الموضوع: دراستي للغة في يورك

عيدكم مبارك ،،

الموضوع عبارة عن تقرير لدراستي الصيفية للغة سنة 2007 ،،

http://travel.webshots.com/photo/257...83508039ILumMB

الرحلة كانت لمدينة يورك في شمال انجلترا ،، و سبب اختياري لهالمدينة بالذات هو اني سبق و زرتها السنة اللي طافت 2006 و عجبني طابع المدينة التاريخي و بعد لان المدينة مافيها وايد عرب و حتى الجالية المسلمة قليلة جدا جدا جدا ،، لاني ما كنت حاب اني اختلط مع عرب و اني اقتصر معرفتي بناس اكون مطّّر اني اتحجى معاهم انجليزي ،،، و ايضا من الاشياء اللي خلتني اختار يورك هو ان كان بودي اني ازور مدن الشمال و طبعا يورك قريبة منهم ،،،

المدرسة هي melton college وقع اختياري عليها بعد مشاورة اخوي ملبورن و كان السبب الرئيسي في اختياري لها ان مافيها طلبة خليجيين "قلييييل جدا" بعكس مدرسة English in york اللي كان فيها خليجيين و انا سبق اني راسلتهم و لكن ردهم كان مخيب للآمال






First week of July 2006

136 students in the school – 19 Arabic speakers

First week of August 2006

118 students in the school – 17 Arabic speakers




،،، علشان جذي توكلت على الله و قلت مالي الا ميلتون كوليج ،،،

مدة الدراسة كانت 7 اسابيع "summer course" ،، من تاريخ 25\06 الى 12\08 2007 ،،،


الحجز كان بدون وساطة مكتب ،،، انا راسلت المدرسة و بعدها حولت الفلوس على حسابهم عن طريق حوالة بنكية ،، المبلغ لكامل فترة الدراسة كان 2,409,15 باوند استرليني
727,65 للسكن مع العائلة ،،، 1,470,00 للدراسة ،،، 50,00 رسوم ،،، 39,00 تأمين سفر ،،، 122,50 للـfull board

بالنسبة للحجز طريقته كالتالي ،،،
طبعا بالبداية راسلتهم بالايميل استفسرت عن بعض الاشياء في الكوليج بعدها انا قدمت على الكورس عن طريق موقعهم على الانترنت http://www.melton-college.co.uk/application.htm
و بعدها دزوا الفاتورة على الايميل و فيها كل بيانات حسابهم ما عليك الا انك تقوم بالتحويل

** ملاحظة : الدفع لازم يكون قبل 5 اسابيع من بداية الدراسة "حسب المذكور على موقعهم"
و بصراحة بالبداية الوالد كان متخوف من الدفع بدون وساطة مكتب ،، لكن الحمدلله كل شي صار ok ،،،

بعدها المعهد ارسل لي المعلومات عن العايلة و كان موقع البيت ممتاز فقط ميل واحد بالضبط عن المدرسة ،، و راح اذكر المعلومات عن العايلة بالتفصيل بعدين ،،

أما بالنسبة للفيزا فانا كان عندي الفيزا السياحية و كان باقي منها 4 سنين ،، فما كانت مشكلة بالنسبة لي


بعدها جاء موعد السفر ،، السفر كان مع عائلتي مثل ما جرت العادة كل سنة ،، رحنا تاريخ 15\6 الى لندن ،، و بعدها من لندن انا رحت بروحي الى يورك كان يوم الاحد 24\6 قبل الدراسة بيوم ،، خذيت القطار من محطة kings cross ،،
http://travel.webshots.com/photo/271...83508039KSPUUq
تذكرة القطار بـ48.50 باوند كما هو واضح في الصورة ،، و السبب انها غالية هو ان التذكرة فقط ذهاب ،،، الرحلة تاخذ تقريبا ساعتين ،، و القطار متوفر فيه wireless internet للي يحب انه يستخدمه الدفع في الكمبيوتر نفسه ما عليك الا انك تختار المدة و تدخل رقم بطاقتك ،،، انا جربته مره ،،،

بعد ما وصلت محطة القطار اخذت تاكسي الى بيت العائلة و ما كان وايد بعيد ،،، لكن اللي حصل ان وقت اللي وصلنا الشارع ما لقينا البيت !!! و السبب في هالشي هو ان البيت في square و ما تمشي فيه سيارات و انا لقيت المرة مارجريت ناطرتني بره و لا جان مالقينا البيت ،،، بصراحة فكرة انه يكون مجموعة بيوت على شكل square و بدون لا يكون فيه سيارات عجبتني ،، لان كان فيه وايد يهال قاعدين يلعبون بره بدون ما يخافون عليهم اهلهم ،،،

و هذي صور البيت من بره طبعا ما مخذها من ايام ثانية مو اول يوم:
http://travel.webshots.com/photo/291...83508039nDeBQR

http://travel.webshots.com/photo/295...83508039KaXeTe

http://travel.webshots.com/photo/268...83508039YnHjuX
البيت اهو اللي على اليسار اللي جباله القاري الاحمر

http://travel.webshots.com/photo/224...83508039TJPDwd
هالدب حطته الشركة اللي بنت هالبيوت

الحلوو في المنطقة اللي فيها بيتي انها واااااااايد آآمنة و ما فيها مراهقين ابد ،، غير عن الطلبة الثانيين اللي يعيشون في "acomb" لان هناك فيه واايد مراهقين ،،، لكن ما حصل ولا مشكلة لاحد عايش هناك

اما بالنسبة للبيت فكان واايد كبير ،، انا كان لي غرفة بروحي فيها تلفزيون و فيها حمام خاص لي بالاضافة الى ثلاجة صغيرة "حجمها معقول لشخص واحد" بس لي ،،، يعني غرفتي كأنها suite ،،، و اللي احسن من هذا كله ان العايلة عندها وايرليس انترنت و بما اني كنت ماخذ اللاب توب اهم عطوني الnetwork key مالهم ،،،،،،

مواضيع عشوائيه ممكن تكون تعجبك اخترناها لك:

