العقبة
بدأت الرحلة على الساعة 5 الصبح تجمعنا بالباص التابع للمكتب السياحي وتم الترتيب بشكل منظم و بسرعة ، كنا 3 مجموعات مجموعتنا كلها صبايا و عائلتين وكل الي بالباص كنا منسجمين على انغام فيروز انطلقت الرحلة من عمان متجهة الى العقبة.....
وبعد الانطلاق بساعة بلش البرنامج الترفيهي مسابقات و جوائز الجزء الاول و اغاني ورقص و اكيد تصوير
وصلنا على الاستراحة ... وهون بدي احكي عن الاستراحات الموجودة على طيرق العقبة بالنسبة الي فهي غير مهيئة انها تكون استراحات سياحية هاد اول موضوع يجب على وزارة السياحة انه تهتم فيه ... لانها تخلو من 1- النظافة (المكان والطعام والمشروبات) 2- اسعار خيالية (يعني الغرض الي سعره 15 قرش بصير بنص دينار !! 3- الكشرة والمعاملة و انا بقترح انه يعملو بازارات صغيرة بتعرف على الاردن في هذه الاستراحات.
المهم...... وصلنا على العقبة من هون وخرب الباص من هون ههههه بس نزلنا على الشويخ مول و على المعرض الصيني .... انا ما كنت بدي اشتري شي لانه ما لقيت شي مميز و الاسعار متل اسعار عمان مع انه العقبة منطقة اقتصادية خاصة ومعفية من الضرائب ! المعرض الصيني : الصينيات الي هناك سبقوا الاردنين بالكشرة بتسألها عن الغرض و هي مجبصنة بترد ( ليرة نص.. ليرة نص) هيك سعره ما بدك بلاش ما بتحاكوا ....
البارت التاني كان المفروض نروح نارجل ونتغدا .... طبعا الباص خرب و جابولنا باص تاني وصارت شوية مشاكل مع الركاب و تأخرنا شوي بس بالاخر كان تمشي الامور بروح حلوة انه فجأة و بدون سابق انذار نطلع من جو النكد للانبساط وارقص والضحك
رحنا على تشي تشي كان مسكر اضطرينا نقعد بجفرا انه ليه هيك يعني خسارة الاكسسوارات ( المحل بده اعادة تأهيل) وبده اعتناء بالنظافة .
خلصنا من جفرا رحنا تشي تشي ( ارجيلة بتجنن بتعبي الراس و اكله طيب و قعده حلوة و خدمة مميزة واهتمام خاص مدير الكافي كان 5 نجوم وفوق كل هاد خصم على الفاتورة صراحة تفاجئت بالسعر انه كتيييييير قليل .
نادي اليخوت الملكي : رحلة باليخت و لا اروع من هيك
رم : بطريق رم كان المرافق يشرحلنا عن منطقة وادي رم و الديسي و يحكيلنا مميزاتها و بشو بتشتهر قالنا معلومات كتير مفيدة ومنها معلومات كنت اول مرة بسمع عنها.
رم سحر .... وخيال.... و راحة بال.... المخيم مرتب و خدمته 5 نجوم و اكله طيب ونظيف (مخيم بيت علي )
عن رم رح اترك الصور تحكي
السهرة برم ولا احلى رقص ودبك و ضحك و انبساط عالأخر و ارجيلة وشي بجننن
أنا رم
هلئ بترككم مع الصورمواضيع عشوائيه ممكن تكون تعجبك اخترناها لك:
- لأهل الخبرة بالمملكة الأردنية الهاشمية
- ذاهب الآن لليمن دعواتكم لنا
- مترو العاصمة الجزائر
- من مدينة اب الى مدينة الخوخة
- كيف اصل البتراء
- اعادة الغطاء النباتي والحياة البرية في المغطس
- صور من ولايات بلادي الثمانية و الأربعون ، موضوع مميز
- الجــزائــر مدينة تلمسان مركز الدراسات العربي ألأندلسي
- ارجو المساعدة
- استفساااااااار عن تونس
- قسنطينة الجزائريةاجمل تقريرمش حتقدر تغمض عنيكفيفيري
- اجمل مدينة جزائرية دلس
- فزعتكم ابي اروووح الجزائر الى وهران
- استشاره بخصوص السكن
- افتتاح مدينة الألعاب الترفيهية ماجيكال سيتي بصنعاء
- حفظ الصور عن طريق
- أحتاج معلومات لسفرة الأردن
- محتار شهر عسل لايران او سريلانكا في نص شهر ؟؟
- انا ذاهب الي دراسة في اليمن
- ايهما افضل مصر للطيران ام الخطوط الجزائريه
المفضلات