كيف الحال أحبتي في الله ..
ان شاءالله اتكونون في أتم الصحه والعافيه ..
هذا موضوع أتمنى أنه أيكون واضح وسهل على الكل ..
والهدف من الموضوع هو انبين لجميع المسافرين أن كل الأماكن السياحيه والمهمه قريبه من بعض في لندن وعشان الكل ايكون على بينه ونفس الوقت الكل ايكون مرتاح نفسياً وايعرف وين هالشارع او السوق ...الخ
عشان إذا أحد حب يطلع لكذا مكان في جولته السياحيه يقدر أيحدد الأماكن الي قريبه من بعض وأيمرها كلها مره وحده مشي ..
وإذا كان الموضوع سلس وسهل وواضح للكل وأتحبون أني أكمل فراح أكمل وأنا كلي تحت أمركم ..
وإذا حسيتوا أن الموضوع مش واضح وفيه لخبطه أشوي وتبوني أوقف فراح أوقف على طول وأعتذر لكم عن الموضوع..
الموضوع مخصص للمسافرين الجدد إلى لندن أما القدامى فهم عارفين كيف التوزيع في لندن وماعليهم خوف ..
على العموم ..نبذه عن الموضوع قبل مانبدا فيه ..
المعروف أن العرب كلهم يتجمعون في الأماكن الي حوالين الهايدبارك ..وأغلب الأماكن السياحيه ولحسن الحظ تجمعت حوالين الهايدبارك ..إذاً الهايدبارك تعتبر حلقة وصل بين أغلب الأماكن السياحيه في لندن ومركز اساسي للكل..
فأخذت صوره للهايدبارك ( صوره رقم 1 ) من قوقل أيرث وجزئتها إلى 3 أجزاء ( صوره رقم 2 ) ..
الجزء الأول هو A ( صوره رقم 3 ): وراح نتكلم في هالجزء عن أهم الأماكن في ادجول رود وأكسفورد من ناحية الشوارع والمحطات وغيرها
الجزء الثاني هو B: منطقة الماي فير + البارك لين + البيكاديلي
الجزء الثالث هو C: منطقة النايتس بريدج وأهم الأماكن الي فيها من ناحية الشوارع والمجمعات
في البدايه راح اتكلم عن الجزء الأول وهو A ..
فإذا أعجبتكم الفكره وشفتوا ان الشرح واضح وأتحبون أستمر في الجزء B & C فراح اكمل..
وإذا ماحبيتوا اكمل الموضوع ماراح أكمله ..
صوره رقم 1
صوره رقم 2
صوره رقم 3 او الجزء A وهي كالتالي :
الشوارع هي الي باللون الوردي وكل شارع عليه رقم ..
والمحطات هي الي باللون الأحمر وكل محطه عليها رقم ..
الشوارع المهمه :
1-بيزووتر
2-ادجول رود
3-اكسفورد ستريت
4-ماريلبورن ستريت
5-كوينزوي
محطات القطارات المهمه :
المحطه رقم 1 : ماربل أرتش
المحطه رقم 2 : محطة بادنغتون
المحطة رقم 3: محطة بوند
المحطة رقم 4 : محطة كوينزوي
المحطة رقم 5 : محطة مارليبون
..
إذا الفكره نالت على أستحسانكم واتحبون أكمل فراح أكمل ..
وإذا شفتوها مش واضحه واتحبون اوقف فراح اوقف ..
وأي حد من الأعضاء حب يعلق او يضيف نقطه فأتمنى مايبخل علينا لأن الفائده راح اتكون للكل ان شاءالله:24:
ننتظر أرائكم الي مانستغني عنها :114:مواضيع عشوائيه ممكن تكون تعجبك اخترناها لك:
- مطلوب شقق فندقيه في
- سؤال عن الاوت لت في لندن
- ليلة في لندن ؟؟
- شقق فى لندن
- ابحث عن سكن في لندن وفي ويندرمير
- مساعده ضرورية تكفووووووووووووون
- مساعدة لو سمحتوا
- ترتيب رحله
- الى لندن من نص اكتوبر لنص نوفمبر
- سؤال بخصوص الفيزآ
- سوال بخصوص المسافه
- استفسارات
- بعض الصور من زيارة لندن يونيو
- الأجواء في لندن حاليا
- كامدن تاون
- البحث عن سكن مناسب في لندن
- قرى بريطانيا
- الي عنده علم
- شقق
- كيف أعرف عن فعاليات و مهرجانات لندن في ؟؟
المفضلات