• مساعدة سفرتي قريبة
• ضروووري رايكم
• مدينة سكوتلند
• مساء الخير
• رحلة طويلة للملكة المتحدة في أغسطس كيف الأجواء
• مساعده لشهر عسل
• شحن عفش من لندن للسعودية
• رحلتي إلى لندن
• كيفية الوصول الى ملاعب كرة القدم ؟
• اريد تخطيط رحلتي جلاسكو و لندن
• ماهي اجراءات استخراج الفيزا البريطانية من مصر ؟
• زوجتي اندر ايج وش اسوي؟؟؟؟
• استفسارات بخصوص الجوازالبريطاني والاقامة ببريطانيا
• استفسار لـ خبيري لندن
• استفسار عاجل عن فيزا بريطانيا من البحرين
• مسافر لندن ومحتاج المساعدة
• استفسار عن الاسعار
• افضل مكتب بالرياض لاستخراج الفيزا
• اسفسار عن ايرلند
• التدخين في لندن ؟

الموضوع اهداء لاخوي ملبورن لرد جزء من جميلك ،،،

و اتمنى انكم تعذروني اذا تأخرت في تكملة الموضوع ،،، لان راح اكون مشغول ان هالسنة رابعة ثانوي و بعد العيد فيه امتحانات

و ياريت اخوي ملبورن انك تذكر الاشياء اللي تبيني اكتب عنها ،،
لان هذي اول مرة اكتب مواضيع من هالنوع و مو عارف شكتب صراحة

و هذي صور لغرفتي :

http://travel.webshots.com/photo/264...83508039PXKdOC
هذي الغرفة اللي فيها الغسالة و النشافة و ثلاجة صغيرة حقي و مايكرويف ،،، هذي الغرفة العادة ماغريت الـhost mother و دانيل الـhost father ما يدشونها ابد ،، اللهم وقت اللي يغسلون الملابس و وقتها انا ما اكون في البيت ،،،

http://travel.webshots.com/photo/286...83508039wGQAxn

http://travel.webshots.com/photo/214...83508039AHrBqS
و الثلاجة اهم ما يستخدمونها ،، بس هالصورة انا صورتها آخر يوم لي و كانوا حاطين فيها شوية اغراض على اساس اني راح اطلع ،،،

http://travel.webshots.com/photo/259...83508039wnlQzi
هذا الحمام –كرمكم الله- و هو يفتح على الغرفة

http://travel.webshots.com/photo/215...83508039YzFfRQ

http://travel.webshots.com/photo/288...83508039VagmuG

http://travel.webshots.com/photo/250...83508039kcMTSv

و هذي صور الغرفة و سوري على العفسة عاد انتوا لا تدققون :tongue: :
http://travel.webshots.com/photo/221...83508039wpKjGo

http://travel.webshots.com/photo/205...83508039NRnCPl

http://travel.webshots.com/photo/223...83508039xrQOJa

و هذي صور للبيت من داخل :

http://travel.webshots.com/photo/256...83508039Rrfzxv
هذا المطبخ ،،،، الله ياني كليت عيوووش من هالمطبخ الله يخليلي مارغريت بس :tongue:

http://travel.webshots.com/photo/271...83508039wzlGZJ
الله يهديهم مارغريت و دانيل فاتحين لهم بار في البيت :tongue: ،،،، بصراحة يشربون وااايد ،،، يعني عادي عندهم يشربون بطل في اليوم ،،،، و في آخر 3 اسابيع لي بدا اييون طلبة 18+ ،، و دانيل ما يقصر في ضيافتهم يلكونه 24\7 :tongue: بس طبعا ما يسكرون

http://travel.webshots.com/photo/265...83508039TVVyzQ
هذي صورة للصالة

http://travel.webshots.com/photo/274...83508039zbgSln
طاولة الطعام ،، و هالصور انا ماخذهم من آخر يوم لي في يورك علشان جذي البيت شوي معفوس لان الطالب اليديد كان توه ياي و لو تلاحظون جنطته على اليمين

http://travel.webshots.com/photo/234...83508039wgSALO
تلفزيووونهم رووعة ،،، لا و آخر اسبوع حطوا القنوات الرياضية اللي تطلع الدوري الانجليزي "sky sport"

http://travel.webshots.com/photo/240...83508039hpkVHb
الحديقة الداخلية ،،، لكن للاسف في اغلب الايام الجو كان ما يشجع على القعدة فيها ،،،
و على فكرة دريشة غرفتي تطل على الحديقة

http://travel.webshots.com/photo/248...83508039tCdKkA

http://travel.webshots.com/photo/218...83508039QLypGv
ترى الصالة العادة ما تكون معفوسة جذي ،، لكن اليوم اللي صورت فيه كان حالة استثنائية

http://travel.webshots.com/photo/215...83508039zjfKIk
الصالة و خلفها الحديقة ،،

Kuwaiti Londoner

حمستني أغير المعهد ومكان دراستي . من ويمبلدون لـ ميلتون كوليج

تصدق إن السكن ماشاءالله تبارك الله حلو , مو حلو الا قليله عليه كلمة حلو ماشاءالله ,

خلني أوصل بالسلامه وأشوف سكني كيف إذا مو حلو بغيره

المشاركة الأصلية كتبت بواسطة ميسون محمد
http://www.arabtravelersforum.com/tr...8/#post1631598

ياسلام عليك أخوي Kuwaiti Londoner

يعطيك ألف عافية على المعلومات التي ذكرتها والصور الاكثر من رائعة :24:

بصراحة السكن ألي سكنت فيه عجبني كثير :101:

جزاك الله كل خير

والله يوفقك في دراستك أن شاء الله



الله يعافيج اختي

و فعلا انا ما توقعت انه بيتهم يكون جذي حلو ،،،

مشكووووووووور اخي الحبيب

موضوع جميل

وجزاك الله خير

المشاركة الأصلية كتبت بواسطة Mr.STING
http://www.arabtravelersforum.com/tr...3/#post1631763

Kuwaiti Londoner

حمستني أغير المعهد ومكان دراستي . من ويمبلدون لـ ميلتون كوليج

تصدق إن السكن ماشاءالله تبارك الله حلو , مو حلو الا قليله عليه كلمة حلو ماشاءالله ,

خلني أوصل بالسلامه وأشوف سكني كيف إذا مو حلو بغيره



ان شاء الله يطلع سكنك حلو

و اذا ما عجبك لازم ما تتردد انك تقول للمعهد يغيرلك العايلة "خصوصا اذا كانت فترة اقامتك طويلة"،،،

موفق بدراستك

ماشاء الله أسلوبك رائع وجميل :101:

