الموضوع: تقريري عن بريطانياتفضل

بسم الله الرحمن الرحيم

إخواني أعضاء منتدى العرب المسافرون
محد ينكر بان هذا الصرح الشامخ يعتبر مرجع للجميع وموقع من أثرى المواقع العربية اللي تزخر بالمعلومات السياحية...
أفادونا الأعضاء فيه بتجاربهم.. وحذرونا من الأخطاء اللي وقعوا فيها.. الله يوفقهم وين ماراحوا..ويكتب لهم السعادة وين ما كانوا..:36_3_11:

راح أكتب تقريري المتواضع على ثلاث مراحل ..
المرحلة الأولى بريطانيا(4 أسابيع)
السكن في برايتون مع زيارة لندن بين فترة وأخرى..
المرحلة الثانية فرنسا(باريس)3 أيام..
المرحلة الثالثة(إيطاليا: روما- ريتشوني-فينيسيا - ميلان)7 أيام..
وأتمنى انه يكون على الأقل لو جزء من الدين اتجاه هذا المنتدى وأعضائه..:36_3_15:

تقريري عن بريطانيا ما أقدر أسميه تقرير ولكن أقدر أسميه (تجربة) لعل أحد يستفيد منه واللي راح يكون على شكل حلقات لأني قاعد فيها شهر وصعبة اني اكتب كل يوم وش صار فيه خصوصا بأن بعض الأحداث قد تتكرر(إن ما كانت أغلبها)...
أما تقريري عن (باغي) وعن إيطاليا راح يكون يومي ...



طاقم الرحلة كانو 3 أشخاص



بدأنا ترتيب الرحلة تقريبا في بداية الفصل الدراسي الثاني ..
اجتمعنا في مطعم على شارع العليا العام في الرياض وأول سؤال انسأل كان وين نبي نسافر؟؟

كانت تدور في راسي فكرة اني أدرس لغة في الصيف ولاحظت ان الفكرة مشتركة بيننا..
حنا لغتنا حلوة بس قلنا خلنا نجرب الوضع منها نستفيد لو شوي في اللغة ومنها سياحة ومنها نعيش مع عائلة وناخذ تجربة..!!:biggrin:

عقبها سألت بعض اخوياي اللي قد درسوا لغة برا وكانت اختيارات دراسة اللغة بين بريطانيا وكندا..
اللي يمدح كندا واللي يمدح بريطانيا وكلن له وجهة نظر!
فضّلت بريطانيا على كندا لعدة اسباب اهمها ان بريطانيا اقرب..
ويوم فكرت فيها قلت اصلا انا منب رايح ادرس واكرف وانا توني طالع من اختبارات(توني مخلص ثالث جامعة)!!

صورة معبرة عن السنة اللي فاتت



يعني بالكثير راح اسجل 4 اسابيع في المعهد اللي راح ادرس فيه..
عشان كذا ما أحسها تسوى اني اروح لكندا وأصك مشوار عشان اربع اسابيع بس..!!
غير كذا أقدر اني اطلع من بريطانيا الى أي دولة اوروبية ثانية بدون ما أشيل هم المشوار ..:biggrin:

طيب وش هي المدن الاوروبية اللي ودي ازورها؟؟؟؟
طاح اختيارنا على حبيبة القلب (باغي)لمدة 3 أيام..
وعلى ايطاليا بمدنها المختلفة لمدة 7 أيام..
اخترت مدن كثيرة في ايطاليا(4مدن) مع ان المدة اللي راح اقعدها هي بس 7 ايام لاني احب اني اشوف اكبر عدد من المدن واهم المعالم في كل مدينة ومنب من النوع اللي لازم يطول في كل مدينة يقعد فيها ويلف كل شي زين ولاّ شين..

عقب ما قررت وتوكلت على ربي وضعت الخطة وهي بريطانيا وبعدها فرنسا وبعدها ايطاليا..
يعني ننزل من فوق الى تحت..


وسائل التنقل داخل اوروبا كانت :
من لندن الى باريس: كانت بالطيران الاقتصادي easy jet
ومن باريس الى روما: بالطيران الاقتصادي easy jet


http://www.easyjet.com

وداخل ايطاليا كانت بالقطار
(راح اكتب اسعار التذاكر وكل شي يتعلق بالتنقل في التقارير الجاية)


بعدها سألت اللي درسوا في بريطانيا عن احسن مدينة ..
قالوا لي اذا انت رايح ومنت حاط في بالك انك تدرس وتكرف رح لبرايتون لأن مشكلتها ان العرب فيها كثيرين..
قلت ماعندي مشكلة خصوصا انها مدينة سياحية وغير كذا قريبة من لندن يعني تقريبا ساعة بالقطار..

الخطوة اللي بعدها كانت اني كيف اختار المعهد
افضل المعاهد في برايتون كانت
Eurocenter
تبي موقعهم؟؟
http://www.eurocentres.com/en/
Embassy CES
تبي موقعهم؟؟
http://www.embassyces.com/english/
St.Giles International
تبي موقعهم؟؟
http://www.stgiles.co.uk/index.php
EF
تبي موقعهم؟؟
http://www.ef.com/
رحت لمكتب خدمات تعليمية عن طريق واحد قد تعامل معه
ونصحني بـ St.Giless International وهو اللي اخترناه
الـ EF أغلب الناس ما ينصحون فيه من الناحية التعليمية(المشكلة انه اختصار لـ Education First )
بس اللي لاحظته هناك انه معهد فلّه..:8888:
كل شوي يسوي لك رحلات وطلعات وزيارات ..
يعني كل ما أمشي أشوف قروب للمعهد ومعهم (guide ) سواء في لندن أو برايتون..

اخترت دراستي انها تكون من 7 جولاي الى 1 اوغست(4 أسابيع)
اما من 2 اوغست الى 12 اوغست فكانت بين ايطاليا وفرنسا(10 أيام)

وعلى هذا الاساس رحت ادور حجز طيران..
اخترت الخطوط السعودية وخط السير كان
الرياض-لندن-ميلان-الرياض
الذهاب 5 جولاي والعودة 12 اوغست
اخترت يوم السبت 5 جولاي (لازم اسافر قبل 7 جولاي اللي هو يوم بداية الدراسة)
ذاك اليوم كان فيه رحلتين وحدة الظهر(مباشرة من الرياض الى لندن)
ووحدة الليل اقلاعها كان الساعة 11:55 عن طريق الدمام..
واخترت هذي الرحلة لأن الرحلة الاولى اللي هي الظهر راح توصل في الليل ولازم اني آخذ الباص عقبها واطلع على برايتون .. والوضع بالليل صعب ..
اما لو رحت برحلة الليل راح اوصل الصبح والناس توها بادية دواماتها ويمدي ان الواحد يمشي اموره ان شاء الله..
مابغيت احجز قبل 5 جولاي لان أغلب العوائل تقبل انك تسكن عندها من قبل دراستك بيومين الى بعد دراستك بيومين وبعضهم بيوم ..
الحمد لله لقيت حجز بسهولة لأني حاجز بدري (تقريبا قبل رحلتي ب 4 شهور)

عقب ما حجزت برحلة الليل شريت التذاكر
كان سعر التذكرة 3270 ريال سعودي(الرياض-لندن-ميلان-الرياض)
اخذت هذا السعر بـ(low fare) لأني شريت التذاكر قبل السفر ب3 شهور تقريبا..
وهنا تجي فايدة التخطيط المبكر ..

