الموضوع: اربط حزامك للتحليق الى لندن تقرير المصور لرحلة

[IMG][/IMG]


تحقق الحلم ورحت لندن بعد طول الغياب ومن لكويت وانا معزمه اسوي لكم تقرير عن رحلتي راح احط معلومات عامه عن الرحله كبدايه بس وكأذن من مشرفتنا الغاليه ميسون اني انزل التقرير وانا بأنتظار الاذن

الرحله كانت على الخطوط الجويه القطريه

كلفتنا التذاكر 270 دينار كويتي للشخص

كلفنا السكن 1930 دينار في فندق هلتون متروبول وشقه وفندق موستن (( شوفو شنو قصة السكن اللي صادفتنا ))

ابطال الرحله الوالد المحترم وطالما الوالد فلازم تكون الوالده معاه وانا رزيت ويهي معاهم

المده من 1/7 الى 18/7 بعدين مددنا اسبوع اضافي يعني 25/7 رجعنا

الاماكن اللي تمت زيارتها هي

يوم السبت سفاري بارك , (5/7)

الاحد حتى الاربعاء غلاسكو ,( من 6/7 الى 9/7 ) ((( يوم الوصول , جوله في الباص السياحي مع زياره ساحه جورج , الاسواق وبرينس سكوير , العوده ))

الخميس المركاب ومنطقه غرين ويتش (10/7),

الجمعه الى الهايد بارك وجهتنا (11/7) ,

والاحد الاسبوع اللي وراه كارديف الى الجمعه (13/7 الى18/7) ((( يوم الوصول وزياره عائليه , سيتي سنتر كابيتل , كارديف كاستل , كارديف بيه , جوله حره )))
,
السبت رحنا برايتون ومزرعه الفواكهه (19/7)

الاحد البحث عن فندق والذهاب الى العياده جوله في اكسفورد(20/7),

الاثنين هارودز وجوله التسوق (21/7)

الثلاثاء جوله حره ساحه الحمام وقصر الملكه (22/7) ,

الاربعاء ثوربارك(23/7) ,

الخميس سوق الشوبرد بوش وجولة الوداع (24/7)

الجمعه العوده الى الوطن (25/7)

مواضيع عشوائيه ممكن تكون تعجبك اخترناها لك:

• احسن طيار ؟؟
• الريف في بريطانيا
• خطوات التنقل
• ايهم اجمل كريف؟
• مطلوب سياره للتوصيل من هيثرو الى وسط لندن
• خبراء اسكوتلند ممكن شوي بس
• استفسارات لندن
• أسعار العطور أيهم أفضل لندن أو أمريكا واشنطن ونيو يورك؟
• سفرتي لشهر العسل يتخللها كم يوم في لندن وليفربول لمشاهدة مباراة نصايحكم
• اماكن السكن والشوبنق في كامبريدج
• بطاقه الصراف في لندن
• حجزت من باريس الى لندن بقطار ، ولم احجز لابني سنتين ونصف هل فيه مشكله ؟
• أرجو المساعدة في قضاء عطلة في ويلز
• شرائح الجوال
• فندق مناسب اكسفورد او شارع العرب
• مساء الخير
• استفسار عن ايرلندا
• استفسار عن التنقل بين بوابات مطار هيثرو
• أستفسار بخصوص المصروف
• اخوكم متوهق ويبى مساعدة

الحمدلله على السلامة ..


ربطنا الحزام ..

وبانتظار بداية التقرير :101: ..

الحمدلله على سلامتج


وننتظر تقريرك الــى الاخــــــر


اخــتــــج

الحمدالله على السلامة .... و بانتظار مفاجئات تقريرج :24:

ناااطرين التقرير ،،،

و الحمد لله على السلامة

يوم السبت سفاري بارك , (5/7)


وشلووون رحتيلها.....وكيف تستاهل أو لا ؟؟؟؟

وكأذن من مشرفتنا الغاليه ميسون اني انزل التقرير وانا بأنتظار الاذن



على فكرة ترى ميسون ماراح تكون متواجده بالمنتدى بالفترة الحالية ،،،، و ما اظن ان كتابة تقرير محتاج اذن
يعني بالكويتي ... دربج خضر

اي والله احزني كثير خبر ميسون الله يرجعها لنا بالسلامه يارب

وان شاءلله يكون دربها خضر

الحلقه الاولى (( مغادرة ارض الوطن ))



