السلام عليكم ورحمة الله وبركاته انشاء الله انا بتجوز الخميس 2-7-2009 ومحتاجة بعض مساعدتكم معايا صراحة محتاجة شقة مفروشة علي النيل يعني من يوم 2-7-2009 الي 5-7-2009 بعد الفرح تكون 3 ليال بعد الفرح او فندق علي النيل 3 ليال مع افطار لو امكن ويكون سعره معقول يعني صراحه قالولي شبرد او جراند حياه حلويين وعلي النيل واسعارهم كويسه مش غاليه اوي بالنسبة لو حبيبت احجز احجز امتي قبلها باد ايه يعني مع العلم اني مصريه انا وجوزي بس احنا الاتنين خارج القاهرة بنشتغل بره يعني احجز من النت ولا اروح بنفسي الفندق واحجز ؟؟؟
وصراحه احنا كنا حابيين نسافر برا تركيا او تايلند بس صراحه قالوالي غاليه اوي واحنا كل اللي معانا ممكن يبقي من 12 الف جنيه مصري الي 15 الف جنيه قالولي ممكن احصل عروض في مكاتب سياحه في وسط البلد الباكتج الكامله دي اسبوع مثلا في تايلند او تركيا الفرد بي 4000 او 5000 مع السكن والاكل والطايرة والمواصلات الداخليه هل فعلا الكلام ده صحيح ولا لا ؟؟؟؟؟
طبعا انتوا هتقولوا هيا داخله البوابه المصرية تسال عن عروض تايلند و تركيا من مصر لاني صراحه دخلت البوابة استفسارات تايلند وطلبت المساعده بعمل براجرم علي قد الامكانياتنا المتاحة صراحه محدش ساعدني فا انا قولت اسالكم اهل بلدي ويمكن تساعدوني سواء في عروض تايلند وتركيا من مصر او شهر عسلي في مصر وهل احد يعرف اسم شركات الواحد لو اخد منها العروض دي يبقي مطمن ولا لا ؟؟؟
وصراحة لو مفيش حل للسفر بره هنقضي شهر العسل في القاهرة نعمل جولة مختارة ما بين (مرسي علم(قالولي عن فندق هناك مينا هاوس اوبري في منطقة اسمها سهل حشيش بس دخلت علي موقعه علي النت غالي اوي وباليورور - بورت مارينا ومعرفش طريقه حجزها منين - الاقصر واسوان بالباخرة معرفش تفاصيل عنها بتطلع منين تكلفني اد ايه - العين السخنة - طابا - دهب -الغردقة (الجونة) وصراحة انا عجبتني كتير واول مرة اسمع عنها واتفرجت علي تقرير الاخت رسامة مصرية قمة في الجمال - شرم الشيخ مع العلم ان احنا سافرنا شرم الشيخ قبل كده ) فصراحة انا عايزاكم تساعدوني اي مابين اخيتار كام مدينة من دول وتكون كل واحده تقريبا من 4 الي 5 ايام نعمل حساب السفر والتعب وان احنا عرسان جداد وكمان تكون اماكن هادية ورمانسية وعلي البحر ونبسط فيها يعني متبقاش زحمه اوي انا عارفه اني بطلب المستحيل في موضوع الزحمة لاني هتجوز في الصيف وده موسم الزحمة وكمان من ناحيه الجو الطقس يعني انا كنت بسال ناس قالولي بلاش الاقصر واسوان حر اوي وهتتعبي فايه رايكم معايا احنا معانا عربية بس مش حبين نسافر بالعربية لانه تعب سواقة فنفضل نطلع بالطيران الداخلي وهل 12 او 15 الف يودونا فيين وفيين ؟؟؟؟؟
منتظره ردودكم واقتراحاتكم عليا واسفه طولت عليكممواضيع عشوائيه ممكن تكون تعجبك اخترناها لك:
- سؤالي عن القاهرة الهاتف الثابت أرقام الأرضي في مصر
- السياحة في مصر اين تتجة
- سؤال عن الفنادق القريبة من فندق سميراميس
- استفسار لأصحاب الخبره تكفوون
- فندق غراند حياة أو الماريوت
- مصر بالمختصر 2009 (القاهرة - الأسكندرية - شرم الشيخ )
- اريد معرفة الاجواء في ام الدينا كيف هي الان
- تكفوون ودي بي مساااعده
- خبراء و زوار مصر الرجاء الدخووول
- خبراء بورتو مارينا الساحل الشمالي انقذووووني
- عبلة محي الدين حبيبتي نورتي المنتدىأرجو مساعدتك
- عدة تساؤلات ع الطاير
- عاجل الشايب العاشق
- رحلة الى القاهرة من القصيم
- فندق النبيلة و أطلس الزمالك سؤال
- لو صحيح حتكون مشكلة
- بلييييييز بلييييييييييييييييز ابي مساعده
- بخصوص فنادق الـإسكندرية
- سؤال عن شرم الشيخ
- اي سوق نجد بضائع الجمله في القاهره والاسكندريه
المفضلات