والعائلة والله من وصفك حلوووة كثير :24:

والحمدلله أنك ارتحت معاهم وهذا أهم شيء :106:

متابعين وبقووة :106:

دراستك في مدينة يورك والتي تعجبني كثيرا :113:

مشكووووووووور اخي الحبيب

موضوع جميل

وجزاك الله خير



العفوو اخوي

تسلم ،،،







المشاركة الأصلية كتبت بواسطة ميسون محمد
http://www.arabtravelersforum.com/tr...5/#post1632275

ماشاء الله أسلوبك رائع وجميل :101:

والعائلة والله من وصفك حلوووة كثير :24:

والحمدلله أنك ارتحت معاهم وهذا أهم شيء :106:

متابعين وبقووة :106:

دراستك في مدينة يورك والتي تعجبني كثيرا :113:



مشكووورة و الله اختي على متابعتج لموضوعي

و ان شاء الله باجر انزل تكملة للموضوع ،،،

الأكل :
بالنسبة للاكل مع ان العائلة لم يسبق لها ان استقبلت طلاب عرب و مسلمين لكنهم اساسا ما يكلون لحم خنزير و انا اساسا ذكرت هالشي "اني ما اكل لحم خنزير" وقت اللي راسلت المعهد ،،، و غير عن هالشي ،، اهم متفهمين حتى انهم وقت اللي دروا ان في الكويت ناكل عيش مع اللحم و الدياي بدأوا يطبخون عيوش جم مرة في الاسبوع !!!! و كانوا الاشياء اللي ما احبها ما يطبخونها و اذا طبخوها يسوون لي شي بديل ،،

الريوق عندهم الساعة 8 الصبح ،،،، و العشاء الساعة 7 و لكن في آخر 4 اسابيع غيروه بناءا على طلبنا انا و الطالب الثاني اللي معاي و خلوه الساعة 6 ،،، و في آخر اسابيع لي معاهم كنت انا اكل الساعة 6 و الطالب الثاني يحطون له العشا الساعة 7 ،،، و مرات اذا كنت بتأخر بره البيت يخلون لي الاكل و بعدين يسخنونه لي يعني ماكو أي مشاكل معاهم بالنسبة للاكل ابدااا ،،،،

الغسيل
بالنسبة لغسل الملابس فهو مرة وحدة يوم اليمعة ،،، و يبدلون شراشف السرير و فوط الحمام يوم الاحد ،، لكن مرات اكون طاق مطر و بنطلوني مبتل فهم عادي عندهم اني استخدم النشافة في أي وقت ،،، و في مرة احتجت انهم يغسلون ملابسي قبل يوم اليمعة و طبعا اهم ما مانعوا

الانترنت
طبعا الانترنت موجود وايرلس مفتوح 24\7 ،،، سرعته 1028 مو متأكد لكنني الحين عندي 514 و اللي في يورك كان واااااااايد واااااايد اسرع منه ،،،، و على فكرة انه الطلبة الثانيين اللي ما يكون عندهم لاب توب يخلونهم يستخدمون كمبيوترهم ،،،،، و ترى عايلتي مو العايلة الوحيدة اللي توفر انترنت ،،، لان فيه بعض اصدقائي عندهم انترنت في البيت لا و العايلة تخليهم يستخدمون الكمبيوتر ،،، و فيه عوايل عندهم printer ،،،

رحله ممتعه وصور رائعه
اكمل ونحن نتابع معك



تسلمين على متابعتك للموضوع







ما شاء الله احلى تقرير



شكرا على ردك

اقول اخوي كويتي

ابي اسالك عن المطاعم العربية في هذة المدينة متوفرة والا كيف

وهل الديرة ممتعه في السياحة علشان مو كل شي دراسة يبي لك تروح عن نفسك شوي

وكم تبعد عن لندن ؟

والمعهد اللي درست فية كيف ممتاز والا مو شي ؟

والعرب عموما في المدينة كيف ؟

ومشكور

يسلمووووووووووووووووووو





اذا عندك اي استفسارات ثانية ترى انا حاضر و بالخدمة








المشاركة الأصلية كتبت بواسطة ملبورن
http://www.arabtravelersforum.com/tr...0/#post1634720

هلا وغلا بنور عيني Kuwaiti Londoner

والله أحرجتني يالغالي وانا ما سويت غير واجبي :101:

والحمدلله اننا شفنا التقرير لانه والله انك مبدع ودنا نستفيد منك على الدوم :115:

والله يالغالي ما أبغى غير سلامتك بعد ابداعك هذا :113: ما شاء الله عليك دائماً مميز على صغر سنك :101:

بس عندي طلب ليش ما تحمل الصور على المنتدى لانها راح تروح هذي الصور اللى وضعتها :110:

على فكرة راح أشيك على التقرير كامل بعد ما أروق مضبوط على تقارير بريطانيا :101:

مع خالص حبي :101:



هلا و الله ملبورن منور الموضوع

بالنسبة للصور فلا تحاتي ،، لاني مسويلهم upload على موقع webshots و انا عندي عضوية فيه فالصور ماراح ينمسحون ابدا

و بانتظار تعليقاتكم و انتقاداتكم على الموضوع انت و جميع الاعضاء

اخوي

Kuwaiti Londoner

ما تقصر اذا احتجنا اي شي نبي نسالك

من واقع خبرتك الدراسة افضل في شمال لندن او جنوبها

وعموما البريطانيين افضل في الشمال او الجنوب

ووالله انا بديت عقب التقرير هذا افكر جد اني احول من بورموث الى يورك

اذا ضمنت لي ان السكن بيمون كذا ههههههههههههههههههههههههههههههههههههه

عل العموم بس ابي اسال رايك اذا قررت ادرس في هل ديرة فية سعة صدر مثل لعب كورة مثل سينما

وهل السكن متوفر لو اذا ما اعجبتني العايلة اني احول الى عايلة ثانية وهل التحويل سهل

ولك مني جزيل الشكر

المشاركة الأصلية كتبت بواسطة ميسون محمد
http://www.arabtravelersforum.com/tr...0/#post1635090

مااروع يورك والله مدينة رائعة :24:

وهي تعجبني بعد لندن :106:

ماشاء الله عليك ذكرت معلومات قيمة ومهمة :101:

ووصف ولا أروع :113:

يعطيك ألف عافية ومتابعين للاخير :101:



الله يعافيج اختي ميسون

و شاكرلج متابعتج






مشكور اخوي

Kuwaiti Londoner



العفووو

يعطيك العافية :101:

المشي ايوة والله حلوو ومفيد :24:






و بنهاية اليوم اكتشفت انه انا دافع لهم



الله يعوضك أن شاء الله :106:

بارك الله فيك أخوي Kuwaiti Londoner :101:

ومتابعين للاخير ..

