الموضوع: ممكن مساعدة بجدول السفر

ممكن يا أخوان احد ايساعدني بخصوص ترتيب جدول السفر
احنا عايلة من 3 كبار و2 مراهقين تقريبا 13 و12 سنة و2 اطفال 6 و5 سنوات وحابين انزور الصين وهونج كونج. انا طبعا الي لازم اختار نفس كل سنة(علي فكرة السنة الي طافت رحنا ماليزيا وكل المعلومات خذيتها من المنتدي ومن مشرف بوابة ماليزيا والي ايشوفني ايقول خبيرة مع انها اول مرة لي كله بفضل هالمنتدي واعضائه) المهم انا مفكرة ننزل بكين وانقضي فيها 3 ايام بالكثير احس مافيها شي ينشاف وايد وعقبها كوانزوا وعقبها هونج كونج. الي بغيته يا اخوان اتقولون لي اذا خط السير صح واذا كان صح وين نسكن ؟ يعني الفنادق واذا ماعندكم الفنادق عندكم اسماء الشوارع مثلا؟ وشنو الاشياء الي انزورها بهلاماكن؟ لان المكتب الي بنسافر معاه طالب هالمعلومات. علي فكرة انا باحجز عن طريج مكتب بالصين اسمهChina travel agency خذيتاسمهمن تقرير حق واحد من الاخوان اهني بالمنتدي. طرشت لهم ايميل وردوا بعدها بشوي بس اطلبوا كل المعلومات الي قلتها. فياريت الي يقدر ايساعدني ايرد علي. مانبي انتفشل السنة
ومشكورين مقدما

مواضيع عشوائيه ممكن تكون تعجبك اخترناها لك:

• تحذير من باعة ااجهزة الكميوتر المتجولون في مدينة كوانزو
• سؤال للخبراء الصين بخصوص صرف العملة لتعامل مع المصنع
• استفساااار عاجل جدا
• كم سؤال بخصوص القطار في هونج كونج
• الطبخ في فنادق الصين
• محتاج مترجم في هونج كونج ضروري
• افضل طريقه للوصول الى الفندق في شنقهاي من المطار
• ايمنو الرياض تفضل
• الله لا يهينكم
• عاجل ابي احجز فندق في كوانزو الاربعاء
• اسواق كوانزو
• ارجوووو الدخول للاهميه
• استشاره من اهل الخبره
• اوقات الصلاة في الصين
• رأيكم في طيران كاثي باسفيك
• عروض مذهله وخياااااااااااااااااليه
• الفزعه الحيره ذبحتني
• استفسارات عن أسواق كوانزو النقاط السياحية في كوانزو مستوى المعيشة في هونج كونج
• الحجز عن طريق موقع agoda
• أريد فندق في شندا

بالنسبة لخط السير منطقي ...

بالنسبة للفنادق موضوعها هيّن يعني ممكن اترتبوها من الشركة او حجز شخصي بواسطة الانترنت وينتهي امرها لكن اهم شيء شو هدفكم من الرحلة .. يعني شو تحبون تشوفون ؟؟ ... هل تحبون الآثار .. أو تحبون الطبيعة .. أو تحبون التسوق .. أم الترفيه ..

أنا عندي كم سؤال .. وإن شاء الله افيدج باللي اعرفه
كم يوم بتقعدون في كل من الصين وهونج كونج ؟؟
ممكن موقع الشركة السياحية ؟؟

على فكرة ترتيب الشركات لازم تحطون بالكم منه واتابعونهم .. تراهم سهل عليهم أن يعدوا البرنامج في ايام ممكن يعدونه لج وبعدين تقولين لهم ماريد اسير فيه عادي عندهم .. اكيد هم ربحانين من ناس ثانين كثير ..

بعدين كاسروهم لأنه أسعارهم مرتفعة مهما كان ..

وأنا رحت مع شركة صينيه وعديت البرنامج معهم .. فيها عيوبها وفيها محاسنها .. لكن هي تجربة مفيدة .. الشركة عادةً لما تسألج عن الفندق تريد تعرف عدد النجوم وهي اترتب الفندق لحالها .. انتوا تقدرون تطلبون مع افطار أو بدونه والشركة توفره ..

المشاركة الأصلية كتبت بواسطة ام احمد76
http://www.arabtravelersforum.com/tr...0/#post3549472

أخوي احنا مفكرين باسبوعين او اكثر بشوي يعني من 16 7 الي نهاية شهر 7 ونبي الصراحة من كل شي شوي يعني ترفيه واثار وتسوق طبعا. انا شفت جم شغلة ترفيهية وتسوق بكوانزوا وهونج كونج بعد فيها ديزني لاند حق اليهال . المهم المكتب حتي الوجبات بيوفرونها. يعني نفس التور بس خاص بنا. احنا عمرنا ماجربنا هلون .يعني احنا ناخذ تكسي وانخليه معانا طول اليوم واهوا حتي المطاعم ايودينا. فانت شنو راييك ناخذ بعد المواصلات من عندهم؟ عشان اللغة؟



بخصوص بكين .. فيها آثار ومتاحف كثيرة .. طبعاً سور الصين العظيم .. و المدينة المحرمة Forbidden City و القصر الصيفي Summer Palace ومتحف بكين .. ومتحف الشمع Beijing Wax Museum وساحة Tiananmen.. أنا جمعتها في خريطة ممكن تفيدج من http://maps.google.com/maps/ms?hl=en...b435270318e725..

