربون لكن لظروف العمل ماوافقوا لي اكثر من اسبوع اجازه
ف طبعا خسرت العربون والله يعوض علينا
وامس بس تأكدت اني اقدر اطلع اسبوع واحد ف جلست افكر بمكان قريب ومناسب ف اخترت صلالة لكن ما اعرف ايش رايكم
مزاجي تمشية وجو حلو بحر او جبال
يعني شفت ان صلالة تناسبني في ضل الظروف الحاليه من قصر الاجازه والوضع المتوتر في اغلب الدول المجاوره
السؤال الاهم انا عملت حجز عن طريق البوكنج للماريوت لكن قرأت في احد المواضيع بانه بعيد جدا عن المدينه والانشطه فهل هذا صحيح فعلا
طيب ايش البديل المناسب؟؟
كراون اطلعت عليه ماعجبني كثير .. مستوى الغرف حسيته اقل من ال5 نجوم بكثير
شفت فندق اعتقد انه جديد اسمه جميرا ... ايش رايكم فيه؟؟
مسكت فيه حجز بعد لكن ابي اتخذ قرار بين الماريوت والجميرا
الهلتون سعره غالي شوي
امر آخر .. انا اتصلت بالماريوت وخبروني ان عندهم باكج honeymoon
بسعر 1300 ريال الليله
وانا الي حجزته من البوكنج ل4 ليالي كامل يكلف حوالي 3200 مع الضرايب
نفس نوع الغرفه طبعا (مطله ع البحر)
او عفوا الي حجزته من بوكنج جناح مطل ع البحر
شنو شوركم اخواني؟؟
اتكل على الله واروح الماريوت او في غيره؟
وين ممكن اروح في صلالة
تمنيت الاقي تقرير متكامل او ملف ممكن اطبعه واخذه معاي مثل اغلب الاقسام هنا بس للاسف حسيت عمان مظلومه بالاهتمام

شاكر لكم وجزاكم الله خير

مواضيع عشوائيه ممكن تكون تعجبك اخترناها لك:

• ناوي أروح لصلالة وأبي منكم مساعدة
• الاشقاء في عمان
• شباب عاجل لو سمحتو
• الفزعه يااهل مسقط والخبراااء
• والله لقد حزنت بعد أن عزمت على زيارة صلالة
• اهل صلاله الطيبين
• ازمة سكن في صلاله
• أبو روان بمسقط حاليا
• ابغى أ شحن السياره الي صلاله
• تجربتي السياحية في صﻻلة ♥ أنظف وأجمل الشقق المفروشة
• شحن السيارة من الرياض لصلالة
• تقرير رحلتنا الشامية الاولى
• المسافه من المدينه المنوره الى صلاله باسياره
• أقسم بالله العظيم المنتدى ميت بدون الأخ صلالة و تقاريرة اليومية عن الخريف
• السفر بالبر الى عمان
• مطعم الديوان التركي بالخوير
• صورمن عمانللآهميه لابد من مشاهدتها
• سلطنة عمان الكرم و الأمان
• الشقق ام الفندق افضل للسكن ؟
• الشقق الفندقية في صلالة

المشاركة الأصلية كتبت بواسطة اسايرها تعاندني
http://www.arabtravelersforum.com/tr...1/#post6978573

السلام عليكم

وعليكم السلام ورحمة الله وبركاته

اخواني عذرا لو اي سؤال من الي بسألهم مكرر بس ابي اتخذ قرار باسرع وقت
زواجي بعد اسبوع وكنت مخطط ع المالديف وسيريلانكا لشهر العسل وعملت حجوزات ودفعت عربون لكن لظروف العمل ماوافقوا لي اكثر من اسبوع اجازه
ف طبعا خسرت العربون والله يعوض علينا

زواج مبارك وبالرفاه والبنين ... والله يعوض عليك في العربون .

وامس بس تأكدت اني اقدر اطلع اسبوع واحد ف جلست افكر بمكان قريب ومناسب ف اخترت صلالة لكن ما اعرف ايش رايكم
مزاجي تمشية وجو حلو بحر او جبال

وبالنسبة للاجواء خلال هالفترة لازالت متميزة بسطوع للشمس وعدم تساقط الأمطار الى الآن ومعدلات رطوبة مرتفعة نسبياً ولا وجود للخضار أو الرذاذ المنعش ... ما أدري تناسبك هالأجواء ولا لا .... لو عن نفسي ما تناسبني !!!