تحياتي لك ..

المشاركة الأصلية كتبت بواسطة ميسون محمد
http://www.arabtravelersforum.com/tr...7/#post1639647

يعطيك العافية :101:

المشي ايوة والله حلوو ومفيد :24:



الله يعوضك أن شاء الله :106:

بارك الله فيك أخوي Kuwaiti Londoner :101:

ومتابعين للاخير ..

تحياتي لك ..



الله يعافيج اختي ميسون

و بالفعل المشي واايد مفيد ،،،

و شاكرلج متابعتج للموضوع

تنصح بالدراسه فيها لمده سنه ..؟ وشاكر لك على تقريرك الحلو ..

الله يعطيك العافيه ..........

وعساااااااااك على القوة ............



وفي انتظاااااااااااااااارك .........







تحياتي

ممكن انطباعك عن المدينه وشكرا لك

الله يعطيك العافية يا حلو على هذه الصور والسرد الحلو :24:

راح أشيك عليه تمام لانه الصور عندي مشكلة في الأتصال وما تظهر تمام :105:

المهم الله يوفقك في اختباراتك ونحن هنا وبأنتظارك

لقد تم فتح الرسائل الخاصة لك قبل يوميين تكريماً لجهودك الكبيره في المنتدى وهذا أقل ما تستحقه :115:

مع خالص حبي

مشكور على المجهود الكبير

المشاركة الأصلية كتبت بواسطة يـاسـر
http://www.arabtravelersforum.com/tr...0/#post1641260

تنصح بالدراسه فيها لمده سنه ..؟ وشاكر لك على تقريرك الحلو ..



اول شي العفوو

والله سؤالك صعب اني اجاوبه ،،، لان طبيعة الـsummer course تختلف عن باقي اشهر السنة ،،، و الفئات العمرية للطلبة تختلف و ايضا الانشطة تختلف ،، فما اقدر اني اجاوبك ،،

لكن بالنسبة للدراسة في الصيف الكوليج ،، اي نعم انصح فيها







الله يعطيك العافيه اخوي عشنا كل الاحداث معك قلبا وقالبا الف شكرا تمنياتي لك



الله يعافيك
و تسلم على ردك ،،






رائع والله ذكرت معلومات مهمة راح تفيد الطالب

جزاك الله كل خير أخوي Kuwaiti Londoner

وفي انتظار الصور

تحياتي ..



الف شكر لج على متابعتج الدائمة لتقريري






الله يعطيك العافيه ..........

وعساااااااااك على القوة ............



وفي انتظاااااااااااااااارك .........







تحياتي



الله يعافيك ،،،
و ان شاء الله اكمل الموضوع في اقرب فرصة

المشاركة الأصلية كتبت بواسطة ميسون محمد
http://www.arabtravelersforum.com/tr...3/#post1655213

سعيدة جدا بإكمالك للتقرير :101:

والفصول والله رائعة جدا وخوش مكان :24:

تجولنا معاك بالصور في الكوليج :113:

جزاك الله كل خير أخوي Kuwaiti Londoner

والله يوفقك بإذن الله في اختباراتك ومنتظرينك بعد اسبوعين أن شاء الله :106:

تحياتي لك ..



و انا اسعد بردودج ،،
و الحمد لله خلصت امتحانات و ان شاء الله اكمل التقرير ،،







ممكن انطباعك عن المدينه وشكرا لك



المدينة صغيرة ،، خاصة في السنتر داخل السور ،،، المدينة تاريخية اثرية ،،، هادية في جميع ايام الاسبوع ما عدا السبت ،،، لان المدينة فيها واااااايد PUBs و هي اساسا مشهورة وايد في هالبارات ،،، علشان جذي ايونها ناس من جميع انحاء بريطانيا يوم السبت و ايضا اليمعة لكن اليمعة اقل الناس ،، فتكون المدينة زحمة و فيها سكارى و شوية gay & lesbians ،،،،


و انا عموما راح اتكلم عن المدينة في الحلقات المقبلة في التقرير ،،

و اذا عندك اي سؤال محدد عن يورك ،، رجاء اسئل عنه و علشان اضمن الجواب في التقرير و اكون شاكرلك






الله يعطيك العافية يا حلو على هذه الصور والسرد الحلو

راح أشيك عليه تمام لانه الصور عندي مشكلة في الأتصال وما تظهر تمام

المهم الله يوفقك في اختباراتك ونحن هنا وبأنتظارك

لقد تم فتح الرسائل الخاصة لك قبل يوميين تكريماً لجهودك الكبيره في المنتدى وهذا أقل ما تستحقه

مع خالص حبي



الله يعافيك ملبورن

انا بصراحة مستغرب من سالفة الصور لان كل الاعضاء تطلع عندهم الصور :redface:

و مشكوور وايد على فتح الرسائل الخاصة

سلمت اناملك على هالتقرير الرائع

المشاركة الأصلية كتبت بواسطة ميسون محمد
http://www.arabtravelersforum.com/tr...1/#post1691591

ياااسلام والله على الحديقة :11ight:

رووعة كثير :106:

كذا الواحد تكون نفسيته مرتاحة ويدرس بجد :110:

وننتظر المزيد :24:

ألــف شــكر لك يااخوي على المجهود الأكثر من رائــــع :113:

تحياتي لك وللجميع ..