درن درن درن _________ وجاءت ساعه السفر ورن المنبهه اللي انا كنت مجابلته
انتظره يرن مو يقعدني لا لاني ما نمت ذاك اليوم من كثر ما انا انتظر الروحه بفارق الصبر
كانت الساعه 5 الفجر قمزت من مكاني على طول عشان اقعد الوالد والوالده ومن فرحتي جان اقولهم يما قومي ابشرج الساعه صارت 5 بنسافر اليوم امي ماتت من الضحك علي هي وابوي ولا اهم بعد نص نايمين هههههههههه
على العموم قعدنا ورحنا المطار كانت رحلتنا (( كويت قطر لندن )) تطير الطياره الساعه 9,45 الى مطار الدوحه وصلنا الساعه 11 وعلى طول على البوابه عشان البوردينج حق لندن
طارت الطياره ساعه 12 الظهر الوصول بتوقيت لندن كان الساعه 5 العصر وكان المطار مزدحم جدا جدا جدا نطرنا علشان انخرج الجوازات يمكن ساعه في الصف وما ان وصلنا الى الكونتر ما تأخرنا يمكن 3 دقايق وبس وقتها مت من الحره والحسره ان لابتوبي مو معاي واشوف خلق الله معلقينه على كتوفهم ويتمشون بثقه قلت أي يا الخوافه لو يايبته بس وقعدت طول الطريج متحسفه ومتندمه عليه
وصلنا الفندق ساعه 8 لان الشارع كان مزدحم وواقف السايد السياره تمشي 100 متر وتوقف ربع ساعه يمكن كان هلتون متروبول حجزنا كان لمده 18 يوم في هالفندق بس للاسف من دخلنا الغرفه قلنا حشى ما نكمل فيه اسبوع
الغرفه مع انها في الجناح الغربي الا انها لواعه حشاكم الادراج تصكر واحد يفتح الثاني تفتح باب الحمام تكرمون يصك الجرار اللي بالغرفه وعاد لمن تفتح الماي في الحمام تعال اسمع الاصوات
صييييييييييييييييييييييييييييييص بييييييييييييييييييييييييييص صيييييييييييييييييييييييييييييص
يعني تطلع من الحمام انت اصمخ رسمي ريحنا اشوي بعد الرحله وعقبها طلعنا ناخذ لنا شي ناكله ونتعيش فيه والصباح رباح
(( انتظروا صور غرفة الفندق ما ادري وينهم ضاعوا ))


[IMG][/IMG]


يوم الثاني ومع زقزقة العصافير وبعد ما تجهزنا وتسلحنا بأسلحتنا اللي كل سلاح منها يحتوي على مليون سعره حراريه وبعد ما تريقنا في الفندق طبعا احلى شي بالفندق الريوق كان روعه وخصوصا السوداني اللي كان يسوي البيض وبعد ما امتلئت البطون قمنا بتشغيل مكاينا الخاصه طبعا اول يوم لازم تسترجع الذكريات وخصوصا هالمره طولنا على لندن اكثر من 4 سنوات ما رحنا فالشوق قتال ولازم تشوف اللي صار وتغير ومشينا من جسر اجور رود الو بوابة الماربل ارتش الى اكسفورد ثم البيكادلي وصولا الى نهر التايمز ثم الى لندن ايس وقررنا نركب لان ما كان في طوابير على الصعود بس المفاجأه لمن دخلت حق التذاكر كان الازدحام مو معقول والسبب ان في هذا الوقت كانت اخر ايام الدراسه عندهم فكانوا اغلب دوامهم رحلات خارجيه فمن جذي تشوفهم يمشون قروبات قروبات (( وعليه على اللي عندنا اخر ايام الدراسه يصدمونهم بالامتحانات والمذكرات الاضافيه على المناهج وحالتهم حاله اللي يقول الحين كلش )) عقب ما خلصت من الطابور العريض هذا شفت الساعه ولقيتها تشير الى 12 الا خمس دقائق
ملحوظه:. طبعا من اكسفورد خلاص بنجرت رجولنا قمنا بستخراج بطاقه الباص الاسبوعبه وقيمتها 14 باوند (( ما عليه اول يوم لاتلومونا مو متعودين على المشي عدا ابوي الله يحفظه كان يضحك علينا ))
وخليكم مع الصور وهي تكمل لكم الطلعه .


[IMG][/IMG]

طبعا اول ما خرجنا من الفندق قابلنا التاكسي المحترم هذا وبديت اصدق اني بلندن




ولمن كحلت عيوني بشوفت هالحمر لا قلت صارت انا صج بلندن


[IMG][/IMG]

واهني من الجوله طبعا الظاهر لكم جون لويس وما يحتاج اقول لكم اي شارع هذا

وللاسف ما لقيت صور للجوله لان باجي الصور الوالد والوالده مشرفينهم


اهني اول ما اقبلنا على الحلوه هذي
[IMG][/IMG]

بالمناسبه منو يعرف ليش اطلقوا على الساعه هذي مسمى BIG BEN ؟ انتظر الاجابه طبعا تقولون ظلمه او حسافه على الصوره بعض الناس ما تعرف تصور اقولكم مو مني بس الجو كان غيم غيم غيم


وهذي المزيونه الثانيه

[IMG][/IMG]

لندن اي بصراحه اللي يركب ويقول ما اعجبتني اقوله ما عرفت معناها اذن ولا عرفت تستمتع فيها والناس اذواق وعيد التجربه وانا انتظرك ؟

من يعرف كم عدد الكبسولات في لندن اي ؟ وكم تاخذ وقت لتكمل دورتها ؟

[IMG][/IMG]



[IMG][/IMG]

طبعا اهني في هذا الشارع في قاعات القاعه الاولى مطاعم فيها ماكدونالدز والاغلب كوفي شوبات

واللي عقبه حجز التذاكر حق لندن اي طبعا في قسمين للحجز القسم الاول حق اللي عندهم فاوتشر يبون يستبدلونه

بالتذكره ويكون على ايدكم اليمين اول ماتدخلون

لمن تكملون سيده وتشوفون زحمه عرفوا ان هذا المكان للحجز وكانوا مسوين وايد عروض وتخفيضات يعني لمن تاخذ تذكره جوله لندن اي مع جوله كروز تكون ارخص من لو تاخذ كل وحده بروحها
وعروض كثيره جدا جدا راح انزل الاسعار اخر الحلقه


[IMG][/IMG]

