الموضوع: إلى الغاليه أم ملاك م و جميع الأعضاء

السلام عليكم
احترت وين اكتب هذا الموضوع للغاليه ام ملاك
اضفته هنا حيث اني ما اقدر اتواصل معاها خارج المنتدى
الموضوع طويل و مفصل..ويمكن تشوفونه مفصل بزياده عن اللزوم
كتبته كذا لأني كنت أتمنى بأول سفره لي لوحدي خارج المملكة لو ان حد اعطاني كل التفاصيل اللازمه
راح ابدى بشكل عام و بعدين راح احط لك البرنامج و الفنادق المقترحه يا عزيزتي أم ملاك

بسم الله الرحمن الرحيم نبدأ
حجز الفنادق
إدخلي على موقع لحجز الفنادق عن طريق الانترنت..و أنصحك بموقعين

بوكينق

http://www.booking.com?aid=1329869

و

فندق دوت كوم
http://www.fendeq.com


طريقة الحجز عن طريق فندق دوت كوم بالخطوات

اختاري الدوله و المدينه و التاريخ و حددي الفتره اللي بتجلسينها



اختاري العمله اللي تبين الاسعار تبين لك فيها و في عندك خيار لترتيب الفنادق



ثم اختاري الفندق اللي يعجبك وراح تطلع لك معلوماته و موقعه عالخريطه و الصور



أستمري بالحجز..راح تطلع لك معلومات عن الغرف..حددي كم غرفه تبين وكملي الحجز



تأكيد الحجز..وهنا تدخلين كل المعلومات المطلوبه منك بالخانات زائد معلومات بطاقة الإئتمان حقتك



بعد ما تأكدين الحجز راح تطلع لك صفحه فيها رقم الحجز و مثل ما قلت راح يرسلون لك إيميل كمان



طريقة الحجز على موقع بوكينق

بنفس الخطوات تقريبا...حددي التاريخ و البلد



راح تطلع لك شاشه بجميع الاسماء المشابهه اللي كتبتيها اختاري الاقرب للي تبينه..اختاري بلدة الصين (أول وحده بالصوره)



راح تطلع لك المدن و اختاري المدينه اللي تبين..وتقدري تختاري العمله اللي تبين



وباقي الخطوات نفس اللي قبل..تختارين الفندق و تأكدين الحجز و بيوصل لك بريد برقم الحجز



التذاكر

على حسب خطوط الطيران لابد انك تلاحظين في أي مطار راح تنزلين في شانقهاي

لأن شانقهاي فيها مطارين إذا عرفتي أي واحد خبريني عشان أشرح لك وين تتوجهين خطوه بخطوه


الفيزا

تأكدي إنك تستخرجين تأشيره متعدده للصين انتي و زوجك و بنتك الله يحفظكم عشان اذا طلعتي من الصين لهونق كونق تقدرين ترجعين للصين ثاني مره


قبل المغادره لمطار البحرين:

تأكدي من إن يكون عندك حقيبة يد صغيره أو كيس صغير فيها:

1-الجوازات سوي لأول صفحتين من كل جواز نسختين

2-أوراق الحجز لأول فندق بتسكنين فيه

3-صرف دولار (مثلا 1000) و الأفضل صيني ( إذا ماقدرتي تحولي صيني خلي معاك الدولار وحوليه لصيني لما تتوصلين)

4-تذكرة الطياره سوي منها نسختين

و هالكيس او الشنطه الصغيره خليها في متناول يدك وما تحطينها مع الشنط لأنك راح تحتاجينها دايما

مطار البحرين الدولي

أول ما تدخلي مطار البحرين راح تكون الصرافات و تبديل العملات بنفس الدور
بالدور الثاني قاعة يفتشون فيها الشنط
لما تدخلي القاعه راح تلاقين قدامك الكاونترات حق خطوط الطيران

شوفي انتي على اي خطوط مسافره انتظري عند الكراسي لحد ما يفتح الكاونتر و روحي سلمي الجواز و التذكره والشنط إذا فيه

انصح تكون الشنط صغيره عشان سهولة التنقل
عن نفسي سافرت و الحلوين بشنط الظهر عشان إذا وصلنا الصين ما نضيع وقتنا بإنتظار الشنط أو احتمالية انها تضيع

بعد ما تخلصي من الكاونتر و يعطيكم الموظف البوردينق فيه رقم البوابه حطيه في حقيبة اليد الصغيره مع البقيه

على يمينك راح تكون دخول قاعة المغادره
فيها كوانترين يتأكدون من جوازك و تذكرتك قبل ما تدخلين (إذا تحبين تتأكدين إسأليه وين تروحين لرقم بوابتك يمين ولا يسار)

مع ان المطار صغير و ما يضيع الأرقام كبيره معلقه بالسقف

إذا لقيتي رقم البوابه اجلسي في الانتظار اللي عند البوابه لحد ما يجي وقت الرحله (لازم تكوني بالمطار 3 ساعات قبل الرحله)


في الطياره:

راح يعطونك ورقه صفراء صغيره فيها قسمين تعبين فيها بيانات الجواز و الهدف من الرحله (اكتبي سياحية)
إذا لقيتي اي صعوبه تعبيها لك المظيفه

القسم الأول تسلمينه لما توصلين الصين و الثاني لما تطلعين من الصين.
للأسف اني ضيعت الورقه ولاكان صورتها وحطيتها لك هنا (يمكن انها بتقريري)

راح اكمل الباقي اليوم ان شاء الله

مواضيع عشوائيه ممكن تكون تعجبك اخترناها لك:

• استثمار سعودي بقيمة مليار دولار لبناء فندق نجوم في بكين
• ضرووري للمتخصصين بالصين
• استفسار
• ارجو التوضيح ياشباااب
• اشهر مناطق في كوانزوا
• عاجل من كوانزوا
• تقريري المبسط عن كوانزو
• الحقونا يالربع
• اجهزة كهربائية الى السعودية
• اين في شنغهاي اسكن
• استفسار
• استفسار يا اخوان للسفر للصين
• بمساعده لبرنامج في الهونغ الكونغ والجزيرة الفلبين بوراكاي
• هل كونزو آآآآآآآآآآآآآآآآآآآآآآمنه انزل لحالي السوق ولا في ضرررررر علي
• بخصوص طلب الفيزا للصين
• استفسار عن السفر لكوانزوا
• ماهي المدن الصينية التي تستحق الزيارة ؟؟؟؟؟؟؟؟؟؟
• مصانع الفضة
• كم سعر تذكرة دزني لاند
• اريد الفزعة ياهل كوانزو

المشاركة الأصلية كتبت بواسطة ام ملاك م
http://www.arabtravelersforum.com/tr...3/#post3080993

هلا والله هلا

واخيرا نزل التقرير

والله انطره عل احر من الجمر

حبيبتي هبوش
تسلمين لي يا قلبي

ومو بس انا اللي راح استفيد اتوقع الكل راح يستفيد وياي

بس عندي سؤال انتي ليش جذي ؟؟

اقصد خبيرة سفر وسياحة هههههههههههههههه
عيني عليج باردة

في انتظار البقية خيتو



أهلين بالغاليه...الله يسلم قلبك
اتمنى بجد ان الحبايب يستفيدون من اللي تعلمته و يضيفون عليه من معلوماتهم
يا حليلك يا ام ملاك والله اني على قدي :tongue:
الحينه بكمل جزء و الباقي بنزله بأقرب وقت

حياتي الله يعطيك الف الف الف عافية
ع التقرير والمعلومات المهمه جداً
بارك الله فيكي وجزاك الله خير الجزاء
حبيبتي الله لا يضيع لك تعب
بجد ماشاءالله تبارك الله عليكِ وعلى روحك الحلوه
وتفانيك في مساعدة الغير
تقبلي مروري
أختك في الله
بنت طيبة الطيبة

المشاركة الأصلية كتبت بواسطة بنت طيبة الطيبة
http://www.arabtravelersforum.com/tr...6/#post3081256

حياتي الله يعطيك الف الف الف عافية
ع التقرير والمعلومات المهمه جداً
بارك الله فيكي وجزاك الله خير الجزاء
حبيبتي الله لا يضيع لك تعب
بجد ماشاءالله تبارك الله عليكِ وعلى روحك الحلوه
وتفانيك في مساعدة الغير
تقبلي مروري
أختك في الله
بنت طيبة الطيبة



الله يعافيك يا الغاليه
تسلم ايدك على الكلام اللي الحلو اللي اعطاني اكبر من حجمي
احرجتيني و فرحتيني بنفس الوقت
فرحت اني اشوفك هنا حيث انك غبتي شويه
يهمني اعرف انك طيبه و بخير
جزاك ربي خير على الدعوات الصادقه ولك مثلها بإذن الله
اختك
هبه

الصراحة ما قصرتي على هذا الموضوع لكن ليت المراقب يضعه في الواجهة الرئيسية ويضيف الى العنوان الرئيسي طريقة الحجز عن طريق النت لانه مرجع مهم لطريقة الحجز خاصة والحقيقة استفاد وسيستفيد منه الجميع .

المشاركة الأصلية كتبت بواسطة رحال نجد
http://www.arabtravelersforum.com/tr...8/#post3082598

الصراحة ما قصرتي على هذا الموضوع لكن ليت المراقب يضعه في الواجهة الرئيسية ويضيف الى العنوان الرئيسي طريقة الحجز عن طريق النت لانه مرجع مهم لطريقة الحجز خاصة والحقيقة استفاد وسيستفيد منه الجميع .



اهلين بأخي العزيز رحال نجد..أسفرت و أنورت
شكرا لك على المشاركه الطيبه
هذا الموضوع هو مقدمه لبرنامج سويته للغاليه حبيبة قلبي أم ملاك
وفعلا احب ان الجميع يستفيد منه و كمان يفيد
حيث ان في خبراء في مجال السفر و خبراء في الصين اتمنى انهم يشاركونا :smile:
جزاك الله خير اخوي رحال

كل الشكر على هالجهد المميز

بورك فيك
بانتظار






للأسف اني ضيعت الورقه ولاكان صورتها وحطيتها لك هنا (يمكن انها بتقريري)



الله جميل لو نجد شرح لها

يعطيكي العافيه
مجهود رائع من وحده رائعه زيك
تسلم الايادي ياقمر
اختك نوتيلا

المشاركة الأصلية كتبت بواسطة الصفوة
http://www.arabtravelersforum.com/tr...6/#post3083476

كل الشكر على هالجهد المميز

بورك فيك
بانتظار



الله جميل لو نجد شرح لها



عفوا كثير...
هالورقه دورت عليها وبرجع ادور عليها متأكده إني ما رميتها
اشوفها مهمه اننا ناخذ فكره عن شكلها عشان تصير تعبيتها اسهل
ما يصير خاطرك الا طيب يا الطيب

المشاركة الأصلية كتبت بواسطة noaimihs
http://www.arabtravelersforum.com/tr...1/#post3083441

حبيبتي أم ملاك حددتو التاريخ ولا لسه؟
لان في فنادق حلوه ومسوين عليها خصم قبل اسبوع ما كان الخصم موجود
واحد من الفنادق اللي اخترتم لك رجعت ادور عليه مره ثانيه لقيت مليان مافي مجال للحجز




اهلين حبيبتي

لا للاسف للحين

لان اجلنا السفر الى شهر 10 والاستاذ مو راضي نحجز من الحين يقول على شهر رمضان انشاء الله نحجز

بس اخاف ترتفع الاسعار في ذاك الوقت يعني بيكون في اجازة العيد

الله كريم

مو مهم عندي متى موعد الرحلة اهم شي اروح الصين

مشكورة حبيبتي على الاهتمام

المشاركة الأصلية كتبت بواسطة ام ملاك م
http://www.arabtravelersforum.com/tr...5/#post3084425

اهلين حبيبتي

لا للاسف للحين

لان اجلنا السفر الى شهر 10 والاستاذ مو راضي نحجز من الحين يقول على شهر رمضان انشاء الله نحجز

بس اخاف ترتفع الاسعار في ذاك الوقت يعني بيكون في اجازة العيد

الله كريم

مو مهم عندي متى موعد الرحلة اهم شي اروح الصين

مشكورة حبيبتي على الاهتمام





إن شاء الله تزورونها و ترجعون بالسلامه يا رب

انا مبسوط جدا من هالاستفسارات المفيدة
بالفعل الكثير يستفسر عنها

كل الشكر

المشاركة الأصلية كتبت بواسطة الصفوة
http://www.arabtravelersforum.com/tr...2/#post3088042

انا مبسوط جدا من هالاستفسارات المفيدة
بالفعل الكثير يستفسر عنها

كل الشكر



تسلم يا رب :smile:

.................

الله يعطيك العافية اختي noaimihs على الجهد الكبير والجدول والنصائح المميزة والتنظيم الرائع الله يجزاك خير عن اخوانك واخواتك على المعلومات المفيدة هذي

تقبلي تحياتي

وينج هبوشة

احنا ننطر باقي التفاصيل

لا تتاخرين علينه الله يخليج

المشاركة الأصلية كتبت بواسطة فيصل 00
http://www.arabtravelersforum.com/tr...9/#post3089619

الله يعطيك العافية اختي noaimihs على الجهد الكبير والجدول والنصائح المميزة والتنظيم الرائع الله يجزاك خير عن اخوانك واخواتك على المعلومات المفيدة هذي

تقبلي تحياتي



يعطيك العافيه اخوي فيصل مشكور كثير على تواجدك البنّاء
جزاك الله خير

المشاركة الأصلية كتبت بواسطة ام ملاك م
http://www.arabtravelersforum.com/tr...8/#post3092688

وينج هبوشة

احنا ننطر باقي التفاصيل

لا تتاخرين علينه الله يخليج



أهلا..أنا هنا أنا هنا :tongue:
أعذريني تأخرت واجد ...انكسر الاب توب هههههه من جد والله انكسر
فأنا في حاله نقاهه الآن :tongue:

لي عوده قريبا بإذن الله

الاخت هواده اشكر لك جهودك واعتذر عن وضع اسئلتي هنا لكن لأني اخيرا لقيت لك رد اليوم وكنت ابحث عن مكان تواجدك عشان اطرح اسئلتي الممله والكثيره واللي اتمنى اني القى رد عندك لها
و الله يرزقك لاب توب جديد بعد الي انكسر عشان ما تنقطعين عن المنتدى وتنقطع نصايحك :101:

اختنا الكريمه طرحت الاسئله على ابوالوليد ومابعد رد علي وهذا مايمنع اني اطرحها على اكثر من عضو للفائده والاستفاده من الاعضاء الكرام الله يوفقهم ..... الله يعينكم علي غثيث:112:

طبعا الاسئله كلها تدور حول جوانزو فقط واذا عندك شي مفيد عن شنزن لاهنتي قوليه فضلا لا امرا
استفدت في هذا من العضو ((فيصل)) الله يساعده ويسهل امره
مدينة الالعاب
السيرك العالمي
سفاري كوانزو
جبل بايون ( مو متاكد من اسمه )
الرحلة النهرية
سؤالي
,,,,,,،،،،، كم تستحق من الوقت لزيارتها وكيف الوصول لها وش مميزاتها وماذا احتاج من اغراض معي

الاسواق :
1- شارع بكين
2- سوق الباياما
3- سوق الحقائب
4- سوق الاكسسوارات

سؤالي ما اهم واحلى سوق نبدأ فيه ويستحق الزياره من حيث الاسعار والجوده نبي الرخيص تعرف الواحد ول مايوصل يضف من الاسواق لين يتشبع بعدين تخف مشترواته ........... وهل فيه سوق مميز غير مذكور وهل ممكن نخليها في يوم واحد او نجمع بين سوقين بيوم واحد .. ومانبي ماركات غاليه لانها موجوده عندنا وودي بسوق الغرايب والعجايب

الله يطول عمرك ويخليك لعين ترجيك

المشاركة الأصلية كتبت بواسطة غالي الثمن
http://www.arabtravelersforum.com/tr...8/#post3096438

الاخت هواده اشكر لك جهودك واعتذر عن وضع اسئلتي هنا لكن لأني اخيرا لقيت لك رد اليوم وكنت ابحث عن مكان تواجدك عشان اطرح اسئلتي الممله والكثيره واللي اتمنى اني القى رد عندك لها
و الله يرزقك لاب توب جديد بعد الي انكسر عشان ما تنقطعين عن المنتدى وتنقطع نصايحك :101:

اختنا الكرالعيمه طرحت الاسئله على ابوالوليد ومابعد رد علي وهذا مايمنع اني اطرحها على اكثر من عضو للفائده والاستفاده من الاعضاء الكرام الله يوفقهم ..... الله يعينكم علي غثيث:112:

طبعا الاسئله كلها تدور حول جوانزو فقط واذا عندك شي مفيد عن شنزن لاهنتي قوليه فضلا لا امرا
استفدت في هذا من العضو ((فيصل)) الله يساعده ويسهل امره
مدينة الالعاب
السيرك العالمي
سفاري كوانزو
جبل بايون ( مو متاكد من اسمه )
الرحلة النهرية
سؤالي
,,,,,,،،،،، كم تستحق من الوقت لزيارتها وكيف الوصول لها وش مميزاتها وماذا احتاج من اغراض معي

الاسواق :
1- شارع بكين
2- سوق الباياما
3- سوق الحقائب
4- سوق الاكسسوارات

سؤالي ما اهم واحلى سوق نبدأ فيه ويستحق الزياره من حيث الاسعار والجوده نبي الرخيص تعرف الواحد ول مايوصل يضف من الاسواق لين يتشبع بعدين تخف مشترواته ........... وهل فيه سوق مميز غير مذكور وهل ممكن نخليها في يوم واحد او نجمع بين سوقين بيوم واحد .. ومانبي ماركات غاليه لانها موجوده عندنا وودي بسوق الغرايب والعجايب

الله يطول عمرك ويخليك لعين ترجيك



اخي العزيز غالي الثمن شكرا جزيلا لك و اعذرني كل العذر لأني ما زرت كوانجو ولا شنزن قبل كذا
يمكن فعلا الاخت هداوه هي اللي تجاوبك على استفساراتك بحكم انها راحت كوانزو مرتين :smile:
سامحني عالقصور
تسلم يا رب على الدعوات الحلوه عسى الله ييسر دربك ويسعدك قلبك

*



*



*

المرجع
http://www.chinaodysseytours.com/sha...ort-tours.html

والترجمه مني :smile:

اخترت هذي الفنادق لسببين السعر و الموقع..طبعا في فنادق أرقى و أكشخ بس سعرهم اغلى

سيتي فيو هوتيل City View Hotel
http://www.cityviewhotelshanghai.cn/



فندق ثلاث نجوم
يبعد عن برج التلفزيون 10 دقايق بالتاكسي
يبعد عن مطار بدونق الدولي 25 دقيقه بالسياره

الغرف:







نوع الغرفه وسعرها شامل الفطور لشخصين

سوبيريور مطله على المدينه
388ريميني
*
جناح مطل على النهر مع تسهيلات خاصه
988ريميني
*
ديلوكس مطل على النهر مع تسهيلات خاصه
658ريميني
*
سوبيريور مطل عالمدينه مع تسهيلات خاصه
458ريميني
*

التليفون:
(021)51302333
الفاكس:
(021)51302345
العنوان:
No.2333 Pudong Avenue, Pudong New District
الرمز البريدي:
200136

وهذا رابط له على موقع بوكينق عشان إذا عجبك تحجزينه

http://www.booking.com/hotel/cn/city...ml?aid=1329869

أما إذا حابه تحجزينه من نفس موقع الفندق قولي لي عندي الخطوات بالصور

هلا والله هلا

هذا الشغل المضبوط هبوشة

تسلمين لي يا قلبي

الله يعطيج القوة و العافية

وينولج اللي في بالج حبيبتي

حبيبتي الظاهر عجبني الفندق الاول تعرفين وياي طفلة ابغي مكان واسع

الحين من جد بديت في ترتيب جدولي

مشكورة حبيبتي

تقبلي مروري

حبيبتي عندي استفسارات

اولا يعني تاشير دخول الصين من وين ناخذها ؟؟؟

وهل لازم متعدده او عادية ما اعرف الى هالسوالف انا

وثانيا

هل لازم اذا حجزنا الفندق عند طريق النت ندفع مبلغ لهم على اساس الحجز مضمون والا بس في الانترنت

والفلوس زوجي يقول بنحمل كاش

يعني بنصرف لنا اول شي مبلغ من البحرين وباقي الفلوس نحولهم دولارات وبعدين نصرفهم هناك

انتي شنو رايج حبيبتي

مشكوووووووووووووووورة

المشاركة الأصلية كتبت بواسطة الصفوة
http://www.arabtravelersforum.com/tr...4/#post3098474

ماشاء الله

مثلي دوما
احب الكويس والرخيص
هههه

جميل ان يكون الفندق نظيف ومناسب وسعره معقول



أهلا وسهلا فيك اخوي الصفوه
اوافقك الراي..لان طول الوقت راح تكون برى الفندق ويوم ترجع بتجلس شوي ولا بتحط راسك و تنام
يعني في الاخر اللي تدفع له هو مكان مناسب للنوم والراحه :tongue:
المهم مثل ما قلت النظافه و الموقع والسعر

المشاركة الأصلية كتبت بواسطة ام ملاك م
http://www.arabtravelersforum.com/tr...5/#post3099385

هلا والله هلا

هذا الشغل المضبوط هبوشة

تسلمين لي يا قلبي

الله يعطيج القوة و العافية

وينولج اللي في بالج حبيبتي

حبيبتي الظاهر عجبني الفندق الاول تعرفين وياي طفلة ابغي مكان واسع

الحين من جد بديت في ترتيب جدولي

مشكورة حبيبتي

تقبلي مروري





الله يسلمك يا الغاليه..مشكوره كثير عالدعوه الحلوه
حتى انا عجبني اول فندق اكثر من الثاني
ان شاء الله بكون وياك خطوه بخطوه لين تسافرين وتجين بالسلامه
الله يحفظكم

المشاركة الأصلية كتبت بواسطة ام ملاك م
http://www.arabtravelersforum.com/tr...4/#post3099784

حبيبتي عندي استفسارات

اولا يعني تاشير دخول الصين من وين ناخذها ؟؟؟

وهل لازم متعدده او عادية ما اعرف الى هالسوالف انا

وثانيا

هل لازم اذا حجزنا الفندق عند طريق النت ندفع مبلغ لهم على اساس الحجز مضمون والا بس في الانترنت

والفلوس زوجي يقول بنحمل كاش

يعني بنصرف لنا اول شي مبلغ من البحرين وباقي الفلوس نحولهم دولارات وبعدين نصرفهم هناك

انتي شنو رايج حبيبتي

مشكوووووووووووووووورة



اهلين حبوبه

التأشيره (الفيزا)
تقديرن تاخذينها من "مكاتب السفر و السياحه"
شوفي مكتب سياحه كويس و سأليهم اذا يقدمون فيزا للصين
إذا قال لك ايوا اطلبي منه الاوراق و المتطلبات اللازمه
عباره عن استماره تعبين فيها كامل بياناتك
وراح يطلبون منك صورتين شمسيتين
وكمان ورقة تأكيد حجز الفنادق
وصوره من تذكرة السفر
و راح ياخذون جوازك وبياخذون سعر الفيزا حق الصين زائد عمولتهم
عادة ما تطول الفيزا على بال ما تطلع يعني من 4 أيام إلى اسبوع بالكثير
وإذا حابه تطلعينها بدري في خلال يوم ولا يومين لازم تدفعين اكثر

بالنسبه لك لانك بتروحين هونق كونق وهي دوله ثانيه لازم تاخذين فيزا متعدده
الفيزا انواع إما تاخذينها بهدف: سياحه او عمل او اقامه دائمه في الصين (الهجره)
بما إنك مسافره بهدف سياحه ممكن انك تختارينها:
فيزا سفره واحده و تكون صالحه لمده معينه ماني فاكرتها
أو فيزا متعدده يعني كأنك مطلعه فيزتين أو ثلاث للصين في مره وحده

لأن بكل مره تطلعين فيها من الصين تروح عليك فيزا ولما ترجعين للصين تحتاجين فيزا ثانيه
عشان كذا سموها متعدده
أما هونق كونق ما تحتاج فيزا
كلامي واجد وما اعرف اشرح ههههههههه شكلي خبصتها بدل ما اسهلها

الفنادق
في مواقع على النت تطلب منك تدفعين اول ليله عشان تأكدين الحجز
وفي مواقع مثل اللي اعطيتك اياهم ما تسحب منك أي مبلغ
مجرد انها تاخذ بيانات البطاقه الإئتمانيه بطريقه آمنه كضمان

في حال انك تبين تلغين الحجز
على حسب سياسة الفندق..ولاكن بشكل عام..يعطيك الفندق التاريخ النهائي لإلغاء الحجز بدون ما
يخصمون عليك اي مبلغ و إذا عديتي هذا التاريخ على حسب سياستهم يخصمون عليك المبلغ كامل
أو يخصمون عليك أول ليله وبس

بالنسبه للفلوس فكره زوجك حلوه..ويصير هناك تحطون الفلوس بالخزنه (التجوري:8888 للي بغرفة الفندق وتاخذون مصروفكم منها كل يوم

سامحيني عاد طولتها عليك وهي قصيره ما ادري ايش فيني هاليومين هذرتي زايده بزياده :tongue:

المشاركة الأصلية كتبت بواسطة ام ملاك م
http://www.arabtravelersforum.com/tr...4/#post3108154

مشكوووووووووووووووورة حبيبتي

وانتي سهليتها علي كثيييييييييير

تصدقين متحمسة زيادة عن اللزوم

يمكن لان اول مره اسافر مع زوجي

وهو معتمد علي في كل شي

يعني قبل اسافر مع بيت ابوي كل شي جاهز مجهز

الحين اختلف الوضع ههههههههه



ربي يسهل لك كل الأمور و إن شاء الله يكون كل شي على احسن صوره
أنا فرحانه لك :smile: لأنك انتي اللي تجهزي كل شي
و بإذن الله إذا رحتي و استانستي بالسفره راح تحبين نفسك اكثر هههههه
لأنك اكتشفتي بنفسك اشياء جديده
أصلا حنا بنات الخليج دلوعات :tongue: كل شي يتجهز لنا (مو كويس أبدا)ههههههههه
الله يوفقك حبوبه...كثير متحمسه لسفرتك

جين جيانغ فندق شرق آسيا Jin Jiang East Asia Hotel



هذا موقع مجموعة فنادق جين جيانق
http://www.jinjianghotels.com/portal...ji_ho_ca_3.asp

فندق نجمتين
يقع على شارع النانجينق (متعة التسوق)
يبعد عن محطة المترو 5 دقايق مشي
يبعد عن مباني الاستعمار 15 دقيقه مشي
يوجد معارض تسوق في الدور الارضى
يبعد 10 دقايق مشي عن ميدان الشعب
لا يوجد انترنت

الغرف نوعها و اسعارها مع الضريبه بدون الافطار

غرفه عاديه لشخصين



285.6 ريميني
*

سوبيريور لشخصين بسريرين منفصلين



345.8 ريميني
إذا تبون سرير واحد كبير تضيفون 3 دولار
*

هذا عنوانه على موقع بوكينق

http://www.booking.com/hotel/cn/jin-...ml?aid=1329869

فندق جين جيانق دا هوا Jin Jiang Da Hua Hotel



http://www.jinjianghotels.com/portal...hilds=&did=232

فندق ثلاث نجوم

• يبعد 3 كيلو من شارع الناينجق و طريق الهاي هاي (للتسوق)
•يبعد 6 كيلو من مباني الاستعمار و برج التلفزيون
•يبعد 2 كيلو من ميدان الشعب

الغرف انواعها و اسعارها شامله للضريبه بس بدون افطار
الفطور يكلف للشخص حوالي 5 دولار

الغرفه العاديه
334.9 ريميني
*

الغرفه السوبيريور



413.5 ريميني

العنوان

Jin Jiang Hotels.
24/F, 100 East Yan Road Shanghai, China 200002
Tel: +86-21-63264000
Fax: +86-21-63296634
Email: mailto:[email protected]

رابط لعنوانه في موقع بوكينق
http://www.booking.com/hotel/cn/jin-...ml?aid=1329869

المشاركة الأصلية كتبت بواسطة فيصل 00
http://www.arabtravelersforum.com/tr...7/#post3111297

الله يعطيك العافية على جهودك الرائعة

اختي ولا عليك امر اذا ممكن تعددين المتاحف والاماكن السياحية اللي زرتيها بالعربي واسمائها بالانجليزي لو امكن مع وقت زيارتها الافضل يعني مثلا يفتح المتحف من 9.30 الى 6 افضل وقت للزيارة مثلا الظهر حسب وجهة نظرك وتستغرق مثلا الوقت في التجول فيه ساعتين او ساعة كذا بتخدمينا خدمة كبير جزاك الله خير لانك عارفة اللي يجهل المكان ما يحسب حساب الوقت ممكن احط بجدولي زيارة متحفين ومكان سياحي وتكون الزيارات الثلاث لا تستغرق ساعتين واجد نفسي باقي اليوم تايه بين لوبي الفندق او المقاهي دون الاستفادة من الوقت



الله يعافيك :smile:
ابشر ابشر اخوي فيصل ما طلبت شي
كلامك صحيح أذكر شلون انحست بحساب الوقت و الترتيب
في الاخر اكتشفت ان اسهل طريقه هي الخريطه :tongue:

ان شاء الله راح ابدى ا كتب لك التفاصيل بعد شويه لأني خلصت من الفنادق:smile:

المشاركة الأصلية كتبت بواسطة noaimihs
http://www.arabtravelersforum.com/tr...4/#post3111724

الله يعافيك :smile:
ابشر ابشر اخوي فيصل ما طلبت شي
كلامك صحيح أذكر شلون انحست بحساب الوقت و الترتيب
في الاخر اكتشفت ان اسهل طريقه هي الخريطه :tongue:

ان شاء الله راح ابدى ا كتب لك التفاصيل بعد شويه لأني خلصت من الفنادق:smile:



الله يجزاك الخير والله اتعبناك معنا لكن سعة صدرك وتميزك في التقرير وفي اختياراتك طمعتني فيك لاني احب زيارة المتاحف والاماكن الهامة بكل مدينة ولا احب جلسات الفنادق والكوفيات اجلس ببلدي ممكن لكن وانا مسافر ان جلست فهي استراحة لمدة 15 دقيقة بس احب اشوف كل البلد عشان كذا دايم الساعه 8 الصباح مفطر وجاهز للخروج ولا ارجع الا للنوم الساعه 10 بالليل

للمعلوميه فتح خط الصين الدولي هو 0086
و مفتاح مدينة شانقهاي هو 21

عشان بعد كذا راح اكتب لكم الارقام بدون فتح الخط الدولي و المنطقه
كل ما اكتبهم يتقلبون :tongue:

متحف شانقهاي للعلوم و التكنولوجيا Shanghai Science and Technology Museum



http://www.sstm.org.cn/structure/english/index

ساعات العمل
09:00 إلى 17:15

أيام العمل
يوميا ما عدا يوم الاثنين

التذاكر
60 ريميني
إذا تبون تحضرون مسرح أي ماكس الراااااائع ياخذ أكثر مش فاكره كم
كبير كثير 3 أدوار و الرابع كانو يشتغلون فيه. المتحف يحوي 12 معرض (كتبت عنهم في تقريري)

العنوان
2000 Century Avenue 200120
التليفون
68542000
الفاكس
68543044

الوقت اللي تحتاجونه من وجهة نظري :wink:
4 ساعات على الاقل

:x1: وربي مميزة اختي في ذكرك للتفاصيل الله يجزاك عنا كل خير

بانتظار بقية المتاحف والاماكن السياحية مثل برج التلفزيون وغيرها

الصدق خجلني كرمك وتميزك كثر ما طمعت اني اطلب منك اختي الزيادة واذا تعبتي تراك مسموحه كثرنا عليك

المشاركة الأصلية كتبت بواسطة فيصل 00
http://www.arabtravelersforum.com/tr...9/#post3113489

:x1: وربي مميزة اختي في ذكرك للتفاصيل الله يجزاك عنا كل خير

بانتظار بقية المتاحف والاماكن السياحية مثل برج التلفزيون وغيرها

الصدق خجلني كرمك وتميزك كثر ما طمعت اني اطلب منك اختي الزيادة واذا تعبتي تراك مسموحه كثرنا عليك



اهلا..شكرا اخوي فيصل
كنت ناويه اكمل كل الاماكن السياحيه اللي تستحق الزياره بس جاني شغل و انشغلت
إن شاء الله راح اكتب كل الاماكن مع تفاصيلها بعد كذا راح ألحقها بإذن الله
بالبرنامج اللي جهزته لأختي الحبيبه أم ملاك م
أعتذر عالتوقف المفاجئ :101:

المشاركة الأصلية كتبت بواسطة فيصل 00
http://www.arabtravelersforum.com/tr...6/#post3115566

هلابك اختى ,, مسموحة الله يسهل امورك يارب

بانتظارك باذن الله



شكرا جزيلا:101:

متحف شانقهاي Shanghai Museum



http://www.shanghaimuseum.net/

يقع في ميدان الشعب people Square
مكون من ثلاث ادورا وكل دور فيه أربع أقسام
يحتوي على تماثيل و مخطوطات قديمه تحفيات جميله جدا
وفيه كمان كشكات للهدايا

ساعات العمل
9 الصباح إلى 5 العصر

أيام العمل
يوميا

التذاكر
مجانيه

العنوان
201 Renmin Da Dao, People's Square 200002
التليفون
63723500

الوقت اللي تحتاجونه برأيي
من ساعه ونص إلى ساعتين

متحف تاريخ بلدية شانقهاي Shanghai Municipal History Museum



متحف صغير فيه مجسمات لأشهر ضواحي شانقهاي.."بدونق"
وهو يقع في الدور الارضي (القاعده) في برج التلفزيون

ساعات العمل
9 صباح لـ 9 الليل

ايام العمل
يوميا

التذاكر
35 ريميني

العنوان
2 Lujiazui Lu
التليفون
58793003

الوقت اللي تحتاجونه
مرو عليه قبل او بعد ما تتفرجون على برج التلفزيون من جوا

ساحة المنحوتات في شانقهاي Shanghai Sculpture Space



http://www.sss570.com/english/codes/ruheqianwang.asp

للاسف ما حصل لي اني رحته..اللي يروح له يجيب صور
فيه انواع مختلفه من المنحوتات سواء معدن خشب سيراميك
منحوتات لورود كبيره أو رجال آليين و مثل اللي بالصوره

ايام العمل
يوميا

ساعات العمل
طوال اليوم

التذاكر
مجانيه لأنه يعتبر مكان عام

العنوان
570 Huaihai Xi Lu 200030
واللي يبي يروح له بالمترو
ينزل بمحطة Hongqiao Lu

التليفون
62807844

الوقت اللي تحتاجونه
ما عندي فكره :smile:

المشاركة الأصلية كتبت بواسطة ام ملاك م
http://www.arabtravelersforum.com/tr...9/#post3116449