بالفعل حتى انا تفاجئت انه يوجد حديقة جذي خاصة بالكوليج

لكن الجو ما كان يشجع وايد على القعدة في الحديقة ،،، خصوصا في بداية الصيف وقت اللي كان فيه فيضانات في بريطانيا ،،،، لكن بعدها بدا يتعدل الجو

و يعطيج العافية اختي على تشجيعك المتواصل لي لاكمال التقرير








من احلى التقارير اللي قريتها




شكرا على مرورك ،،






سلمت اناملك على هالتقرير الرائع



الله يسلمك

المواصلات في يورك :

طبعا سنتر يورك صغير "مو كبير وايد" و المشي فيه متعة ،،، و انا بالنسبة لي ما كنت احتاج اني استخدم باصات ،، لكن اضطريت اني اركب باص جم مرة لان ربعي يكونون يبون يركبون باص فأنا اضطر اني اركب ،،،
لان عموما اغلب الطلبة سكنهم شوي بعيد علشان جذي يركبون باصات ،،،

بالنسبة للاسعار في يورك :
1) تذكر شاملة لليوم بـ 3.50 ،،،، او 2 باوند للي عمرهم اقل من 16و عندهم YOZone card ،،،
2)اسعار الـsingle ،، بين 1,10 الى 2,20 حسب موقعهم على الانترنت ،، و انا على ما اذكر انها مرات كانت 1.10 و مرات 1.50 او 1.60 مو متذكر بالضبط ،،
3) تذكرة لمدة اسبوع ، 13 باوند او 8 باوند مع YOZone card
4) تذكرة لـ4 اسابيع ،، 44 باوند او 30 مع YOZone


http://travel.webshots.com/photo/275...83508039QiNoxh
تذكرة الباص لمدة اسبوع




http://travel.webshots.com/photo/224...83508039gGAfSN
هذا الباص اللي يم بيتي رقم 4 و هو يودي للجامعة ،،،


http://travel.webshots.com/photo/258...83508039yErqIp
باص 4 ،، احلى و اطول باص في يورك :tongue:
على فكرة اغلب الباصات توقف امام محطة القطار

الباص من داخل
http://travel.webshots.com/photo/209...83508039uZlHpw
:tongue:

http://travel.webshots.com/photo/269...83508039xUXzCR
هذا الباص اللي يودي للمدرسة ،، و ايضا باص رقم 11 يودي للمدرسة



http://www.firstgroup.com/ukbus/york...ntre-popup.pdf

http://www.firstgroup.com/ukbus/york...overground.pdf

http://www.firstgroup.com/ukbus/yorkhumber/york/home/

جزاااك الله كل خير على كلمة ومعلومة ذكرتها ..

فعلا الواحد يستفيد من هذه المعلومات :101:

وأعجبني الباص الطويييييييييل :109:

حلووو مرة :106:

متااابعة وبقوة :24:

تحياتي لك ..

ابداااااااااع

ماشاءلله عليك سرد وصور ولا اروع

وانت محظوظ بالكولج الصراحه دام فيها حديقه ومبناها بسيط وحلو


والباصات الطويله منتشره في بريطانيا

انا شفت كثير في مانشستر وصورته وضــاع الميموري


ونتريا جديدك

المشاركة الأصلية كتبت بواسطة ميسون محمد
http://www.arabtravelersforum.com/tr...0/#post1692780

جزاااك الله كل خير على كلمة ومعلومة ذكرتها ..

فعلا الواحد يستفيد من هذه المعلومات :101:

وأعجبني الباص الطويييييييييل :109:

حلووو مرة :106:

متااابعة وبقوة :24:

تحياتي لك ..





الباص الطوييل فعلا واايد حلو ،،،، الكراسي فيه واسعة ،،، و الزين في الباصات في يورك انها ما تكون مزدحمة ،، مو مثل اللي في لندن ،، و نادرا ما انه يكون متروس الباص و نضطر اننا نوقف







ابداااااااااع

ماشاءلله عليك سرد وصور ولا اروع

وانت محظوظ بالكولج الصراحه دام فيها حديقه ومبناها بسيط وحلو


والباصات الطويله منتشره في بريطانيا

انا شفت كثير في مانشستر وصورته وضــاع الميموري


ونتريا جديدك





اي و الله مبنى الكوليج كان ممتاز ،،،

الباصات الطويلة بالفعل منتشرة في بريطانيا ،، و موجودة في لندن بعد ،، لكن اللي في يورك اللي مميزه لونه

و تسلم على مرورك

اشكرك علي طرح الموضوع يعطيك العافيه
بس ممكن تقولي ما عليك امر اجمالي تكاليف الكورس بالدينار الكويتي
بكون شاكرلك

أخوي Kuwaiti Londoner بصررراحة صور رائعة :106:

يورك مدينة تعجبني كثير بعد لندن :11ight:

والسماء غيوم ،، روووعة الأجواء والله :101:

ولكن الحين الي في الصورة كلهم من اسبانيا :114:

ماشاء الله الاسبان منتشرين في أكثر المعاهد في بريطانيا ..

تااابع يااخوي ومنتظرين الحلقة القادمة :24:

تحياتي لك ..

المشاركة الأصلية كتبت بواسطة ميسون محمد
http://www.arabtravelersforum.com/tr...7/#post1695877

أخوي Kuwaiti Londoner بصررراحة صور رائعة :106:

يورك مدينة تعجبني كثير بعد لندن :11ight:

والسماء غيوم ،، روووعة الأجواء والله :101:

ولكن الحين الي في الصورة كلهم من اسبانيا :114:

ماشاء الله الاسبان منتشرين في أكثر المعاهد في بريطانيا ..

تااابع يااخوي ومنتظرين الحلقة القادمة :24:

تحياتي لك ..



الله يعافيج

اي اللي بالصورة كلهم اسبان ،، لكن فيه وحده اسبانية من اصل صيني ،،

و بالفعل الاسبان و الايطاليين منتشرييين واااايد في المعاهد ،،

المشاركة الأصلية كتبت بواسطة Kuwaiti Londoner
http://www.arabtravelersforum.com/tr...6/#post1687096

الله يعافيك ملبورن

انا بصراحة مستغرب من سالفة الصور لان كل الاعضاء تطلع عندهم الصور :redface:

و مشكوور وايد على فتح الرسائل الخاصة



يالغالي نعم تظهر للجميع ولكن انا في السابق كانت عندي مشكلة في وضوح الصور والسبب يعود في الأتصال ولكن الحمدلله ان الأمور الان أحسن والصور واضحه جداً وحلوه زي صاحبها :101:

أكمل فمازلنا متابعين معك يا قلبي

مع خالص حبي :101:

التقرير صراحة حلووووووو لكن للاسف شكلك بزر يعني كلامك للصغار فقط يعني كلامك عن المدرسة والدورات للاولاد بس مو للكبار
عموما اتمنى يستفيدوا منك