اهني ا يمحتاج اقول لكم ان ركبنا بعد عناء لحجز التذاكر مع اني ادري وقايلين لي وعرفت من المنتدى ان في واحد يبيع

التذاكر في الاكسفورد بلا هالزحمه ومرينا عليه بس احب الشقى انا الظاهر

بالمناسبه منو يعرف ليش اطلقوا على الساعه هذي مسمى BIG BEN ؟ انتظر الاجابه طبعا



على حد علمي ان المهندس اللي صممها او بناها اسمه Benjamin اما ليش big فـ مادري و الله ،،









من يعرف كم عدد الكبسولات في لندن اي ؟ وكم تاخذ وقت لتكمل دورتها ؟



توني عديتهم طلعو 32 كبسولة
و الدورة على ماعتقد 30 دقيقة







لندن اي بصراحه اللي يركب ويقول ما اعجبتني اقوله ما عرفت معناها اذن ولا عرفت تستمتع فيها والناس اذواق وعيد التجربه وانا انتظرك ؟



عاد انا ركبت فيها مرتين لكن للأسف كلهم بالصبح ،،، و بخاااطري اني اشوف لندن بالليل ،، لكن المشكلة راح تكون بالتصوير ،، احنا الصبح و يالله نصور

الحمدلله ع السلامة ...
الحلقة الاولى رهيييييبه ...
متابعتنج للنهاية..

بانتظارك ومتابعين ،،

متااااااابعييييينج بنت لندن

لوول صراحه ذكرتيني برحلتي للندن اللي تنكسلت وكان الحجز على الخطوط القطريه بتاريخ 11 وكان سعرها 270 دينار

لووووول بس ان شاء الله خيره

ومتابعينج واصلي وترانا ننطر على اخر من الجمر يابنت الديره

تقريرك حلو ماشاء الله بانتظار الباقي مشكورة

الاخت العزيزة

كيف يمكن الاتصال بالاميني كاب لتنسيق المواصلات من المطار للفندق؟

شكرا

حمد لله على السلامه
في انتظار بقية التقرير ...

تقرير تحبه من اول ما تقرأه .ز بسبب البساطة في الأسلوب والتعبير الصادق النابع من القلب ..
صراحة وانا اقرأ التقرير شعرت اني معاكم في كل مكان ..
اجل الموية اللي بالفندق تطلع صوت صييييييييص بيبببببببببص ..!!!هههههههههههههههههههههههههه
والدمار الدمار الأيسكريم بالفليك ..

المشاركة الأصلية كتبت بواسطة Kuwaiti Londoner
http://www.arabtravelersforum.com/tr...5/#post2252975

على حد علمي ان المهندس اللي صممها او بناها اسمه Benjamin اما ليش big فـ مادري و الله ،،





توني عديتهم طلعو 32 كبسولة
و الدورة على ماعتقد 30 دقيقة



عاد انا ركبت فيها مرتين لكن للأسف كلهم بالصبح ،،، و بخاااطري اني اشوف لندن بالليل ،، لكن المشكلة راح تكون بالتصوير ،، احنا الصبح و يالله نصور





اخوي كويتي لوندنير

اجاباتك صحيحه تقريبا عددهم 31 كبسوله والدوره تقريبا 25 دقيقه
بالسبه حق بيغ بن صح اللي بناها اسمه بنجامين ولانه كان متين وايد سمين فسوموها بيغ

تشرفت بتواجدك اخي الكريم

مس قطر شرفتيني بهالمرور

اتمنى تواجدج حتى الحلقه الخيره

المشاركة الأصلية كتبت بواسطة الميكادو
http://www.arabtravelersforum.com/tr...2/#post2254282

بانتظارك ومتابعين ،،



وانا حاضره يا الميكادو

تشرفت بمرورك

Chelsawe

خيرها بغيرها ان شاءلله وانا اسعد بتواجدك


كتكاته

الاحلى تواجدج الغاليه


قطره مسافره

فعلا لندن لها وحشه وشوق يختلف عن كل شي بس الحين اقولها وكلي ألم (( انتظي قصة الالم اخر التقرير ))



خلجاويه

يا حلاة مرورج وتقدرين عن طريق http://www.ukairportcars.co.uk


لندنيه

زادني شرف حضورج تقبلي تحياتي


اولترافيوليت

الله يسلمك وانا حاضره تقبل تحياتي


قوس النصر

عيونج الحلوه وان شاءلله بكمل التقرير بس لصور تاخذ وقت وخبرج رفيجتج مو خبره يعني على قدي


ميرندا المدينه

الله يسلمك اي والله الماي فضيع لا والمشكله اذا اللي بالغرفه اللي فوقك دخل الحمام تكرم تسمع الماي ينزل وراك
بالطوفه وانت نايم (( ما عليه شلالات طبيعيه موديل السنه))

هذي صور الفندق لقيناها لكم

[IMG][/IMG]

هذا الممر وقبالكم الباب


[IMG][/IMG]

هذي الغرفه بشكل عام وظاهر لكم السرير والدرايش



[IMG][/IMG]

وهذا لسرير (( نعتذر عن الحوسه ))


[IMG][/IMG]

وهذا الخزانه العجيبه اللي كل جرار فيها متصل مع شي بالغرفه فتحا واغلاقا وتراه ما يصكر جذي وضعه على طول