بعدها اتفقنا مع المكتب ودفعناله..
نصيحة: 1-اذا انت ناوي تدرس لازم تخلص امورك من بدري عشان تلقى سكن تسكن فيه سواء عند عائلة او سكن طلاب
2- انصحك انك ما تروح لأي مكتب وخلص امورك بنفسك(بالنسبة لدراسة اللغة في فترة الصيف).
ولا أسهل منها لأن المكتب اللي تتعامل معه ياخذ عليك زيادة وبعض الأحيان ما ياخذ زيادة بس تصك مشاوير الدنيا عشان تخلص امورك..
انا رحت له تقريبا 10 مرات وكل مرة عشان شي
مرة عشان آخذ القبول والمرة الثانية عشان ارجع له ورقة القبول لان كان فيها خطأ وغيرها كثير وكثير..

كل اللي تبيه انك تعرف أي مدينة تبي تروح وعقبها تعرف اسم المعهد اللي تبيه(وكل هذي تقدر تسألها واحد جرب ودرس) وتدخل على موقعه في النت وتختار خياراتك اللي تبيها وتحط رقم الفيزا وكذا خلاص تكون خلصت(اغلب المعاهد تقدر تدفع لهم عن طريق النت)
واذا ما فهمت أي شي ارسل لهم ايميل
والمكاتب بعض الأحيان ما يهتمون للشروط اللي تعطيهم اياها عشان العائلة..!
يعني مثلا انا اشترطت ان يكون عندهم انترنت وبدون حيوانات وان نكون انا اخوياي قريبين من بعض(يحق لي أتشرط لأني حاجز بدري) ويوم عطيت المكتب هذي الشروط وجاه قبول العائلة عطاني الأوراق واخونا في الله ما قرا الأوراق ويوم رحت للبيت لقيت ان العائلة ما عندها نت وكل واحد منا بعيد عن الثاني ولقيت عندهم كلاب(الله يكرمكم)
يعني كل شي عكس اللي ابغاه..!!!:ranting2:
اما لو سويت امورك عن طريق النت يمديك تتفاهم معهم انت بنفسك عن طريق الايميل بدون القروشة ذي كلها..

وبرضوا اذا تعرف واحد في المدينة اللي تبي تروح لها خله يتفاهم مع المعهد مباشرة
(وهذي وجهة نظر شخصية)

اخذنا ورقة القبول من المكتب ورحنا نطلع الفيزا
وكتبت تجربتي يوم طلعت الفيزا على هذا الرابط
http://www.arabtravelersforum.com/travel187086/

الحين صارت الفيزا جاهزة واوراق المعهد جاهزة
لاحظ ان المعهد يرسلك القبول اول شي عشان تقدر تطلع فيزة طالب (اللي هو قبول الدراسة)
وعقبها يرسل لك قبول العائلة(يعطيك وصف عن العائلة وعنوانها)
قبل السفر بيوم اتصلت على العائلة وعلمتهم متى أبي أجي عشان يقعدون في البيت ويستنوني لأن في احتمال انهم ما يكونون في البيت

يوم السفر
قرب يوم السفر وبدأت الاستعدادات له ..
بديت أتقضى أول ما بدت العطلة وأكمل الناقص عشان ما انزنق بعدين
وجا يوم السفر ..
جلست على مكتبي اللي في الغرفة وقعدت افكر وش اللي ممكن احتاجه من صغير الى كبير..
وكل شي يخطر ببالي اكتبه ..



وكل ما قلت خلصت اروح ارتب الأشياء في الشنطة واكتشف اني ناسي شي وعلى طول اكتبه في الورقة قبل ما أحطه في الشنطة عشان تسهل على مراجعة الورقة قبل ما أصك الشنطة..

هذي صور أخذتها قاعد أجرب الكاميرا
:biggrin:






وهذي صورة تبين حوسة السفر!!!:biggrin:







طلعنا للمطار بين صلاة المغرب والعشا والحمد لله وصلنا بدري لان الطريق ما كان زحمة
وعقب ما وصلنا لمطارنا الحبيب قصينا البوردنج وحطينا العفش..
كنت متخوف من سالفة انهم يشيكون على اللاب توب اذا فيه برامج منسوخة ولا لا اذا وصلت هناك عشان كذا حطيته في الشنطة الكبيرة حقت العفش!
بس الحمد لله ما سألوا عنه
والأمور مشت بسرعة الحمد لله

عقبها نزلنا تحت وتعشينا في مطعم كودو حق المطار لأن ولا واحد فينا يحب أكل الطيارة بس الجوع يجبرك انك تغير فكرتك تماما..:frown:
الغريب الموضوع اني يوم قصيت البوردنج قال لي رح عند آخر كاونتر على اليمين ويوم رحت له طلب مني الجوازات و البوردنج وختم على البوردنج والى يومك ما ادري وش معنى هالختم ..!
الظاهر ان ما كنت واهم انه كان مكتوب عليه SPA بس منب متأكد..

ويوم جيت عند الجوازات وعطيته الجوازات والبوردنج سألني عن الختم وقلت له : علمي علمك والله..
قال لي: الظاهر انكم مراقبين (قالها بمزح)..
عطيته ذيك الابتسامة وقلت في نفسي(لعنبوا مزحك اللي تعرفه)..:ranting2:

المهم دخلنا والغريب في الموضوع اني كنت خرمان شاهي وكل ما اروح لكافيتيريا يقول لي ما عندي شاهي!!!بس مويه وعصيرات!!!
قلت شدعوة يبو!!!عقبها أخذت موية ودزيت!!!
البوابة على ما أذكر كان رقمها 24 دخلنا معها(احلف) وتوجهنا للطيارة..

اقلعت الطيارة في وقتها الحمد لله وتوجهنا للدمام ..
كانت مدة الرحلة ساعة تقريبا..
أقلعنا تقريبا الساعة 12 بالليل..
ووصلنا الدمام تقريبا الساعة 1 بالليل..



وصلنا الدمام وبدو الناس يركبون معنا..

أقلعنا من الدمام متوجهين للندن ..













كانت مدة الرحلة تقريبا ست ساعات وشي..
سألت المضيف عن LONDON CARD
لأن أنا ووجهي نسيت أسأله وقبل ما أوصل قلت له يالحبيب أبي كرت ..
مسوي انا اللي أبي أذكره..
قال لي يبو الشباب مخلصه!!!
وزعناها من زمان!!!
قلت له جب لي 3 الله لا يهينك:biggrin:
قال لي اللي عندنا كانت بالعدد وكل واحد أخذ وحدة
قلت له يعني وش بسوي فيها؟؟ آكلها مثلا؟؟:ranting2:
المهم راح وجاب لي ثلاث وقال هذا الموجود عندي
هذا الكرت يا طويل العمر الظاهر ان كل واحد مب اوروبي او امريكي(منب متأكد) لازم يعبيها
اذا وصلت راح تلقا كثير منها عند الجوازات(يعني لاتشيل هم اذا ما عطوك) بس فايدة انك تعبيها في الطيارة هي انك توفر وقت وما تعبيها هناك..

وصلنا لندن الساعة 7 وربع الصبح..
أول ما نزلنا ما غير نمشي مع هالعالم اللي تمشي ونتبع اللّوحات..
وصلنا للجوازات وكانت زحمة غير طبيعية ..:frown:
بس زحمتهم غير..
ايه والله غير..
خلال ربع ساعة واحنا خالصين امورنا و مختمين جوازاتنا..
طبعا لازم يسألك ليش أنت هنا وكم تبي تقعد ووين ساكن ومن هالأسئلة..
والأسئلة تختلف من شخص لآخر ..
يعني مثلا أنا سألني بس ليش جاي ووين راح تدرس بس..
أما واحد من أخوياي سأله كم تبي تقعد ووين ساكن ومن هالأسئلة ..

عقبها رحنا ناخذ الشنط ..
والحمد لله ما تأخرت..

