هلا والله بأعضاء منتدى العرب المسافرون وزوارنا الحلوين
صور ما فيش عشان انقل لكم تقرير مصور ،،،، ولكن ربما كلمات من الواقع تغني عن الف صوره لان الصور مستحيل تعكس واقع الهاجس الامني اللي الكل متخيله عن لبنان في الايام هذه والظروف هذه
وصلت الى بيروت الاربعاء30/1/2008
على الرحلة 641 جدة بيروت على الخطوط السعودية وتاريخ مغادرتي الاحد 3/2/2008 وصلت في مهمة عمل خاصة وحقيقة والله كنت متخوف من السفره هذه على ضوء ما قرأت في المنتدى وما سمعت من اخبار ...

عموما وصلت مطار بيروت المغرب وكانت الدنيا خارج المطار { ليل ورعد وبرق وريح دنيا كلها ممطورة } وعلى ما سمعنا ان قبل ساعات من وصولنا شهدت بيروت نزول ثلج غير شكل ( انا والله ما شفت الا الامطار) ودرجة الحرارة حسب ما قالوا لنا بالطيارة قبل نزولنا منها 6 درجات مئوية لكن والله الطقس كان مقبول وعادي جدا جدا بالنسبة لي

انتظرنا دقايق لحين وصول السيارة التابعة لفندق شيراتون فور بوينتز اللي بالفردان ( سعر الليلة 110 دولار مع الفطور ) ....،،
ركبنا السيارة ..
مشيت السيارة ،،،
دقيقه اتنين ثلاثه 4 5 6 دقايق ما سمعنا صوت أي انفجار !!!! :24:

وصلنا الفندق والله ما شفنا ولا مرينا على أي حاجز تفتيش ؟؟؟
وصلنا الفندق ( بحجز مسبق من السعودية ) كان فندق رائع ونظيف فوق العادة ومحترم جدا جدا جدا { انصح به للعوائل بكل امانه )
طلعنا غرفتنا ... جلسنا بغرفنا ... تروشنا ... ريحنا .. غيرنا ملابسنا ..
برضه مافيه أي انفجارات ولا اطلاق نار :108:
ههههههههههههههههههههههه


احنا قروب كبير نوعا ما ،، وكان عندنا اجتماع عمل وانتهينا منه الساعه 11 ليلا وخرجنا من الفندق باتجاه السلودير ( مطاعم السلودير الراقية لازم حجز مسبق )

تعشينا وتمشينا الى الساعة 2 ونص ليلا تقريبا ما خلينا الحمرا جونيا ،،، الا نواحي الضاحية والاوزاعي ما ( مرقنا ) حدهم ،،، الوضع طبيعي لدرجة اننا نسينا اننا في بيروت ( من الناحية الامنية )

الخميس كان عندنا عمل متواصل من 10 ص الى 11 ليلا في قاعة البيال ( عروض أزياء وتجميل ) { بصفتنا مشاركين بمهرجان ليلة خليجية } بعد كذا طلعنا سهرة جماعية ولا أروع الى السادسة صباحا بحكم انه ثاني يوم جمعة وما عندنا أي التزام عمل قبل 6 مساء

الان سرقت نفسي عشان اطمن حبايبي اعضاء المنتدى عني وعن الوضع العام في بيروت
اماااااااااااااااااااااان الله يديمه عليهم :113:

على فكرة نسيت اقولكم اني طلعت اليوم بعد الظهر انا وصديق لي سعودي مقيم ببيروت من سنين في جولة على رجولنا استمرت من 3 ظهرا الى 6 مساء بدأت من مقر سكنه الخاص في ساقية الجسر ( 10 دقايق مشي من الفندق) الى وسط البلد شفنا فيها ضريح المرحوم الحريري ( طبعا كل الطرق المؤدية لمسجد الحريري مغلقة على السيارات ) ونزلنا بعدها على الكورنيش وشفنا برج الوليد بن طلال ( تحت الانشاء ) ومرينا على موقع التفجير اللي راح فيه الحريري الله يرحمه والوضع الامني 100% والجو ما في احلى من كدا !!!!
عموما انا موجود في نفس الفندق الى الاحد القادم واتمنى ويسعدني مقابلة أي من الأعضاء اللي يصادف وجودهم في بيروت في الفترة هذه وممكن احط له رقم غرفتي في الفندق هنا ولنا تعقيب على الموضوع ا نشا الله

ودمتم بخير

مواضيع عشوائيه ممكن تكون تعجبك اخترناها لك: