الموضوع: من هونغ كونغ الى كوانزو بالقطار

السلام عليكم ورحمة الله وبركاته

جزاكم الله خير عندي سؤاال جدااا مهم

راح ارووح هونغ كونغ مع العائله 5 اشخاص وكلنا كبار في بداية شهر 8 ان شاء الله

و سنقيم في هونغ كونغ 3 ايام ثم سنتوجه الى كوانزو

من خلال القطار

فممكن اعرف بالنسبة للقطار كيف احجز و الاسعار ؟؟

و هل يووجد نظام كبينه داخل القطاار ؟؟ و هل القطاار له محطات توقف كثيرة ؟

ام مستمرة الرحلة مباشرة من هونغ كونغ الى كوانزو بدون توقف ؟؟؟



الله يخليكم اللي يعرف يساعدني .. و جزااكم الله كل خير يااارب

مواضيع عشوائيه ممكن تكون تعجبك اخترناها لك:

• مساعده بنقاط مهمه
• نصيحة مجرب الله لايحرمكم الاجر
• مطلوب فندق بشنغهاي الصين
• ارجو المساعده
• سؤال محيرني بخصوص الافارقه بالصين
• خبراء كوانزو
• بضاعه شنط تقليد من الصين استفسار
• ممكن احد يفزع لى ويفيد غيري
• استفسارت من ابوضرار
• مكاو اسبوع
• جعلها الله في ميزان حسناتكم
• الي يعرف معلومات عن كوانزو
• يااهل الاخبره فزعتكم
• مسافر الى اغوانزوا وابغي مشورتكم
• حجزت لهونغ كونغ بسعر خيااااالي لايخطر ع البال
• ارجو التكرم و الدخول
• عن الفيزا تكفووووووووووون مساعدة
• الأحداث الجارية في الصين
• كتاب مهم لكل مسافر
• مسافر الي كوانزو

عليكم السلام ورحمة الله وبركاته

اول شي الله يسهل امورك وتروحون وترودون بالف سلامه

وبالنسبه للانتقال من هونغ كونغ الى كوانزو بالقطار في عدة رحلات باليوم وكل اللي عليج انج تختارين الوقت اللي يناسبج
وانا افضل فترة الظهر علشان الواحد ياخذ راحته بالنوم ونفس الوقت يوصل كوانزو العصر

وبالنسبة للحجز تقدرين تروحين لمحطة القطارات وتختارين اليوم والوقت وفي باكثر الفنادق مكتب حجز تذاكر
وتقدرين تحجزين منهم وياخذون رسوم بسيطه على كل تذكره

والرحله من هونغ كونغ الى كوانزو يكون فيها توقف تقريبا بثلاث محطات وبس كل محطة يوقف فيها ما يطول اكثر من دقيقه
وطبعا في شاشة مكتوب فيها بالمحطة اللي وقف فيها وتقدرين تسألين الموظفات اللي بالقطار اذا وصلتوا كوانزو ولا بعد

وانصحج بحجز التذاكر على الدرجة الاولى ((vip)) الفرق بالسعر مو كبير ولكن الكرسي اكبر واريح

وبالنسبه للرحله بين هونغ كونغ وكوانزو ما في كبينه بالقطار لان مدة الرحله تقريبا ساعتين ونص


والله يوفقكم الجميع

كل الشكر ابا الوليد

جزاااك الله كل خير يا ابو الوليد

و عسى الله يفرج همك مثل ما فرجت همي يارب العالمين ..

انا قبل يومين انتقلت من كوانزو الى هونكونج بالقطار
الرحلة مافيها اي توقف ابد
مباشره وكل ساعتين رحله يعني مجرد ماتروحون محطه القطار تصون التذاكر وتختمون الجوازات وتروحون ساحة الانتضار
وم ثم ينطلق القطار القطار جميل ومريح وليس سريع جدا

جزاااك الله خيير يااارب اخوي اصغر مسافر

بس بجم التذكرة للدرجة الاولى يقولوون افضل صج ؟؟

السلام عليكم

العفو اختي والله يجزاج الف خير على الدعوه الطيبه

وبالنسبه لسعر التذكره من هونغ كونغ الى كوانزو والعكس على الدرجة الاولى 10 دنانير للكبير والصغار 5 دنانير


واكيد افضل والتجربه خير برهان

وسلامتج

انا ركب اتوقع بدرجه عاديه جدا جدا مريحه وممتعه في الدور الاعلى طبعا القطار دورين

المهم سعرها 186 رممبي

للمعلومية الدرجة الأولى غير متوفرة في كل الرحلات خلال اليوم و الأفضل التأكد من المكتب عند الحجز.
ولمن يرغب في خدمة مناولة الشنط فهي متوفرة أيضا مقابل رسوم بسيطة (على عدد القطع) ويستلمها المسافر في محطة الوصول بعد الجوازات
تمنياتي للجميع برحلات موفقة

الله يجزااااكم كل خييييييير ياااااااارب

على المعلووومات المفيده ...

الله يوفقك يااختى فى رحلتك


سعر التذكره 190 ريمبى



انا ركبت ع الدرجه العاديه وجدا مريحه وواسعه سالتهم عن الدرجه الاولى قالوا عندنا كلاس واحد



مده الرحله ساعه واربعين دقيقه


لايوجد اى توقف الا فى محطه كونزوا



للمعلوميه عند وصولك الى كوانزوا لاتركبى بالتاكسى ياللى تحصليه مباشره لانها اكثر من غاليه


بعد ختم الجواز وانتى طالعه فيه درح ينزلك تحت انزلوا معه عشان تاخذوا تاكسى من الشارع بالعداد يعنى تكون رخيصه


الله يوفقكم فى سفرتكم يارب

سؤاالي هو نفس سؤال الاخ عبدالله ؟!!

جزاكم الله خير ياريت تجاوبونا