السلام عليكم
أحدثكم أيضا من كوينز تاون
بصراحة ماودي أطلع منها وودي أكمل كل الأيام فيها لكن ماباليد حيله وبرضوا الدنيا بررررد
أمس كانت لنا رحلة للخيول أشبه بالخيال أم اليوم فنزل مطر وتقريبا تلخبط جدولنا لليوم فقضيناه مشي
حول البحيره وإطعام البط فقط
غدا راح نغادر نيوزلاند لنستكشف أستراليا وأولها إلى سدني إن شاء الله
تابعوا معي رحلتي والقاكم في سدني غداً بإذن الله
المشاركة الأصلية كتبت بواسطة سلوم
http://www.arabtravelersforum.com/tr...9/#post1323499
الحمدالله على سلامتك أختي مغتربه ...
وياكذا السفريات والا يابلاش :24:
تخطيط للسفر بشكل مبكر ، ونقل مباشر على الهواء لكل الأحداث :101:
أتمنى لكم رحلة سعيدة وممتعة ، وترجعون بالسلامة ان شاء الله ...
وتراني مراقب لرحلتكم من بعيد :sofa:
سلوم هنا .. :redface:
الله يسلمك .. وأسعدني حضورك
وطالما هناك مراقبين من بعيد إذن راح نكون هنا كل حين
خل اقولك كم معلومة على السريع بالنسبة لسيدني يمكن ما عطيناها حقها من قبل..
الا ما قلتي وين بتسكنون فيها...بس اعتقد حول بالدارلينغ هاربر ...
1- انصحكم تاخذون تذكرة يومية للمونوريل (القطار المعلق) وتستقلونه للتنقل من الفندق للاكواريوم، برج سيدني، الحديقة الصينية، الاسواق المختلفة: سوق فكتوريا الاثري .. بس غالي تراه.
2- المشي المشي ثم المشي حول الدارلينغ هاربر لانه اجمل مافي سيدني...
3- لا يطوفكم الاوزي تريك .. تجربة حلوة في برج سيدني. ومسرح الآي ماكس حلو للاطفال ولكم بعد :24:
4- اخذوا تذكره عائلية شاملة للاكواريوم و برج سيدني (مع الاوزي تريك) والوايلد بارك ... ارخص لكم وكل هالاماكن تستحق الزيارة.
5- اذا ما جربتوا الجيت بوت في كوينزتاون (إن ما جربتيه ترى من جد بعصب :112 يوجد واحد في سدني يعوضكم.
6- خذوا كروز يكون مكانه امام الاكواريوم يطوف فيكم في كذا مكان حول سيدني (الهاربر، الصخرة (التي يوجد بها الاوبرا)، ولفة سريعة حول البحر). ميزته تقدرون تنزلون اي مكان مثل ما تحبون وترجعون مره ثانية تركبونه وفق اوقات معينة ... حاولوا تستغلونه للنزول عند الاوبرا والرجوع اليه مره اخرى اذا امكن.
7- رحلة للبلو ماونت.
بالتوفيق وراح اعد لك وحدة ثانية سريعة قبل وصولكم لجولد كوست. :surf
المفضلات