الحين جا دور كيف اني اروح من لندن الى برايتون
كانت عندي 3 طرق:
1-بالتاكسي
2-بالقطار
3-بالباص

التاكسي ميزته انه سهل انك تاخذه وينزلك عند العائلة على طول بس مشكلته انه راح يضربك بالسعر..
سمعت انه من لندن الى برايتون راح ياخذ عليك تقريبا 100 باوند وفوق..
(لو يرجع بي الزمن رحت بالتاكسي لأننا 3 أشخاص ولو نتقاسمها راح تطلع علينا تقريبا بنفس سعر الباص وزيادة شوي، بس بيني وبينك الزيادة هذي ما تسوى على حساب راحتك)

القطار حلو بس لازم انك تطلع الى أي محطة قطار جوا لندن من عندها تاخذ قطار ثاني يوديك الى برايتون يعني راح تدفع تذكرتين وراح تشيل عفشك بين قطارين (يعني الزبدة انها حوسة)

اما بالباص قال لي عنه راعي المكتب اللي تعاملت معه عشان المعهد
اسم الشركة:National Express
تبي موقعهم؟؟
http://www.nationalexpress.com/كيف توصل لها؟؟
انا اول ما اخذت شنطتي قعد اشوف اللوح وادور Bus station ..
ويوم وصلت للصالة اللي قبل ما اطلع منها برا سألت واحد من اللي يشتغلون في المطار وقالي لي انزل من ذيك النزلة وشف اللوحات ..
المشوار أخذ منا تقريبا 10 دقايق الى ربع ساعة مشي بس الحمد لله وصلنا بدون ضيعة..
كل شي عندهم سهل ..
شف اللوحات ودربي راسك وراح توصل ..
ومن سأل ما ضاع!!
يوم وصلنا شريت لي تذكرة الى برايتون تقريبا سعرها كان 25 باوند عالواحد..
(قد قال لي واحد انك اذا شريت لك التذكرة من النت راح تطلع عليك أرخص بس صراحة ما حاولت)
طبعا يوم شريت التذكرة قالت لي باقي لك 5 دقايق والباص بيتحرك..
الباصات عندهم توقف على شكل خطوط بالطول وكل خط له رقم..
رحت ادور عالباص لقيتها بنت اللذين حاطه لي Bath مب Brighton :ranting2:
باث مدينة ثانية غير برايتون
المهم رحت لها وغيرت لي التذكرة الى برايتون ودفعت الفرق..
والباص اللي باقي له 5 دقايق قد مشى واللي عقبه يجي بعد ساعة الا ربع تقريبا..
المشكلة في الموضوع اني مكلم العائلة(عجوز) وقايل لهم اني راح اوصل الساعة 10 قريبا والباص الجاي يوصل تقريبا 9 ونص ومشوار الطريق يبيله ساعتين تقريبا..

قعدت اتصل عشان أقول لها اني أبي أتأخر الين ما انمسح اللون الأخضر حق زر السماعة الخضرا والعجووز ما ترد..!!
ركبنا الباص طبعا زي باصات النقل الجماعي (يعني بس مجرد تشبيه ولا أصلا ما في أمل تقارن بينهم):biggrin:
وسواق الباص هو اللي ياخذ شنطتك منك ويحطها مع الشنط تحت ..
الباص يمر على كم من نقطة قبل ما يوصل للمحطة حقتك ..
حنا من ضمن الأماكن اللي راح لها الباص مطار قاتويك وكم من مكان ما أذكر أسمائهم..

الباص نزلني في مكان اسمه Pool Valley
http://www.viamichelin.com/b2b2c/gbr...roductId=65964
المكان هذا قريب من البحر (تقريبا بينهم شارع) وهو مكان وصول أغلب الباصات الى برايتون والمكان اللي تطلع منه برضوا..
نزلت تقريبا الساعة 12
اول ما نزلنا من الباص الجو كان غيم ومطر و برررررررررررررررررررررررد ومطر والهوا قوي:mf_depres يعني بالعربي رحنا فيها حنا ووجيهنا، تي شيرت صيفي وما في شي لا تحته ولا فوقه..:ill_h4h:
وأول شي سويته اني فكيت الشنطة وطلعت البلوفر ولسا جمدان بعد..
عقبها أخذنا الشنط وعلى طول اقرب محطة تاكسي (جنب محطة الباصات على طول) واستنينا الين ما جانا الدور
ومن التاكسي على طول على العائلة
(طبعا زي ما قلت قبل شوي ان المعهد او المكتب اللي يتفق مع المعهد يعطيك من ضمن الأوراق ورقة قبول العائلة اللي فيها وصف بسيط عن العائلة وعنوانها وارقام تلفونها)
اول ما وصلت ونزلني التاكسي كانت حالي يرثى لها تقريبا 24 ساعة مواصل لاني ما نمت في الطيارة
والجو برد (يعني كملت)
واللي زاد الطين بلّه أني انصدمت اول ما وصلت عند الباب
ما كنت أتوقع ان البيت بهالحجم!!غرفة سواقنا أكبر منه!!
واللي صدمني أكثر وأكثر اني يوم وصلت عند الباب ألقى العجوز ملصقة لصقة مكتوب عليها ان الجرس خربان واذا تبي شي انت ووجهك طق الباب بقوة
طبعا أنا وقتها قلت: أيواااااااااااااااااااااااااااااااااااااا هذا اللي كان ناقصني..

يــــــــــــــــــــــــــتــــــــــــــــــــــ ــــــــبـــــــــــــــــــــــــــــــــــــع...

مواضيع عشوائيه ممكن تكون تعجبك اخترناها لك:

• المرجو المساعدة !!
• فنادق مانشستر وسكوتلند
• استفسار عن مدينة الضباب
• أرغب في المساعدة للذهاب الي ايرلندا
• ياليت تتفضلون علي وتختارون لي أفضل خمسة فنادق
• استفسار من عتاولت لندن
• برنامج سياحي من 6 أيام في لندن
• خبراء مدينة جلاسكو وباريس
• السلام عليكم احتاج الرد باسرع وقت
• استفسار عن فندق والمنطقة اللي فيه
• الاتنقال من لندن الى مدينة بورماوث؟
• اخواني و اخواتي الاعزاء فزعتكم
• مهم جداً، ياليت اللي راح بريطانيا قريب يرد علي
• استفسارات لأول زياره لي الى لندن
• عـــــــــــــاجل استفسار مهم
• عاااجل ابي رقم سواق
• افضل الفنادق في ايرلندا
• اللي راح بريطانيا وطالع بخصوص التاكس فري
• إستــفســار عن لندن بروح انا وابوي واخواني ماعرف
• فنادق قريبة من الهايد بارك وسط لندن

بداية قوية للتقرير ،، و باين عليه انه حلوو

قواك الله ،،

تقرير حلو متابع

بداية قوية

ماشاء الله تبارك الله

الحمد لله على سلامتك

و سلامة من معك

سوف يحفظ التقرير في المفضلة

بدون تردد

متابعينك عزيزي

بداية رائعة





الى الامااااااااااااااااااااام

Kuwaiti Londoner

عافاك ربي وحياك اخوي،،،

النمر.

تشرفني متابعتك لي أخوي النمر،،،

عساك عالقوة،،،

برشا @ برشا

أسعدتني بمروورك أخوي... وأحرجتني بكلماتك...

Italy

أسعدني اطراؤك اختي،،،

مكة

حياك أخوي،،،

بداية رااااائعه أخي دودي

كمل كمل كمل

انا متابع معاك للنهايه

تحياتي

السلام عليكم ورحمة الله وبركاته

مااااااااااااشاااااااااااااءالله تبارك الله ..

