والقصه الثانيه حدثت قبل شهر برمضان اللي فات طلعت من الشقه الساعه7ونص صباحاً وركبت مع تكسي قلت له اطلع على القاردنز وطلع، قال وين بالقاردن قلت عند صرافة ابوشيخه قال الصرافه ممكن مسكرين هالحين لاكن ممكن اصرف لك (
دايم اصادف كذا مواقف ويصرفلك سواق التكسي ولا المطعم ولاالسوبر ماركت عل شان يستفيد نص اوربع دينار من المسأله) قلت ابغى صرف 500ريال قال خلني اتأكد اللي معي يغطي ولا لاء ورد سألني كم صرافتها وعلمته94دينار طلع اللي معه وحسبهن ولقاهن يغطن،كل هالكلام وحنا نمشي بالطريق .انا لماشفتها كذا قلت اطلع على مستشفى التخصصي كان عندي موعد هناك،لما وصلنا قلت له وقف عند العيادات الخارجية وطالعت العداد لقيته دينار و75قرش طلعت دينارين وعطيته وقام ورجع الباقي 25قرش قلت له خلي الباقي وطلعت نص دينار وعطيته زياده .وراح اقول لكم السبب اللي خلاني اعمل كذا،،،،،
وركزوا زين على السبب،
لاكن قبله خلني اقول كلمه
انا والحمدلله والعياذ بالله من كلمة انا ولا أزكي نفسي عندي فراسه (فراسة العرب .دقة الملاحظه وسرعة البديهه فقط) بالناس قلما تخطي بعد الله سبحانه وتعالى والله العظيم اني اعرف بعض الاشياء بس من خلال نظره او كلمه،وهذه ليست وليدة اليوم فأنا من بيت فرااسه معروفين بالمنطقه الشماليه والكل يشهد بذالك ولو اقول اللقب كان كل الاخوان اللي معنا هنا من الشمال مثل كاسترو والذيب الشمالي والشمالي الغربي والخالدي والفهد عرفوني على طوول..وراح اقول كلمه تخص هالشأن تابعوها في آخر الموضوع
نجي للسبب::انا طلعت مع التكسي الصبح بدري وكانت الدنيا رمضان وذاك الليوم كان حر من أوله.لما ركبت وبديت اتكلم معه حللته مباشرةً بنفسي ,وقلت ياولد هذا مبين انه ابن حلال وآدمي وله زمان بهالشغله وعارف من اين تؤكل الكتف وانسان فهلوي وعارف لشغلة السياحه ويكسب رزقه بالحلال ومن النوع اللي يربي زبون ومتكل برزقه على الله
بعدها عطيته ال500 وطلع الصرافه أردني وقعد يعد قدامي ولا الحساب صحيح وقلت له انت متأكد قام وعدها قدامي ثاني مره 94 دينار بالتمام ،قلت ماشاالله عليك هذا ماأخذت عمولتك قال انا مصرف لك ابغى منفعتك ما أرجي منك شي ،حنا بالنهايه كلنا أخوان مسلمين وعرب قلت جزاك الله خير، اخذت الفلوس منه وانا مطمئن ولاجاء في بالي اني اعدهن لأني رأيت فيه الملاك الطاهر اللي يمشي على الأرض
بحسب فرااستي !!!!!!!!!!!!!!!!!!!!!!!!!!!!
