السلام عليكم ورحمة الله وبركاتة
رغم العتب على أعضاء منتدى لبنان بأني حطيت كم سوال قبل ما أسافر لكن ما جاني رد
ولكن حبي وعشقي لمنتدى المسافرون العرب ابيت الا أن أضع تفاصيل الرحلة مثل سابقها من
الرحلات القديمة الى دول اخرى :24: وإيضا مروري بشريان الشمال الخط الجديد من الرياض
إلى القريات ( تــــــقريبا ) وبعدين تعرفون وش سالفة تقريبا التقرير فيه 64 صورة وانتظر منكم
الاهتمام والمتابعة مثل ما كان في الرحلة السابقة .
رحــــــــلــــة 4000كم من الـــــــريـــــاض إلــــــى بـــيـــروت
توكلنا على الله اربطوا الاحزمة للاقلاع الى بيروت الشقيقة اولا حزم الامتعة والاحتياجات
بما ان الخط طويل واحتمالية البقاء في السيارة ساعات كثيرة يبيلك مفرحات يعني ( حلويات , وبساكيت )
مرينا على اليومرشية قلت مشتهي خبزهم وانا يوم اروح لبنان قبل 8 سنوات كان عندهم ازمة خبز
وانا صادق والله كانوا يطلعون يجيبون من سورية المهم خذنا ( خبز , ومفرحات , وبطاسات , ولبنة صغينونات
ومربا فرولة ) اقولكم :36_1_19:وش صار تراني نسيت اخذ المربا والبنة وتركتهم في البيت في الثالجة :113:
شاطر صح , إيضا مريت قبل بليلة على المؤيد واخذت منه التربتك :x1: وبشرحلكم وين يستخدم
بالظبط لان قبل 8 سنوات اخذته معي وتركته على الطبلون :114: ما استخدمته ابد بس هذي السنه
ارزة عند كل واحد وهذي صور الامتعة
اشرحلكم اليمين من تحت الى فوق
العمود الاول (جوال موبايلي , بوك للكمرة , بوك للبطاقات المهمة )
العمود الثاني ( شاحن بطارية الكمرة , ساعة يد , بوك الدراهم )
العمود الثالث ( بوصلة ( يمكن نطب في البر والا شي ما تدرون ) , وفي الغطى حق البوصلة ذاكرة
اضافية للكمرة عشان ما تمتلي الرئيسية , والجــــــــــــــــــــــــواز )
العمود الرابع ( جوال نوكيا موبايلي , وفوقه اي بود عشان ما تشغل عمرك سيديات واشرطة وطبعا معه
سماعات كبار شوي )
اخر عمود ( جوال stc , ومكينة حلافة )
وهذي الشنطتين الرئيسية طبعا تشوفون كيس المفرحات
بس اي مفرحات يبيلها ثلاجة نسيت اخذها معي :110: يالله باقي البساكيت والبططسات
المفرحات تعني ( الحلويات أو المزات أو المسليات عاد كل واحد يسميها بالي يبي )
طبعا الي موجود في السيارة ( عزبة شاهي وقهوة , موية , ومفتاح سبير , والسيارة مظللة )
والتشييك الكامل على السيارة من الزيوت والكفرات وموية المساحات والمساحات وما يبيلكم
اعلمكم وش تشيكون عليه :109: والان سكرو البيبان واربطو الاحزمة زين واقروا دعاء السفر
وبعدين شغل الاي بود على أبو نورة ( سافر وترجع يا حبيبي على خير **وأشوفكم عقب السفر بالسلامه
ما دامة الفرقى علينا مقادير ** مسموح لو عضيت كف الندامة )
وهذا طريق الملك فهد طبعا بعد قليل اللوحة الجاية بتوضح خط السير كامل ان شاء الله
طبعا الانطلاقة من الرياض النقطة الاولى القصيم وفي اللوحة موضح برية العاصمة
اللوحة الثانية فيها توضيح اكثر ( الرياض - القصيم - حائل - القريات )
حتى الان داخل السعودية
:109::109::109:
الخـــــــــــــــــط الجـــــــــــــديد
وهذا رشاش وسط النفود الكبير
طبعا هذي الصور لشريان الجديد لخط الشمال فيه نقطة مهمه يجب
الحــــــــــــــــــــــــــــذر
الخط بما يقارب 380 كم بعد اخر محطة في حائل 380 كم ما فيها والا محطة يعني لازم تعبي
الموتر فل في حائل ولا تنسى تشغل ابو عبدالله ( حائل بعد حي ) :113:
هذي النقطة الاولى النقطة الثانية باقي تقريبا 160 كم قبل القريات لم ينتهون من الخط
الجديد لكن مع العمل الي قائم هناك أتوقع قبل إجازة الصيف يكونون منتهين منه تماما
ويكون الخط حتى الوصول الى القريات إن شاء الله
:113::113::113:
الانطلاق من الرياض كان بالساعه ال 10 صباحا الى القريات1328 كم الوصول الساعه 9 ليلا
نزل عن الخط قبل 8 سنوات 360 كم تقريبا اذا ما كانت حساباتي خطا
هذي الصورة يوم قمنا الصبح انا ورفيق في الرحلة مساعد الطيار وانا الطيار
وغدا الحلقة القادمة
الحلقة القادمة
رحلة الرعب روعونا العالم الحدود والعالم يخطفونكم ويودونكم للعراق :110::110:
طيب اشكالنا موب :11ight: لا اصلا يخلونكم ثلاث ايام الين تطلع اللحية ويودونكم
وما تقدر تمشي الا برشوه والا تبطي عظم
ومن مقططفات الرعب على الحدود الاردنية - السورية - البنانية
نلقاكم وخلونا نشوف التشجيع يا شبابمواضيع عشوائيه ممكن تكون تعجبك اخترناها لك:
- ما هي المعالم التي زرتها في لبنان
- الغزعه ياهل لبنان
- رحلتي الاخيره
- دلوني على الاسواق في لبنان
- اماكن تستحق الزيارة
- اول مرررة اسافر على لبنان
- صقر بيرووووت شكرااااااااا
- ممكن مساعدة بخصوص هني مون
- الله يخليييكم بليز بسرعة
- ارجووو المساعده
- خبر عاجل من لبنان
- بيروت تستقبل السياح السعوديين بمضاعفة الأسعار
- زرت دوله وأول مره أزور لبنان
- فزعتكمالله لايهينكم
- سؤال عن فندق جراند سويت قريب من الروشه
- ثلج فريا
- وش رايكم ترتبون برناجي معيبرنامج دسم
- ممكن سؤل ؟
- شباب ساعدوني بقضي اسبوع في لبنان
- سؤال لأهل لبنان ضروري
المفضلات