بدايه قويه وترتيب في سرد الموضوع أيدل على انك محترف الغالي ..

سجلنا من المتابعين الغالي ..

إذا عندكم سفره جايه وتبون حد ايشيل عنكم الشناط أنا جاهز بس ودوني معكم :8888:

باين عليه خوش تقرير كمل اخوي متابعينك بقوه

dude911
يسلممووووا
ومعاك متابع
ودمت بخير

JedYan

حياك أخوي وويشرفني مرورك..:smile:


ملاحظة بسيطة...
اسمي دود.. مب دودي..
:101:
تخبر اذا جيت تشوف فلم بعض الأحيان يقولون (hey DUDE) .
و راح تشوف بالترجمة تحت مكتوب (يا صاح)..

و(911) لأني أعشق فئة 911 بالبورش..

وحياك مرة ثانية..

القطري

شيخ البوابة وكبيرها...


شرفتني بمرورك العطر...

احمر وجهي من اطرائك...

يكفيني قراءتك لعنوان موضوعي...






إذا عندكم سفره جايه وتبون حد ايشيل عنكم الشناط أنا جاهز بس ودوني معكم



الشرف لي طال عمرك...

عنود الرفاع


الرباطي

حياكم الله...

دمتم بود...

لا وأزيدكم من الشعر بيت
قعدت أطق الين ما حسيت ان الباب يقول تكفى خلااااص والله مافي أحد بالبيت(لاحظوا ان الجو كان مطر بعد):ranting2:
خويي الثاني عائلته برضوا طلعت مب فيه وكان حاسب حساب الشي هذا لانه من الرياض يدق عليهم ولا يردون على التلفون..
فسوى حركة حلوة وهي انه قبل ما ينزل من التاكسي قال له ابي رقم الشركة عشان اذا بغيت تاكسي اتصل عليهم.. وعطاه الرقم..
أما خوينا الثالث راح عند عائلته وهذا قصته طويلة راح اتكلم عنها وعن عوائلنا بعد شوي...:biggrin:

المهم..

المطر ينزل.. والجو بارد.. وانا قاعد برى.. ولا في أحد في البيت..:ill_h4h:
والبيت بعيد عن كل شي.. و شنطتي ثقيلة..:sad1:
وقتها دقيت على خويي اللي عائلته ما ترد عالتلفون وقلت له سالفتي قال لي انا بعد محد في البيت!! بس تراني أخذت رقم شركة التاكسي، وش رايك؟؟وش نسوي؟؟قلت له رح لأقرب فندق وعطني اسمه وعطني رقم شركة التاكسي..
وكنت ناوي وقتها اني اروح للمعهد الصبح وعلى طول اغير العائلة..

دقيت عليهم وقلت لهم عنواني اللي مكتوب في الورقة ،قالو يبيله تقريبا 10 دقايق ..
قلت ماهيب مشكلة ، اللي قعّدنا ساعة الا ربع في المطر ليش ما يقعّدنا 10 دقايق..
النكتة في الموضوع انه بعد 5 دقايق وتجي العجوز هي وسيارتها اللي من قرن نوح ومعها عجوز ثانية كأنها طالعة من كهف..
يوم نزلت وأعطيها ذيك النظرة حسيت اني أنا خفت عاد كيف هي؟؟!!:thumbdown
قالت لي وقتها من زمان وانت هنا؟؟
قلت لها قولي قسم؟؟؟صار لي ساعة تحت المطر وكنتي في السوق انتي ووجهك؟؟(كانت نازلة ومعها أكياس الدنيا)
قالت انتظرتك ولا جيت!!
قلت لها وأنا بعد أتصل عليك ولا تردين!!
قالت ما جاني شي!!
قلت حصل خير..

المهم وفي هذي اللحظة ويجي التكسي ويوم شافنا عند الباب قال أحد طالب تكسي؟؟
نطت العجوز وقالت لايبو الشباب محد طلب!!:27:
نقزت في وجهها وقلت الا انا اللي طالبه..:2:
وعطيتها عذري بأن واحد من اخوياي عنده مشكلة وبروح اشوف وش قصته..

ركبت مع التاكسي ودقيت على خويي وأخذت منه اسم الفندق ودزيت له..
يوم وصلت له واخذنا ليلة بالفندق بـ 90 باوند مع الفطور والغرف اللي لا يوريكم ..:frown:
المهم.. حطونا في غرفة نافذتها مكسورة.. وملزقينها بلزّاق.. وأنواع الأصوات..:frown:
جيت بتلقف شوي وابي اضغط على اللزاق لقيت النافذة كلها تبي تطيح علي ..:shocking:
كلمنهاهم.. وجو شافو الوضع.. وغيروا لنا الغرفة ..

هذي صورة الفندق من برا..



وهذي بعض الصور من جوا..







هذي الصورة تحكي معاناتنا مع حمامات الانجليز..(الله يكرمكم)

المغسلة يا بارد... يا حار.. يعني ما في نص نص..!!!:idea:
كنا نستخدم الكاس اللي في نص الصورة اللي تحت عشان نخلط موية حارة مع باردة...!!!!!



نمنا تقريبا 4 ساعات مدري 5 ساعات وصحينا ..
خويي دق على العائلة وردوا أخيرا..
أنا قلت له ان شنطتي عند عائلتي ..
واتفقنا ان كل واحد يروح عند عائلته واننا نطلع من الفندق..
يعني كل جلستنا بالفندق تقريبا 5 ساعات..
وعقبها سويينا تشيك آوت ..
حتى هم استغربوا وقالوا في شي؟!؟!
قلنا لا ما حصل شي..

رحت لعجوز بليس ولقيت وحدة أسبانية عندها (ما تعرف الا يس ونو) ولقيتهم مسويين باستا...:222:
جربت آكل.. حاولت.. لقمة ثانية.. (الله يكرم النعمة)
حسّت العجوز أن الأكل ما جاز لي.. و سألتني وش تاكل بالعادة؟؟
قلت لها الله يخلي المندي والرز واللحم (خاصة اذا الرومانسية كان جنب بيتكم)..:15:
او فاست فود..
ناظرتني وقالت حبيب البي انا عادة ما أطبخ لحم!!!:55654:
قلت يا حبيبي!!!:shocking:
أجل وش تطبخين؟؟؟
قالت خضار وباستا و سلطة ومن هالأشياء...
قلت اها!! أجل هذا نظامك..

سألتها عندك نت طيب؟؟ قالت: لا!
قلت: وبعد ما عندك نت!!!:shocking:
وقتها أيقنت بان مالي قعدة عندهم..

الجو ذيك الليلة كان بارد مرة.. وغرفتي كانت باردة حتى والدرايش مسكرة..:ill_h4h:
قمت الصبح وعلمتني العجوز عالباص..
ركبت الباص وكانت قيمة التذكرة 1 باوند و20 بنس
(بس تراهم غلو الأسعار من 20 جولاي الى 1 باوند و30 بنسٍ عشان أسعار النفط ارتفعت)

يوم رحت للمعهد ودخلته استقبلونا ..
اول شي يسويه يسألك أنت طالب جديد؟؟
قلت له ايه
قال وش اسم عائلتك؟؟
قلت له: الــــــ.........
يوم يفتح لي ذيك الصفحة اللي فيها أسماء العوائل اللي تبدا بحرف ال A
اول صفحتين كلهم
Al-
Al-
Al-
.
.
.
.
.
.
.
.
.
.
.
وانت نازل الى بكرة
(يعني بالعربي كلهم خليجين لان عوائلهم تبدأ بـ الـ.....) :biggrin:

دخلت فصلي وكل شوي يدخلون ناس جدد..
اول ما دخلت شفت واحد الله يذكره بالخير يوم سالته من وين ؟طلع قطري
انسان حبوووب لأبعد درجة ..
نزلونا عقبها (بعد ما سوو لنا اختبار تحديد المستوى) عشان نلف عالمعهد واخذنا لفة عليه وطلعونا برا برضوا عشان يورونا برايتون وكنا أنا والقطري مع بعض.. شكله قد جا برايتون من قبل لأن واحنا نمشي كل شوي يعلمني على أماكن ويقول ذاك المطعم وذاك المحل ...الخ

وهذي صور للمعهد...