حبيبتي بعد عندي سؤال بالنسبة الى حديقة يو يوان

عادي اروح مع بنتي لانها صغنونه وباستخدم لها القاري

وش تنصحيني فيه ؟؟؟



عادي تروحين لها ويا بنوتك الحلوه الله يحفظها
في ناس كثير معاهم اطفال هناك
علقيها على ظهرك ههههه ولا مثل ما قلتي خذي عربانه

المشاركة الأصلية كتبت بواسطة ام ملاك م
http://www.arabtravelersforum.com/tr...3/#post3116503

اوكي حبيبتي

اهلين فيج بس لات نسين تخبرين متى راح تجين البحرين

والله خاطري اشوفج



:24: إن شاء الله :24:

المشاركة الأصلية كتبت بواسطة فيصل 00
http://www.arabtravelersforum.com/tr...0/#post3117130

:113: من جد كلمات الشكر لن توفيك حقك اختي موضوعك هذا اعتبره الدليل السياحي لشنجهاي جهد كبير وتميز في اسلوب السرد ومعلومات دقيقة ووافية جدا

ما نقدر نقدم لك الا الدعاء في سفرنا الله يجزاك خير راح استفيد منه الكثير وراح يستفيد جميع من يتصفح الموضوع والمفترض الموضوع ينقل للبوابة ويثبت لفائدته الكبير وثرائه بالمعلومات .



الله يسعدك اخوي فيصل..كلامك دايما كبير..يا رب سفرتك هذي تكون احلى سفره
مشكور كثير عالكلام الكبيـــر ..جزاك الله خير

حوض محيط شانقهاي (اسميه عالم البحار) Shanghai Ocean Aquarium



http://www.sh-aquarium.com/index.html

شايفين الصوره هذي انا مصورتها
فيها حصان البحر و اسماك صغيره تسبح بشكل عامودي! سبحان الله

يحوي على عدد كبير من الكائنات البحريه مثل اسماك القرش و الرخويات و اسماك عجيبه
في اسماك دقيقة جدا حتى ممنوع تصويرها
وفي امكان اوقات لاطعام الحيوانات مثل البطاريق (الاطفال يحبون الشغلات هذي)
في اماكن هدايا وصور تذكرايه وكذلك مطعم

ايام العمل
يوميا

ساعات العمل
9 الصباح لـ 6 المغرب

التذاكر
120 ريميني للكبار و 80 ريميني للصغار

العنوان
1388 Lujiazui Ring Road 200120
التليفون
58779988

الوقت اللي تحتاجونه
3 ساعات
حلو عالصباح مافي زحمه بعد ما تطلعون منه روحو برج التلفزيون

حديقة الحيوان في شانقهاي Shanghai Zoo



http://www.shanghaizoo.cn/en/zoo/zoo.asp

حديقه كبيره فيها فصائل عديده من الحيوانات اشهرها الثديات مثل الباندا و القرد الذهبي
فيها عروض حيوانات و اقسام عديده..لابد انكم تاخذون خريطه من الاستعلامات
عشان ما تضيعون وعشان تعرفون متى وقت العروض و مكانها ومكان المطاعم و المحلات

أيام العمل
يوميا

ساعات العمل
من شهر أكتوبر إلى مارس : 06:30 الصباح إلى 16:30 أربع ونص العصر
من شهر أبريل إلى سبتمبر : 6 الصباح إلى 5 العصر

التذاكر
الكبار 40 ريميني و الأطفال اللي طوله اقل من 120 سم مجاناً

العنوان
2381 Hong Qiao Road 200335

التليفون
62687775
إلايميل
mailto:[email protected]

الوقت اللي تحتاجونه
4 إلى 5 ساعات

راااااااااااااااااااائع التقرير هبوشة كل ما ليه يزيد في الروعه

مشكورة حبيبتي على كل المعلومات

واحنا من المتابعين

انشاء الله

المشاركة الأصلية كتبت بواسطة ام ملاك م
http://www.arabtravelersforum.com/tr...0/#post3119200

راااااااااااااااااااائع التقرير هبوشة كل ما ليه يزيد في الروعه

مشكورة حبيبتي على كل المعلومات

واحنا من المتابعين

انشاء الله



تشكرات عزيزتي ام ملاك,,الحين بحط لك بعض الاسواق المشهوره في شانقهاي
وبعدها بإذن الله بكتب لك البرنامج
:106:

شياتزي شين Shiatzy Chen



http://www.shiatzychen.com/

سوق راقي خليط من الموضة العصريه و الأصاله الصينيه
يوجد لديهم اللباس الرسمي الصيني (الأمبرطوري) المصنوع من الحرير الأصلي
يعتبر من الأسواق الباهظة الثمن في شانقهاي
يقع في ضاحية بدونق وله فروع عالميه في فرنسا, هونق كونق و مكاو
طبعا شياتزي شين هو اسم المصممه وشاركت في العديد من عروض الأزياء

أيام العمل
يوميا

ساعات العمل
10 صباحا - 10 مساء

العنوان
9 Zhongshan Xi Yi Road 200002
التليفون
63219155

سوزهو كوبليرز Suzhou Cobblers



http://www.suzhou-cobblers.com/

يقع بالقرب من مباني الاستعمار the bund
تلاقون فيه الجزم (اكرمكم الله) الصينيه الحريريه المصنوعه يدويا وكذلك شنط تتماشى معاها
مره حلوين وكذلك عندهم قباعات للأطفال و ألعاب محشوه...شي ظريف

ايام العمل
يوميا

ساعات العمل
10 صباحا - 6 مساء

العنوان
17 Fuzhou Lu, Room 101 200002

التليفون
63217087

شانقهاي تانق (نكهة شانقهاي) Shanghai Tang



http://www.shanghaitang.com/

كمان سوق راقي وله فروع عديده حتى في الامارات :8888:

ايام العمل
يوميا

ساعات العمل
10 ص - 10 م

العنوان
15 Xintiandi North Block 200020

التليفون
63841601

:8888: شارع الناينجينق Nanjing Street :8888:



