السلام عليكم ورحمه الله وبركاته
الحقيقه انا متابعه المنتدى من فتره كبيره جدا جداا بس مكنتش مشتركه فيه وفعلا لما لقيت ان الناس بتساعد بعضها وفعلا فيهم اهل الخبره فأتشجعت انى استفسر منكوا وياريت مشرفين بوابه تايلاند يفيدونى كمان
انا بحاول ادور على كل مايفيدنى عن تايلاند بس فيه امور مش عارفه الاقيلها اجابات
فأكون سعيده جدا لو ادتونى خبراتكوا عشان فعلا انا محتاسه
اولا انا خلاص حجزت الحمدلله تذاكر الطيران
هتكون بأذن الله السفر يوم 15/2 من القاهره وعوده يوم 27/2
انا عارفه طبعا انه بعيد بس انا بحجز الطيران الداخلى من دلوقتى عشان اخده رخيص
وكمان عرفت ان شهر 2 حلو جدا فى تايلاند
عندى استفسارات مهوله
اولا الايام هقضيها 4 ايام فى بانكوك ثم 5 ايام فى ساموى ثم 5 ايام فى بوكيت
السؤال الاول: ايه الارائكوا فى الفنادق التاليه وهل فيه حاجات احسن وتكون بالمواصفات اللى انا عايزاها بس تكون سعرها مناسب
الفندق فى بانكوك هيبقى Le Fenix او Furamaxclusive(بس يكون قريب من المناطق الحيويه)
الفندق فى ساموى Bann Haad ngam Boutique (بس لازم يكون Private pool)
الفندق فى بوكيت the blue marine (بس يكون sea view)
السؤال الثانى:
كنت قريت كذا موضوع عن النصب فى التكاسى او انه ممكن يودينا حته مشبوهه
ازاى اقدر اتجنب المواقف دى وازاى اقدر انتقل من مكان لمكان تانى غير التكاسى وكيفيه الانتقال من المطار للفندق ؟؟؟
السؤال الثالث:
اخد معايا فلوس قد ايه تكفينى خروجات واكل (مش مشكله الشوبينج) وانى اجرب كل حاجه فى البلد؟؟
وياترى اخدهم دولار واغيرهم هناك ولا اخليهم فى الفيزا ولا اغير من بلدى لعملتهم ؟؟
ولو هغير من تايلاند ايه الاماكن المناسبه؟؟
السؤال الرابع:
ازاى احجز الرحلات زى بى بى ايلند او جيمس بوند او فانتازى شو والرحلات دى؟؟
كنت قريت احجزها من شركات السياحه والاكشاك الموجوده
طيب هعرف ازاى انها مش نصب؟؟؟
بجد انا محتاره جدااااااا ومعنديش خبره فى السفر دى هتكون اول مره اركب فيها طياره اصلا
ياريت فعلا تساعدونى لانى حاطه امل كبير فى ربنا ثم فيكوا انكوا تنظمولى رحلتى لانها شهر عسل ومش عايزه اى مفاجأت هناك
وشكرا
مواضيع عشوائيه ممكن تكون تعجبك اخترناها لك:
- الرافتنج في بوكيت
- الأماكن السياحية
- تحذير من فندق في بانكوك
- استفسار يوم بتايلند
- استفسار عن فيزة تايلاند فى المطار
- رحلتي الي تايلند شهر وبالتفصيل ومع الصور
- استفسارات بسيطة عن بوكيت
- إعلان حالة الطوارئ في بانكوك والمحتجون يحتلون وزارتين
- هل يسمح بدخول الاردني ل تايلند ارجووووووو المساعده
- محدثكم من بوكيت مباشرة الحمدللة وصلت بسلامة
- تجارة ملابس نسائية
- سؤالين فقط ولكم الشكر والتقدير
- اليوم بالليل مسافر سوريا ومحتاج معلومات عن اللاذقية ودمشق وبيروت قبل اسافر جاوبوني
- استفسار عن مكاتب السياحه ارجوا المساعده
- بتايا أم شانغ ماي ؟؟
- مساعده
- تهنئة
- تناقضات مع طيران الامارات
- انا مسافر لبوكيت ان شاء الله ايام وعندي بعض الاستفسارات
- الى بيسافر بالسياره الى سوريا يدخل
المفضلات