هذي صور للكافيتريا...











هذي صورة لغرفة الكمبيوتر اللي جنب الكافيتيريا...




يــــــتــــــــــبــــــع...

فوق الـ 310 مشاهدات و بس 19 رد!!!

توقعت في تفاعل!!

لايكون التقرير ما عجبكم!!

الردود قد تكون حافز...

بس برضو راح اكمل...

لعل أحد يستفيد...

Kuwaiti Londoner


من عيني اليمنى قبل اليسرى...

الحين بنزل تكملة..

اسلوبك راااااااائع وتفاصيل الرحلة اروع .....

اقتراح وسؤال

الاقتراح .. نزل التقرير كله مرة واحدة ياخي يجيني حالة قهر شديدة جدا .. اذا خلصت الحلقة

السؤال .. مافهمت ليه رحتوا للفندق ونمتوا .. ليه ما قلت لصاحبك يجي عندك والسلام .؟

في انتظار الحلقة القادمة

تقبل مروري بصدر رحب

Kuwaiti Londoner


من عيني اليمنى قبل اليسرى...

الحين بنزل تكملة..



تـسـلـم





شهالعايلة اللي قاعد عندهم ،، قوانينهم غريبة :tongue:
ولا انتو اللي تغسلون الصحون انا عايلتي كان عندهم غسالة صحون ،، و اهم مريحين روحهم
الحمد لله ان عايلتي ما كانوا جذي ،،، بس بعد قمت اخاف اذا قعدت عند عايلة مرة ثانية تكون عايلتي مو زينة


بالنسبة لبطاقة الطالب ،، ترى بطاقة المعهد العادية يرضون فيها بعض الاماكن ،، مثل السينما و بعد الاماكن السياحية مثل المتاحف ،، الا المحلات اللي اظن ما يقبلونها



بصراحة اسلوبك بالكتابة و ترتيب الموضوع رااائع
راح تفيد اعضاء وايدين بتقريرك
وااااااااصل

المشاركة الأصلية كتبت بواسطة DUDE911
http://www.arabtravelersforum.com/tr...7/#post2273137

فوق الـ 310 مشاهدات و بس 19 رد!!!

توقعت في تفاعل!!

لايكون التقرير ما عجبكم!!

الردود قد تكون حافز...

بس برضو راح اكمل...

لعل أحد يستفيد...



السلام عليكم

الغالي ولد الغالي ..

كيف حالك طال عمرك :24:

فيه كلمه دايماً أيرددها الدكتور عايض القرني وهي ( أعقلها وتوكل )

بمعنى سوا الي يرضيك ووصل المعلومه الي خاطرك اتوصلها ولاتنتظر شي من حد إلا رب العالمين:101:

وأستمر في نثر سحرك في التقرير وأحنا متابعينك بكل حرف اتخطه يمينك الغالي :24:

السلام عليكم .........

:101:


موضوع بطــل :24:

اوماا هالعجييز والله اني مت ضحك على غسالتها والتي في :109: كل شي عندها نقطه حتي هي شكلها نقطه :109: يازيين الوساع بس:101:

تقرير جدا راائئع ..

وبليز بطلب منك طلب ...

اذا عندك صور للهايد باارك بليز نزلهااا

وسلامتك ...........

أخ Dude911 جهد رائع وتقرير أروع
المنزل ضيق جدًا وكئيب
كيف تحملت هذا الوضع ؟
ما حاولت تغير العائلة ؟
يبدو أنك قنوع !!

Kuwaiti Londoner

هلا بك مرة ثانية أخوي






شهالعايلة اللي قاعد عندهم ،، قوانينهم غريبة
ولا انتو اللي تغسلون الصحون انا عايلتي كان عندهم غسالة صحون ،، و اهم مريحين روحهم
الحمد لله ان عايلتي ما كانوا جذي ،،، بس بعد قمت اخاف اذا قعدت عند عايلة مرة ثانية تكون عايلتي مو زينة



خخخخخخخ
مرة سألتني وقالت لي أخوياك يغسلوون الصحون؟؟(دايما أسولف لها عنهم و أقول لها اني بطلع معهم عشان كذا عرفتهم)
قلت لها: لاااااا(قلت لها وانا اناظرها واعطيها ابتسامة-يعني افهمي-)
بس بنت اللذين ما استحت ولا علّقت عالموضوع...






بالنسبة لبطاقة الطالب ،، ترى بطاقة المعهد العادية يرضون فيها بعض الاماكن ،، مثل السينما و بعد الاماكن السياحية مثل المتاحف ،، الا المحلات اللي اظن ما يقبلونها



صدقا... ما جربت ادخل سينما أو متاحف.. بسس جربتها في تذاكر القطار والباص وحتى في مترو لندن... ووكلهم ما قبلوا بطاقة المعهد

القطري






السلام عليكم

الغالي ولد الغالي ..

كيف حالك طال عمرك

فيه كلمه دايماً أيرددها الدكتور عايض القرني وهي ( أعقلها وتوكل )

بمعنى سوا الي يرضيك ووصل المعلومه الي خاطرك اتوصلها ولاتنتظر شي من حد إلا رب العالمين

وأستمر في نثر سحرك في التقرير وأحنا متابعينك بكل حرف اتخطه يمينك الغالي



أحرجتني طال عمرك...

انا ماستنى شي من أحد .. بس كنت ابي اشوف تعليق على الموضوع.. نقد..اطراء..عشان يحس الواحد انه سوا شي

كل حلقة تاخذ مني تقريبا 4 ساعات الى 5 ساعات (كتابة ووتعديل صور ورفعها وتنقيح الموضوع وترتيبه)

يعلم الله ان هدفي الأول والأخير انه يفيد من يمر عليه...



شاكر لك مروورك..

تدري الغالي !!

توني منتبه للصور !!

ليش البيت وسيع وااااااااجد :8888:

كان خذيت بيت أصغر من هذا بشوي

أذكر لما كنت عند العائله الأولى قلت لهم ابي أغير غرفتي لأنها صغيره وااااجد !!

فقالت ماعندي إلا هالغرفه والباقي كله فل ..

فقلت لها أسمحيلي ترا بغير العائله ..قالت من حقك لأنك دافع مصاري

فرحت المعهد وقلت لهم ابي عائله ثانيه على شرط اشوف مكاني قبل ماأسكن ؟

فقالي المعهد شوف هالعائله وهذا عنوانهم !

لما رحت وشفت الغرفه لقيتها وسيعه والمنظر من الدريشه حلو فسكنت عندهم

تدري الغالي !!

توني منتبه للصور !!

ليش البيت وسيع وااااااااجد

كان خذيت بيت أصغر من هذا بشوي

أذكر لما كنت عند العائله الأولى قلت لهم ابي أغير غرفتي لأنها صغيره وااااجد !!

فقالت ماعندي إلا هالغرفه والباقي كله فل ..

فقلت لها أسمحيلي ترا بغير العائله ..قالت من حقك لأنك دافع مصاري

فرحت المعهد وقلت لهم ابي عائله ثانيه على شرط اشوف مكاني قبل ماأسكن ؟

فقالي المعهد شوف هالعائله وهذا عنوانهم !