يالغالي نعم تظهر للجميع ولكن انا في السابق كانت عندي مشكلة في وضوح الصور والسبب يعود في الأتصال ولكن الحمدلله ان الأمور الان أحسن والصور واضحه جداً وحلوه زي صاحبها

أكمل فمازلنا متابعين معك يا قلبي

مع خالص حبي



الحمد لله ان الصور ظاهرة






رائع أنت كروعة يورك
يورك تشعر وكأنك تتمشى بجنبات التاريخ
مدينة أحببتها جدا وأحببت شوارعها وسورها ونهرها
زرت يورك تقريبا خمس مرات وكلها كانت رحلات مع المدرسة لأنها كانت تبعد عن بلدتنا حوالي نصف ساعه بالقطار
وكنت أجد بها الروح الانجليزية الحقيقية وأعتقد معظم سكانها من الانجليز الأصليين

عزيزي أتمنى لك كل التوفيق
سلطان



بالفعل يورك اغلب سكانها انجليز اصليين ،،،

و يعطيك العافية على ردك






واصل معنا بنفس اسلوب سردك العفوي الجميل ذو التنسيق المرتب
اوصلت معلومات مفيدة تفيد كل من يفكر في دراسة اللغة باسلوب شيق
اهنئك على جهدك المبذول



مشكووور على ردك

و ان شاء احاول اني اكمل التقرير في اقرب فرصة ،،،

يالغالي صور حلوه يا قمر ومنطقة السور مره حلوه :24:

وأحساسي يقول انه انت أطول واحد في الصوره الرباعية :109:

مازلنا متابعين معاك عن منطقة اتمنى ان اعرف عنها الكثير ( سكاربره )

مع خالص حبي :101:

المشاركة الأصلية كتبت بواسطة ملبورن
http://www.arabtravelersforum.com/tr...3/#post1743203

يالغالي صور حلوه يا قمر ومنطقة السور مره حلوه :24:

وأحساسي يقول انه انت أطول واحد في الصوره الرباعية :109:

مازلنا متابعين معاك عن منطقة اتمنى ان اعرف عنها الكثير ( سكاربره )

مع خالص حبي :101:



لا انا مو بالصورة :tongue: ،،،

و ان شاء الله الحين انزل التقرير عن سكاربره

عمل تشكر عليه .. لكن ياليت تكتب بالفصحى لأني مافهمت كثير من الكلمات !!مع أني خليجي .

شكرا لك على الطرح .. جدا ممتاز ومتابعين .. وبنراسل المعهد ان شاء الله

المشاركة الأصلية كتبت بواسطة khudiri
http://www.arabtravelersforum.com/tr...6/#post1745496

عمل تشكر عليه .. لكن ياليت تكتب بالفصحى لأني مافهمت كثير من الكلمات !!مع أني خليجي .



العفوو

و ان شاء الله احاول اني اكتب بالفصحى ،، مع انه شوي صعب علي

و ترى حاضرين اذا في اي كلمة تبيني اترجمها









شكرا لك على الطرح .. جدا ممتاز ومتابعين .. وبنراسل المعهد ان شاء الله



العفوو اخوي
و انت اللي مشكور على متابعتك للتقرير ،،،

و اذا قررت انك تشترك في المعهد عطني خبر ،،،
لان فيه خصم اذا سجلت من طرف واحد كان يدرس بالكوليج

يا سلام عليك يا أخوي على التقرير الرائع :x1:
وأتمنى إنك ماطول علينا :114:
وبالتوفيق في دراستك

مبدع يااخوي Kuwaiti Londoner

والواحد يفتخر ويسعد للغاية عندما يرى مسجد في بلاد غير عربية :24:

تفاصيل ومعلومات وصور جميلة للغاية عن يورك المذهلة :113:

تابع يااخوي واحنا معاك متابعين للاخير :101:

وربنا يوفقك في دراستك وتجيب أعلى الدراجات:106:

ما شاء الله عليك عمل رائع منك
وتشكر على المعلومات القيمة ولكن عندي استفسار لاحظت ان او احس ان المعهد للطلبة الصغار بالسن لايوجد كبار فوق 21 سنة واكثر
ثانيا الاسعار تختلف حسب المواسم
وثالثا طيب اللي مايعرف انجليزي هل يلاقي صعوبة في ذلك لاني ابغى ادرس من اول كورس
والله يوفقك في الاختبار وشكرا

المشاركة الأصلية كتبت بواسطة الملك بوفون
http://www.arabtravelersforum.com/tr...9/#post1756709

يا سلام عليك يا أخوي على التقرير الرائع :x1:
وأتمنى إنك ماطول علينا :114:
وبالتوفيق في دراستك

مشكور اخوي على ردك






مبدع يااخوي Kuwaiti Londoner

والواحد يفتخر ويسعد للغاية عندما يرى مسجد في بلاد غير عربية

تفاصيل ومعلومات وصور جميلة للغاية عن يورك المذهلة

تابع يااخوي واحنا معاك متابعين للاخير

وربنا يوفقك في دراستك وتجيب أعلى الدراجات



اي و الله صج الواحد يفتخر بوجود المساجد ،، و انا ما توقعت ان في مدينة مثل يورك يوجد مبنى خاص للمسجد ، خصوصا مع قلة الجالية المسلمة هناك ،،

و يعطيج العافية اختي على متابعتج

المشاركة الأصلية كتبت بواسطة ايوان1
http://www.arabtravelersforum.com/tr...0/#post1811780

ما شاء الله عليك عمل رائع منك
وتشكر على المعلومات القيمة ولكن عندي استفسار لاحظت ان او احس ان المعهد للطلبة الصغار بالسن لايوجد كبار فوق 21 سنة واكثر
ثانيا الاسعار تختلف حسب المواسم
وثالثا طيب اللي مايعرف انجليزي هل يلاقي صعوبة في ذلك لاني ابغى ادرس من اول كورس
والله يوفقك في الاختبار وشكرا



بالنسبة لفترة الصيف بالفعل اغلب الطلبة صغار بالسن "اقل من 18" ،،
لكن يوجد ايضا طلبة فوق الـ18 و ايضا فوق الـ20 خصوصا من شرق آسيا ،، عددهم طبعا مو كبير بفترة الصيف ،،
و هالفئة من الطلبة يكونون جادين اكثر بالدراسة ،، علشان جذي يقضون وقت كبير بالدراسة ،، و ما يختلطون وايد بالطلاب ،، علشان جذي اهم مو موجودين في الصور ،،

