السلام عليكم
وعليكم السلام ورحمة الله وبركاته ..
(( ملاحظة مكان موضوعك في الممكان الخطأ لان في قسم خاص للاستفسارات .. واتوقع راح يتم نقله ))
- عدد الاشخاص= 4
- طيران الهنديه من الكويت ترانزيت مطار بومباي 5 ساعات ثم الطيران لبانكوك
- مدة السفرة 14 يوم صافي من غير الروحه والرده
بس محتارين بكذا شغله
بما انه اول مره نزور تايلند
فحبيت اسأل الاعضاء والمشرفين عن شغلات
اولا-
احنا نبي نزور (بوكيت - شنغماي - بتايا - بانكوك ) وكان في اتفاق مع الشباب انه:
بوكيت= 7 ايام
شنغماي= 3 ايام
بتايا= يومين
بانكوك= يومين
هل التنسيق مناسب او لا ؟؟
من وجهة نظري بما انكم شباب .. وبما انكم اول مره .. اشوف
8 ايام بوكيت
3 ايام بتايا
3 ايام بانكوك
بهالطريقة بتكون عطيتوا كل منظقة حقها سواء كان رحلات ولا تمشية ولا تسوق
وتم الغاء كوه ساموي لانها بوكيت راح تغنيك عنها .. لو كنت رايح بوكيت من قبل
كان عدلت على الجدول ..
ثانيا-
جزيرة كاسموي تستاهل نزورها ولا الي ذكرتهم كافي لانه الشباب بخاطرهم بس ولامره زاروها نبي خبرتكم بتايلند ... هل كاسموي نستبدلهاا بشنغماي او نقلل مدة البقاء في بوكيت ونزور كاسموي ؟؟؟
تم الرد على هذا السؤال .. والقرار راجع لك ..
ثالثا-
هل شنغماي وكاسموي تحتاج طيران داخلي من بوكيت
ام باخره ( عباره ) ام سياره؟؟
نعم شنغماي وكوه ساموي يحتاجون طيران داخلي من بانكوك
او بوكيت
رابعا-
ماهي الرحلات السياحيه الي تنصحونه فيها فالمناطق الي ذكرتها مسبقا؟؟ ومن اين نحجزهم؟؟
بالنسبه للرحلات ادخل هذا الرابط وراح تشوف رد اخونا حسن الحمادي1 .. مكفي وماعليه قصور
http://www.arabtravelersforum.com/travel861761/
اما من وين تحجزهم .. هناك في كل منطقة لما تتمشون راح تشوفون الاكشكاك منتشره بكثره ويعرضون عليهم الرحلات وعليكم تشوفون كم واحد لمقارنة الاسعار بالخدمات
خامسا-
اسماء الفنادق المناسبة لنا كشباب ومستوي جيد فالمناطق الي ذكرتها مسبقا؟؟
لما تستقر على المناطق الي راح تزورها بعدها تحدد لنا الميزانية للفندق في الليله الواحده
سادسا-
المشكله انه لانعرف نحجز الطيران الداخلي من النت ... اذا وصلنا مطار بانكوك ونبي نروح بوكيت فطيران داخلي من وين نحجز تذاكر اسعارها مناسبه؟؟ ( سمعت انه اسيا اير جيد ولكن من اين نحجزه؟؟ ) ...
التذاكر الداخليه يمكنك الحجز عن طريق 3 خيارات ..
الاول وهو الافضل والاقل سعراً يكون من النت بنفسك عن طريق بطاقة ائتمان .. واذا ماعندكم تخلي احد قريب لك يحجز لكم ..
اما الثاني عن طريق المكاتب السياحية المنشرة في بلدك رغم اسعارها العاليه بعض الاحيان ..
اما الثالث لما توصلون مطار بانكوك الدولي .. وتخلصون كل اجراءاتكم قبل ما تطلعون من المطار تصعدون الطابق الرابع وهوه الطابق المختص بالطيران الداخلي .. وراح تشوف شركة طيران التايلندي وهي الافخم والاغلى
والطيران الاخر هو طيران بانكوك وهو المتوسط ف يالفخامه والسعر
اما بالنسبة لطيران اسيا اير نعم هو الارخص وسعره مناسب .. لكن لازم تطلع من المطار وتأخذ تكسي وتقوله المطار القديم او اسيا اير واهوه بعرف
واترك لكم الرد علي الاستفسارات واسفين عالاطاله
حاضرين لأي استفسار ..
بالتوفيق ..
رد مع اقتباس
المشاركة الأصلية كتبت بواسطة saudalhajry
من الموبايل
المفضلات