الحلقه الثانيه في مدينة الضباب
واليوم نبدي معاكم الحلقه الثانيه اتمنى ان تحوز على رضائكم واعجابكم اغلب هذي الحلقه بتكون سرد فيها قليل جدا صور والسبب بتعرفونه لمن تقرونها

يوم احياء الذكريات

خبركم الوالد والوالده لهم سفرات حق لندن من غيرنا (( اول الصيف كانوا يقصون علينا يسفرونا مصر
وربعها ولمن تبدي المدارس يسلمون علينا ويروحون لندن عاد احنا كنا صغار ما نرد ولا نطالب بحقوقنا نشوفهم
ونودعم ودموعنا تقطر من عيونا ))
على العموم قال الوالد للوالده امشي خل نروح حق الكافيه اللي كنا نقعد فيه ونشرب من قهوتهم الحلوه
ونشوف شلي غدى على ذاك المكان يا حلوه من مكان ابوي يمدح فيه قلت بروح تاج محل الحين قالت الوالده
ايبا يالله يالله ورحنا ونمشي ونمشي ونمشي ونمشي خلص الاكسفورد وشفطنا على البيكاديلي يبا وين
بعد سيده حاقريني يتذكرون ما اسمع ابوي الا يقول تذكرين اهني عرض لهنود وامي تضحك تقول أي
وطول الطريج ما يدرون عني رايحين لين بين الكوفي جان يلتفتون علي ويقولي ابوي وصلنا

الله الله الله لو شايفين ويهي ذاك الوقت بقيت انفجر لان يوم اني رفعت راسي ولا شنو نفس الكوفي موجود
في كل مكان في اجور رود موجود وامس قاعدين فيه بقيت اموت من القهر بس قلت يالله خلونا
نسايرهم شنو بيدنا وهي قهوة pretوالمكان كان في

[IMG][/IMG]

طبعا شايفين العنوان اكسفورد ستريت w1 وهذا البطل الاحمر اللي كل واحد منا صار له موقف معاه هو واخوه الاخضر اهني بيكون سؤالنا بهالحلقه طبعا الكل عارف ان بريطانيا البلده الوحيده اللي كل شي عندهم يسار (( الله لا يسر كتابنا يارب)) والسيارات باليسار شنو السبب ؟


[IMG][/IMG]

هذي بنايه تم بناءها من سنه1880 وهذا اللي لاحظته في هالمكان كل شي قديم وخصوصا العمارات فيها


[IMG][/IMG]

وهذي بعد قديمه من 1900 وحاليا هو معهد للدراسه


عقب ما خلصنا من اهني قلنا خل نروح ندور لنا شقه حق باقي
المده ونصحنا واحد نعرفه نروح حق فندق norfolk plaza ومالقينا فيه ولا ليله رحنا حق فندق quins way hotel ونفس الكلام مافي ولا غرفه طبعا الفندقين هذولي قريبين من الاجور رود وقريبين من مستشفى السانت ماري اسعارهم كانت الليله للغرفه الثلاثيه 120 باوند بالليله وماقدرت اصور لكم الغرف لانهم مارضوا يخلوني والسبب انهم ما يقدرون يدخلوني غرفه مؤجره وبعد جذي قلت للعايله الكريمه ولا يصير خاطركم الا طيب خلونا نروح ناكل شي لان بطونا قامت تقرقع رحنا ماكدونالدز واكلنا اكيد سمك عقب رحنا الفندق ونحن نجر اذيال الهزيمه على امل ايجاد شقه في الغد




اليوم العالمي للبحث عن شقه
استيقظنا في الصباح مع نفس زقزقه العصافير (( الاخت متأثره بكتب اللغه العربيه)) ونزلنا للفطور وبعد ما ترسنا بطونا رحنا سيده اكسفورد لان جوتيي تكرمون مو مريح لان ريولي طلع فيها فقع الله يهدي جوتتي ظلمني معاه وعقبها بدت الجوله الشقه من الساعه 10 صباحا حتى الساعه 1,30 لقينا شقه في اجور رود اكرمكم الله (( انا ما احب هالشارع)) غرفتين وصاله وحمام تكرمون الشقه نظيفه بشكل عام (( انتظروا قصة الشقه في اخر اسبوع من السفره )) سعرها 600 باوند بالاسبوع قلنا خووووش احنا نبيها حق الاغراض لان بنسافر بره لندن كثير وسعرها زين وتبعد عن شارع اجور رود تقريبا 200 م بس بالظبط شفتوا مطعم السلوى الهندي بنفس هالشارع تروحووووووووووووووون سيده سيده بتلقون بار على ايدكم اليسار اسمه كاستل وبتلقون علم بريطانيا يرف رف في الاجواء الشقه اللي عليها العلم في الطابق الثاني واهني ارتاحت النفسيه وبدينا نحط جدول رحلاتنا وطلعنا من الفندق على الساعه5 المغرب سيده على مكتب زين في الاجور رود وحجزنا حق سفاري بارك وحجزنا سكن حق غلاسكو وعقب ما طلعنا منه قلنا خل نروح بعد نحجز التذاكر مره وحده ورحنا محطة king x واخنذنا التذاكر وعلى ما رجعنا يعني شوي المحطه بعيده تاخذ تقريبا ربع ساعه بالباص وصلنا حدنا من التعب خذينا كلوب ساندويتش طبعا تونه من مارك اند سبينسر وكان بيصكر بعد بس بسرعه بسرعه كأنا في سباق الماراثون والبطل التونه تعشينا ونمنا على ساعه 10 بالليل وهذي اخر ليله لنا بالفندق التعيس