اما اذا راح تدخل المعهد في غير فترة الصيف فاتوقع ان يكون معظم اطلبة اكبر من 18 اذا مو كلهم ،،،

بالنسبة للاسعار في الصيف طبعا اغلى
http://melton-college.co.uk/fees.htm


انا بالنسبة للصعوبة ،، فـ مادري ،، يعتمد على الشخص ،، كل واحد غير عن الثاني ،،

الله يعافيك اخوي كويتي

والله تمنيت اني شايفك موضوع قبل .. انا الان بيورك وحمستني كثير والله عن المعهد .. انا الان في انجلش ان يورك

بطلب منك طلب اخوي كويتي .. العايلة مرتبطه بالمعهد الي انت درست فيه ؟

ممكن انا اسكن معهم حتى لو ماصرت بنفس المعهد ... اذا كان ممكن ياريت والله تعطيني عنوانهم لاني تعبت والله ماحصلت عايلة ممتازة واغلبهم غرفهم صغيرة مرة 2*3 كبرها ...
شاكر لك ومقدر

هلا اخوي كويتي

ماقصرت والله على سرعة ردك ...

انا والله ماصارلي اسبوع وفي الليل والله تحصل فيه سكيرة لكن ملاحظت شواذ ... وانا بصراحه ماخرجت في الليل الا مره ضيعت الطريق :109:

المشاركة الأصلية كتبت بواسطة شــShadowـــادو
http://www.arabtravelersforum.com/tr...1/#post1815861

هلا اخوي كويتي

ماقصرت والله على سرعة ردك ...

انا والله ماصارلي اسبوع وفي الليل والله تحصل فيه سكيرة لكن ملاحظت شواذ ... وانا بصراحه ماخرجت في الليل الا مره ضيعت الطريق :109:



احسن لك ما تطلع بالليل اساسا كل شي مسكر ،، ما عدا فيه مكتبة وحدة تفتح بالليل و ترى فيها ستاربكس ،،
عموما اذا فيه عندك اي استفسار عن يورك لا يردك الا لسانك ، احنا حاضرين و بالخدمة

المشاركة الأصلية كتبت بواسطة atoee
http://www.arabtravelersforum.com/tr...7/#post1815947

الله يعطيك العافية اخوي الكريم على هذا التقرير الرائع وعندي كم سوال
بالنسبة لمعهد elc احتمال كبير ان ادرس فيه وش رايك فيه؟ وهذا موقعه http://www.elcyork.com
كيف يورك كمدينة لدراسة اللغة انا انقليزيتي ضعيفه يعني ممكن اضبط اموري بس بطلعة الروح بس الحمد لله بالنسبة للفهم ممكن افهم لكن ما اعرف اتكلم وش رايك بالمعهد ووشرايك بالمدينة والله يعطيك العافية وبالنسبة للميزانية في الشهر من غير السكن يعني المعيشة بدون السكن كم تحس انها تكلف ويكون الشخص مرتاح وفي الويكند ممكن يغير جو؟



بالنسبة للمعهد للأسف ما سبق اني تعاملت معاه ،،

بالنسبة للمصاريف لو تحسبها بالاسبوع ،،
الباص بالاسبوع على ما اعتقد 13 او 14 تقريبا ،، مو متأكد
الاكل طبعا على العايلة سواء فطور اما الغدا فما ادري هل هو على المعهد ولا لأ ؟ و العشا ايضا على العايلة ،، الا اذا كنت تحب تاكل بره ،، مطاعم الوجبات السريعة يطلع تقريبا 4 "مو متأكد"،، اما المطاعم اللي شوي اغلى بحدود الـ10 ،، هذا غير الكافيهات ،،
بالنسبة للسينما انا تكلمت عن الاسعار بالتقرير قبل ،،
اما الويكند اذا راح تقضيها بره يورك ،، القطار ممكن يوصل 20 فيه مدن قريبة يكون اقل من 10 و في مدن بعيدة يكون اغلى لكن عموما ماتوقع انه يعدي ال30 ،، و احسب حسابك اقل شي بالمدينة 20 ،، يختلف على حسب المدينة و الاماكن اللي راح تزورها في ممكن يوصل 30 المصاريف هناك ،،
و طبعا لازم تزيد عليهم شويه اذا حبيت انك تزور متاحف او اماكن سياحية في يورك في ايام الاسبوع العادية ،،
و عاد انت احسبها ،، و طبعا تختلف من شخص لآخر ،،
يعني مثلا انا واايد احب فواكهة و كان تقريبا كل 3 ايام اصرف 20 عليهم !! بينما فيه اشخاص ثانيين يكتفون بالاكل مع العايلة ،،، على حسب ....

المشاركة الأصلية كتبت بواسطة قناص ميسان
http://www.arabtravelersforum.com/tr...4/#post1816264

مشكور يا اخوي كويتي

كم تبعد المدينة عن برادفورد...وايش أفضل؟؟



العفوو


المسافة بينهم 43.8 ميل ،،،
بصراحة انا ما سبق اني زرت برادفورد ،، لكن اللي اعرفه انه يوجد فيها جالية باكستانية كبيرة ،، بالنسبة لي هالشي سلبي ،، لكن قد يكون ايجابي لشخص آخر !!

بالنسبة لي ما اظن اني راح افكر بزيارة برادفورد !! احس انها تشبه مدن ليدز و شيفيلد !!