يعني شفت ان صلالة تناسبني في ضل الظروف الحاليه من قصر الاجازه والوضع المتوتر في اغلب الدول المجاوره
السؤال الاهم انا عملت حجز عن طريق البوكنج للماريوت لكن قرأت في احد المواضيع بانه بعيد جدا عن المدينه والانشطه فهل هذا صحيح فعلا
طيب ايش البديل المناسب؟؟

أخي العزيز

فـنـدق الـمـاريـوت في ولايـة مـربـاط ويبعد عن وسط البلد بمسافة لا تقل عن 82 كم ، وعندك خيار جديد وهو فـنـدق الـجـويـرة ويقع في ولايـة طـاقـة ويبعد عن وسط البلد بحوالي 24 كم ، وأسعارهم الآن رائعة بسبب الإفتتاح وهذا رابط لصور الفندق

http://www.arabtravelersforum.com/travel728011/

كراون اطلعت عليه ماعجبني كثير .. مستوى الغرف حسيته اقل من ال5 نجوم بكثير
شفت فندق اعتقد انه جديد اسمه جميرا ... ايش رايكم فيه؟؟

تمت الإجابة على سؤالك ... فـنـدق الـجـويـرة ... راجع صور وأنت أحكم بنفسك .

مسكت فيه حجز بعد لكن ابي اتخذ قرار بين الماريوت والجميرا
الهلتون سعره غالي شوي
امر آخر .. انا اتصلت بالماريوت وخبروني ان عندهم باكج honeymoon
بسعر 1300 ريال الليله
وانا الي حجزته من البوكنج ل4 ليالي كامل يكلف حوالي 3200 مع الضرايب
نفس نوع الغرفه طبعا (مطله ع البحر)
او عفوا الي حجزته من بوكنج جناح مطل ع البحر
شنو شوركم اخواني؟؟

لو قررت أنك تجي خذلك فـنـدق الـجـويـرة أبرك لك ... ولكن هناك مشكلة بسيطة في هذا الخيار ألا وهي إستمرار أعمال البناء والتشيد بالقرب من الفندق في الفنادق الأخرى المحيطة به والتي لازالت قيد البناء والتشييد .

اتكل على الله واروح الماريوت او في غيره؟

براحتك ... شف الصور وأحكم .

وين ممكن اروح في صلالة
تمنيت الاقي تقرير متكامل او ملف ممكن اطبعه واخذه معاي مثل اغلب الاقسام هنا بس للاسف حسيت عمان مظلومه بالاهتمام

شاكر لكم وجزاكم الله خير



وين تروح في صلالة شف هالرابط راح يفيدك يا غالي

http://www.arabtravelersforum.com/travel282558-3/


تحياتي

جزاك الله خير على الرد اخوي
بالنسبة للماريوت الي يميزه بالنسبة لي وجود شاطئ رملي
بخلاف جميرة الي مافيه
الامر الاخر تعدد الخدمات في الماريوت
مممم تعتقد فعلا مشكلة مسألة ال80 كلم
لان احسها عادي حوالي نص ساعه او 45 دقيقه ولا؟
والله احترت ع الاخر
الهلتون اسعاره غاليه
جميرة جدا ممتاز لكن رغم قربه الا ان وجوده بمنطقة مرينا وان البحر مكان محجوز بالصخور ما ادري مو عاجبني

المشاركة الأصلية كتبت بواسطة اسايرها تعاندني
http://www.arabtravelersforum.com/tr...5/#post6981405

جزاك الله خير على الرد اخوي

لا شكر على واجب

بالنسبة للماريوت الي يميزه بالنسبة لي وجود شاطئ رملي
بخلاف جميرة الي مافيه

أستغرب منك هذا الكلام وأنت لست من أبناء الديره ... أخي الفاضل إن من أسباب إختيار مـشـروع شـاطـيء صـلالـة لموقع المشروع بالتحديد هو وجود الـرمـال الـفـضـيــة الـنـاصـعـة وبالعكس الرمال الموجودة في فـنـدق الـمـاريـوت هي إما رمال تم جلبها من مواقع أخرى لساحل الفندق أو توجد مساحات صغيرة من الشاطيء الرملي بالمنطقة المجاورة للفندق ... وصدقني الـمـاريــوت يقع في منطقة صـخـريــة بعكس الـجـويــرة الذي يقع في ساحل رملي رائع .