يوم الانتقال الى الشقه

طبعا عرفتوا منو قعدنا وتريقنا كالعاده وطلعنا من اافندق مع اغراضنا اول ما فتح باب الفندق ولا ذاك التكسي الواقف قلنا الحمدالله رحت ورطنت عليه جان يعصب فجأه بويهي الله يهديه ويقول (( نعم تبين اوديج مكان قريب انا صارلي ساعه واقف الحين تبين تمشيني على مشوار اقل من 300 م ماراح اخذكم رحنا للي وراه وللي وراه كلهم نفس الحجي احنا لو اخفاف جان رحنا المكان كلش مو بعيد قريب جدا جدا بس معانا اغراض وايد ما نقدر نشيلهم ونمشي فيهم هالمسافه اخر شي عطف علينا جان يقول انا اوصلكم بس اخذ 10 باوند شوفوا الاستغلال معاه معاه قلنا يالله توكلنا على الله وصفنا له المكان جان يلف لفه غلط ويوقف قال يالله نزلوا قلت له شنو مو هذا المكان جان يقول انتي قلتي المهم رديت عليه ورد علي وجان يمشي وكل ماله يبعد عن الشقه جان يوقف ويفتح الباب ويقول نزلوا انا بروح زوجتي تبيني ضروري ويقوم وينزل الجناط والاغراض جان يفور دمي وعصبت عليه وما بقيت اعطيه لفلوس بس ابوي الله يهديه عطاه وتصورو مشينا مشي لمن وصلنا الشقه يعني لو ماشين من الفندق احسن لنا بس يالله قدر الله وعقب ما نزلنا اغراضنا رحنا الهايد بارك وكل من راح للمكان اللي يحبه ومشيت بهالحديقه والذكريات الحلوه (( ليت الماضي يعود يوما )) وتلاقينا بالشقه على الساعه تقريبا 7 المغرب وبدينا تحضير لرحله السفاري بارك (( طبعا الكل بيستغرب ليش ما صورت في الهايدبارك لان المكان اللي الواحد ينسى فيه كل من حوله ويبقى هو وكاميرته وافكاره والسبب اني مالزلت معصبه على سايق التاكسي ونسيت الكاميرا بالشقه شنو تحسفت وتندمت بس انتظروا الصور لهذي الحديقة الاسطوريه في الحلقات القادمه ))

الحين الاسئلة طلعتي عارفة اجاباتهم ؟؟ عيل ليش سألتي و خليتيني اعد بهالكبسولات

على طاري pret ذكرتيني و الله بـ يدّي و يدّتي ،، ما يحبون يروحون قهوة غيرها ،، و احنا تعال و ندورلهم هالقهوة
عاد خووش قهوة و الله


على طاري التكسي ،،، ترى هالشي متعارف عليه من زمان ،،، انهم ما يوصلون للأماكن القريبة ،، يوصلون ،،، احنا جم مرة يصادفنا جذي ،،، نكون بمدينة و نحاول نوصل مكان و لما نييأس و ناخذ تكسي ،،، يصادف ان المكان قريب و ما يرضى يوصلنا يقولنا امشوا له ،،، لكنهم دايما يدلون الواحد على الطريج حق المشي طبعا

التقرير مبين مشوق

خصوصا ان السالفة فيها كاردف

ان شاء الله عاد تكون صور كاردف وايد

اسفه جدا جدا على التأخير بس تدرون الشغل ما خذ كل وقتنا + تحميل الصور شوي صعب وياخذ وقت



kuwaity_ Londoner

الف الف الف شكر لمتابعة التقرير هههههههههه اي انا اعرف الاجابات بس قلت خل الاعضاء اللي ما يعرفون هالمعلومات

يعرفونها ههههههههههه الاخت مسويه حركه يعني لا تفشلني ههههههههههههه يالله اركب لك جم دريه وجاوب على

االسؤال اللي فوق




Pink GirL Q8
تسلمين يا الغاليه على هالمرور ابشري بالصور ان شاءلله بجد كارديف شهادتي مجروحه فيها عاد




وردة الكريستال

الاروع تواجدك اهلا وسهلا فبج

تقريرج رائع
سجليني من المتااابعين

الف الف الف شكر لمتابعة التقرير هههههههههه اي انا اعرف الاجابات بس قلت خل الاعضاء اللي ما يعرفون هالمعلومات

يعرفونها ههههههههههه الاخت مسويه حركه يعني لا تفشلني ههههههههههههه يالله اركب لك جم دريه وجاوب على

االسؤال اللي فوق



ولو ماله داعي الشكر ،،، ما تابعت التقرير الا لانه عاجبني و مستمتع بقرائته

و السؤااال انا من اول كنت بجاوب عليه ،، بس ما اعرف دورت بس قوقل كسر فيني :tongue:
و خوش حركة هذي ،، علشان يصير في تفاعل من الاعضاء ،، و تعرفين منو اللي قرا الموضوع صج و منو اللي بس شاف الصور