السلام عليكم
احتاج رائيك بالمدينة كدارسة لمدة تقريبا سنه او 6 اشهر
هل تعتبر مناسبة ام مدينة مملة ؟

بالنسبة للمعهد هل تعتبره الافضل ؟؟
انا راسلت المعهد وارسلو لي قبول لأني بطلع بعثة من الحكومة السعودية ؟

واحتاج ردك يالغالي بما انك عشت بالمدينة والمعهد لو ممكن الاميل عالخاص حتى نتوصل

مشكور وسبب اختياري للمدين ةهذا الموضوع

شكرا والله يعطيك العافية

المشاركة الأصلية كتبت بواسطة ميسون محمد
http://www.arabtravelersforum.com/tr...5/#post1820625

يااسلام عليك يااخوي Kuwaiti Londoner :24:

وهذه سباقات الخيول بالفعل دائمااااا ماانسمع عنها

وأن الأميرات والحضور من النساء يتفنن في ارتداء القبعات الجميلة :106:

يعطيك ألف عااافية يااخوي وتابع فنحن في شووق لمعرفة الكثير عن يورك :113:



الله يعافيج

و بالفعل اللي يميز هالسباقات هو الازياء الجميلة ،،،







شكرا والله يعطيك العافية



الله يعافيك ،،،،
و اي سؤال ثاني ترى انا حاضر

الله يسامحك يا أخوي ليش نزلت حلقة الميلك شيك للأسف قريت الحلقة وأنا
بعز يوعي بس الله ستر أنقذت نفسي بكندر على الطاير :110:
أبي منك خدمة يا أخوي وإن شاء الله ما أكثر عليك :101:
أول سؤال تنصحني بيورك ولا برايتون لأني نويت الصراحة أروح الصيف الياي وأقعد شهرين فيها
والسؤال الثاني وين تسوي الحجوزات حق المعهد والعايلة لأني للأسف ما أعرف أحد طلع
دراسة كلا سياحة:112:
ويعطيك ألف عافية وإن شاء الله ما أزعجك:106:

ولو اخدمك بعيوني اخوي

بالنسبة لبرايتون انا بصراحة ما انصحك انك تروح هناك للدراسة علشان كثرة الخليجيين هناك
و انا برايي انك اذا تبي تروح تدرس احسنلك انك تحتك بالاوروبيين و تبعد عن العرب ياخي لاحق عليهم مجابلهم 24 ساعة و بعد تدورونهم هناك

يعني انا اول ما قلت حق اهلي اني افكر اني ادرس في بريطانيا او شي قالوه لي عن المدينة هو برايتون و مثلك عارف الكويتيين كل ما يبون يروحون دراسة يروحون برايتون من رايي انك تبتعد عن مدن الجنوب اللي عالبحر ،، هذا الا اذا كنت حاب انك تطق رفجة مع خليجيين

اما عن يورك انا كتبت اكثر من مرة عن نوع المدينة و عن رايي فيها ،، و ايضا لي موضوع سياحي عن يورك ،، اذا تحب هالنوع من المدن فتوكل على الله ،،،، لكن عموما حاول انك تدرس بمناطق مافيها خليجيين تستانس صدقني

بالنسبة للحجوزات ،، شووف ،، انا رايي انك تراسل المعاهد اللي مفكر تدرس فيها "ايميلات" و اذا قررت و اخترت المعهد ،، خلهم يدزون لك الفاتورة بالانترنت ،، و بعدها روح البنك و سوو حوالة بنكية للمعهد
صدقني الشغلة وااايد سهلة و ما يبيلها ،،،، انا سويت جذي

بس من باب الفضول انتا جم عمرك ؟ اذا ما فيها احراج

و الله يعافيك ،،، و ابد ابد ما فيها ازعاج ،، بالعكس انا يسعدني اني ارد على جميع استفساراتك ،، حاضرين و بالخدمة [/QUOTE]



[center]ما قصرت يالغالي والله يخليك لنا
شوف يالغالي من ناحية المدينة ترا ما فرقت معاي أي مدينة مو إلى المدينتين إلي عنهم يورك وبرايتون
ومن ناحية الدراسة في يورك والله شوف أخوي أنا ما أحب المدن التراثية كلش
أفضل شي السوق والجو

المشاركة الأصلية كتبت بواسطة الملك بوفون
http://www.arabtravelersforum.com/tr...1/#post1824461


[center]ما قصرت يالغالي والله يخليك لنا
شوف يالغالي من ناحية المدينة ترا ما فرقت معاي أي مدينة مو إلى المدينتين إلي عنهم يورك وبرايتون
ومن ناحية الدراسة في يورك والله شوف أخوي أنا ما أحب المدن التراثية كلش
أفضل شي السوق والجو



بالنسبة للمراسلات تقدر انك تسويهم من المعهد البريطاني british council اللي بالمنصورية ،،،

و انا اشوف انك اذا تحتاج اللغة للجامعة انك تدخل دورات للي 18 و اكبر ،، اذا كنت تبي الدراسة انها تكون جدية شوي ،،، و انتا و اللي يريحك ،،

و الله يعافيك

المشاركة الأصلية كتبت بواسطة Kuwaiti Londoner
http://www.arabtravelersforum.com/tr...7/#post1827527

بالنسبة للمراسلات تقدر انك تسويهم من المعهد البريطاني british council اللي بالمنصورية ،،،

و انا اشوف انك اذا تحتاج اللغة للجامعة انك تدخل دورات للي 18 و اكبر ،، اذا كنت تبي الدراسة انها تكون جدية شوي ،،، و انتا و اللي يريحك ،،

و الله يعافيك

أمممممم حلو عند بريتش كانسل والله إنك ريحتني من هم جبير
لأني ما أعرف أراسل المعاهد ومتوهق
بس يالغالي ممكن أعرف المدن إلي تنصحني فيها أنا حاط خيار هارجوليت وأبي أعرف رايك بأي مدينة أروح
بس ياريت ما تكون مملة لأني بقعد فيها شهرين وأخاف أزهق
وألف تحية لك يالغالي

المشاركة الأصلية كتبت بواسطة الملك بوفون
http://www.arabtravelersforum.com/tr...7/#post1828127

أمممممم حلو عند بريتش كانسل والله إنك ريحتني من هم جبير
لأني ما أعرف أراسل المعاهد ومتوهق
بس يالغالي ممكن أعرف المدن إلي تنصحني فيها أنا حاط خيار هارجوليت وأبي أعرف رايك بأي مدينة أروح
بس ياريت ما تكون مملة لأني بقعد فيها شهرين وأخاف أزهق
وألف تحية لك يالغالي

و الله بالنسبة لهاروقيت انا ما زرتها فما اقدر احكم ،،،
بالنسبة للمدن ،، للاسف ما اقدر اني افيدك وايد لان تقريبا كل المدن اللي زرتهم كانو day trip و ما قعدت فيهم ،،، لكن عموما بالنسبة لي انا كنت مفكر اني ادرس بادنبره !! عيب ادنبره انك ما تقدر تزور انجلترا بسهولة ،،

و المعهد البريطاني يضبط لك كل امورك بالنسبة للحجوزات