بسم الله الرحمن الرحيم
حياكم الله في تقرير سفرتي للأردن في شهر يوليو 2011 \ شعبان 1432 هـ
نقطة الانطلاق كانت من الرياض بإتجاة العاصمة الأردنية عمان بالسيارة
الرياض – القصيم = 330 كيلو
القصيم – حائل = 300 كيلو
حائل – الجوف = 350 كيلو
الجوف – الحديثة = 150 كيلو
من الحديثة – عمان – 150 كيلو
المجموع = حوالي كيلو 1300 تقريبيا َ
http://create-avatar.m5zn.com/
بعد الاعتماد على الله وحده عز و جل لا بد من الاستعانه بنظام الملاحة في السفر
الآن نأتي إلى صف الطريق : من الرياض للقصيم الخط ممتاز و ثلاث مسارات و المنحنيات فيه شبه معدومه و الطريق بشكل عام و لا أروع ، بعد تدخل القصيم راح تلقى لوحة تشير لحائل بإتجاة اليمين و الطريق عبارة عن دائري جديد يلف فيك القصيم من جهة الشرق لين ينزلك على خط القصيم حائل ، و بالنسبة للخط هذا ايضا ممتاز ووسيع و لا فيه أي ملاحظات حتى تصل مدخل مدينة حائل و قبل ما تدخل المدينة راح تلاقي لوحة تشير للجوف على الاتجاة الايمن و بالتالي راح يكون طريقك للجوف على الدائري الجديد اللي يلف فيك حائل من جهة الشرق دون الدخول للمدينة و لكن ؟!!
http://create-avatar.m5zn.com/
نصيحة هامة جدا جدا جدا : لازم تدخل حائل و تبحث عن أقرب محطة بنزين و تعبي فل السبب ان طريق حائل الجوف الجديد عبارة عن 350 كيلو بدون اي محطة بانزين ، لا تغامر و تقول ان تانكي البانزين يكفي ، و هذي بعض الملاحظات عن طريق حائل الجوف خصوصا ان الطريق جديد و الغالبية ما يعرف عنه شي
1 – الطريق زي ما قلت ، طويل و مافيه محطات بانزين أبدا ً ، و لا حتى محطات قاعدين يبنونها و لا اعرف السبب
2 – الطريق فيه شبك ، يعني باذن الله تطمن من البعارين
3 – طوال ما انا امشي بهالطريق ما شفت غير الشاحنات ، إلا راعي لاندكروز اسود مر من جنبي يمشي 200 الله يهديه
4 – الطريق ثلاث مسارات و لا فيه منحنيات كثير لكن اكثر ما فيه الطلعات و النزلات الخفيفة و المتوسطة ، يعني لو انت نثبت السرعة راح تلقى السيارة كل شوي داعسه او مهديه ، و هالشي زي ما انتم عارفين يزيد من صرف البانزين ، عشان كذا انا انصح اللي في تانكي البانزين ثلاث ارباع لا يغامر و يقول ان شاء الله راح يكفي لان الطلوع و النزول بيشفط البانزين كله
http://create-avatar.m5zn.com/
هذا هو الطريق و تلاحظون انه جديد و ثلاث مسارات وسيعه
بعد الوصول لمنطقة الجوف راح ينتهي فيك الطريق عند منطقة اسمها الرديفة بعدها تفرق يسار باتجاة القريات ، الطريق هذا ايضا ً ممتاز لكن تكثر فيه الحفريات ، و الحفريات تقريبا كانت مسافتها 45 كيلو ، و هذا الشي يخلي المسافة الزمنية اكثر ، يعني لازم تنتبه من الطريق خصوصا الشاحنات اذا كنت تسوق بالليل .
مرورا بالقريات يبقى لك حوالي 30 كيلو على الحديثة ، طبعا اذا انت جوعان راح تلاقي مطاعم نظيفة على الطريق بعد القريات ، اولها ( كودو ) على جهة اليمين لكن انا فضلت اني اتعشى في مطعم ( الارنب الجائع ) يجيك على اليسار قبل منفذ الحديثة ، المطعم موجود في محطة بنزين و سوبر ماركت كبير ، و المحطة هذي هي اخر محطة قبل المنفذ يعني لازم تعبي فل فيها لان بعدها خلاص راح تدخل الاردن
http://create-avatar.m5zn.com/
الارنب الجائع
عبيت بنزين و شريت لي بعض الاغراض من السوبر ماركت و صليت بالمسجد الكبير و اخذت عشاي من الارنب الجائع و فرشت السجادة على الخط و كان الهوى مرة حلو بالليل و قعدت اتعشى انا و عيالي بالرغم من ان المطعم فيه قسم عوائل و صالة العاب للاطفال و نظيف بس ما حبينا ندخله ، و بعد ما خلصنا عشا ضفينا اغراضنا و توكلنا على الله متجهين للمنفذ لاجراءات الجمارك و الجوازات و الدخول
يتبع – في الحلقة القادمة سأتحدث عن إجراءات دخول السيارة و الجمارك و الطريق حتى الوصول إلى عمان
مواضيع عشوائيه ممكن تكون تعجبك اخترناها لك:
- أحلى من العقد وكنوز الأردن
- صور روعه من بلد السحر والجمال ايران
- استفسار مهم بخصوص بناء مسجد في اليمن حضرموت
- أفضل وأرقى مستشفيات وعيادات الأسنان في عمان
- السعودية تركيا اسبانيا تونس الكاميرون مصر كلهم تلمسان
- مساعدة لزيارة الحمامات السياحية
- الاختيار النهائي للفنادق ارجو المساعده
- خمسة عشر سؤال عن الاردن من يقدر يجاوبني عليها
- الاوضاع الأمنية والحرب في صعده
- عاجل جدا
- هل يوجد مناطق تزلج على الجليد ؟؟
- كم سعر التربتيك
- صور عجيبة غريبة من مدينة لا مثيل لها
- المساعدة اخواني للضرورة
- رحله في اكناف بيت المقدس
- استفسار
- الحدود الاردنية
- ابحث عن مدن ترفيهية بمدينة عمان الاردنية
- اكسلنسيا وما أدراك ما اكسلنسيا
- تأشيره زياره تونــــــــــــــــــس
رد مع اقتباس
المشاركة الأصلية كتبت بواسطة الناصر11
المشاركة الأصلية كتبت بواسطة al fahad77
المشاركة الأصلية كتبت بواسطة أبو محمد اليمن
المشاركة الأصلية كتبت بواسطة ibrahim20
؟؟مادري .....! الله يعين بس .. ,, ماهو علشان حائل بس نبي على شان الناس اللي رايحه من ارجاء الممكله وغير المملكه.
وبعدين بحق هذي ياويلك تمر من هناك ولاتجي عندي انت ومن يعز عليك يابعد حيي هالوجه واي شي تبينه من حائل مستعدين وانا اخوك
المشاركة الأصلية كتبت بواسطة هيمان11
المفضلات