و نااطرين التكملة

ماشاء الله تقرير رائع واضح من البدايه ننتظرك يابنت لندن لاتتاخرين علينا

حان وقت عرض الحلقه الثالثه اتمنى لكم الاستمتاع مع هذه الرحله

عالم الحيوان بعدستي

كان موعد التجمع ساعه 8.45 على اساس يمشي الباص ساعه 9 لكن تدرون احنا عرب ولازم التأخير تأخرنا نص ساعه ومشينا 9.30 وصلنا السفاري بارك ساعه 11 وهذي الجوله المفاجأه ان الكاميرا بطاريتها قامت تضعف شوي شوي وصكت فيني الدنيا قمت قلت على الله بصور ومتى ما تعلن النهايه بكمل بالموبايل وتفضلوا هذي الصور

وعقب الجوله نزلنا عشان نتمشى وكان في عروض لكلب البحر لمن رحنا قعدنا 5 دقايق جان يخلص يعني تأخرنا والعرض اللي وراه مايمدينا نحضر لان راح يمشي الباص وسبب التأخير رحنا صلينا الظهر والعصر والسبب ان راح نوصل الشقه مع اذان المغرب وحرام تروح علينا الصلاة
وبعد هالرحله الحلوه توجهنا الى اسواق ملتن كينز يا حلاة سوقها روعه كل ما تبون موجود اللهم الا هارودز وسلفرجز وكانت تنزيلاتهم اروع بعد واخذنا اللي اخذنا من هالسوق ولولا الفشيله من المكان بالباص كان اخذنا اكثر بس قلنا نخلي مكان حق اغراض غيرنا هههههههه مشى الباص من ملتن كينز ساعه 6 ولمن وصلنا اجور رود قلت لابوي اذا اليوم ما رحت للحبيب ماراح انام هههههههههه بروحي معاهم قلنا نتغلى عليهم شوي الحبيب هذا مطعم اسمه ......... في اكسفورد عقب محل فوت لوكر حلال اكل منه جكن فليه وبطاط طبعا المطعم الوحيد اللي اكل منه دجاج ورحت وشريت الوجبه العجيبه انا مسميتها (( حلم )) ولكن للاسف مع اول قضمه من الجكن تعلم درس(( ان مو كل حلم حلو في احلام كوابيس )) تغير الطعم البطاط مو شي الله يزيد النعمه وبحثت عن السبب وعرفت ان اول كان صاحب المطعم انجليزي والعمال انجليز بس تغير المالك وصار لواحد من اشقاءنا العرب اللي يقولون تمام يا افندم والعماله من نفس البلد رجعت الشقه وانا معصبه طبعا دخلنا الشقه انا والوالد ساعه 9.45 وبدينا بتجهيز لرحله بكره الى غلاسكو .

هذي صور السفاري بارك

طبعا كلفتنا الرحله مع مكتب زين الشخص 18 باوند ودخول السفاري اعتقد 15 باوند

[IMG][/IMG]

هذا المكان حق التذاكر

[IMG][/IMG]

هذا غني عن التعريف الفيل وكان معصب وما عطانا ويها الله يهديه


[IMG][/IMG]

[IMG][/IMG]

وهذا الغزال اخ على من يرمي واحد منها ويطبخه يا عيني على اللحم الروعه


[IMG][/IMG]

وللحمار الوحشي مكان في السفاري وموجودين بكثره هناك


[IMG][/IMG]

وهذا الغراب وموجودين بشكل كبير في السفاري واللي شد نظري انهم يطيرون جماعات جماعات


[IMG][/IMG]

وهذا الحمار حشاكم طالعوا صحته وقارنو بينها وبين ..................


[IMG][/IMG]

وهذا حشاكم اللي ما ينطرى ابد



[IMG][/IMG]

وهذي احد المركبات داخل السفاري





يتبع

الحين ممنوع فتح الشبابيك ويرجى الجلوس في المقاعد والاستعداد لمواجهة الاسود وربعها الخوافين ينزلون قبل هالبوابه

[IMG][/IMG]

طبعا هالبوابه لازم تفتح عشان تدخل منطقه الحيوانات المفترسه ولا يسمح بدخول اكثر من مركبه وهي عباره عن
بوابتين وهالبوابتين مايصير يفتحون مع بعض يعني لمن تصكر البوابه الاولى تفتح الثانيه وهذا نظام سكرتي عشان لا يطلعون
الحيوانت المفترسه بره

[IMG][/IMG]

النمر اول شخص راح يقابلكم من الحياوانات المفترسه اخ من ياخذ هالجلد ويسويله جنطه ولا حزام هههههههههههههه
ابدا انا اكيد عضوه من اعضاء حقوق الحيوان ههههههههههه


[IMG][/IMG]

وهذا الدب مسوي يوغا والله ما اقص عليكم وقفنا عنده اكثر من 5 دقايق وهو على هالحاله طبعا متنا من الضحك



طبعا ملك الغابه له صور خاصه اخليكم معاها

[IMG][/IMG]

[IMG][/IMG]

[IMG][/IMG]

مع ولده وعندي تصوير فيديو وهو يلاعب ولده سبحان من حنن قلبه ووضع فيه الرحمه لعياله

[IMG][/IMG]


وبعدها طلعنا من بوابة الحيوانات المفترسه وقابلتنا هالهقله ما احب هالحيوان ما ادري ليش


[IMG][/IMG]


[IMG][/IMG]

شوفوا شوفوا طحنا على هالحمار الوحشي وهو متسلل عن الزرافه وتلفتنا يمين وشمال اندور الهيئه او لجنة ضبط الظواهر غير الشرعيه للاسف ما لقينا احد

والحبن مع اشقياء الغابه القرود او كما يسمون في دول الخليج سيبال

[IMG][/IMG]