ولكن أقولها لك إن غلطت الشاطر بألف فقد قامت إدارة المشروع في مـشـروع شـاطـيء صـلالـة بحفر قنوات متعددة وكواسر صخرية وأسمنتية لعمل مرسى لليخوت وبذلك جعلت الشاطيء الرملي على بعد مسافة تقدر بحوالي 400 متر من مبنى الفندق ، وأنت عاد براحتك إذا حبيت تروح للشاطيء الرملي عندك مسار للمشيء من الأسمنت بجوار البحيرة الإصطناعية حتى تصل لمنطقة الساحل الرملي .

الامر الاخر تعدد الخدمات في الماريوت
مممم تعتقد فعلا مشكلة مسألة ال80 كلم
لان احسها عادي حوالي نص ساعه او 45 دقيقه ولا؟

بصراحة أنـــا أشوفها مـشـكـلــة إذا علمت بأن الطريق من طـاقـة - مـربـاط هو عبارة عن شـارع مـفـرد والمسافة طويلة لذلك أقول لك توكل على الله وخلك على الـجـويـرة أو إذا أنت مصر فهذا رأيــــك .

والله احترت ع الاخر
الهلتون اسعاره غاليه
جميرة جدا ممتاز لكن رغم قربه الا ان وجوده بمنطقة مرينا وان البحر مكان محجوز بالصخور ما ادري مو عاجبني



أنـــــــت صاحب القرار أولاً وأخيراً ، وبعدين هناك شاطيء رملي طويل عريض في الـجـويــرة بعكس الـمــاريــوت القابع في منطقة مـربــاط المشهورة بـصـخـورهـا الجرانيتية الصلبة .

وإذا في خاطرك أي تساؤل تفضل وفالك طيب .


تحياتي

الف شكر مره ثانيه على اهتمامك اخوي
وفي ميزان حسناتك ان شاء الله
شكلي بتوكل على الله وباخذ جميرة
منها سعر انسب وهم المسافه زي ماتفضلت
طيب اخوي التكاسي سهله هناك؟
اقدر اتأجر سايق مع السياره لزيارة الاماكن السياحيه؟
اغلب المواضيع شفتها قديمه نوعا ما
ممكن بس تعدد لي اهم شي ازوره هناك
ولو في مجمع او اماكن تمشيه
اعرف انه مافي بس قلت يمكن شي جديد موجود
في سينما؟
شنو افضل المطاعم
كم تقريبا احتاج ميزانيه باليوم؟
بدون السكن طبعا
ومره ثانيه جزاك الله خير ورحم الله والديك

ماقصرت اخوي مشكور على سعة صدرك
خلاص حجزت الجويرة
وشريت التذاكر
بس ما ادري اخوي انت برد حمستني وبرد خوفتني
ازور صلالة او لا :$
بصراحه انا ماعندي خيار ثاني
ف جاي جاي لكن ماودي اروح وانا حاط في بالي اني ماراح استانس ولا انبسط

اخوي انا وصلت صلالة يوم 14 وسكنت في الهيلتون يومين وخلالها عملت جولة على الشقق المفروشة ووجدت افضل شقق جديدة ونظيفة فندق صلالة بلازا وهو عبارة عن شقق فندقية للامانة ممتازة بالنسبة للشقق الاخرى وسعر الشقة غرفتين نوم 35 ريال عوماني حتى يوم 21 وبعدها من يوم22 السعر60 ريال عوماني وعندهم شقق غرفة نوم واحدة بس للاسف ماسالت عن سعرها عموما رقمهم 0096823212488 مع تمنياتي لك برحلة سعيده

صقر السعوديه شكرا لك

اخت عمانيه الف شكر على اهتمامك
وياليت لو تفيديني بمزيد من المطاعم الراقيه بغض النظر عن وجود قسم عوائل او لا
زوجتي محجبه

المشاركة الأصلية كتبت بواسطة اسايرها تعاندني
http://www.arabtravelersforum.com/tr...1/#post7004221

اخت عمانيه الف شكر على اهتمامك
وياليت لو تفيديني بمزيد من المطاعم الراقيه بغض النظر عن وجود قسم عوائل او لا
زوجتي محجبه



ان شاء الله .. تابعني في هذا الموضوع :

المعذرة نسيت أضع الرابط في الرد الأول ولم أستطع التعديل على الرد
هذا الرابط :

http://www.arabtravelersforum.com/travel732565/