السلام عليكم
من زمان عن المنتدى ووسائل الاتصال الجديدة بدة اتنسينا المنتديات بس مالنا غنى عنكم
هلمره جاي وعندي اشوية استفسار عن تايلند وابيكم اتساعدوني في عمل جدول متميز بأذن الله
للامانه انا رايح تايلند 3 مرات اخرها من اقل من 10 ايام
اول مره كانت اترانزيت من استراليا فكانت سياحه لمدة كم يوم في بانكوك
اما المره الثانية والثالثه فهي علاج في علاج وما اعتبرها سفره للامانه لان غير الفندق والمستشفى ماشفنا شي
والحين شائت الصدف ان واحد من الاصدقاء حاب يروح لها لاول مره
وكان يقولي عن هشي من اكثر من سنه ولاكن ظروف دراستي وسفري مع الاهل حال دون السفر معاه
والحين الحمدالله راح يكون عندي فرصة ابشهر 6 ميلادي وقررنا انسافر تايلند
اول شي حاب ارد على الاسأله بلموضوع المثبت
- مدة الرحلة ( بالايام )
مدة الرحلة بتكون اسبوعين تقريبا
- نوع الرحلة ( شبابية او عائلية )
شبابية
- عدد الاشخاص ( مع ذكر التفاصيل مثلا زوجين مع طفلين او 3 شباب .. الخ )
حاليا شخصين وممكن يكونون 3 بس كلهم شباب بالغين
- اعمار الاطفال المسافرين ( لترشيح رحلات مناسبة لاعمارهم ووسيلة التنقل بالرحلة )
مافي اطفال برحلة
- بأي شهر ستكون الرحلة ( مثلا: يونيو ، نوفمبر ، ابريل )
بشهر يونيو ان شاءالله
- الميزانية الموضوعة للرحلة كاملة ( دون احتساب سعر تذاكر الطيران الدولية )
الميزانية على حسب ابحكم ان احنا شباب فكل واحد شايل نفسه بس المصروف اليومي مش اقل من 100 الى 150 دولار للشخص الواحد هاي المعدل المتوسط
وماهي الميزانية المقترحة لشخصين من دون تذاكر الطيران بلعاده لرحلة حلوة مدة اسبوعين
- كم ميزانية السكن لليلة الواحدة ( مثلا لا يتعدى 300 ريال سعودي او ميزانية مفتوحة وهكذا )
السكن اهم شي فنادق 5 نجوم ويكون مستواها زين ويفضل ما اتعدى ال 500 رياال لليلة الوحده
طبعا في جداول مقترحه وهي
يومين او 3 ايام في بانكوك
4 ايام بتايا
و
4 ايام بوكت
و
والعوده ثاني مره 3 ايام بانكوك
ابي رايكم بلجدول حلو ولا
ابي اعرف شنهي وسيلة التنقل بينهم
وابي اعرف اسامي الشواطئ في بوكيت وبتايا
الي اتكون قريبه من التاون سنتر ومن الاماكن السياحية لاني حاولت اخذ فكرة عن الاسعار في بوكنج وكانت اتصادفني المشكله هي في اي شاطئ المفروض اختار او احدد
فأبي اسامي عدة فنادق اهم شي في بوكيت وبتايا لان اول مره بزورهم
ومن غير ابي جداول حلوة خصوصا ان الي بسافر معاي مب راعي سفر وايد وحاب انه يغير جو ويستانس خصوصا ان هو الي يبي يزور تايلند
وبنسبة لبانكوك انا مختار فندق الاند مارك حبيت سعره وشكله حلو او الجي دبليو ماريوت
مع ان سبق لي السكن بالانتركونتيننتال مرتين وفعلا هو من ارقى الفنادق اهناك بس اشوي سعره مرتفع وبعد كان ودي اجرب الكنبنسكي ولاكن سعره اشوي مرتفع لو تغيرت الاسعار ممكن اسكن واحد منهم الا اذا في فنادق راقية وحلوة واسعارها مناسبه ما انقول لا
واي نصايح او تجارب اتمنى ماتبخلون علي فيها
واسمحولي على الاطال ادري وايد اسولف
فمان الله
مواضيع عشوائيه ممكن تكون تعجبك اخترناها لك:
رد مع اقتباس
المفضلات