[IMG][/IMG]

[IMG][/IMG]

وهذي مسطحات خضراء للجلوس والسترخاء طبعا اكيد تنزل من الباص اهني وهذا يعتبر الجزء الثاني من حديقة
السفاري

[IMG][/IMG]

[IMG][/IMG]

[IMG][/IMG]

هذي لقيناها وصورناها طبعا موجودين داخل سور كبير وجنبهم في جلسات وطاولات تقدر تطمش عليهم

[IMG][/IMG]

هذا موقف السيارات والمحلات اللي قاعدين تشوفونها هناك هذي مطاعم ودورات مياه ومحل بيع الهدايا التذكاريه
وبعد هالصورة قالت لي الكاميرا تراج مسختيها ومع السلامه وطفت وخلصت البطاريه ولو ما انها جديده جان حذفتها من
الحره والقهر

وهذي اهي اخر صوره ومثل ما يقولون ختامها مسك

[IMG][/IMG]


اتمنى تكون هالرحله اعجبتكم وكان ودي صور اكثر لاسواق ملتن كنز وطريق العوده ولكن انتو تعرفون السبب







الى اللقاء مع الحلقه القادمه الى ارض الاحلام (( غلاسكو )) اسطورة الشمال

الاخت bent_London

مرحبا بك مجددا

فعلا مبدعه في سرد الرحله الجمليه المتراميه الزيارات في بريطانيا واصلي ابداعك

لكم كل الاحترام

LONDON

الله يعطيك العاافيه يابنت لندن والله ذكرتيني باحلي ايام الله يعودها علينا بخــــــير:101:
التقريـــــــــــر جمــــــــيل جدا جدا:24:
وبووووركت يدااك يابنت لندن:113:

لك جزيــــــــــــــل الشكر

جميلة صور السفاري

بإنتظار بقية التقرير

الحمد لله على سلامة الوصول لي ولك لقد كنت في نفس الفترة في بريطانيا:114:

حلو مرررررررره
تابعي ونحن ننتظر البقيه
اوه نسيت اقول اول الحمدلله على السلامه وتعيدينها بصحه وعافيه
بس مع ابو الشباب والله يخليلك والدينك

:24: :24: :24:


`•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.* يعطيك العآآآآآآآآآآآآآآآآآآآآآآآآآآافية على التقرير ... و تسلم يدينك *. ¸.´¨`»
(¸. •'´(¸.•'´ * `'•.¸)`'•.¸ )
`•.¸
`•.¸ )
¸.•


:24: :24: :24:

صور السفاري وااااايد حلوة

شووقتيني و الله اني اروح للسفاري

و نااااطرين حلقة غلاسغو

يعطيج الف عافية

بالانتظــار

الله يخلي رتااج لاهلهااا

متابع معاكم ...

wajaref

الله يسلمج الغاليه ولو ان ردي متأخر عليج معقوله انتي هناك انا اقول شنو سبب النور اللي في لندن اثاريج هناك

هههههههههه

kuwaiti londoner

حياك الله والحمدالله طلعت حلوه ترى انا لك علي بالتصوير لو تشوف التصوير كله مقروم(( مأكول من فوق)) خبرك محدثتكم قصيره وهذا حد مستوى التصوير عندها لاتطوفك السفاري ترى حلوه وونيسه بس روح لها جمعه مو بروحك


pink girl Q8

حياج الله اول شي ثاني شي اسفه على التأخير تعرفين رمضان والواحد مو يفرغ بس عقب رمضان بتييج الرحلات



mbc54321


الف اهلا وسهلا ومرحبا فيك اخوي وخلك لا تنزل لازلنا في محطة الترانزيت لان في خلل فني بالطياره وجاري الاصلاح

السلام عليكم
هلا اختي بنوتة لندن
بصراحة
تسلم ايدك يا حياتي على التقرير
الاكثر من رائع
انا افتكر اني رحت السفاري وانا صغيرة
وصورك ردتلي ذكرياتي الجميلة
اه ه ه ه
ما احلاها من ايام
الا ليت الزمان يعود يوما
سلمة يداك يا عسل
وفي انتظار جديدك دوما

وتقبلي فائق احترامي

حلو
ومتابعين وبكل حنين وشوق
على فكرة انا متاكد أن الاخوان
زارو كثير بلاد
بس مايشتاقون لها كثر شوقهم
للندن
شي عجيب والله

مدري انا جيت متأخر ولا تو الناس
بس فعلن يعطيك الف عااااااااااافيه
انا من زمان متشوقه اسافر لندن ومعاك احس سافرت
يختي حاستك معاي في الغرفه قاعدين على هالكنب نتقهوى ونسولف
عساك على القوه

فهد 98

الف شكر لمرورك وفعلا لندن لها شوق غير




فوووفة

يا الف اهلا وسهلا ونورتي التقرير بتواجدج الغاليه





ping girl Q8

يا حيا الله الغاليه على امرج

تكفون يا جماعه شوفولي حل حق الصور تعبت وانا ابي انزلهم من المنتدى ما ينزلون

وربي من عطله العيد وانا اجرب وخبركم التقرير من غير صور مو حلو يصير اجلح واملح

الي يعرف يفيدني ابي احل

الرحلة إلى لؤلؤة الشمال جلاسكو

القطار ينطلق من محطة كنج كروس
التذاكر في الدرجة العادية 91 باوند للشخص
القطار يمشي الساعة 10ونص

[IMG][/IMG]