لما رحت وشفت الغرفه لقيتها وسيعه والمنظر من الدريشه حلو فسكنت عندهم



طريقتك حلووووة

بس الحمد لله كانت تجربة...
دمت بود يالغالي...

وهذا التلفزيون حقها.. يبغالك منظار عشان تشوف..




هههههههههههههههههههههههههههههههههههههههههههه فعلا شاهدت هالتلفزيون عندهم كثير واستغربت انه الى الحين عايش
حنا34 بوصه ونقول صغير موب عاجبنا

أخوي الغالي Dude911

تابعت تقريرك المميز والجميل ، وبانتظار التكملة

ياعزيزي أنا إن شاء الله طالع لبرايتون في نهاية شهر اكتوبر القادم ولمدة ثلاثة شهور تقريباً لدراسة اللغة، وش نصايحك لي عشان ابدأ اخطط واحجز من الآن

والله يعينك على اسئلتي ، بس بخليها قبل السفر بفترة قصيرة

سؤال : أنا مشغوف بمتابعة كرة القدم عن طريق قنوات ART ، كيف استطيع ان اشاهد قنوات ART عند العايلة ، اللي باخذه معي كرت اشتراك ART ، هل يشتغل عندهم مباشرة أم لا ، وهل العائلة تسمح بذلك أم لا ، وهل هو مجاناً أم بفلوس ، وهل يختلف من عائلة لعائلة ، أرجو الشرح بالتفصيل .

أرجو أن تتحملني أخي الغالي ومع شكري وتقديري لكم

اسلوبك راااااااائع وتفاصيل الرحلة اروع .....

اقتراح وسؤال

الاقتراح .. نزل التقرير كله مرة واحدة ياخي يجيني حالة قهر شديدة جدا .. اذا خلصت الحلقة

السؤال .. مافهمت ليه رحتوا للفندق ونمتوا .. ليه ما قلت لصاحبك يجي عندك والسلام .؟

في انتظار الحلقة القادمة

تقبل مروري بصدر رحب



هلا اخوي
حياك،،،
بالنسبة لاقتراحك.. صعبة.. الأفضل انها تنزل حلقات.. لاني اذا بغيت انزل الموضوع كامل راح يصير طويل و يزهّق..وأصلا صعبة علي لانه الحلقة الةحد تاخذ 4 الى 5 ساعات متواصلة فكيف اذا بغيت انزل الموضوع كامل؟؟؟

وبالنسبة لسؤالك..

أجيبه عندي؟!؟!؟ كان تطردني انا واياه..

دمت بود،،،

شي تقرير بنتظار الحلقة الجايه ...
بس شئ طيب منك اقتنعت بالعجوز يعني قريبه ماغيرت العائلة ؟؟

موضوووع كلمة رائع ومميز لا توفيه حقه ..
وصف دقيق .. واسلوب مميز ..
ومشكلتك عامة .. واتمنى ان يستفيد منها الذين بعدنا ..
وهو ان السكن دائماً يكون على عكس ما نرسمه في خيالنا .. ومشكلتنا ان ثقافتنا امريكية .. من خلال مشاهدة الأفلام والبرامج .. وامريكا عكس بريطانيا ..
جميع الذين درسوا في بريطانيا وفي كل التقارير والتجارب يقولون صُدمنا بالبيت والغرفه من حيث صغرها .. ومقدار الأكل الضئيل الذي يقدم .. والأنجليز معروفين بسوء مطبخهم .. وعلى حد علمي لم اسمع اكلة انجليزية مشهورة .. وانا اسميهم الشعب السائل .. فقط خمر وبيرة وشاي .. هو ما يشتهرون به
لجميع المقبلين توقعوا السيئ من هذه الناحية لكي لا تفاجؤا .. وهذه عادة البريطانيين .. ايش نسوي عاد

القصه مشوقه والوصف والسرد اكثر من رائع ... نحن بانتظار باقي الحلقات حاول ان النهايه يكون فيها اكشن :109:

تحياتي اخوك محمد (pa-77

هلا أخوي الشمالي...






--------------------------------------------------------------------------------

أخوي الغالي Dude911

تابعت تقريرك المميز والجميل ، وبانتظار التكملة

ياعزيزي أنا إن شاء الله طالع لبرايتون في نهاية شهر اكتوبر القادم ولمدة ثلاثة شهور تقريباً لدراسة اللغة، وش نصايحك لي عشان ابدأ اخطط واحجز من الآن

والله يعينك على اسئلتي ، بس بخليها قبل السفر بفترة قصيرة

سؤال : أنا مشغوف بمتابعة كرة القدم عن طريق قنوات ART ، كيف استطيع ان اشاهد قنوات ART عند العايلة ، اللي باخذه معي كرت اشتراك ART ، هل يشتغل عندهم مباشرة أم لا ، وهل العائلة تسمح بذلك أم لا ، وهل هو مجاناً أم بفلوس ، وهل يختلف من عائلة لعائلة ، أرجو الشرح بالتفصيل .

أرجو أن تتحملني أخي الغالي ومع شكري وتقديري لكم



بالنسبة للدراسة اذا تبي تدرس صح ما أنصحك ببرايتون..هذا أولاً

بالنسبة للكورة طال عمرك حنا بعد كنا نشوف مباريات هناك.. من ضمنها مباراة الهلال والانتر والمباراة اللي صارت بين الانتر واليووفي وميلان.. وغيرها
كنا نروح عند واحد مصري عنده اشتراك ART وكنا ندفع 3 باوند minimum charge يعني لازم تطلب عشان تشوف واقل حاجة 3 باوند

خذ راحتك بالأسئلة وأي سؤال أنا حاضر,,,

هلا أختي شعولة القلوب






شي تقرير بنتظار الحلقة الجايه ...
بس شئ طيب منك اقتنعت بالعجوز يعني قريبه ماغيرت العائلة ؟؟



شرفتي موضووعي...

أنا ما اقتنعت بالعجوز.. بس زي ما قلت اني أخاف يطلع لي أسوأ منها... وكل جلستي 4 أسابيع يعني أحسها ما تسوى..غير كذا انها كانت طيبة.. بس مشكلتها انها تبي كل شي صح .. غير البيت الصغير وان ما عندها نت...

دمت بوود،،،

ميرندا المدينة

صدقت...

وشرفني مرورك...

اخوي محمد (pa-77

أسعدني مرورك،،،

بالنسبة لخويي اللي سكن معي بالفندق أول يوم سكن عند عائلة في أطراف برايتون..
تبعد عن المعهد تقريبا نص ساعة بالباص واذا يبي يمشي يبغاله تقريبا ساعتين الى 3 ساعات!!!:110:
والباص يمر تقريبا كل نص ساعة الى ساعة كاملة!!!:110:
وزي ما قلت قبل للمكتب اني أبي نت وقريبين من بعض وماعندهم كلب، صار العكس في كل شي معه..
صار عندهم كلب وقطوة!!!!!! لا تسألني كيف يجتمعون!!:114:
وبعيد عن المعهد..!!
وما عنده نت..!!
أب و أم وبنت صغيرة عمرها 7 سنوات..
مشكلته ان بيته بعيد والباصات تتاخر عشان تمر من عند البيت أو للبيت وكان دايما يضطر ياخذ تاكسي والتكاسي زي مانتم عارفين تكسر الظهر..

هذي صور البيت من برا..



وهذي بعد..



هذي 3 صور للمطبخ...





الاب شكلة رايح فيها.. شف اللي عند الدريشة..



هذي صوورة لطاولة الطعام,...



وهذي صورتين للجلسة...





هذي صورتين للحمام (الله يكرمكم)...



وكالعادة.. واحد حار.. وواحد بارد..