لاكن لاحظت حاجه بسيطه ألا وهي إنه لما اخذت الفلوس منه شفت يده ترتعش نفضه خفيفه وأنا متأكد اني لما ركبت معه مافيه شيء ويديه كان يحركهم عادي لاكن الرعشه اللي انا شفت لاأراديه كأنه مصاب بمرض باركنسون،وهنا بدى صراع الضمير حوار بيني وبين ضميري هل أثق بفراستي وأرثي المجيد التليد
ولا أنضر للواقع اللي أمامي
فقررت أن اعد الفلوس وفعلاً بديت بالعد ولا الرجال بدا يتصبب عرقاً وينتفض بمكانه وتلخبطت احواله ،فعديت الفلوس مرتين
والحساب في كل مره يطلع صحيح100% لاكن انا لما شفت حالته كذا تأكدت ان الرجال ناصب علي لامجال للشك، لاكن لااعلم كيف ، تزوير العمله متأكد منه لايخفى علي ولايمكن تزوير العمليه الأردنيه .من أصعب العُمل في العالم وان زورت فالطفل يستطيع كشفها
فقلت اسلم حل اني انزل الفلوس واعدهم كعد ورق اللعب (الكوتشينه) وأخوكم في الله يفسر ويعدهم
واحد ثنين ثلاث اربع وفجأه تظهر الكارثه النصبه
الفلوس كلها كانت من فئة الـ10دنانير،ولا احصل عشره مثنيه بنص الفلوس ولما عدلتها طلعت ناقصه عشر دنانير مثنيه بدقه متناهيه ومتعمده على المسطره..هكذا مثنيه
![](https://www.otlaat.com/arabtravelersforum/imgDir/33/392cefce9ca88efcd04ca7e6ee141cf1picture.php?albumid=11904&pictureid=475600)
هنا انكشفت اللعبه واصبح كل شي واضح امامي
قلت له ماتخاف الله برمضان والعشر الأواخر وتسرق
قام يقول لا لا مهو قصدي أغشك هي جت كذا بالغلط ومن هالكلام
قلت ابغى اقولك كلمه شف الفرق بين اصلي واصلك انا زودت لك وعطيتك75قرش زياده عن حسابك ،وانت شوف كيف تكافئني تسرقني ،الرجال شوي ولايعملها على روحه وقام يتعذر ،
حنا كنا داخل حوش المستشفى امام العيادات الخارجيه
واللي يعرف المستشفى في قدام المخرج دوار دايم يكون فيه شرطي ,والله اني بغيت اناديه لاكن تعوذت من ابليس وقلت الدنيا رمضان ،لاكن قلت خلني اخرشه
وآخذ رقم السياره واسم المكتب حتى اسمه على لوحة التعريف خذيته كامل واعطيه ذيك المحاضرة اللي تمنى لو الارض تنشق وتبلعه وبالأخير خليته ينقلع
وراح اعلمكم كيف غشني وانا عديت الفلوس مرتين ولاكشفته ،كان ماسك الفلوس بطريقه معينه واعطاني ياها بطريقه معينه بحيث لو عديتها بنفس ماسلمك ياها 100مره ماراح تشوف غلط بالحساب،،،وانتبه من أي احد اللي يعد الفلوس قدامك على شان يوريك انها كامله
مهو اللي متعارف عليه ان حسابه له وبعدين يعطيك وتحسب وحسابك لك(
يعني كل واحد يتأكد هو بنفسه ويمرر للآخر يتأكد) وانتبهوا لهذه الحركه مع كل أحد
كان ماسكها بالطريقه هذه
![](https://www.otlaat.com/arabtravelersforum/imgDir/33/392cefce9ca88efcd04ca7e6ee141cf1picture.php?albumid=11904&pictureid=475592)
ونجي لموضوع الفراسه ،والله ياناس لو حلفتوني يوم اني اركب معه كان حلفت وقلت لكم انه اشرف اهل الاردن وهذا الرجل بعيد كل البعد عن النصب وحركات الشوفيريه،وجهه وكلامه وحركاته لم توحي لي بشيء مشبوه بل احسنت الظن به وكما حللته فوق
والله مافادتني فراستي ولا شيء بل أخلفت ظني وطلعت بالفشوش خرطي
اللي هداني الله سبحانه وتعالى وحفظني لأني كنت قاري وردي الصبح ونيتي سليمه
ونعيش وناكل مقالب من شوفيرية التكاسي
واترككم مع كما عودتكم
![](https://www.otlaat.com/arabtravelersforum/imgDir/33/392cefce9ca88efcd04ca7e6ee141cf1picture.php?albumid=11904&pictureid=475608)
المفضلات