على صوت قطرات المطر اللندنية قعدنا وجود إحنا مجهزين أغراضنا من الليل وتريقنا من ايد أغلى إنسانه بالدنيا الوالدة العزيزة الله يبارك بعمرها ورحنا إلى المحطة على ساعة 9.30 وقعدنا وجابلنا شاشة العرض عشان نعرف رقم السكة على قولة أخوانا المصريين وطلع رقم 2 الضحك مو أهني الضحك تعالوا شوفونا وإحنا ندور الكابينة اللي إحنا فيها نسينا من زمان مو رايحين لندن وقمنا نركب وننزل ونركب وننزل أندور الحرف وعقب لقينا الحروف مكتوبة بره عند البيبان
المهم رحنا وقعدنا الرحلة خذت منا تقريبا 7ساعات ونص وتعبنا بيني وبينكم لو ر ايحين بطياره احسن بس ملح الرحلة كانت المناظر العجيبة اللي كنا نمر عليها

[IMG][/IMG]

من الطريق روعه

[IMG][/IMG]

قريه صغيره مرينا عليها

[IMG][/IMG]

يا حظ البقر اللي عايشين بهالخضره هههههههههههه


[IMG]http://www.3rb100.net[/IMG]

[IMG]http://www.3rb100.net[/IMG]

اول محطه توقف عندها القطار

[IMG]http://www.3rb100.net[/IMG]

[IMG]http://www.3rb100.net[/IMG]

[IMG]http://www.3rb100.net[/IMG]

مدينة بيتربورغ ثاني محطه للقطار

[IMG]http://www.3rb100.net[/IMG]

هذا مسجد بمدخل مدينه يورك

[IMG]http://www.3rb100.net[/IMG]

مدينة يورك ثالث منطقه توقف عندها القطار

[IMG]http://www.3rb100.net[/IMG]

رابع محطه للقطار مدينه دارلنغتن

[IMG]http://www.3rb100.net[/IMG]

[IMG]http://www.3rb100.net[/IMG]

[IMG]http://www.3rb100.net[/IMG]

[IMG]http://www.3rb100.net[/IMG]

سادس محطه للقطار ادتبره (( ما مداني اصور لكم الاسم عدل لاني توني قاعده من النوم ولو تلاحظون المحطه الخامسه ما ادري شنو اهي كنت مكبره المخده ))

[IMG]http://www.3rb100.net[/IMG]

يا حلاتكم منتثرين مثل القطن ليتني معاكم طبعا هذي الصوره واحني بالطريق الى غلاسكو ووصلنا عقب تقريبا ثلث ساعه


يتبع

وعقب ما وصلنا رحنا على طول الفندق كان وايد قريب من المحطة واسمه جوري إن 3 نجوم حلو ومرتب ونظيف لاستقبال روعه طبعا وصلنا ما ندور إلا السراي نمنا لنا ساعة وبس كسر نعاس مثل ما يقولون ونزلنا عقب نكتشف المحيط اللي إحنا عايشين فيه كان يمنا بحيرة رئيسيه وكبيره وكانت دريشة الغرفة تطل عليها (( دريشه يعني نافذة يعني شباك )) لغير الناطقين بالكويتية هذي كانت على يمين الفندق على يسارها كانت محلات ودكاكين ومطاعم منها ماكدونالد ومحطة القطار الرئيسية بينها وبين الفندق شارع من اليسار وفيها كل شي المحطة وبخطرة الشارع بيتزا هت وكنتاكي طبعا ما يدينا لمحنا بيتزا هت إلى سباق لان بطونا قامت أتحمي الطير والعصافير بدت توصوص وعقب(( الغداعشا)) طلعنا ولا مدينة أشباح كل شي مصكر وتكرمون السكاره والمكارة بدو يطلعون مثل الخفافيش رجعنا الفندق وتعتمنا في غريفتنا لين الصبح

هذا الفندق

[IMG]http://www.3rb100.net[/IMG]

هذا طريق المحطه وتكون ورانا على طول مع ماكدونالد والبحيره امامنا وعلى يمينا مدخل السوق وبيتزا هت

[IMG]http://www.3rb100.net[/IMG]

هذي الغرفه السرير مريح ويخليك تنام غصبا عليك

[IMG]http://www.3rb100.net[/IMG]

وهذا جزء من الغرفه ويبدوا التلفاز للاسف ما في قنوات عربيه

[IMG]http://www.3rb100.net[/IMG]

هذي عدة تعديل المزاج للانطلاق

[IMG]http://www.3rb100.net[/IMG]

اكرمكم الله الحمام كبير ونظيف

[IMG]http://www.3rb100.net[/IMG]

هذي الصوره من الغرفه صورتها

[IMG]http://www.3rb100.net[/IMG]

هذي البحيره من الغرفه

[IMG]http://www.3rb100.net[/IMG]

[IMG]http://www.3rb100.net[/IMG]
هذي البحيره واحنا عندها

انتظروووووووووووووووووووووووووووووووووووو ثاني وثالث يوم في الحلقه القادمه

المشاركة الأصلية كتبت بواسطة bent_London
http://www.arabtravelersforum.com/tr...0/#post2403150

انتظروووووووووووووووووووووووووووووووووووو ثاني وثالث يوم في الحلقه القادمه






للاخر معك

تدللي

روووعه السفره عليج بالعافيه

يعطيج العافيه على الصور

ونتريا باقي التقرير