هذي صورة كلبهم..(الله يكرمكم)

بصراحة انا مستغرب ان ليش ماخذين انطباع عن القسيس بأنه مو زين
و الله انا لو يقولولي ان الـhost مالي قسيس اتطمن





ساكن عند قسّيس والطالب اللي معه كاثوليكي!!



و يبقى احسن من ملحد و لا غيره من الديانات ،،،
عموما كل واحد و وجهة نظره


موقف الباص رااائع باللوحة الالكترونية ،، ياليت بلندن يسوون جذي ،، ناطر اللي تلاقي
البيت من بره حلوووو و الحديقة جميلة ،، بس من داخل مو ذاك الزود ،،، بس يبقى الانترنت يخلي كل شي يهون


يعطييك الف عافية ،،
و وااااااااصل

متابعينك لاخر لحظه ,, بس الله يعينكم على قذارتهم احنا نشوفهم بالشارع و ما نتحمل ريحتهم ,,

تقرير ولا احلى

وعجيب ومن المتابعات انتظر صور وسوالف
ههه


سؤال لو سمحت

المعهد الي درست فيه تنصح اني ادرس فيه
ادور على معهد ابي كورس لغة ل 16 اسبوع
وكورس لغة ادارة اعمال 8 اسابيع
مايقارب 4 شهو

و كم يكلف للمهد


بعد من خبرتك السكن اخذ مع عائلة واحد ل 4شهور او ان اقدر اختار لما اروح المعهد
وكم كلفك السكن بعد لاسبوع

مشكور وتقرير جد جد جد رائع

شكرا

المشاركة الأصلية كتبت بواسطة DUDE911
http://www.arabtravelersforum.com/tr...9/#post2278489

هلا أخوي الشمالي...



بالنسبة للدراسة اذا تبي تدرس صح ما أنصحك ببرايتون..هذا أولاً



ليه ماتنصحني ببرايتون ؟

أتمنى ذكر الأسباب ، وهل يوجد مدينة بديلة ؟






بالنسبة للكورة طال عمرك حنا بعد كنا نشوف مباريات هناك.. من ضمنها مباراة الهلال والانتر والمباراة اللي صارت بين الانتر واليووفي وميلان.. وغيرها
كنا نروح عند واحد مصري عنده اشتراك ART وكنا ندفع 3 باوند minimum charge يعني لازم تطلب عشان تشوف واقل حاجة 3 باوند



هل تستطيع إرسال رقم تلفون المصري عشان اذا رحت هناك اشوفها عنده ، او أسئلة عن طريق تركيب ART ?







خذ راحتك بالأسئلة وأي سؤال أنا حاضر,,,



الله يعطيك العافية وماقصرت ، وأكيد مالنا غناة عنك يالغالي

تحياتي لك

معليش نسيت أحط صورة للغرفة...
وهذي صور لها...



اللي يشوف البيت ما يتوقع ان الغرفة صغيرة جذي !
بس الزين ان الواحد ما يقعد بالغرفة مدة ،، انا كنت ما اروح لها الا وقت النوم ،،







المشاركة الأصلية كتبت بواسطة dude911
http://www.arabtravelersforum.com/tr...6/#post2279926

بخصوص النت ما أوافقك بالنقطة هذي.. بالعكس.. أغلب الطلاب اللي شفتهم هناك عندهم نت(كل ما أشوف واحد أسأله ، بشوف اذا هو فعلا شي طبيعي ولالا!) تقريبا ما في الا أنا وخويي!!



زين و الله اذا في برايتون اغلب العوايل عندهم نت
اما عندنا في يورك اغلب اللي اعرفهم ماكان عندهم ،،،

هلا عضى

بالنسبة للدراسة ما أنصحك ببرايتون...

كلها عرب...

اذا تبي تدرس صح ابعد عن برايتون...

أنا ما نصحوني فيها العالم دراسيا..بس قلت ابي اروح لها لاني رحت تقريبا سياحة..واللي يميزها انها قريبة من لندن..

وبالنسبة للسكن ب 119 باوند تقريبا (حسب اللي أذكره لأاني دافع بالريال وللمكتب) للاسبوع.. ادفعه كله واذا بغيت تغير تقدر تغير من هناك وتقدر اذا هونت ما تبي عائلة ترجع لك فلوسك...

الـشـمالـي






ليه ماتنصحني ببرايتون ؟

أتمنى ذكر الأسباب ، وهل يوجد مدينة بديلة ؟



كلها عرب وما راح تستفيد.. حتى لوو قلت ابي استفيد

بالنسبة للمدن البديلة ما أقدر أفيدك فيها..يمكن الأعضاء في بوابة دراسة اللغة يفيدونك...






هل تستطيع إرسال رقم تلفون المصري عشان اذا رحت هناك اشوفها عنده ، او أسئلة عن طريق تركيب art ?



ما عندي رقمه..لكن ووصفه سهل.. خل الشرشل مول على يسارك وامشي على طول وعد كنتاكي تقريبا 500 متر راح تشوفه على يسارك..

تقرير ممتاز يجعلك تعيش التجربه خطوة بخطوة بالتوفيق ان شاء الله

محرومه من السفر

أسعدني تواجدك أختي...

تقرير روعه ........ أتمنى كل تقارير الأعضاء تكون بنفس المستوى ......... الله يعطيك العافية ..... وبانتظار بقية الرحلة ........

salaam4

أسعدني مرورك أخوي

Travel addicted







معاناة الطلاب في الخارج لها بداية مالها نهاية خاصة في بريطانيا..

تقرير رائع بس ياليت ولا عليك امر تكثر من الصور لانها تتزود حلا التقرير ..

متااااااااااااااااااااابعة حتى النهاية



بالعكس أختي....مب معاناة...الا شي ودي انه يتكرر...بحلوه وبمره...


وبالنسبة للصور ابشري...

والله بيوت بريطانيا مره صغيرة الله يعيننا عليها ..

واااصل يالغلا متااابعينك تقرير رائع جداً افدتنا كثير الله يعافيك ..

اقول كيف البابيلون ياشباب بس

اقول كيف البابيلون ياشباب بس




^
^
^
^
^
^
^
^
^
^
:108:

انا جلست في برايتون خمس سنوات كل صيف من اوله الى اخره ثلاث اشهر كل سنة
اعرفها قرنة قرنة وزاوية زاوية ومافيه جحر الا دخلته
مافيه اسعد من ايام في حياتي مثل الحياة في برايتون
هدوء وناسها راقين ومو غالية بالنسبة لباقي المدن
وقريبة مرة من لندن
وفيها كللللل شيء
فعلا اتمنى اسكن فيها او على الاقل ازورها بشكل متكرر
والبابيلون مافيه احد الا مر عليه شرط اساسي

بالنسبة للشريحة الجوال..
السنة الماضية رحت لندن وشريت شريحة جوال ب 5 باوند من عند Vodafone



وكنت أشحنها كل شوي
وهالمرة برضو رحت وشريت شريحة من فودافون ب 5 باوند وفيها رصيد بقيمة 1 باوند وكنت أشحنها كل شوي، سعر الدقيقة من الساعة 7 ونص الصبح الى 7 ونص بالليل 30 بنس ، وأسوأ حاجة انهم يحسبون minimum charge بـ15 بنس!!!، لأنه مرات يكون ما في ارسال وعلى طول يحولك على البريد الصوتي واذا حولك على البريد الصوتي يحسبها لك مكالمة!!! ومن 7 ونص بالليل الى 7 ونص بالصبح يحسبون الدقيقة بـ 10 بنس!
واذا صرفت 5 باوند في الاسبوع يعطونك (فري ويكند free weekend) تقدر تكلم أي واحد تبيه بالمدة اللي تبيها مجانا من يوم الجمعة بعد الساعة 12 بالليل الى يوم الأحد قبل الساعة 12 بالليل بس لازم يكون في بريطانيا يعني ما يمديك تسوي فيها ذيب وتحاول تكلم دولي!!!



