المشاركة الأصلية كتبت بواسطة ابن الأثير
http://www.arabtravelersforum.com/tr...1/#post3884059
الصفوة & المروة & زمزم .. أيهم أفضل إطلالة وأثاثاً وخدمة ؟
المشاركة الأصلية كتبت بواسطة ابن الأثير
http://www.arabtravelersforum.com/tr...1/#post3884059
ولكم الشكر
حياك الله يابن الاثير
ومن وجهة نظر شخصيه الصفوه بلا منازع في الاطلاله والاثاث اما الخدمه انا بصراحه ماجربتهم
كنت ساكن بزمزم سويت غرفتين وصاله ومطبخ ودورتين مياه يكرم المتواجدين
وحلو بصراحه غير انه غرفة النوم الرئيسيه صغيره ومايعطونك لها مفتاح وعذرهم بان كل من سكن الفندق خذا المفتاح معه ومشى
يعني ( خصوصيه )في هالفندق لاتحلم فيها
اضافه الى دخولك لابراج البيت مسافه ثم (ن) تلف يمين وتطلع لاللفتات يسارك الى الدور11 ثم تتجه يسارك
لاستقبال الفندق ويمين الى اللفتات الخاصه بالفندق
يعني لو لاقدرالله صار حريق او شي من هالقبيل مالك امل تنجى الا بارادة ربك وانا بصراحه هذا الشي الوحيد
اللي ماريحني بزمزم
ويمكن هذا اللي مخليني منبهر بالصفوه اكثر اولها باطلالتها الاكثر من رائعه
رحت انا والعيال نلقى نظره عليه للاستفاده منه في المرات القادمه ويوم دخلت وشفت الغرف بصراحه
عجيبه مرررره
رحابه وسعه تجيب العافيه
والصاله تطرد فيها الخيل على قولة القايل والاطلاله عاد خيال وهذي لحالها احلى ميزه
وماتصدق ياخوي لو اقول لك ان ودي اسكن في هالفندق مخصوووص علشان احط فراشي عند هالاطلاله وامللي
عيني بشوفة الكعبه والحرم شرفهم الله
تخيل الركن كله المقابل للحرم من العرض للعرض ومن اسفل الى اعلى زجاج فيما يقارب 9 او 10 امتاركله اطلاله
على الحرم كله واللي حوله
والله تتخيل نفسك في حلم
والجناح هذا يسمى جناح تنفيذي وسعره عن طريقهم قرفتين وصاله بـ2750ريال
ولما سألت الاخوه برحلة الايمان قال السعر غرفه وصاله بـ950 يوسط الاسبوع واذا تبغي معهم غرفه ثنائيه زياده
تطلع لك بـ1550 لاحظت الفرق شلون
ما اقول الا .. الله يبارك لنا في رحلة الايمان ومايحرمنا منهم ومن كرمهم ويبيض وجيههم من اقصاااهم الى ادناااهم
وجزاهم الله عننا خيرالجزاء
رد مع اقتباس
المفضلات