بالنسبة لكوانزو فيها ترفيه وسوق وايد .. لذلك أفضل تقللوا من الشراء في بكين وتقتصروا على الاشياء المميزة في بكين .. ممكن يفيدوج فيها من زارها من الاخوة .. لأن كوانزو فيها من كل الأسواق .. وبالنسبة شو الاسواق فيها والاماكن افضل انج تشوفين الخريطة وتختارين الاماكن الي تفضلينها .. اما من ناحية السوق ما اتوقع راح تحتاجون الى مترجم لأنه سهل تتفاهمون مع الصينين بالآلة الحاسبة .. أما إن بغيتوا تشتروا اثاث وشي فيه تخصص يفضل تستعينوا بمكتب يوفر لكم مترجم .. الخريطة من http://maps.google.com/maps/ms?hl=en...485d709d9c9592

هونج كونج طبعاً فيها سياحة وفيها سوق كما تسمى بفردوس الشراء عند الصينين .. ممكن تشوفين الخريطة .. من http://maps.google.com/maps/ms?hl=en...c521afb0d01dd4

انصحج تقرين مواضيع الاخوة عن المدن الي تريدين تروحينها .. كانت لي خير عون في سفراتي إلى الصين ..

طبعا أكدوا على المكتب يوفر لكم وجبات على الطريقة الاسلامية .. مع اني احبذ أنكم تروحوا بنفسكم المطاعم لأنه فيه مطاعم عربية كثيرة في كوانزو وبكين أكيد ما تخلى من الاكل الاسلامي وكذلك هونج كونج .. مواضيع الاخوة تغني خذي عناوينها واسماءها واحفظيها في نوته .. لما تروحين هناك التكاسي توديكم ..

المواصلات نعم تحتاجون أفضل لأنكم عائلة تحتاجون سيارة كبيرة توديكم بس حق البرنامج السياحي ، أما السوق والمطاعم فأنصح تروحوا لها بنفسكم بالتاكسي ..لكن ان بغيتوا الشركة توديكم السوق والمطعم فهذا لازم تشترطوه عليهم لأنه عادةً ما يوفرونه مع الخدمة.. فقط هم عليهم بالبرنامج السياحي ... عادةً 300 رمبي تكفي حق سيارة خاصة ليوم كامل في حدود المدينة ..

اي استفسار انا حاضر ..

تسلم اخوي
احنا مفكرين انروح مع شركة سياحية بالبحرين بتودينا اسبوعين موزعين علي بكين وشنغهاي وكروز بس مع الوجبات بس مو متاكدة 3 او بس 2 بس طالبين علي الشخص في غرفة دبل حول 1100 دينار يعني تقريبا 11 الف درهم . احس المبلغ وايد علينا خصوصا الفنادق بين 5 و4 نجوم

المشاركة الأصلية كتبت بواسطة ام احمد76
http://www.arabtravelersforum.com/tr...0/#post3558918

تسلم اخوي
احنا مفكرين انروح مع شركة سياحية بالبحرين بتودينا اسبوعين موزعين علي بكين وشنغهاي وكروز بس مع الوجبات بس مو متاكدة 3 او بس 2 بس طالبين علي الشخص في غرفة دبل حول 1100 دينار يعني تقريبا 11 الف درهم . احس المبلغ وايد علينا خصوصا الفنادق بين 5 و4 نجوم



أقترح عليكم تشوفوا لكم شركة صينية لها موقعها على النت وتفصلون الرحلة لكم باللي يريحكم .. أتوقع السعر راح يطلع أقل من 11 ألف درهم لأنه عادةً كل ما زاد عدد القروب يقل السعر .. وأنا سافرت لوحدي في مدة 10 أيام في أكثر من 4 مدن بسعر 11 ألف درهم تقريباً .. إن شاء الله بتحصلون على سعر أفضل
شركة China Highlights لها صيتها مع أني ما رحت معها لكن راح يتجاوبون معاكم ..

إن فضلتي تشوفين الشركة فاتبعي الخطوات الآتية

كيفية إعداد برنامج سياحي

1. ادخلي الموقع http://www.chinahighlights.com/
2. بتحصلين صورة فيها جملة Custom Tailor اضغطي عليها
3. بتحصلين خيار Advanced Tailor Made Form اضغطي عليه
4. بتطلع لج خيارات المدن السياحية اختاري المطلوبة إذا عندج مدن أخرى اكتبيها في المربع.وعبي البيانات تحت من نوع الفندق والدرجة ونوع الأكل والمواصلات وكل الي يهمج اكتبيه.
5. اضغطي Confirm & Submit وانتظري ردهم عن طريق الاميل.

هذي الطريقة تفيد في معرفة فكرة عن الاسعار والخدمات المقدمة وجيدة للقروب السياحي الي يرغب بالخصوصية بعيد عن الباصات و القروبات الجماعية ..

فيه موضوع كامل بارقام المترجمين في الصين والمترجمين يقدرون يوفرون سيارات ,
شوفي حليمة صينية مسلمة من موضوع هداوه ,
وراجي موضوع ابو ضرار اعتقد حق المترجمين ,

بالتوفيق

المشاركة الأصلية كتبت بواسطة ام نواف ونورة
http://www.arabtravelersforum.com/tr...0/#post3565437

فيه موضوع كامل بارقام المترجمين في الصين والمترجمين يقدرون يوفرون سيارات ,
شوفي حليمة صينية مسلمة من موضوع هداوه ,
وراجي موضوع ابو ضرار اعتقد حق المترجمين ,

بالتوفيق



السلام عليكم ...

تم التحذير أكثر من مرة من التعامل مع حليمة ....

للعلم فقط ...

أسيرالدوحه