وهذي صورة تبينلك كم بقا لك عشان تاخذ فري ويكند



مرة من المرات كنت ابي أشحن جوالي وكنت في آخر اسبوع لي في بريطانيا، دخلت عليهم في المحل وقلت ابي شحن ب 5 باوند، قال لي: كم تستمر معك الخمسة باوند؟؟ (قاعد أقول في نفسي وش دخله عشان يسأل كم تستمر معي)
جاوبته: تقريبا من 5 أيام الى اسبوع
قال لي : يعني تقريبا أن تصرف 20 باوند بالشهر!
قلت له: ايه وأكثر بعد
قال لي طيب حنا أصلا عندنا عرض نعطيك 600 دقيقة مجانية و رسائل غير محدودة ب 20 باوند!!
والثانية يحسبونها بثانية
قلت له وش هالكلام!!!!!
وليه ما علمتني من بدري
أنا صار لي قاعد بس ثلاث أسابيع وصرفت تقريبا فوق الـ50 باوند!!! وكل مكالماتي ما تجاوزت ال500 دقيقة!!
ناظرني وضحك وقال أجل راحت عليك يا سلتوني(الأخيرة هذي من عندي لا أحد يصدق انه قالها)!!

في عندك عدة شركات جوال في بريطانيا ، ما أعرف أسماءها كلها بس أعرف بعضها ولكن فودافون أحسنهم إرسال، وأنصحك انك تاخذ العرض هذا ابو عشرين لانه صدقني راح تطير كل فلوسك خلال أول اسبوع بالجوالات لان أسعار المكالمات عندهم غااااية غير انهم يحسبونها بطريقة عجيبة...
الله يخلي شركة اللاتصالات ، الدقيقة بدقيقة والثانية بثانية...

هذا العرض صورته من المجلة حقت فودافون






واذا بغيت تكلم دولي أحسن طريقة انك تشتري كرت تلفون من أي بقالة وتكلم فيه.. وزي ما أنتم عارفين ان أي بطاقة لازم تتصل على رقم معين وبعدها تدخل الرقم السري.. نفس الطريقة في بريطانيا بس حط في حسابك انك اذا جيت تتصل من جوالك راح يحسبونها عليك مكالمة عادية.. عشان كذا احسن شي انك تتصل بعد 7 ونص بالليل أو انك تستنى الفري ويكند .

أول ويكند بغينا نروح لندن ورحنا شرينا تذكرة من محطة القطار في برايتون بـ 13 باوند للواحد روحة ورجعة في نفس اليوم بدون المترو اللي في لندن، وب15باوند و10 بنس مع المترو في لندن..
يعني تقريبا صار المجموع 45 باوند لثلاثة أشخاص..

عقبها سمعنا عن محل اسمه (One Stop Travel)



وهذ محل جنبه مدري وش دخله بالموضووع بس قلت بصوره!!



يقولون ان هذا عبارة عن زي السوبر ماركت أصحابه هنود ويبيع اكل حلال
وهو عبارة عن سلسلة محلات مب محل واحد

المهم...

وهذا عبارة عن محل يبيع لك تذاكر قطار أو باص أو طيارة ، يعني كل شي يتعلق بالتنقلات(زي المكتب السياحي تقريبا)، أنا شريت تذكرة الباص منه زي ما قلت بـ 50 باوند لمدة شهر...
الزبدة ان هذا المحل يعطيك دائما أسعار أرخص من أسعار محطة القطار ..
يعني مثلا يعطيك تذكر للشخص الواحد من برايتون الى لندن روحة ورجعة في نفس اليوم بـ 10 باوند!!( من محطة القطار بـ 13 باوند) وعندهم عرض انه اذا كنتم 4 وتسافرون مع بعض يعطيكم التذكرة بـ 20 باوند روحة ورجعة في نفس اليوم!! بس لازم تسافرون مع بعض لأنها تذكرة وحدة مكتوب عليها (لأربعة أشخاص) وتقدرون تسافرون اذا كنتم 3 بعد..
بس هذي الأسعار بدون المترو..
حنا صرنا نشتري المترو أول ما نوصل لندن ب 5 باوند و 30 بنس لمدة يوم كامل..
طبعا حنا ناخذ زون 1 و2 لأن أغلب الأماكن السياحية فيها..
المحطة الي نتوجه لها هي محطة فكتوريا ..
مرة كان واحد منا يبي يطلع لندن قبلنا واخذ تذكرة ذهاب بس ب 12 باوند !!!(من محطة القطار)
ويوم بغا يرجع برايتون من لندن شرا تذكرة الرجعة بـ 19 باوند!!!!!! يعني المجموع 31 باوند!!

وهذي صورة تذكرته حقت الرجعه بس بـ 19 بواند..!!



مشوار الطريق تقريبا من 50 دقيقة الى ساعة و 5 دقايق...

هذي صورة التذكرة اذا كنا أربعة (ذهاب وعودة في نفس اليوم)



وهذي اذا كنت شخص واحد



وهذي مقارنة بين التذكرتين...(لاحظ نفس التاريخ)

hi dude

ليش ما رحت eastbourne قدام برايتون اكيد سمعت فيهااااااااااا

من اجمل المناطق ذكرياااااات والله

وبنتظار التكمله بارك الله فيك

تقرير مفصل
وبلتوفيق ان شاء الله

انا اخوكم المسلم العربي وانا متزوج مواطنة بريطانية وهبتني حبها ونفسها تقربن لله تدرس اللغة العربية تعرفت على اخلقنا وعادتنا وديننا العظيم فاسلمت لله ونحن نحب بعضنا بالله بس اهلها طلبوا منها ترجع لبريطانية خوفان عليها وهي خلوقى وتحب اهلها وتحترمهم والحمد لله امها تعرفت على ديننا واخلاقنا وبدها تدخل للاسلام هذا من فضل الله عزوجل وطلبت مني اترك سورية ونسافر على بريطانية وهي الان ببريطانية وقدمنا طلب الفيزا على حسابها وفشل الطلب لاني فقير وما معي فلوس وما في لغة انجليزية للعمل وما في شهادة جامعية هيك التجى الى اخوتي واخواتي المسلمين والعرب يساعدوا القلبين الذين تحابى بالله يا اخوتي انا وزوجتي نموت لبعدنا عن بعضنا اذا حدا يساعدنا بالكفالة او يعرف احد ببريطانية يساعدنا يكفلني بالعمل او الفلوس او النصيحة جزاه الله خيرن وفرج الله عنه كرب الدنيا وكرب الاخرة وستر عرضه والف بينه وبين قلوب احبائه ورحم الله والديه وادخلهم فسيح جننانه وغفرله ما تقدم من ذنبه وما تاخر ورزقه الفردوس الاعلى مع الصدقين والصالحين والنبين يا اخوتي انتم اهل النخوة والشجاعة والاغاثة والكرم بارك الله فيكم قال رسول الله صلى الله عليه وعلى اله وصحبه وسلم الخير باقن بامتي الى يوم القيامة وما اقول الا وا الله وا الله وا الله وا مسلماه وين العرب يساعدو اخوهم للمساعدة الاتصال بالايميل mailto:[email protected]اخوكم المكروب الملتجى الى اخوته واذا بدكم ادلة على صدقي تاخذو وجزاكم الله حيرن: انا اكتب عن طريق العضو عندكم علي الادباشي جزاكم الله وجزاه الخير