مع اني ما احب التسوق لاكن حبيت هالمكان
عباره عن شارع طويـــــل على جوانبه و ممراته تلاقون محلات تسوق
مطاعم و كمان ماركات التقليد
فيه فنادق روعه روعه و طبعا فيه محلات للكبار

يوجد فيه قطار صغير عشان اذا تعبتو تستخدمونه
فيه عروض راح احط له صور في تقريري بإذن الله
هو قريب من ميدان الشعب و تقدرون تمشون منه لمباني الاستعمار

أيام العمل
يوميا

ساعات العمل
شكله 24 ساعه :tongue:
لأن فيه محلات كثيره و مختلفه و اشياء ثانيه
جلسنا فيه لبعد الساعه 11 بالليل وهو لسه مليان ناس

رجاء لا تفوتونه

بازار حديقة يو يوان Yu Yuan Garden Bazaar



ذكرت لكم الحديقه من قبل هذا البازار جنبها

أيام العمل
يوميا

ساعات العمل
8:30 الصباح 8:30 الليل

العنوان
Around Fuyou Lu, Dongtai Lu and Henan Lu 200011

ربي يسعدك اختي المفروض يكرمك عمدة شنجهاي

شاكرين لك سهلتي امورنا قبل السفر الله يسهل دربك وامرك

في انتظار برنامجك عميد شنجهاي باذن الله رحلتي في 14/7 لهونق كونق وان وصلنا وفينا نشاط بحول الله واصلنا لشنجهاي لمدة ثلاث الى اربعة ايام انتي وش رايك ازيد بالمدة او انقص ؟؟مدة رحلتي 19 يوم وببالي ازور شنجهاي 3-4 ايام وجويلين 3 ايام كوانزو 8 ايام شنزن يومين 3ايام في هونق كونقيهمني رايك اختي في البرنامج علما ان الرحلة انا وزوجتي باذن الله

ياربي والله غريبة في ناس مثلك للحين:114:


الف الف شكر لكِ اختي هبة

انا رحلتي الى شنقهاي في 1/8 انا وزوجتي

اما بنتي الوحيدة بنتركها عند جدتها:110:

خايفين عليها من التعب

وبستفيد كثير من تقريرك الاكثر من رائع


اجمل تحاياي


أخوك / بو جــــــود ،،

المشاركة الأصلية كتبت بواسطة فيصل 00
http://www.arabtravelersforum.com/tr...4/#post3122394

في انتظار برنامجك عميد شنجهاي باذن الله رحلتي في 14/7 لهونق كونق وان وصلنا وفينا نشاط بحول الله واصلنا لشنجهاي لمدة ثلاث الى اربعة ايام انتي وش رايك ازيد بالمدة او انقص ؟؟مدة رحلتي 19 يوم وببالي ازور شنجهاي 3-4 ايام وجويلين 3 ايام كوانزو 8 ايام شنزن يومين 3ايام في هونق كونقيهمني رايك اختي في البرنامج علما ان الرحلة انا وزوجتي باذن الله



أهلين
برايي الأيام اللي اخترتها كثير مناسبه...
شانقهاي 3 أيام جويلين ممكن 2 كوانزو 8 شينزين 2 هونق كونق 3
مره حلو
كثير مناسبه الفتره ما يحتاج تغير فيها
كان خاطري اروح جويلين ازور الكهف المشهور هناك
إن شاء الله تكتب لنا عنه في تقريرك
ربي يسهل أموركم انت و المدام :smile:

المشاركة الأصلية كتبت بواسطة بقايا الوان
http://www.arabtravelersforum.com/tr...1/#post3122751

ياربي والله غريبة في ناس مثلك للحين:114:


الف الف شكر لكِ اختي هبة

انا رحلتي الى شنقهاي في 1/8 انا وزوجتي

اما بنتي الوحيدة بنتركها عند جدتها:110:

خايفين عليها من التعب

وبستفيد كثير من تقريرك الاكثر من رائع


اجمل تحاياي


أخوك / بو جــــــود ،،

عفـــوااااااا عفوا عفواااا اخوي بو جود
الله يسلمك عالكلام الجميل
يا حرام تتركونها!!مسكينه هههههه
الله يخليكم لبعض..إن شاء الله تكبر و تعوضونها السفره
يارب تروحون وتجون بالسلامه
تشرفني مشاركتك

المشاركة الأصلية كتبت بواسطة noaimihs
http://www.arabtravelersforum.com/tr...8/#post3119758

طبعا في باقي أسواق أكثر من كذا بكثير
لاكن من رأيي انكم تزورون سوقين ولا 3 بالكثير كافيه
اولا عشان الوقت وثانيا عشان ما تفسفسون فلوسكم هههههه يعني "تصرفونها"
بالتوفيق للجميع..
في أي استفسار يا حلوين قبل ما احط البرنامج؟

:106:



ننتظر برنامجك اختي noaimihs لان بعد بكره باذن الله مسافر وبعتمد على برنامجك في شنجهاي بعد طروحاتك المميزة في البوابة الصينية وتميزك في اكتشاف معالم الصين السياحية ..

جزاك الله كل خير ورزقك من حيث لا تحتسبين

حبيت اسال عن ملابس الاطفال
فين الاقي ؟؟ولدي عمره سنة ,,وشاغل بالي هاللموضوع احس ماراح الاقي شي حلو له

اهلين حبيبتي

بصراحة يعجز القلب عن الشكر الجزيل لج ( ما عليه مره فصحى ومره عامي ) ههههههه تحمليني من الحماس


خيتو تصدقين ان انا ما احب التسوق واجد بس بصراحة متحمسة اني اتسوق في الصين

بس عندي سؤال ما تعرفين هناك محل حق الحلويات والكاكو يعني في اليابان اسمع في محلات معروفة مخصصة بس الى الكاكو ما تعرفين محلات جذي في شنقهاي ؟؟؟

انا اموت على الكاكو خاطري اروح محل ضخم بس حق الكاكوات

مشكورة حبيبتي في انتظار جديدج