رجعت من الدوحة قبل يومين, وقبل أن أدخل في التفاصيل أحب أهني كل أهل قطر بهالمدينة الرااااااااااااااااااائعة ولا قلتها مجاملة لكن من واقع محسووووووووووس ,أولا إنبهرت بنظافة المدينة بالدرجه الأولى حتى في الأماكن الشعبية +تنسيق الورود الخلاب +ناطحات السحاب واللتي تحاكي دبي (اذا ما كانت أروق وأهدى من دبي من وجهة نظري)+ كورنيش عالمي من ناحية الترتيب والإتساع +منظر الفنادق المطلة على مياه الخليج الصااااااااااااافية(هذا شي ثاني لون البحر مسكت ما شفته الإ في جزيرة موريشوس)وقبل هذا كله الشعب القطري بصراحة فية نخو’ وأصالة والله ما نقابل أحد الإ ويخدمنا كفو والله :
1- الجو هذه الأيام في الدوحة خلاب ربيعي .
2- من ناحية الفنادق مريت على كثير منها لكن المميز بجد (الريتز كارلتون )تصميم وفخامة +خرشة =يعني عالم داخله طالعة وأغلبهم بزنيس مين.اللوبي جنان وايضا المطعم اللي تحت روعة إتعشينا فيه .وفيه الفور سيزون والشيراتون ,أعجبني برضه موقع فندق ريدجيز بين السد والكورنيش.
3- المطاعم كثييييرة بس وين تلقى الأكل الزين؟؟؟:114: أعجبني مطعم الخيمة على شارع السد والوالدة ما جاز لها الإ هو ودها كل يوم فيه,مطعم بلهمبار على البحر موقع خرافي بس أكله شعبي ,شبستان الإيراني موقع وكبر عالفاضي مع إحترامي للعاملين فيه,فيه مطعم في شارع سلوى قريب من مكتبة جرير إسمه مندرين عنده ساندوتشات وسلطات عشاء وش حليله.
4- الأسواق :أعجبتي أسواق الدوحة عموما كتصميم مجمعات صغار ممتع المشي فيها وبالنص كوفي شوبس ومطاعم في أغلبها,هذي الفقرة تخص الحريم:106: مع إحترامي للشباب اللي قاعدين يقرون----- أحلى سوق كتسوق سيتي سنتر لأنه كبير والسينما حقته الأكثر أفلام وعندهم محل تحف يجنن ورخيص--سوق رويال مول في شارع السد رااااقي وبضاعته حلوة وفيه كشك بكل بناتية روعة وغريبة--بلازا تصميمه حلو وجديد لسه ما كمل أعجبني فيه حاطين قناة مويه بوسط السوق وفيها قوارب زي فينيسيا (ذكرني بسوق في ماليزيا )--حياة بلازا بجانب بلازا بس صغير وهادي فيه 4 محلات فروعها بدبي والكويت ومو موجودة بالسعودية --لاند مارك بصراحة مايسوى مشواره محلاته معروفة وبكل شارع بالرياض وعادي جدا--الصالون الأزرق للي يبي عطورات ومخلطات .
5- أحلى شي الشغلات الشعبية اللي شفتها بالدوحة :سوق وااقف (عز الله إنه وقف على تراث قطر وتاريخه من روعة التصميم وجمال المباني وعراقتها(هذا الشي المميز والفريد اللي شفته بالدوحة واللي ما زاره ما شا ف الدوحة)بالذات الشارع اللي فيه القهاوي--
القرية التراثية (ذكرني بالجنادرية بما إنه فاتني بالرياض رحت له بالدوحة بس بصورة مصغرة)وفيها الحريم اللي يخبزون ويسوون القيمات ونقش الحنا (وذا جاز للوالدة مررررررررررررررة )وأحيا الجو مطرب غنا الكثيرمن الأغاني الخليجية وفيه بنات لابسين الزي الشعبي ويلعبون ألعاب شعبية (معطين جو )وعرض حي للحرف اليدوية --وبجانب القرية فيه حديقة رايقة حلوة للمشي والتزلج ب skatting
6- للأسف ما رحنا للمتحف لأنه مغلق للصيانة وكمان ما رحنا لجزيرة النخيل بسبب أعمال الصيانه برضه.
وسلاااااااااااااااااااااااامتكم وهذا مختصر إنطباعاتي عن الدوحة ودمتم.مواضيع عشوائيه ممكن تكون تعجبك اخترناها لك:
- استفساري عن تبديل العملة
- جاي لقطر بعد عيد الأضحى اتمنى تفيدوني
- من يساعدني بزيارة دولة قطر ياهل قطر
- مطار الدوحه الجديدأسطورة العالـم
- قدر الله والله يفعــــل مايريد
- رحلتي الي قطر
- لاول مره الى قطر
- مكاتب تأجير السيارات في مطار الدوحة الدولي
- اللجون بلازا ؟؟
- ابحث عن خياطة الثوب القطري افصل ثوب قطري
- عبق الماضى وأناقة الحاضر والمذاق العربى بخيمة لاسيجال
- ساعدوني بخصوص السكن
- اذا تآمرون على اي شي من قطر
- ترانزيت ساعة بمطار الدوحة
- كم استفسار عن قطر
- مين يعرف فنادق ممتازة قريبه من منطقة الاسواق في قطر
- شنو الارخص ؟؟؟
- ابغي سكن علي البحر في قطر
- اماكن تسحق الزياره في دوله قطر الشقيقه
- الالعاب النارية بسوق واقف
رد مع اقتباس
المفضلات